വി​വാ​ഹ​ത്തി​ന് "ജൈ​വ സ​ദ്യ" ഒരുക്കി അ​മ്പ​ല​പ്പാ​റ സ്വ​ദേ​ശി
Thursday, March 28, 2024 1:04 AM IST
ഒറ്റ​പ്പാ​ലം: വി​വാ​ഹ​നാ​ളി​ൽ പൊ​ന്നി​നോ​ളം ത​ന്നെ പ്രാ​ധാ​ന്യ​മു​ള്ള​താ​ണ് വി​വാ​ഹ സ​ദ്യ​യും. ഇ​ക്കാ​ര്യം തി​രി​ച്ച​റി​ഞ്ഞ് ജൈ​വ പ​ച്ച​ക്ക​റി​ക​ൾ കൊ​ണ്ട് മ​ക​ളു​ടെ വി​വാ​ഹ​ത്തി​ന് സ​ദ്യ ഒ​രു​ക്കു​ക​യാ​ണ് അ​മ്പ​ല​പ്പാ​റ പു​ളി​യ​ക്കോ​ട്ടി​ൽ മോ​ഹ​ന​ൻ.

നാ​ട്ടി​ൽ കൃ​ഷി​ചെ​യ്യു​ന്ന കീ​ട​നാ​ശി​നി വി​മു​ക്ത​മാ​യ ജൈ​വ പ​ച്ച​ക്ക​റി​ക​ൾ മാ​ത്ര​മു​പ​യോ​ഗി​ച്ച് ക​ല്യാ​ണ സ​ദ്യ​യൊ​രു​ക്കു​ക എ​ന്ന​ത് ഇ​ദ്ദേ​ഹ​ത്തി​ന്‍റെ സ്വ​പ്നം കൂ​ടി​യാ​യി​രു​ന്നു.

കീ​ട​നാ​ശി​നി വി​മു​ക്ത​മാ​യ പ​ച്ച​ക്ക​റി​ക​ളു​മാ​യി സ​ദ്യ ഒ​രു​ക്കാ​ൻ മ​ണ്ണാ​ർ​ക്കാ​ട് റൂ​റ​ൽ ബാ​ങ്കാ​ണ് മോ​ഹ​ന​ന് സം​വി​ധാ​ന​മൊ​രു​ക്കി​യ​ത്. ബാ​ങ്കി​ൽ ഫെ​ബ്രു​വ​രി മൂന്നിന് ​ഉ​ദ്ഘാ​ട​നം ക​ഴി​ഞ്ഞ് പ്ര​വ​ർ​ത്ത​നം ആ​രം​ഭി​ച്ച ഓ​സോ​ൺ പ്ലാ​ന്‍റി​ലൂ​ടെ പ​ച്ച​ക്ക​റി​യി​ല​ട​ങ്ങി​യ കീ​ട​നാ​ശി​നി വി​മു​ക്ത​മാ​ക്കി​യ പ​ച്ച​ക്ക​റി​യും പ​ഴ​വ​ർ​ഗ്ഗ​ങ്ങ​ളും ഇ​ല​ക്ക​റി​ക​ളും ആ​വ​ശ്യ​ക്കാ​ർ​ക്ക് ല​ഭ്യ​മാ​ക്കാ​ൻ അ​വ​സ​ര​മൊ​രു​ക്കി​യ​തി​നെ മോ​ഹ​ന​നും കു​ടും​ബ​വും പ്ര​യോ​ജ​ന​പ്പെ​ടു​ത്തു​ക​യാ​യി​രു​ന്നു.

ക​ട​മ്പൂ​ർ പു​ളി​യ​ക്കോ​ട്ടി​ൽ മോ​ഹ​ൻ​കു​മാ​റിന്‍റെ​യും മാ​യ​യു​ടെ​യും മ​ക​ൾ ഡോ.​മേ​ഘ​യു​ടെ​യും പ​ട്ടാ​മ്പി കൊ​ക്കാ​ട് കെ.​വി.​പ​ര​ശു​രാ​മ​ന്‍റെ​യും എം.​പി.​ശ്യാ​മ​ളു​ടെ​യും മ​ക​ൻ ഹ​രീ​ഷി​ന്‍റെയും വി​വാ​ഹ സ​ദ്യ​ക്കാ​വ​ശ്യ​മാ​യ പ​ച്ച​ക്ക​റി​ക​ളും പ​ഴ വ​ർ​ഗ്ഗ​ങ്ങ​ളു​മെ​ല്ലാം കീ​ട​നാ​ശി​നി വി​മു​ക്ത​മാ​ക്കി മ​ണ്ണാ​ർ​ക്കാ​ട് റൂ​റ​ൽ ബാ​ങ്ക് ന​ൽ​കി.

ക​റി​വേ​പ്പി​ല, പു​തി​ന തു​ട​ങ്ങി​യ​വ കീ​ട​നാ​ശി​നി വി​മു​ക്ത​മാ​ക്കാ​നു​ള്ള പ്ലാ​ന്‍റും ബാ​ങ്കി​ലു​ണ്ട്.
ഇ​ത്ത​രം ഒ​രു ആ​ശ​യം മു​ന്നോ​ട്ട് വെ​ച്ച​പ്പോ​ൾ സ​ദ്യ​യി​ൽ പു​തു​മ​ക​ൾ ഒ​രു​ക്കാ​ൻ എ​ന്നും മു​ൻ​പ​ന്തി​യി​ലു​ള്ള ക​ട​മ്പ​ഴി​പ്പു​റ​ത്തെ വാ​യി​ല്യാം​കു​ന്ന് ച​വ​ർ​ക്കാ​ട്ട് സി.​എ​സ്. കൃ​ഷ്ണ​ൻ എ​മ്പ്രാ​ന്തി​രി ന​ൽ​കി​യ പൂ​ർ​ണ്ണ പി​ന്തു​ണ കൂ​ടി ആ​യ​പ്പോ​ൾ മോ​ഹ​ൻ​കു​മാ​റും മാ​യ​യും മ​ക​ളു​ടെ വി​വാ​ഹ​ത്തി​ന്‍റെ സ​ദ്യ സ​മൂ​ഹ​ത്തി​ന് "വി​ഷ ര​ഹി​ത പ​ച്ച​ക്ക​റി​ക​ളും, പ​ഴ വ​ർ​ഗ്ഗ​ങ്ങ​ളും കൊ​ണ്ടു​സ​ദ്യ​യൊ​രു​ക്കാം" എ​ന്ന സ​ന്ദേ​ശം ന​ൽ​കു​ന്ന രീ​തി​യി​ലാ​ക്കാ​ൻ നി​ശ്ച​യി​ക്കു​ക​യാ​യി​രു​ന്നു.

കീ​ട​നാ​ശി​നി വി​മു​ക്ത​മാ​യ ഭൗ​മ​സൂ​ചി​ക പ​ട്ടി​ക​യി​ലു​ള്ള മ​റ​യൂ​ർ ശ​ർ​ക്ക​ര കൊ​ണ്ട് പാ​യ​സം എ​ന്ന ആ​ശ​യം കൃ​ഷ്ണ​ൻ എ​മ്പ്രാ​ന്തി​രി അ​വ​ത​രി​പ്പി​ച്ച​പ്പോ​ൾ, അ​തും എ​ത്തി​ച്ചു കൊ​ടു​ത്ത​ത് പ​ദ്ധ​തി​ക്ക് ചു​ക്കാ​ൻ പി​ടി​ക്കു​ന്ന ബാ​ങ്ക് സെ​ക്ര​ട്ട​റി എം. ​പു​ര​ഷോ​ത്ത​മ​നാ​ണ്.

അ​റ​വ​ക്കാ​ട് പ​ത്മ​നാ​ഭ​നെ​ന്ന ക​ർ​ഷ​ക​ന്‍റെ തോ​ട്ട​ത്തി​ൽ നി​ന്ന് വാ​ഴ മാ​നി, ചീ​ര, ക​റി​വേ​പ്പി​ല, മു​രി​ങ്ങ​ക്കാ​യ, ക​ട​മ്പൂ​ർ ശ്രീ​രാം ഫു​ഡ് പ്രൊ​ഡ​ക്ട്സി​ലെ രാ​മ​കൃ​ഷ​ണ​ൻ ആ​ലി​പ​റ​മ്പി​ൽ നി​ന്നും ല​ഭ്യ​മാ​ക്കി​യ പു​ളി​മാ​ങ്ങ, ക​ണ്ണി​യം പു​റം പ്രീ​സ ഫു​ഡ് പ്രൊ​ഡ്ക്ട​സ് ഇ​ള​നീ​ർ പാ​ല​ട​ക്കു​ള്ള ഇ​ള​നീ​ർ അ​ട​യും ത​യ്യാ​റാ​ക്കി.

Copyright @ 2022 , Rashtra Deepika Ltd.