20

തി​രു​വ​ന​ന്ത​പു​രം : ക​ഴി​ഞ്ഞ ആ​റു വ​ർ​ഷ​ത്തി​നി​ടെ ഇ​താ​ദ്യ​മാ​യി സി​പി​എം സം​സ്ഥാ​ന സെ​ക്ര​ട്ടേ​റി​യ​റ്റി​ൽ പാ​ർ​ട്ടി പോ​ളി​റ്റ്ബ്യൂ​റോ അം​ഗ​വും മു​ഖ്യ​മ​ന്ത്രി​യു​മാ​യ പി​ണ​റാ​യി വി​ജ​യ​നു രൂ​ക്ഷ വി​മ​ർ​ശ​നം. നി​യ​മ​സ​ഭാ തെ​ര​ഞ്ഞെ​ടു​പ്പി​ലെ ക​ന​ത്ത തോ​ൽ​വി​യ്ക്കു സ​ർ​ക്കാ​രി​നെ ന​യി​ച്ച മു​ഖ്യ​മ​ന്ത്രി പി​ണ​റാ​യി വി​ജ​യ​നും സി​പി​എം സം​സ്ഥാ​ന സെ​ക്ര​ട്ട​റി എം.​വി.​ഗോ​വി​ന്ദ​നും കാ​ര​ണ​ക്കാ​രാ​ണെ​ന്നാ​യി​രു​ന്നു സെ​ക്ര​ട്ടേ​റി​യ​റ്റി​ലെ പൊ​തു​വി​കാ​രം.

മു​ഖ്യ​മ​ന്ത്രി അ​ദ്ദേ​ഹ​ത്തി​ന്‍റെ വ​ഴി​ക്കു​പോ​യ​പ്പോ​ൾ മ​ന്ത്രി​മാ​ർ തോ​ന്നി​യ​തു​പോ​ലെ പ്ര​വ​ർ​ത്തി​ച്ചു. ആ​ർ​ക്കും ആ​രെ​യും നി​യ​ന്ത്രി​ക്കാ​നാ​യി​ല്ല. തോ​ൽ​വി​യി​ൽ കൂ​ട്ടു​ത്ത​ര​വാ​ദി​ത്തം പ​റ​ഞ്ഞു മു​ഖ്യ​മ​ന്ത്രി​ക്കും പാ​ർ​ട്ടി സെ​ക്ര​ട്ട​റി​ക്കും ഒ​ഴി​ഞ്ഞു​മാ​റാ​നാ​കി​ല്ലെ​ന്നും നേ​താ​ക്ക​ൾ സ്വ​യം തി​രു​ത്താ​ൻ ത​യാ​റാ​കാ​ത്ത​തു ക​മ്മ്യൂ​ണി​സ്റ്റു ബോ​ധം ന​ശി​ച്ച​തു​കൊ​ണ്ടാ​ണെ​ന്നും സെ​ക്ര​ട്ടേ​റി​യ​റ്റി​ൽ ക​ടു​ത്ത വി​മ​ർ​ശ​ന​മു​ണ്ടാ​യി.

തെ​ര​ഞ്ഞെ​ടു​പ്പി​ന്‍റെ ഭാ​ഗ​മാ​യി ന​ട​ന്ന എ​ല്ലാ പ്ര​വ​ർ​ത്ത​ന​ങ്ങ​ളും പാ​ളി​യെ​ന്ന​തി​ന്‍റെ സൂ​ച​ന​യാ​ണ് ഈ ​ക​ടു​ത്ത തോ​ൽ​വി. സ​ർ​ക്കാ​രി​ന്‍റെ നി​യ​ന്ത്ര​ണം പാ​ർ​ട്ടി​ക്കു​ണ്ടാ​യി​രു​ന്നി​ല്ല. പാ​ർ​ട്ടി സെ​ക്ര​ട്ടേ​റി​യ​റ്റി​ൽ നി​ര​വ​ധി ത​വ​ണ ഇ​ക്കാ​ര്യം ചൂ​ണ്ടി​ക്കാ​ണി​ച്ചി​ട്ടും സെ​ക്ര​ട്ട​റി​യോ മു​ഖ്യ​മ​ന്ത്രി​യോ അ​തി​ന്‍റെ ഗൗ​ര​വ​ത്തി​ൽ കൈ​കാ​ര്യം ചെ​യ്തി​ല്ല. മ​ന്ത്രി​മാ​ർ അ​വ​രു​ടെ വ​ഴി​ക്കും സ്റ്റാ​ഫു​ക​ൾ അ​വ​രു​ടെ വ​ഴി​ക്കും പ്ര​വ​ർ​ത്തി​ച്ചു.

മ​ന്ത്രി​മാ​രു​ടെ പ്ര​വ​ർ​ത്ത​നം പ​രി​ശോ​ധി​ക്കു​മെ​ന്നു പ​റ​ഞ്ഞ​ത​ല്ലാ​തെ തീ​രു​മാ​നം ന​ട​പ്പി​ലാ​ക്കാ​ൻ സം​സ്ഥാ​ന സെ​ക്ര​ട്ടേ​റി​യ​റ്റി​നു ക​ഴി​ഞ്ഞി​ല്ലെ​ന്നും സ്ഥാ​നാ​ർ​ഥി നി​ർ​ണ​യം അ​പ്പാ​ടെ പാ​ളി​യെ​ന്നും നേ​താ​ക്ക​ൾ വി​മ​ർ​ശ​നം ന​ട​ത്തി.

ക​ണ്ണൂ​രി​ൽ പ​യ്യ​ന്നൂ​രി​ലും ത​ളി​പ്പ​റ​ന്പി​ലും പാ​ർ​ട്ടി​ക്കേ​റ്റ തോ​ൽ​വി​യി​ൽ സ​മാ​ധാ​നം പ​റ​ഞ്ഞേ മ​തി​യാ​കൂ. പാ​ർ​ട്ടി അം​ഗ​ങ്ങ​ളു​ടെ​യും അ​വ​രു​ടെ കൂ​ടും​ബ​ത്തി​ന്‍റെ​യും വോ​ട്ടു​ക​ൾ ഈ ​ര​ണ്ടു മ​ണ്ഡ​ല​ങ്ങ​ളി​ലും എ​തി​രാ​ളി​ക​ൾ​ക്കു ല​ഭി​ച്ച​തി​ന്‍റെ പൂ​ർ​ണ ഉ​ത്ത​ര​വാ​ദി​ത്തം ക​ണ്ണൂ​രി​ലെ നേ​തൃ​ത്വ​ത്തി​നു മാ​ത്ര​മ​ല്ല പാ​ർ​ട്ടി സം​സ്ഥാ​ന നേ​തൃ​ത്വ​ത്തി​നു​മു​ണ്ട്.

ത​ളി​പ്പ​റ​ന്പി​ൽ ഭാ​ര്യ​യെ സ്ഥാ​നാ​ർ​ഥി​യാ​ക്കി​യ​തി​നു സോ​ഷ്യ​ൽ മീ​ഡ​യ​യി​ൽ ഉ​ൾ​പ്പെ​ടെ പാ​ർ​ട്ടി സം​സ്ഥാ​ന സെ​ക്ര​ട്ട​റി​ക്കെ​തി​രെ ഉ​ണ്ടാ​യ വി​മ​ർ​ശ​ന​വും ക​ളി​യാ​ക്ക​ലും ചോ​ദി​ച്ചു വാ​ങ്ങി​യ​തു പോ​ലെ​യാ​ണു തോ​ന്നി​യ​ത്. ഇ​ക്കാ​ര്യ​ത്തി​ൽ മു​തി​ർ​ന്ന നേ​താ​വു കൂ​ടി​യാ​യ മു​ഖ്യ​മ​ന്ത്രി കാ​ണി​ച്ച മൗ​നം ഗൗ​ര​വ​മു​ള്ള​താ​ണ്.

അ​ന്പ​ല​പ്പു​ഴ​യി​ൽ പാ​ർ​ട്ടി വി​ട്ട ജി.​സു​ധാ​ക​ര​ൻ വ​ലി​യ ഭൂ​രി​പ​ക്ഷ​ത്തി​ൽ ജ​യി​ച്ച​തി​ന്‍റെ ക്ഷീ​ണം അ​ടു​ത്തെ​ങ്ങും മാ​റി​ല്ലെ​ന്നും അ​വി​ടു​ത്തെ പ്ര​ശ്ന​ങ്ങ​ൾ​ക്കു കാ​ര​ണം പ​ക്വ​ത​യി​ല്ലാ​ത്ത ജി​ല്ലാ നേ​തൃ​ത്വ​മാ​ണെ​ന്നും വി​മ​ർ​ശ​ന​മു​ണ്ടാ​യി.പ്ര​തി​പ​ക്ഷ നേ​താ​വി​ന്‍റെ കാ​ര്യ​ത്തി​ൽ ഗൗ​ര​വ​മാ​യ പ​രി​ശോ​ധ​ന വേ​ണ​മെ​ന്ന അ​ഭി​പ്രാ​യ​മാ​ണു സെ​ക്ര​ട്ടേ​റി​യ​റ്റി​ൽ ഭൂ​രി​ഭാ​ഗം നേ​താ​ക്ക​ളും പ​ങ്കു​വ​ച്ച​ത്.

എ​ന്നാ​ൽ ഇ​ക്കാ​ര്യ​ത്തി​ൽ പാ​ർ​ട്ടി പോ​ളി​റ്റ്ബ്യൂ​റോ​യു​ടെ തീ​രു​മാ​നം കൂ​ടി വേ​ണ്ട​തി​നാ​ൽ ഇ​ന്ന​ലെ ചേ​ർ​ന്ന സം​സ്ഥാ​ന സെ​ക്ര​ട്ടേ​റി​യ​റ്റ് യോ​ഗം പ്ര​തി​പ​ക്ഷ നേ​താ​വി​നെ സം​ബ​ന്ധി​ച്ചു ച​ർ​ച്ച ചെ​യ്തി​ല്ല.

നേതൃത്വത്തിനെതിരേയുള്ള വിമർശനങ്ങൾ

കൂട്ടുത്തരവാദിത്വം: പരാജയത്തിന്‍റെ ഉത്തരവാദിത്വത്തിൽനിന്ന് മുഖ്യമന്ത്രിക്കും പാർട്ടി സെക്രട്ടറിക്കും ഒഴിഞ്ഞുമാറാനാവില്ലെന്ന് യോഗത്തിൽ അഭിപ്രായമുയർന്നു. കഴിഞ്ഞ ആറ് വർഷത്തിനിടെ ഇതാദ്യമായാണ് മുഖ്യമന്ത്രിക്കു നേരേ ഇത്രയും കടുത്ത വിമർശനം ഉയരുന്നത്.

നിയന്ത്രണമില്ലായ്മ: സർക്കാരിന്മേൽ പാർട്ടിക്ക് നിയന്ത്രണമില്ലായിരുന്നു. മന്ത്രിമാരും സ്റ്റാഫുകളും സ്വന്തം നിലയ്ക്ക് പ്രവർത്തിച്ചതും ഏകോപനമില്ലായ്മയും പരാജയത്തിനു കാരണമായി.

കമ്യൂണിസ്റ്റ് ബോധം: തെറ്റുകൾ തിരുത്താൻ നേതാക്കൾ തയാറാകാത്തത്
കമ്യൂണിസ്റ്റ് ബോധം നശിച്ചതുകൊണ്ടാണെന്നും സെക്രട്ടേറിയറ്റിൽ വിമർശനമുയർന്നു.

തെരഞ്ഞെടുപ്പ് പരാജയവും സ്ഥാനാർഥി നിർണയവും

കണ്ണൂരിലെ തിരിച്ചടി: പാർട്ടി കോട്ടകളായ പയ്യന്നൂരിലും തളിപ്പറമ്പിലും പരാജയപ്പെട്ടത് ഗൗരവതരമാണ്. പാർട്ടി കുടുംബങ്ങളുടെ വോട്ടുകൾ പോലും എതിരാളികൾക്ക് പോയത് നേതൃത്വത്തിന്‍റെ ഗുരുതര വീഴ്ചയായി കാണുന്നു.

തളിപ്പറമ്പിലെ സ്ഥാനാർഥിത്വം: സംസ്ഥാന സെക്രട്ടറിയുടെ ഭാര്യയെ തളിപ്പറമ്പിൽ സ്ഥാനാർഥിയാക്കിയത് സോഷ്യൽ മീഡിയയിൽ ഉൾപ്പെടെ പരിഹാസത്തിന് ഇടയാക്കിയെന്നും, ഈ വിഷയത്തിൽ മുഖ്യമന്ത്രി പുലർത്തിയ മൗനം ശരിയായില്ലെന്നും വിമർശനമുണ്ട്.

ജി. സുധാകരന്‍റെ വിജയം: പാർട്ടി വിട്ട ജി. സുധാകരൻ അമ്പലപ്പുഴയിൽ വലിയ ഭൂരിപക്ഷത്തിൽ വിജയിച്ചത് പാർട്ടിക്കുണ്ടാക്കിയ ക്ഷീണം വലുതാണ്.
ആലപ്പുഴയിലെ പക്വതയില്ലാത്ത ജില്ലാ നേതൃത്വമാണ് ഇതിനു കാരണമെന്നും യോഗം വിലയിരുത്തി.

Tags : State Secretariat CPM ministers own way Chief Minister