പുനലൂർ :മലങ്കര സുറിയാനി കത്തോലിക്കാ ദൈവാലയത്തിൽ (കുന്നേൽ പളളിയിൽ ) വിശുദ്ധ യൗസേഫിന്റെ തിരുനാളിന് തുടക്കമായി. മെയ് ഒന്നിന് സമാപിക്കും. 27 ന് വൈകുന്നേരം 5.45ന് സന്ധ്യാപ്രാർഥന ,6.30ന് വിശുദ്ധ കുർബാനയ്ക്ക് ഫാ.ജോസഫ് വെണ്മാനത്ത് മുഖ്യകാർമികത്വം വഹിക്കും. തുടർന്ന് ഫാ.ജിനോ പുന്നമറ്റത്തിൽ സുവിശേഷ പ്രഘോഷണത്തിന് നേതൃത്വം നൽകും. 28 ന് വൈകുന്നേരം 5.45ന് സന്ധ്യാപ്രാർഥന ,ആറിന് വിശുദ്ധ കുർബാനയ്ക്ക് ഫാ.സിറിൾ മാവിനരികത്ത് മുഖ്യകാർമികത്വം വഹിക്കും. തുടർന്ന് സുവിശേഷ പ്രഘോഷണം .
29 ന് വൈകുന്നേരം സന്ധ്യാപ്രാർഥന , വിശുദ്ധ കുർബാന ,സുവിശേഷ പ്രഘോഷണം .30 ന് ഉച്ച കഴിഞ്ഞ് 3.30ന് സൺഡേ സ്കൂൾ ഭക്തസംഘടനകളുടെ വാർഷികം ,സമ്മാനദാനം ,വൈകുന്നേരം 5.45ന് സന്ധ്യാ പ്രാർഥന ,വിശുദ്ധ കുർബാന ,രാത്രി ഏഴിന് ആഘോഷമായ റാസയ്ക്ക് ചെണ്ടമേളം ,ബാന്റുമേളം ,നിശ്ചല ദൃശ്യങ്ങൾ , മുത്തുക്കുടകൾ എന്നിവ അകമ്പടി സേവിക്കും.
ദൈവാലയത്തിൽ നിന്നാരംഭിച്ച് കെഎസ്ആർടിസി ജംഗ്ഷൻ ,നെല്ലിപ്പള്ളി , തിരുഹൃദയ ദൈവാലയം വഴി കുന്നേൽ പള്ളിയിൽ സമാപിക്കും.
തുടർന്ന് ആകാശക്കാഴ്ച . സമാപന ദിവസമായ മെയ് ഒന്നിന് രാവിലെ 7.30 ന് പ്രഭാത പ്രാർഥന ,എട്ടിന് ആഘോഷമായ വിശുദ്ധ കുർബാന ,10.30 ന് നേർച്ചവിളമ്പ് , കൊടിയിറക്ക് , വൈകുന്നേരം 6.30ന് ദൈവാലയ ഓഡിറ്റോറിയത്തിൽ ബൈബിൾ നാടകം എന്നിവയും ഉണ്ടായിരിക്കുമെന്ന് ജില്ലാ വികാരിയും ഇടവക വികാരിയുമായ ഫാ.ഡോ.ജോൺ.സി.സി .അറിയിച്ചു.