ഷൊർ​ണൂ​ർ: പാ​ല​ക്കാ​ട്-കു​ള​പ്പു​ള്ളി പ്ര​ധാ​ന പാ​ത​യ്ക്ക് നി​ർ​മാ​ണ ക​മ്പ​നി ന​ല്കി​യി​രു​ന്ന ഗാ​ര​ന്‍റി കാ​ലം ക​ഴി​ഞ്ഞു. 15 വ​ർ​ഷ​ക്കാ​ല​ത്തെ ആ​യു​സാ​ണ് ഈ ​പാ​ത​യ്ക്ക് നി​ർ​മാണ ക​മ്പ​നി വാ​ഗ്ദാ​നം ചെ​യ്തി​രു​ന്ന​ത്. എ​ന്നാ​ൽ നി​ർ​മാ​ണം ക​ഴി​ഞ്ഞ് 17 വ​ർ​ഷം ഇ​തി​ന​കം പാ​ത പി​ന്നി​ട്ടുക​ഴി​ഞ്ഞു.

പാ​ല​ക്കാ​ട് മു​ത​ൽ കു​ള​പ്പു​ള്ളി വ​രെ പാ​ത​ക്ക് ഇനി റീ ​ടാ​റിം​ഗ് ഉ​ൾ​പ്പെ​ടെ​യു​ള്ള പ്ര​വൃത്തി​ക​ൾ ചെ​യ്യേ​ണ്ട​താ​യി വ​രും. ഗു​ണ​നി​ല​വാ​ര​ത്തി​ൽ സം​സ്ഥാ​ന​ത്തി​നു​ത​ന്നെ മാ​തൃ​ക​യാ​യി ഹൈ​ക്കോ​ട​തി ചൂ​ണ്ടി​ക്കാ​ണി​ച്ച പാ​ത​യാ​ണി​ത്. മ​ലേ​ഷ്യ​ൻ​ ക​മ്പ​നി 80 ശ​ത​മാ​നം​പ​ണി പൂ​ർ​ത്തീ​ക​രി​ച്ച പാ​ല​ക്കാ​ട്-​കു​ള​പ്പു​ള്ളി പാ​ത​യ്ക്ക് പെ​രു​മ​യേ​റെ​യാ​ണ്. ക​മ്പ​നി പ​ണി​തീ​ർ​ത്ത ഭാ​ഗ​ത്തെ റോ​ഡ് 16 വ​ർ​ഷം വെ​യി​ലും മ​ഴ​യും ര​ണ്ട് പ്ര​ള​യ​ങ്ങ​ളും ക​ണ്ടു. ക​മ്പ​നി പി​ന്മാ​റി​യ​ശേ​ഷം നി​ർ​മി​ച്ച റോ​ഡി​ന്‍റെ ഭാ​ഗ​ങ്ങ​ൾ പ​ല​ത​വ​ണ പൊ​ളി​ഞ്ഞു.

റോ​ഡ് മി​ക​ച്ച​താ​ണെ​ങ്കി​ലും അ​പ​ക​ട​ങ്ങ​ൾ​ക്ക് ഒ​രു കു​റ​വു​മി​ല്ല. ഇ​പ്പോ​ൾ ജി​ല്ല​യി​ൽ ഏ​റ്റ​വും​കൂ​ടു​ത​ൽ അ​പ​ക​ടം​ന​ട​ക്കു​ന്ന പാ​ത​യാ​ണി​ത്. ഈ ​അ​പ​ക​ട​ങ്ങ​ളെ ചെ​റു​ക്കാ​നാ​വ​ശ്യ​മാ​യ സു​ര​ക്ഷാ​സം​വി​ധാ​ന​ങ്ങ​ളൊ​ന്നും പാ​ത​യി​ൽ ന​ട​പ്പാ​യി​ട്ടി​ല്ല. ലോ​ക​ബാ​ങ്ക് ഫ​ണ്ടു​പ​യോ​ഗി​ച്ച് കേ​ര​ള സ്റ്റേ​റ്റ് ട്രാ​ൻ​സ്‌​പോ​ർ​ട്ട് പ്രോ​ജ​ക്ടി​ന്‍റെ (കെഎ​സ്ടിപി) നേ​തൃ​ത്വ​ത്തി​ൽ 2002 ലാ​ണ് പ​ണി​തു​ട​ങ്ങു​ന്ന​ത്. റോ​ഡി​ന്‍റെ 80 ശ​ത​മാ​നം​ പ​ണി പൂ​ർ​ത്തി​യാ​യി​രി​ക്കെ മ​ലേ​ഷ്യ​ൻ​ ക​മ്പ​നി​യു​ടെ ചീ​ഫ് പ്രോ​ജ​ക്ട് മാ​നേ​ജ​ർ ലീ​സീ ബെ​ൻ ആ​ത്മ​ഹ​ത്യ​ ചെ​യ്തു. അ​ന്ന് ക​മ്പ​നി റോ​ഡി​ന് 15 വ​ർ​ഷ​ത്തെ ആ​യു​സാ​ണ് പ​റ​ഞ്ഞി​രു​ന്ന​ത്. 17 വ​ർ​ഷം പി​ന്നി​ട്ടി​ട്ടും ക​മ്പ​നി​നി​ർ​മി​ച്ച സ്ഥ​ല​ത്തെ റോ​ഡ് ത​ക​രാ​തെ നി​ൽ​ക്കു​ന്നു​ണ്ട്.

ശേ​ഷി​ച്ച​ഭാ​ഗം സം​സ്ഥാ​ന​ത്തു​ത​ന്നെ​യു​ള്ള ക​മ്പ​നി​യാ​ണ് പ​ണി​ത​ത്. ഈ ​റോ​ഡ് പ​ല​ത​വ​ണ ത​ക​ർ​ന്നു. ജി​ല്ല​യി​ലെ ആ​കെ​യു​ള്ള റോ​ഡി​ന്‍റെ 0.4 ശ​ത​മാ​ന​മാ​ണ് പാ​ല​ക്കാ​ട്-​കു​ള​പ്പു​ള്ളി പാ​ത. എ​ന്നാ​ൽ, ജി​ല്ല​യി​ലെ 11 ശ​ത​മാ​നം അ​പ​ക​ട​വും ന​ട​ക്കു​ന്ന​ത് ഈ ​പാ​ത​യി​ലാ​ണെ​ന്നാ​ണ് മോ​ട്ടോ​ർ​വാ​ഹ​ന​വ​കു​പ്പി​ന്‍റെ ക​ണ​ക്ക്.

കു​ഴി​ക​ളി​ല്ലാ​ത്ത ന​ല്ല​പാ​ത​യി​ൽ അ​മി​ത​വേ​ഗ​മാ​ണ് അ​പ​ക​ട​ങ്ങ​ൾ​ക്ക് കാ​ര​ണം. പ​ത്തി​രി​പ്പാ​ല, ല​ക്കി​ടി, മം​ഗ​ലം, ക​ണ്ണി​യം​പു​റം, ക​യ​റം​പാ​റ, പാ​ല​പ്പു​റം, വാ​ണി​യം​കു​ളം, പാ​തി​പ്പാ​റ, കൂ​ന​ത്ത​റ, കു​ള​പ്പു​ള്ളി തു​ട​ങ്ങി​യ സ്ഥ​ല​ങ്ങ​ൾ പ്ര​ധാ​ന ബ്ലാ​ക്ക് സ്‌​പോ​ട്ടു​ക​ളാ​ണ്. ഇ​വി​ടെ സ്ഥി​രം അ​പ​ക​ട​കേ​ന്ദ്ര​ങ്ങ​ളെ​ന്ന നി​ല​യി​ലാ​ണ് മോ​ട്ടോ​ർ​വാ​ഹ​ന​വ​കു​പ്പ് ഈ ​പ്ര​ദേ​ശ​ങ്ങ​ളെ ബ്ലാ​ക്ക് സ്‌​പോ​ട്ടു​ക​ളാ​ക്കി​യ​ത്. ഇ​വി​ട​ങ്ങ​ളി​ലൊ​ന്നും സു​ര​ക്ഷാ​സം​വി​ധാ​ന​ങ്ങ​ളി​ല്ല.

ര​ണ്ടു​വ​ർ​ഷം ​മു​മ്പ് മോ​ട്ടോ​ർ​വാ​ഹ​ന​ വ​കു​പ്പും പോ​ലീ​സും പൊ​തു​മ​രാ​മ​ത്ത് വ​കു​പ്പും ചേ​ർ​ന്ന് അ​പ​ക​ടം​കു​റ​യ്ക്കാ​നു​ള്ള നി​ർ​ദേ​ശ​ങ്ങ​ൾ ശു​പാ​ർ​ശ​യാ​യി റോ​ഡ്സു​ര​ക്ഷാ​ അഥോ​റി​റ്റി​യ്ക്ക്‌ ന​ല്​കി​യി​രു​ന്നു.

കെ. ​പ്രേ​കു​മാ​ർ എംഎ​ൽഎയു​ടെ നേ​തൃ​ത്വ​ത്തി​ൽ വി​വി​ധ​വ​കു​പ്പു​ക​ൾ ചേ​ർ​ന്ന് റോ​ഡ് പ​രി​ശോ​ധി​ക്ക​യും സു​ര​ക്ഷ​യൊ​രു​ക്കാ​ൻ തീ​രു​മാ​നി​ക്ക​യും ചെ​യ്തി​രു​ന്നു. ര​ണ്ടാ​ഴ്ച​യ്‌​ക്ക​കം സൂ​ച​നാ​ബോ​ർ​ഡു​ക​ളും ബ്ലി​ങ്കി​ംഗ് ലൈ​റ്റു​ക​ളും ഉ​ൾ​പ്പെ​ടെ​യു​ള്ള മു​ൻ​ക​രു​ത​ൽ മാ​ർ​ഗ​ങ്ങ​ൾ ഒ​രു​ക്കു​മെ​ന്നാ​യി​രു​ന്നു തീ​രു​മാ​നം. ഇ​തി​ന്‍റെ ​ഭാ​ഗ​മാ​യി 18 ല​ക്ഷം രൂ​പ​യു​ടെ പ​ദ്ധ​തി​രേ​ഖ​യും റോ​ഡു​സു​ര​ക്ഷാ അ​ഥോ​റി​റ്റി​ക്ക്‌ സ​മ​ർ​പ്പി​ച്ചി​രു​ന്നു.

ഒ​റ്റ​പ്പാ​ലം​ പ​ട്ട​ണ​ത്തി​ൽ ഡി​വൈ​ഡ​റു​ക​ൾ സ്ഥാ​പി​ച്ച​തും ര​ണ്ട് ബ്ലി​ങ്കി​ംഗ് ലൈ​റ്റു​ക​ൾ വെ​ച്ച​തു​മൊ​ഴി​ച്ചാ​ൽ മ​റ്റൊ​ന്നും ന​ട​ന്നി​ട്ടി​ല്ല. പാ​ത​യു​ടെ ആ​യു​സ് തീർന്നെങ്കിലും ശ​രി​യാ​യ രീ​തി​യി​ൽ അ​റ്റ​കു​റ്റ​പ്പ​ണി​ക​ളും ന​വീ​ക​ര​ണ​ങ്ങ​ളും ന​ട​ത്തി​യാ​ൽ പാ​ത​യു​ടെ ആ​യു​സ് നീ​ട്ടാ​മെ​ന്നാ​ണ് ചൂ​ണ്ടി​ക്കാ​ണി​ക്കു​ന്ന​ത്.