അഭിഷേകിനൊപ്പം അമിതാഭ് ബച്ചൻ.
ബോളിവുഡ് ഇതിഹാസതാരം അമിതാഭ് ബച്ചൻ മകൻ അഭിഷേകുമായുള്ള ബന്ധത്തെക്കുറിച്ചും തലമുറകൾ തമ്മിലുള്ള പരസ്പര ബഹുമാനത്തെക്കുറിച്ചും മനസുതുറന്നു. രണ്ടു തലമുറകൾക്കു വ്യത്യസ്ത കാഴ്ചപ്പാടുകൾ ഉണ്ടാകാമെങ്കിലും ലക്ഷ്യം ഒന്നുതന്നെയായിരിക്കുമെന്ന സന്ദേശമാണ് അദ്ദേഹം തന്റെ ബ്ലോഗിലൂടെ പങ്കുവച്ചത്.
'അച്ഛനും മകനും ഒരേ വേദിയിലിരിക്കുന്നു; അവരുടെ ആശയങ്ങൾ വ്യത്യസ്തമായിരിക്കാം... എന്നാൽ ലക്ഷ്യം ഒന്നുതന്നെയാണ്' - ബച്ചൻ കുറിച്ചു. പുതിയ തലമുറയുടെ തീരുമാനങ്ങളെയും കാഴ്ചപ്പാടുകളെയും ബഹുമാനിക്കേണ്ടതിന്റെ പ്രാധാന്യത്തെക്കുറിച്ചും ബച്ചൻ ഓർമിപ്പിച്ചു. പരസ്പര സ്നേഹത്തിലും ബഹുമാനത്തിലും ഊന്നിയുള്ള ആശയവിനിമയം പൊതുവായ ലക്ഷ്യങ്ങളിലേക്കെത്തുമെന്നും ബച്ചൻ പറഞ്ഞു.
നിലവിൽ 'കോൻ ബനേഗ ക്രോർപതി' (കെബിസി) യുടെ 18-ാം സീസണിന്റെ തിരക്കുകളിലാണ് അമിതാഭ് ബച്ചൻ.
Tags : Entertainment BollywoodNews AmitabhBachchan AbhishekBachchan