അരുവിത്തുറ: പ്രസിദ്ധ തീർഥാടന കേന്ദ്രമായ അരുവിത്തുറ സെന്‍റ് ജോർജ് ഫൊറോന പള്ളിയിൽ വിശുദ്ധ ഗീവർഗീസ് സഹദായുടെ തിരുനാളിന് ഒരുക്കമായുള്ള നൊവേന തുടങ്ങി. 21 വരെ ദിവസവും രാവിലെ 5.30നും 6.30നും 7.30നും രാത്രി ഏഴിനും വിശുദ്ധ കുർബാന, നൊവേന.
22നു രാവിലെ 5.30നും 6.45നും 8.00നും 9.30നും 11.00നും വൈകുന്നേരം നാലിനും വിശുദ്ധ കുർബാന, നൊവേന. വൈകുന്നേരം നാലിനുള്ള വിശുദ്ധ കുർബാനയ്ക്കുശേഷം കൊടിയേറ്റ്. വികാരി ഫാ. സെബാസ്റ്റ്യൻ വെട്ടുകല്ലേൽ കൊടിയേറ്റുകർമം നിർവഹിക്കും. ആറിനു പുറത്തുനമസ്കാരം. 6.30ന് 101 പൊൻകുരിശുകളുമായി നഗര പ്രദക്ഷിണം.രാത്രി ഒന്പതിന് സുവിശേഷ കീർത്തനം.
23ന് രാവിലെ 5.30നും 6.45നും എട്ടിനും വിശുദ്ധ കുർബാന, നൊവേന. 9.30ന് തിരുസ്വരൂപ പ്രതിഷ്ഠ. 10ന് ബിഷപ് മാർ ജോസഫ് കല്ലറങ്ങാട്ട് സുറിയാനി കുർബാന അർപ്പിച്ച് സന്ദേശം നൽകും. തുടർന്ന് 12 നും 1.30നും 2.45നും വിശുദ്ധ കുർബാന. 4.30ന് സീറോ മലബാർസഭ കൂരിയ ബിഷപ് മാർ സെബാസ്റ്റ്യൻ വാണിയപ്പുരയ്ക്കൽ വിശുദ്ധ കുർബാന അർപ്പിക്കും. തുടർന്ന് തിരുനാൾ പ്രദക്ഷിണം.
പ്രധാന തിരുനാൾ ദിനമായ 24ന് 10.30ന് കർദിനാൾ മാർ ജോർജ് ആലഞ്ചേരിയുടെ മുഖ്യകാർമികത്വത്തിൽ തിരുനാൾ റാസ, 12.30ന് പ്രദക്ഷിണം. രാവിലെ 5.30നും 6.45നും എട്ടിനും ഉച്ചകഴിഞ്ഞ് മൂന്നിനും 4.15നും 5.30നും 6.45നും വിശുദ്ധ കുർബാന, നൊവേന.
ഇടവകക്കാരുടെ തിരുനാൾ ദിനമായ 24ന് രാവിലെ 5.30നും 6.45നും എട്ടിനും 9.15നും 10.30നും 12നും 1.30 നും 2.45നും നാലിനും 5.30നും വിശുദ്ധ കുർബാന, നൊവേന. ഏഴിന് തിരുസ്വരൂപ പുനഃപ്രതിഷ്ഠ. 26 മുതൽ 30 വരെ രാവിലെ 5.30നും 6.30നും 7.30നും രാത്രി ഏഴിനും വിശുദ്ധ കുർബാന, നൊവേന.
എട്ടാമിടമായ മേയ് ഒന്നിന് രാവിലെ 5.30, 6.45, 8.00, 10.30, 12.00, 1.30, 2.45, 4.00, 5.15, 6.30 എന്നീ സമയങ്ങളിൽ വിശുദ്ധ കുർബാന, നൊവേന. മേയ് രണ്ടിനു മരിച്ചവരുടെ ഓർമദിനം. രാവിലെ 5.30നും 6.30 നും എട്ടിനും 10.30നും നാലിനും വിശുദ്ധ കുർബാന.
22ന് കൊടിയേറ്റിനും പുറുത്തുനമസ്കാരത്തിനും ശേഷം പള്ളിയിൽനിന്ന് വടക്കേക്കര കുരിശുപള്ളിയിലേക്ക് 101 പൊൻകുരിശുമേന്തി വിശ്വാസ പ്രഖ്യാപന പ്രദക്ഷിണം ഉണ്ടായിരിക്കുമെന്ന് വികാരി ഫാ. സെബാസ്റ്റ്യൻ വെട്ടുകല്ലേൽ, കൈക്കാരന്മാരായ തോമസ് കുന്നയ്ക്കാട്ട്, ജോസുകുട്ടി കരോട്ടുപുള്ളോലിൽ, പ്രിൻസ് പോർക്കാട്ടിൽ, ടോം പെരുനിലം എന്നിവർ അറിയിച്ചു.