തിരുവനന്തപുരം: പെസഹ, ദുഃഖവെള്ളി, ഈസ്റ്റർ തിരുക്കർമ്മങ്ങൾക്കായി ദേവാലയങ്ങൾ ഒരുങ്ങി. വിവിധ ദേവാലയങ്ങളിൽ നാളെ നടക്കുന്ന പെസഹായുടെ ശുശ്രൂഷകളിൽ ആയിരക്കണക്കിനു വിശ്വാസികൾ പങ്കുചേരും. വിവിധ മതമേലധ്യക്ഷ ന്മാർ പ്രാർഥനാ ശുശ്രൂഷകൾക്കു കാർമികത്വം വഹിക്കും.
പട്ടം സെന്‍റ് മേരീസ് മേജർ ആർക്കി എപ്പാർക്കിയൽ കത്തീഡ്രലിൽ നാളെ രാവിലെ 7.30ന് പ്രഭാത നമസ്കാരം. എട്ടിന് വിശുദ്ധ കുർബാന. ഉച്ചകഴിഞ്ഞ് രണ്ടിനു പൊതു ആരാധനയും വിശുദ്ധ കുർബാനയുടെ ആരാധനയും ഉണ്ടാകും.
മൂന്നിന് ആരംഭിക്കുന്ന കാൽകഴുകൽ ശുശ്രൂഷയ്ക്ക് മലങ്കര കത്തോലിക്കാ സഭ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവ മുഖ്യകാർമികനാകും. തുടർന്ന് പെസഹാ കുർബാന. വെള്ളി രാവിലെ എട്ടിന് ദുഃഖവെള്ളിയുടെ ശുശ്രൂഷകൾ. ദുഃഖശനി രാവിലെ 6.15ന് പ്രഭാത നമസ്കാരം.
തുടർന്ന് പട്ടം ലിറ്റിൽ ഫ്ളവർ പഴയ പള്ളിയിൽ വിശുദ്ധ കുർബാന, സെമിത്തേരിയിൽ ധൂപ പ്രാർഥന എന്നിവയുണ്ടാ കും. ശനി വൈകുന്നേരം ഏഴിന് രാത്രി നമസ്കാരം, ഉയിർപ്പ് തിരുനാൾ ശുശ്രൂഷ, വിശുദ്ധ കുർബാന. ഈസ്റ്റർ ദിനത്തിൽ രാവിലെ 6.15ന് പ്രഭാത നമസ്കാരം തുടർന്ന് വിശുദ്ധ കുർബാന.
പാളയം സെന്‍റ് ജോസഫ്സ് കത്തീഡ്രലിൽ നാളെ വൈകുന്നേരം 5.30ന് തിരുവത്താഴ ദിവ്യബലി, കാൽകഴുകൾ ശുശ്രൂഷ, പൗരോഹിത്യ സ്ഥാപനം, പരിശുദ്ധ കുർബാന സ്ഥാപനം. മുഖ്യകാർമികൻ ആർച്ച് ബിഷപ് ഡോ. തോമസ് ജെ. നെറ്റോ. രാത്രി എട്ടു മുതൽ 12 വരെ ദിവ്യകാരുണ്യ ആരാധന. ദുഃഖവെള്ളി രാവിലെ ഏഴിനു സംയുക്ത കുരിശിന്‍റെ വഴി.
രാവിലെ ഒൻപത് മുതൽ മൂന്നു വരെ പരിശുദ്ധ ദിവ്യകാരുണ്യ ആരാധന. ഉച്ചകഴിഞ്ഞ് മൂന്നിന് പീഢാസഹന അനുസ്മരണം, ദൈവവചന പ്രഘോഷണം, കുരിശാരാധന, ദിവ്യകാരുണ്യ സ്വീകരണം, കുരിശിന്‍റെ വഴി. ശനി രാത്രി 10.30ന് ഉയിർപ്പിന്‍റെ തിരുക്കർമങ്ങൾ ആരംഭം. ഈസ്റ്റർ ദിനത്തിൽ രാവിലെ ഏഴിനും 8.45നും വൈകുന്നേരം അഞ്ചിനും ദിവ്യബലി.
പിഎംജി ലൂർദ് ഫൊറോന പള്ളിയിൽ നാളെ വൈകുന്നേരം 5.15ന് പെസഹാ തിരുകർമങ്ങൾ ആരംഭിക്കും. മുഖ്യകാർമികൻ ഫൊറോന വികാരി ഫാ. മോർളി കൈതപ്പറന്പിൽ. രാത്രി 7.15 മുതൽ എട്ടുവരെ പൊതു ആരാധന. ദുഖഃവെള്ളി രാവിലെ 6.30ന് സംയുക്ത കുരിശിന്‍റെ വഴി. രാവിലെ എട്ടു മുതൽ ഉച്ചകഴിഞ്ഞ് മൂന്നുവരെ ആരാധന.
ഉച്ചയ്ക്ക് 12ന് നേർച്ചകഞ്ഞി. മൂന്നിന് പീഢാനുഭവ വെള്ളി തിരുക്കർമങ്ങൾ. മുഖ്യകാർമികൻ ചങ്ങനാശേരി അതിരൂപത സഹായമെത്രാൻ മാർ തോമസ് തറയിൽ. നാലിന് ദേവാലയ അങ്കണത്തിൽ ആഘോഷപൂർവമായ കുരിശിന്‍റെ വഴി. ശനി രാവിലെ ആറിന് വലിയ ശനിയുടെ തിരുകർമങ്ങൾ ആരംഭിക്കും. ഈസ്റ്റർ ദിനത്തിൽ പുലർച്ചെ മൂന്നിന് ഉയിർപ്പിന്‍റെ ശുശ്രൂഷകൾ. മുഖ്യകാർമികൻ ഫാ. മോർളി കൈതപ്പറന്പിൽ, വചന സന്ദേശം ഫാ. സച്ചിൻ കുന്നത്ത്. രാവിലെ 5.45നും 7.30നും 9.15നും വിശുദ്ധ കുർബാന.
കോട്ടണ്ഹിൽ കാർമൽ ഹിൽ ആശ്രമ ദേവാലയ ത്തിൽ നാളെ രാവിലെ 6.30ന് പ്രഭാത പ്രാർഥന. വൈകുന്നേരം ആറിന് ആഘോഷമായ ദിവ്യബലി, കാൽകഴുകൽ ശുശ്രൂഷ, ദിവ്യകാരുണ്യ പ്രദക്ഷിണം, ആരാധന. ദുഖഃവെള്ളി രാവിലെ 6.30ന് പ്രഭാത പ്രാർഥന. വൈകുന്നേരം 4.30ന് ദൈവവചന പ്രഘോഷണം, ദിവ്യകാരുണ്യ സ്വീകരണം, കുരിശിന്‍റെ വഴി.
ശനി രാവിലെ 6.30ന് പ്രഭാത പ്രാർഥന. രാത്രി 11ന് ഈസ്റ്റർ തിരുക്കർമങ്ങൾ ആരംഭിക്കും. ഞായർ രാവിലെ 6.30നും 8.30നും 11നും (ഇംഗ്ലീഷ്) ഉച്ചകഴിഞ്ഞ് നാലിനും 5.30നും വിശുദ്ധ കുർബാനയുണ്ടാകും.
പാളയം സമാധാനരാജ്ഞി ബസിലിക്കയിൽ നാളെ രാവിലെ 6.30ന് പ്രഭാത നമസ്കാരം, വിശുദ്ധ കുർബാന. രാവിലെ ഒൻപതു മുതൽ വൈകുന്നേരം ആറുവരെ വിശുദ്ധ കുർബാനയുടെ ആരാധന. ദുഃഖവെള്ളി രാവിലെ ഏഴിനു സംയുക്ത കുരി ശിന്‍റെ വഴി. 8.30 മുതൽ ദുഃഖവെള്ളിയുടെ ശുശ്രൂഷകൾ. വൈകുന്നേരം ആറിന് സന്ധ്യാനമസ്കാരം. കബറിങ്കൽ ജാഗരണ പ്രാർഥന. ശനി രാവിലെ ആറിന് പ്രഭാത നമസ്കാരം, വിശുദ്ധ കുർബാന. വൈകുന്നേരം ഏഴു മുതൽ ഉയിർപ്പിന്‍റെ ശുശ്രൂഷകൾ.
പോങ്ങുംമൂട് വിശുദ്ധ അൽഫോൻസാ പള്ളിയിൽ നാളെ വൈകുന്നേരം അഞ്ചിന് പെസഹായുടെ തിരുക്കർമങ്ങൾ. ആഘോഷമായ വിശുദ്ധ കുർബാന, കാൽകഴുകൾ ശുശ്രൂഷ. ദുഖഃവെള്ളി രാവിലെ ആറു മുതൽ ഉച്ചകഴിഞ്ഞ് 2.45 വരെ പരിശുദ്ധ കുർബാനയുടെ ആരാധന. ഉച്ചകഴിഞ്ഞ് 2.45 മുതൽ നാലുവരെ പീഢാനുഭവ ധ്യാനം, ആരാധന. ടി. ദേവപ്രസാദ് നയിക്കുന്നു.
നാലിന് കുരിശിന്‍റെ വഴി. 5.30ന് പീഢാനുഭവ വെള്ളി തിരുക്കർമങ്ങൾ. പീഢാനുഭവ പ്രസംഗം ഇടവക വികാരി ഫാ. മോബൻ ചൂരവടി. ശനി രാവിലെ 6.20ന് വിശുദ്ധ കുർബാനയും വലിയ ശനിയുടെ ശുശ്രൂഷകളും. ഉയിർപ്പിന്‍റെ തിരുക്കർമങ്ങൾ ശനിയാഴ്ച രാത്രി 10ന് ആരംഭിക്കും. ഞായർ രാവിലെ 6.30നും വിശുദ്ധ കുർബാനയുണ്ടാകും.
പേരൂർക്കട ലൂർദ് ഹിൽ ദേവാലയത്തിൽ നാളെ വൈകുന്നേരം 5.30ന് വിശുദ്ധ കുർബാന, കാൽകഴുകൾ ശുശ്രൂഷ, പൊതു ആരാധന. ദുഃഖവെള്ളി രാവിലെ 8.30 മുതൽ പൊതു ആരാധന. 12.30ന് നേർച്ചക്കഞ്ഞി. 2.30ന് കുരിശിന്‍റെ വഴി, തുടർന്ന് പീഢാനുഭവ തിരുക്കർമങ്ങൾ. ശനി രാവിലെ 6.30ന് പ്രഭാത പ്രാർഥന, വിശുദ്ധ കുർബാന. ഈസ്റ്റർ തിരുക്കർമങ്ങൾ ഞായർ പുലർച്ചെ മൂന്നിന് ആരംഭിക്കും. രാവിലെ 6.30ന് വിശുദ്ധ കുർബാന.
വട്ടിയൂർക്കാവ് എസ്എഫ്എസ് പള്ളിയിൽ നാളെ വൈകുന്നേരം അഞ്ചിന് പെസഹായുടെ തിരുക്കർമങ്ങൾ ആരംഭിക്കും. ദുഖഃവെള്ളി രാവിലെ ആറിന് സംയുക്ത കുരിശിന്‍റെ വഴി. വട്ടിയൂർക്കാവ് ലിറ്റിൽ ഫ്ളവർ പള്ളി മുതൽ കാഞ്ഞിരംപാറ സെന്‍റ് ആന്‍റണീസ് മലങ്കര പള്ളി വരെ. ശനി രാവിലെ 6.30ന് വലിയ ശനിയുടെ തിരുകർമങ്ങൾ. പുത്തൻ തീ, പുത്തൻ വെള്ളം എന്നിവയുടെ വെഞ്ചരിപ്പ്. ഉയർപ്പിന്‍റെ ശുശ്രൂഷകൾ ശനി രാത്രി 10.30ന് ആരംഭിക്കും. ഈസ്റ്റർ ഞായർ രാവിലെ എട്ടിന് വിശുദ്ധ കുർബാന.
ശ്രീകാര്യം എമ്മാവൂസ് പള്ളിയിൽ നാളെ വൈകുന്നേരം 6.30ന് പെസഹാ വ്യാഴത്തിന്‍റെ ശുശ്രൂഷകൾ ആരംഭിക്കും. ദുഖഃവെള്ളി രാവിലെ 6.30 മുതൽ ഉച്ചയ്ക്ക് ഒന്നു വരെ ആരാധന. ഒന്നു മുതൽ രണ്ടുവരെ പൊതു ആരാധന. രണ്ടു മുതൽ മൂന്നുവരെ പാന വായന. മൂന്നിന് പീഢാനുഭവ കർമങ്ങൾ, കുരിശിന്‍റെ വഴി. ആശിർവാദം, നേർച്ചക്കഞ്ഞി. ശനി രാവിലെ 6.30ന് ദുഃഖശനിയുടെ തിരുക്കർമങ്ങൾ. ഈസ്റ്ററിനോടനുബന്ധിച്ചുള്ള വിശുദ്ധ കുർബാന ഞായർ പുലർച്ചെ നാലിന്. രാവിലെ 6.30നും 9.45നും വിശുദ്ധ കുർബാന.
സ്പെൻസർ ജംഗ്ഷൻ സെന്‍റ് ജോർജ് ഓർത്തഡോക്സ് സിറിയൻ കത്തീഡ്രൽ ദേവാലയത്തിൽ നാളെ രാവിലെ മൂന്നിന് രാത്രി നമസ്കാരം, പ്രഭാത നമസ്കാരം, വിശുദ്ധ കുർബാന. ഉച്ചയ്ക്ക് 12ന് ഉച്ചനമസ്കാരം. വെള്ളി രാവിലെ 7.30ന് പ്രഭാത നമസ്കാരം, ഉച്ചനമസ്കാരം, ധ്യാന പ്രസംഗം. ശനി രാവിലെ ആറിന് രാത്രി നമസ്കാരം. ഒൻപതിന് പ്രഭാത നമസ്കാരം. 10ന് വിശുദ്ധ കുർബാന. ഞായർ രാവിലെ മൂന്നിന് രാത്രി നമസ്കാരം ഉയിർപ്പ് പ്രഖ്യാപനം, പ്രഭാത നമസ്കാരം, വിശുദ്ധ കുർബാന.
കണ്ണമ്മൂല വിശുദ്ധ മദർ തെരേസ പള്ളിയിൽ നാളെ വൈകുന്നേരം അഞ്ചിന് ആഘോഷമായ വിശുദ്ധ കുർബാന. കാൽകഴുകൾ ശുശ്രൂഷ, തിരുമണിക്കൂർ ആരാധന. വെള്ളി രാവിലെ ഏഴു മുതൽ ആരാധന. ഉച്ചയ്ക്ക് 12.30ന് പാന വായന, നേർച്ച കഞ്ഞി. 1.30ന് ആഘോഷമായ കുരിശിന്‍റെ വഴി. 2.30ന് പൊതുആരാധന. ശനി രാവിലെ 6.30ന് ആഘോഷമായ വിശുദ്ധ കുർബാന. ഈസ്റ്റർ ദിനത്തിൽ രാവിലെ മൂന്നിന് ആഘോഷമായ വിശുദ്ധ കുർബാന. ഉയിർപ്പ് തിരുക്കർമങ്ങൾ. രാവിലെ ഏഴിന് വിശുദ്ധ കുർബാന.