പൊ​ങ്കാ​ല... വി​വാ​ഹം... പ്ര​ചാ​ര​ണം പൊ​ടി​പൂ​രം
Tuesday, March 26, 2024 3:59 AM IST
സെ​ൽ​ഫി​യും ക്ഷേ​ത്ര ദ​ർ​ശ​ന​വു​മാ​യി ത​രൂ​ർ

ക്ഷേ​ത്രദ​ർ​ശ​നം നടത്തിയും വി​വാ​ഹ ച​ട​ങ്ങു​ക​ളി​ൽ പ​ങ്കെ​ടു​ത്തും യു​ഡി​എ​ഫ് സ്ഥാ​നാ​ർ​ഥി ഡോ. ശ​ശി​ ത​രൂ​ർ പ്ര​ചാ​ര​ണ രം​ഗ​ത്തു സ​ജീ​വ​ം. ഇ​ന്ന​ലെ ചെ​ന്പ​ഴ​ന്തി ക​ല്ല​ർ​ത്ത​ല ശ്രീ ​ബാ​ല​ഭ​ദ്രാ ദേ​വി ക്ഷേ​ത്ര​ത്തി​ൽ ദ​ർ​ശ​നം ന​ട​ത്തു​ക​യും പൊ​ങ്കാ​ല​യ്ക്കെ​ത്തി​യ​വ​ർ​ക്ക് ആ​ശം​സ​ക​ൾ നേ​രു​ക​യും ചെ​യ്തു. വെ​ങ്ങാ​ന്നൂ​രി​ലെ പൗ​ർ​ണ​മി​ക്കാ​വ് ക്ഷേ​ത്ര​ത്തി​ൽ ന​ട​ന്ന സ​മൂ​ഹവി​വാ​ഹ​ത്തി​ൽ പ​ങ്കെ​ടു​ക്കു​ക​യും അ​വി​ടെ കൂ​ടി​യ​വ​രോ​ടു വോ​ട്ട​ഭ്യ​ർ​ഥി​ക്കു​ക മാ​ത്ര​മ​ല്ല കൂ​ടെ ചേ​ർ​ന്നു സെ​ൽ​ഫി​യെ​ടു​ക്കു​ക​യും ചെ​യ്തു. വ​ഴു​ത​ക്കാ​ട് ട്രി​വാ​ൻ​ഡ്രം ക്ല​ബി​ൽ ന​ട​ന്ന വി​വാഹ ച​ട​ങ്ങി​ൽ പ​ങ്കെ​ടു​ത്തശേഷം ന​വ​ദ​ന്പ​തി​ക​ൾ​ക്കു ആ​ശം​സ​ക​ളും നേ​ർ​ന്നു. ക​ല്ലി​യൂ​രി​ലെ തെ​ര​ഞ്ഞെ​ടു​പ്പു ക​ണ്‍​വ​ൻ​ഷ​നി​ലും അ​ദ്ദേ​ഹം പ​ങ്കെ​ടു​ത്തു.

തൊ​ഴി​ലാ​ളി​ക​ൾ​ക്കൊ​പ്പം പ​ന്ന്യ​ൻ

ഇ​ന്ന​ലെ നെ​യ്യാ​റ്റി​ൻ​ക​ര മ​ണ്ഡ​ല​ത്തി​ലാ​യി​രു​ന്നു ഇ​ട​തു​മു​ന്ന​ണി സ്ഥാ​നാ​ർ​ഥി പ​ന്ന്യ​ൻ ര​വീ​ന്ദ്ര​ന്‍റെ പ​ര്യ​ട​നം. കു​ള​ത്തൂ​ർ ഗ​വ​ണ്‍​മെ​ന്‍റ് കോ​ള​ജ്, വി​ശ്വ​ഭാ​ര​തി സ്കൂ​ൾ, നെ​യ്യാ​റ്റി​ൻ​ക​ര താ​ലൂ​ക്ക് ആ​ശു​പ​ത്രി, നെ​യ്യാ​റ്റി​ൻ​ക​ര കോ​ട​തി, കേ​ര​ള ഓ​ട്ടോ​മൊ​ബൈ​ൽ​സ്്് എ​ന്നിവി​ട​ങ്ങ​ളി​ലെ​ത്തിയ സ്ഥാ​നാ​ർ​ഥി വോ​ട്ടു തേ​ടി. കോ​ട​തി​യി​ലെ​ത്തി​യ പ​ന്ന്യ​നെ അ​ഭി​ഭാ​ഷ​ക​ർ സ്വീ​ക​രി​ച്ചു. അ​വ​ർ​ക്കൊ​പ്പം ഫോ​ട്ടോ​യെ​ടു​ത്ത ശേ​ഷ​മാ​ണു സ്ഥാ​നാ​ർ​ഥി മ​ട​ങ്ങി​യ​ത്. കേ​ര​ള ഓട്ടോ​മൊ​ബൈ​ൽ​സി​ലെ തൊ​ഴി​ലാ​ളി​ക​ളു​ടെ പ​രാ​തി​ക​ൾകേ​ട്ട സ്ഥാ​നാ​ർ​ഥി ബ​ന്ധ​പ്പെ​ട്ട​വ​രോ​ട് കാ​ര്യ​ങ്ങ​ൾ തി​ര​ക്കാ​മെ​ന്നറിയിച്ച ശേഷമാണ് തിരിച്ചുപോയത്.

പൊ​ങ്കാ​ല​യും ഇ​ഫ്താ​ർ വി​രു​ന്നു​മാ​യി രാ​ജീ​വ് ച​ന്ദ്ര​ശേ​ഖ​ർ

മ​റ്റു ര​ണ്ടു സ്ഥാ​നാ​ർ​ഥി​ക​ളു​ടെ പ്ര​ചാ​ര​ണ​ത്തി​നു സ​മാ​ന​മാ​യി​രു​ന്നു എ​ൻ​ഡി​എ സ്ഥാ​നാ​ർ​ഥി രാ​ജീ​വ് ച​ന്ദ്ര​ശേ​ഖ​റി​ന്‍റെ ഇ​ന്ന​ല​ത്തെ തെ​ര​ഞ്ഞെ​ടു​പ്പു പ​രി​പാ​ടി. ആ​റ്റു​കാ​ൽ ക്ഷേ​ത്ര​ത്തി​ലെ വി​വാ​ഹ ച​ട​ങ്ങി​ൽ പ​ങ്കെ​ടു​ത്തു​കൊ​ണ്ടാ​ണു സ്ഥാ​നാ​ർ​ഥി പ​ര്യ​ട​നം ആ​രം​ഭി​ച്ച​ത്. തു​ട​ർ​ന്നു വ​ഴു​ത​ക്കാ​ട് സു​ബ്ര​ഹ്മ​ണ്യം ഹാ​ളി​ൽ ന​ട​ന്ന വി​വാ​ഹ ച​ട​ങ്ങി​ലും പ​ങ്കെ​ടു​ത്തു.

ബാ​ല​രാ​മ​പു​രം കോ​ട്ടു​ക​ൽ ക്ഷേ​ത്ര​ത്തി​ലെ പൊ​ങ്കാ​ല ച​ട​ങ്ങു​ക​ളി​ലും സ്ഥാ​നാ​ർ​ഥി പ​ങ്കെ​ടു​ത്തു. വെ​ങ്ങാ​ന്നൂ​രി​ലെ പൗ​ർ​ണ​മി​ക്കാ​വ് ക്ഷേ​ത്ര​ത്തി​ൽ ന​ട​ന്ന സ​മൂ​ഹ വി​വാ​ഹ​ത്തി​ൽ പ​ങ്കെ​ടു​ത്ത് വ​ധു​വ​രന്മാർ​ക്ക് ആ​ശം​സ​ക​ൾ നേ​ർ​ന്നു. കോ​വ​ള​ത്തെ ക​ല്ലി​യൂ​ർ ക്ഷേ​ത്ര​ത്തി​ലും രാ​ജീ​വെ​ത്തി. ഇ​തി​നി​ടെ പ​ട്ട​ത്തെ തെ​ര​ഞ്ഞെ​ടു​പ്പു മ​ണ്ഡ​ലം ക​മ്മി​റ്റി ഓ​ഫീ​സി​ന്‍റെ ഉ​ദ്ഘാ​ട​ന​ത്തി​ലും ന​ന്ദാ​വ​നം മു​സ്‌ലിം അ​സോ​സി​യേ​ഷ​ൻ ഹാ​ളി​ൽ ന​ട​ന്ന ഇ​ഫ്താ​ർ വി​രു​ന്നി​ലും സ്ഥാ​നാ​ർ​ഥി​യു​ടെ സാ​ന്നി​ധ്യം ഉ​ണ്ടാ​യി​രു​ന്നു.

ക​ണ്‍​വ​ൻ​ഷ​നും പാ​ർ​ട്ടി യോ​ഗ​ങ്ങ​ളു​മാ​യി അ​ടൂ​ർ പ്ര​കാ​ശ്

രാ​വി​ലെ വെ​ഞ്ഞാറമൂ​ടി​ൽ ന​ട​ന്ന ത​ലേ​ക്കു​ന്നി​ൽ ബ​ഷീ​ർ അ​നു​സ്മ​ര​ണ ച​ട​ങ്ങി​ൽ യു​ഡി​എ​ഫ് സ്ഥാ​നാ​ർ​ഥി അ​ടൂ​ർ പ്ര​കാ​ശ് പ​ങ്കെ​ടു​ത്തു. തു​ട​ർ​ന്ന് അ​ണ്ടൂ​ർ​കോ​ണം മ​ണ്ഡ​ലം ക​ണ്‍​വ​ൻ​ഷ​നി​ൽ പ​ങ്കെ​ടു​ത്തു. വ​ർ​ക്ക​ല മ​ണ്ഡ​ല​ത്തി​ലെ വി​വി​ധ പ്ര​ദേ​ശ​ങ്ങ​ളി​ലെ​ത്തി വോ​ട്ട​ർ​മാ​രെ കാ​ണു​ന്ന​തി​നാ​യി​രു​ന്നു ഇ​ന്ന​ലെ കൂ​ടു​ത​ൽ സ​മ​യ​വും സ്ഥാ​നാ​ർ​ഥി ചെ​ല​വ​ഴി​ച്ച​ത്. ക​ച്ച​വ​ട​ക്കാ​രെ​യും ചി​ല സ്ഥ​ല​ങ്ങ​ളി​ൽ കു​ടും​ബ​ശ്രീ പ്ര​വ​ർ​ത്ത​ക​രെ​യും അ​ദ്ദേ​ഹം ക​ണ്ടു. വ്യാ​പാ​രി​ക​ൾ ത​ങ്ങ​ൾ​ക്കു​ള്ള പ​രാ​തി​ക​ൾ എം​പി കൂ​ടി​യാ​യ അ​ദ്ദേ​ഹ​ത്തോ​ടു പ​ങ്കു​വ​ച്ചു.

രാ​ത്രി​യോ​ടെ തി​രു​വ​ന​ന്ത​പു​രം ഡി​സി​സി ഓ​ഫീ​സി​ലെ​ത്തി​യ അ​ടൂ​ർ പ്ര​കാ​ശ് നേ​താ​ക്ക​ൾ​ക്കൊ​പ്പം തെ​ര​ഞ്ഞെ​ടു​പ്പു പ്ര​വ​ർ​ത്ത​ന​ങ്ങ​ളെ സം​ബ​ന്ധി​ച്ചു ച​ർ​ച്ച ചെ​യ്തു.


"ജോ​യി​ഫു​ൾ കാന്പ​സു​'മാ​യി വി.​ജോ​യി


കാന്പ​സു​ക​ൾ കേ​ന്ദ്രീ​ക​രി​ച്ചാ​ണു ക​ഴി​ഞ്ഞ ദി​വ​സ​ങ്ങ​ളി​ൽ ഇ​ട​തു​മു​ന്ന​ണി സ്ഥാ​നാ​ർ​ഥി വി.​ ജോ​യി​യു​ടെ പ്ര​ചാ​ര​ണം. "ജോ​യി​ഫു​ൾ കാന്പ​സ്' എ​ന്നാ​ണു പ​രി​പാ​ടി​യു​ടെ ത​ല​ക്കെ​ട്ട്. ചി​റ​യി​ൻ​കീ​ഴ് മ​ണ്ഡ​ല​ത്തി​ലെ വി​വി​ധ കാന്പ​സു​ക​ളി​ലാ​യി​രു​ന്നു ഇ​ന്ന​ലെ പ്ര​ചാ​ര​ണം. തു​ന്പ സെ​ന്‍റ് സേ​വ്യേ​ഴ്സ് കോ​ള​ജ്, തോ​ന്ന​യ്ക്ക​ൽ എ.​ജെ.​ കോ​ള​ജ്, നെ​ടു​ങ്ക​ണ്ടം ബി​എ​ഡ് കോ​ള​ജ്, ചി​റ​യി​ൻ​കീ​ഴ് മു​സ്​ലി​യാ​ർ കോ​ള​ജ് എ​ന്നി​വി​ട​ങ്ങ​ളി​ൽ വി​ദ്യാ​ർ​ഥി​ക​ളു​മാ​യി സ്ഥാ​നാ​ർ​ഥി സം​വ​ദി​ച്ചെ​ന്നു മാ​ത്ര​മ​ല്ല ക​ഴി​ഞ്ഞ ദി​വ​സം ഡ​ൽ​ഹി ജെഎ​ൻ​യു കോ​ള​ജി​ലെ ഇ​ട​തു​പ​ക്ഷ​ത്തി​ന്‍റെ വി​ജയവും ജോ​യി ച​ർ​ച്ച​യാ​ക്കി.

ന​മ്മു​ടെ നാ​ട്ടി​ലെ വി​ദ്യാ​ർ​ഥി​ക​ളെ​ന്തി​നു വി​ദേ​ശ​ത്തും മ​റ്റു സം​സ്ഥാ​ന​ങ്ങ​ളി​ലും പോ​യി പ​ഠി​ക്കു​ന്നൂ​വെ​ന്ന മ​റുചോ​ദ്യം സ്ഥാ​നാ​ർ​ഥി​യെ അ​ൽ​പ​മൊ​ന്നു വി​ഷ​മ​ത്തി​ലാ​ക്കി. എ​ങ്കി​ലും എ​ല്ലാം ശ​രി​യാ​ക്കാം എ​ന്നു പു​ഞ്ചി​രി​യോ​ടെ ജോ​യി​യും ജോ​യി​യാ​യി മ​റു​പ​ടി ന​ൽ​കി.

പ​ദ​യാ​ത്ര​യും കോ​ള​നി സ​ന്ദ​ർ​ശ​ന​വു​മാ​യി വി.​മു​ര​ളീ​ധ​ര​ൻ

ക​ഴി​ഞ്ഞ പ​ത്തു​വ​ർ​ഷ​മാ​യി പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ന​ട​ത്തി​വ​രു​ന്ന വി​ക​സ​ന പ്ര​വ​ർ​ത്ത​ന​മാ​ണു ഇ​ന്ത്യ​യി​ലെ​ന്ന പോ​ലെ കേ​ര​ള​ത്തി​ലെ എ​ൻ​ഡി​എ സ്ഥാ​നാ​ർ​ഥി​ക​ളും മു​ഖ്യ പ്ര​ചാര​ണാ​യു​ധ​മാ​ക്കു​ന്ന​ത്. സ്ഥാ​നാ​ർ​ഥി​യും കേ​ന്ദ്ര മ​ന്ത്രി​യു​മാ​യ വി.​ മു​ര​ളീ​ധ​ര​ൻ കേ​ര​ള​ത്തി​നു മോ​ദി​യു​ടെ ഗാ​ര​ന്‍റി ത​ന്നെ​യാ​ണു മു​ഖ്യപ്ര​ചാ​ര​ണാ​യു​ധ​മാ​ക്കു​ന്ന​ത്.

ഇ​ന്ന​ലെ ആ​റ്റി​ങ്ങ​ൽ അ​മ​ർ​ജ​വാ​ൻ സ്മൃ​തി മ​ണ്ഡ​പ​ത്തി​ൽ പു​ഷ്പാ​ർ​ച്ച​ന ന​ട​ത്തി​യാ​ണു പ്ര​ചാ​ര​ണ​ത്തി​നു തു​ട​ക്കം കു​റി​ച്ച​ത്. തൊ​ട്ടു​പി​ന്നാ​ലെ കൊ​ട്ടി​ക്കോ​ട് കോ​ള​നി നി​വാ​സി​ക​ളെ സ​ന്ദ​ർ​ശി​ച്ചു. പി​ന്നീ​ട് ആ​റ്റി​ങ്ങ​ൽ കോ​ട​തി​യി​ലെ അ​ഭി​ഭാ​ഷ​ക​രു​മാ​യി കൂ​ടി​ക്കാ​ഴ്ച. സാ​യ്ഗ്രാ​മം കോ​ള​ജി​ലെ വി​ദ്യാ​ർ​ഥി​ക​ളു​മാ​യി വി​ക​സ​ന സം​വാ​ദം. ഒ​റ്റൂ​രി​ലും നാ​വാ​യി​ക്കു​ള​ത്തും പ​ദ​യാ​ത്ര. ഇ​ങ്ങ​നെ തു​ട​ർ​ന്നു പ്ര​ചാ​ര​ണം.

Copyright @ 2022 , Rashtra Deepika Ltd.