അഗളി: യുഡിഎഫ് അട്ടപ്പാടി മേഖലാ തെരഞ്ഞെടുപ്പ് കൺവെൻഷൻ എംഎൽഎ എൻ ഷംസുദ്ദീൻ ഗൂളിക്കടവിൽ ഉദ്ഘാടനം ചെയ്തു. എംപി ഫണ്ടിൽ നിന്നും 37 ലക്ഷം രൂപ ചെലവഴിച്ച് വി കെ ശ്രീകണ്ഠൻ എംപി കോട്ടത്തറ ആശുപത്രിക്ക് അനുവദിച്ച എഎൽഎസ് സൗകര്യമുള്ള ആംബുലൻസ് ഇന്ന് രോഗികൾക്ക് ഉപയോഗിക്കാനാവുന്നില്ല.
അഞ്ചുമാസം മുൻപ് ആക്സിഡന്‍റിൽ പെട്ട ആംബുലൻസ് ഇതുവരെ തിരികെയെത്തിക്കുന്നതിന് അധികൃതർക്ക് കഴിഞ്ഞിട്ടില്ല.ആശുപത്രിയിൽ ആവശ്യത്തിന് ജീവനക്കാരും മരുന്നുമില്ല.കോട്ടത്തറ ട്രൈബൽ സ്പെഷ്യാലിറ്റി ആശുപത്രി നാഥനില്ല കളരിയായി മാറിയെന്നും കൺവൻഷൻകുറ്റപ്പെടുത്തി.
പാലക്കാട് ലോക്സഭാ മണ്ഡലം യുഡിഎഫ് സ്ഥാനാർഥി വി.കെ. ശ്രീകണ്ഠൻ, ഡിസിസി ജില്ലാ പ്രസിഡന്റ് എ.തങ്കപ്പൻ,ചെയർമാൻ മരയ്ക്കാർ മാരായമംഗലം, കേരള കോൺഗ്രസ്( ജേക്കബ്) ജില്ലാ പ്രസിഡന്റ് വിഡി ജോസഫ്, കേരള ഡെമോക്രാറ്റിക് പാർട്ടി സംസ്ഥാന വൈസ് പ്രസിഡന്റ് ബാബു തോമസ്, മണ്ണാർക്കാട് നിയോജകമണ്ഡലം കമ്മിറ്റി ചെയർമാൻ റഷീദ് ആലായൻ, യുഡിഎഫ് കൺവീനർ പിസി ബേബി, അട്ടപ്പാടി ബ്ലോക്ക് കോൺഗ്രസ് കമ്മിറ്റി പ്രസിഡന്റ് കെ പി സാബു, ചെയർമാൻ ഷിബു സിറിയക്, ജനറൽ കൺവീനർ എം.ആർ. സത്യൻ, കേരള കോൺഗ്രസ് (ജോസഫ്) ജില്ലാ സെക്രട്ടറി പി.വി. ഹാൻസൻ, മുസ്ലിം ലീഗ് അട്ടപ്പാടി ബ്ലോക്ക് കമ്മിറ്റി പ്രസിഡന്റ് നവാസ് പഴേരി, നേതാക്കളായ എസ് അല്ലൻ, എൻ കെ.രഘുത്തമൻ, ജോബി കുരീക്കാട്ടിൽ, കനക രാജ് തുടങ്ങിയവർ പ്രസംഗിച്ചു.