അ​റ്റ​കു​റ്റ​പ്പ​ണി ന​ട​ത്തി​യ പ്രി​മോ പൈ​പ്പി​ല്‍ വീ​ണ്ടും ചോ​ര്‍​ച്ച
Tuesday, March 19, 2024 5:33 AM IST
പേ​രൂ​ര്‍​ക്ക​ട: അ​റ്റ​കു​റ്റ​പ്പ​ണി ന​ട​ത്തി​യ പ്രി​മോ പൈ​പ്പി​ല്‍ വീ​ണ്ടും ചോ​ര്‍​ച്ച​യു​ണ്ടാ​യ​തോ​ടെ മു​ട്ട​ട മു​ത​ല്‍ മ​ണ്‍​വി​ള വ​രെ കു​ടി​വെ​ള്ളം മു​ട്ടു​മെ​ന്ന അ​വ​സ്ഥ. ര​ണ്ടു​ദി​വ​സം മു​മ്പാ​ണ് 900 എം​എം പ്രി​മോ പൈ​പ്പി​ന്‍റെ അ​റ്റ​കു​റ്റ​പ്പ​ണി വാ​ട്ട​ര്‍ അ​ഥോ​റി​റ്റി പൂ​ര്‍​ത്തീ​ക​രി​ച്ച​ത്.

ജെ​സി​ബി ഉ​പ​യോ​ഗി​ച്ച് കു​ഴി​ച്ച് ര​ണ്ടാ​ള്‍​താ​ഴ്ച​യി​ല്‍ മ​ണ്ണു​മാ​റ്റി​യാ​ണ് പ​ണി ആ​രം​ഭി​ച്ച​ത്. മ​ണ്‍​വി​ള​യി​ലേ​ക്കു പോ​കു​ന്ന പ്ര​ധാ​ന ലൈ​നി​ലാ​യി​രു​ന്നു അ​റ്റ​കു​റ്റ​പ്പ​ണി. പോ​ങ്ങു​മ്മൂ​ട് വാ​ട്ട​ര്‍ അ​ഥോ​റി​റ്റി​യു​ടെ നേ​തൃ​ത്വ​ത്തി​ലാ​യി​രു​ന്നു അ​റ്റ​കു​റ്റ​പ്പ​ണി ന​ട​ത്തി​യ​ത്.

എ​ന്നാ​ല്‍ ധൃ​തി​പി​ടി​ച്ച് പ​ണി പൂ​ര്‍​ത്തീ​ക​രി​ച്ചി​ട്ടും പൈ​പ്പി​ല്‍ ചോ​ര്‍​ച്ച ക​ണ്ടെ​ത്തു​ക​യാ​യി​രു​ന്നു. പ​ണി പൂ​ര്‍​ത്തി​യാ​ക്കി​യ​ശേ​ഷം ചു​റ്റു​വേ​ലി​യും സേ​ഫ്റ്റി കോ​ണു​ക​ളും വ​ച്ചി​രി​ക്കു​ന്ന​ത് റോ​ഡി​നു ന​ടു​വി​ലാ​ണ്.

തി​രു​വ​ന​ന്ത​പു​രം മെ​ഡി​ക്ക​ല്‍​കോ​ള​ജ് ആ​ശു​പ​ത്രി​യി​ലേ​ക്കു​ള്ള ആം​ബു​ല​ന്‍​സു​ക​ള്‍ ഉ​ള്‍​പ്പെ​ടെ നൂ​റു​ക​ണ​ക്കി​ന് വാ​ഹ​ന​ങ്ങ​ള്‍ സ​ഞ്ച​രി​ക്കു​ന്ന പ്ര​ധാ​ന റോ​ഡാ​ണ് ഇ​ത്. സ്വ​കാ​ര്യ ബ​സു​ക​ളും കെ​എ​സ്ആ​ര്‍​ടി​സി​യും ക​ട​ന്നു​പോ​കു​ന്ന ഇ​വി​ടെ രാ​വി​ലെ​യും വൈ​കു​ന്നേ​ര​വും വാ​ഹ​ന​ങ്ങ​ളു​ടെ നീ​ണ്ട നി​ര​യാ​ണ് അ​നു​ഭ​വ​പ്പെ​ടാ​റ്.

ഇ​തി​നി​ടെ​യാ​ണ് അ​റ്റ​കു​റ്റ​പ്പ​ണി ന​ട​ത്തി​യ പൈ​പ്പി​ലൂ​ടെ വീ​ണ്ടും ചോ​ർ​ച്ച​യു​ണ്ടാ​യ​ത്. സ​മാ​ന​മാ​യ അ​വ​സ്ഥ ഏ​ക​ദേ​ശം ഒ​രു​മാ​സം മു​മ്പ് അ​മ്പ​ല​മു​ക്ക് ജം​ഗ്ഷ​നി​ല്‍ ഉ​ണ്ടാ​യി​രു​ന്നു. അ​വി​ടെ​യും 900 എം​എം പ്രി​മോ പൈ​പ്പി​ലാ​യി​രു​ന്നു ചോ​ര്‍​ച്ച.

ശ​രി​യാ​യി പ​ണി ന​ട​ത്താ​തെ വ​ന്ന​തോ​ടെ ര​ണ്ടു​ദി​വ​സ​ത്തെ ഇ​ട​വേ​ള​യ്ക്കി​ടെ ഇ​വി​ടെ ര​ണ്ടു​ത​വ​ണ​യാ​ണ് അ​റ്റ​കു​റ്റ​പ്പ​ണി ന​ട​ത്തി​യ​ത്. മു​ട്ട​ട​യി​ല്‍ പൈ​പ്പ് ചോ​ര്‍​ച്ച ഉ​ണ്ടാ​യ​തോ​ടെ കു​ടി​വെ​ള്ളം മു​ട്ട​ലും ഗ​താ​ഗ​ത​ക്കു​രു​ക്കും ഉ​ണ്ടാ​കു​മെ​ന്ന് ഉ​റ​പ്പാ​യി​രി​ക്കു​ക​യാ​ണ്.

Copyright @ 2022 , Rashtra Deepika Ltd.