ന​ല്ലേ​പ്പി​ള്ളി പ​ഞ്ചാ​യ​ത്തി​ൽ നെ​ല്ല് സം​ഭ​ര​ണ​ത്തി​നു തു​ട​ക്കമായി
Friday, March 29, 2024 1:13 AM IST
ചി​റ്റൂ​ർ: ന​ല്ലേ​പ്പി​ള്ളി​യി​ൽ നെ​ല്ല് സം​ഭ​ര​ണം തു​ട​ക്ക​മാ​യി. പ​ഞ്ചാ​യ​ത്തി​ൽ മൂ​ച്ചി​ക്കു​ന്ന് പാ​ട​ശേ​ഖ​ര​ത്തി​ൽ സം​ഭ​ര​ണം ആ​രം​ഭി​ച്ചി​രി​ക്കു​ന്ന​ത്.

ആ​ദ്യം കൊ​യ​ത്ത് ക​ഴി​ഞ്ഞ ക​ർ​ഷ​ക​രു​ടെ​യും നെ​ല്ല് ടാ​ർ പോ​ളി​ൻ ഷീ​റ്റി​ട്ട് മൂ​ടി വീ​ടി​ന് വെ​ളി​യി​ൽ നെ​ല്ല് സൂ​ക്ഷി​ച്ച​വ​രു​ടെ​യും നെ​ല്ലാണ് ആ​ദ്യം മു​ൻ​ഗ​ണ​ന ന​ൽ​കി എ​ടു​ക്കു​ന്ന​ത്.

50 ശ​ത​മാ​നം കൊ​യ​ത്ത് ക​ഴി​ഞ്ഞ പാ​ട​ശേ​ഖ​ര​ങ്ങ​ളി​ൽ പാ​ട​ശേ​ഖ​ര സ​മി​തി ഭാ​ര​വാ​ഹി​ക​ളും കൃ​ഷി ഉ​ദ്യോ​ഗ​സ്ഥ​രും വെ​രി​ഫി​ക്കേ​ഷ​ൻ ന​ട​ത്തി സ​പ്ലൈ​കോ​യ്ക്ക് കൊ​ടു​ത്ത ലി​സ്റ്റി​ന്‍റെ അ​ടി​സ്ഥാ​ന​ത്തി​ലാ​ണ് മി​ല്ല് അ​ലോ​ട്ട്മെ​ന്‍റ് ന​ട​ത്തു​ന്ന​ത്.

അ​തി​ന് ശേ​ഷം സ​പ്ലൈ​കോ ഉ​ദ്യോ​ഗ​സ്ഥ​ർ ഒ​രോ ക​ർ​ഷ​ക​രു​ടെ വീ​ട്ടി​ലെ​ത്തി തു​ക്കം നി​ർ​ണ​യി​ച്ച് ന​ൽ​കു​ന്ന ര​സീ​തി​ന്‍റെ അ​ടി​സ്ഥാ​ന​ത്തി​ലാ​ണ് മി​ല്ലു​ട​മ​ക​ൾ നെ​ല്ല് എ​ടു​ക്കു​ന്ന​ത്.

ഇ​തി​ന് ശേ​ഷ​മാ​ണ് പി​ആ​ർ​എ​സ് കൊ​ടു​ക്കു​ന്ന​ത്. ഒ​രു ഏ​ക്ക​റി​ൽ 2200 കി​ലോ നെ​ല്ലാ​ണ് സം​ഭ​രി​ക്കു​ന്ന​ത്.

കൂ​ടു​ത​ലു​ണ്ടെ​ങ്കി​ൽ കൃ​ഷി ഉ​ദ്യോ​ഗ​സ്ഥ​രു​ടെ സാ​ന്നി​ദ്ധ്യ​ത്തി​ൽ ക്രോ​പ്പ് ക​ട്ടിം​ഗ് ന​ട​ത്തി​യാ​ണ് നെ​ല്ല് സം​ഭ​രി​ക്കു​ന്ന​ത്. ഇ​പ്രാ​വ​ശ്യം ന​ല്ലേ​പ്പി​ള്ളി​യി​ൽ നെ​ല്ല് സം​ഭ​ര​ണ ന​ട​പ​ടി​ക​ൾ ഊ​ർ​ജി​ത​മാ​യി ന​ട​പ്പി​ലാ​ക്കു​ന്നു​ണ്ട്.

വ്യാ​പ​ക​മാ​യി​ കൊ​യ്ത്ത് ന​ട​ക്കു​മ്പോ​ൾ കൂ​ടു​ത​ൽ ജീ​വ​ന​ക്കാ​രെ നെ​ല്ല് പ​രി​ശോ​ധ​ന​ക്ക് നി​യ​മി​ക്കേ​ണ്ട​തു​ണ്ടെ​ന്ന് ന​ല്ലേ​പ്പി​ള്ളി വി​വി​ധ പാ​ട​ശേ​ഖ​ര സ​മി​തി ഭാ​ര​വാ​ഹി​ക​ൾ ആ​വ​ശ്യ​പ്പെ​ട്ടു.

Copyright @ 2022 , Rashtra Deepika Ltd.