28

മ​ല​യാ​ള​ക്ക​ര​യി​ലെ മാ​ർ​വ​ൽ സി​നി​മാ പ്രേ​മി​ക​ളെ​യും സ്പൈ​ഡ​ർ​മാ​ൻ ആ​രാ​ധ​ക​രെ​യും ഒ​രേ​പോ​ലെ ആ​വേ​ശ​ഭ​രി​ത​രാ​ക്കു​ന്ന വാ​ർ​ത്ത​യാ​ണ് ഹോ​ളി​വു​ഡി​ൽ​നി​ന്നു പു​റ​ത്തു​വ​രു​ന്ന​ത്. മാ​ർ​വ​ൽ സി​നി​മാ​റ്റി​ക് യൂ​ണി​വേ​ഴ്സി​ന്‍റെ (എം​സി​യു) ഏ​റ്റ​വും പു​തി​യ ചി​ത്ര​മാ​യ സ്പൈ​ഡ​ർ​മാ​ൻ: ബ്രാ​ൻ​ഡ് ന്യൂ ​ഡേ - റി​ലീ​സി​ന് ഒ​രു​ങ്ങു​മ്പോ​ൾ, കൊ​ച്ചി​യി​ൽ ഒ​രു​ങ്ങു​ന്ന​ത് വ​ന്പ​ൻ ഫാ​ൻ ഷോ! ​ഏ​റ്റ​വും വ​ലി​യ പ്ര​ത്യേ​ക​ത, ഫാ​ൻ ഷോ​യു​ടെ ടി​ക്ക​റ്റ് പ്ര​കാ​ശ​ന​മാ​ണ്. പ്ര​കാ​ശ​നം ന​ട​ത്തി​യ​ത് മ​റ്റാ​രു​മ​ല്ല, നാ​യ​ക​ൻ ടോം ​ഹോ​ള​ണ്ട്! കേ​ര​ള​ത്തി​ലെ സ്പൈഡർമാൻ ആ​രാ​ധ​ക​ർ​ക്ക് ഇ​തൊ​രു ച​രി​ത്ര നി​മി​ഷ​മാ​യി മാ​റി​യി​രി​ക്കു​ക​യാ​ണ്!

ജ​ർമ​ൻ തലസ്ഥാനമായ ബെ​ർ​ലി​നി​ൽ സംഘടിപ്പിച്ച പ്രൊമോഷൻ ചടങ്ങിലാണ് ​അ​വി​സ്മ​ര​ണീ​യ​ സം​ഭ​വം അ​ര​ങ്ങേ​റി​യ​ത്. മാ​ർ​വ​ൽ ഫാ​ൻ​സ് ഇ​ന്ത്യ, മാ​ർ​വ​ൽ ഫാ​ൻ​സ് കേ​ര​ള എ​ന്നി​വ​രെ പ്ര​തി​നി​ധീ​ക​രി​ച്ച് ആന്‍റ​ണി ഇ​മ്മാ​നു​വ​ൽ എ​ന്ന ആ​രാ​ധ​ക​ൻ ബെ​ർ​ലി​നി​ലെ​ത്തു​ക​യും ടോം ​ഹോ​ള​ണ്ടി​നെ നേ​രി​ൽ കാ​ണു​ക​യും ചെ​യ്തു. കൊ​ച്ചി​യി​ൽ ന​ട​ക്കാ​നി​രി​ക്കു​ന്ന പ്ര​ത്യേ​ക ഫാ​ൻ ഷോ​യു​ടെ ടി​ക്ക​റ്റ് അ​ദ്ദേ​ഹം ഹോ​ള​ണ്ടി​ന് സ​മ​ർ​പ്പി​ച്ചു. ഏ​റെ സ​ന്തോ​ഷ​ത്തോ​ടെ ആ ​ടി​ക്ക​റ്റി​ൽ ഒ​പ്പുവ​ച്ച്, ടോം ​ഹോ​ള​ണ്ട് കൊ​ച്ചി​യി​ലെ ഫാ​ൻ ഷോ ​ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്തു. നായകനുമായുള്ള ആവേശകരമായ വീ​ഡി​യോ സോ​ഷ്യ​ൽ മീ​ഡി​യ​യി​ൽ പ​ങ്കുവ​ച്ചിട്ടുണ്ട്. കൊച്ചി​യി​ലെ വ​നി​ത വി​നീ​ത തി​യ​റ്റ​റി​ലാ​ണ് സ​പെ​ഷ്യ​ൽ ഫാ​ൻ ഷോ ​ക്ര​മീ​ക​രി​ച്ചി​രി​ക്കു​ന്ന​ത്.

‌ഒ​രു ഹോ​ളി​വു​ഡ് താ​രം കേ​ര​ള​ത്തി​ലെ ഫാ​ൻ ഷോ ​ഉ​ദ്ഘാ​ട​നം ചെ​യ്യു​ക എ​ന്ന​ത് ഇ​ന്ത്യ​ൻ സി​നി​മാ ച​രി​ത്ര​ത്തി​ൽ ത​ന്നെ അ​പൂ​ർവ​ സംഭവമാ​ണ്. കൊ​ച്ചി ഫാ​ൻ ഷോ​യു​ടെ പ്രീ-​ബു​ക്കിം​ഗ് ആ​രം​ഭി​ച്ച് വെ​റും 90 മി​നി​റ്റു​ക​ൾ​ക്കു​ള്ളി​ൽ ത​ന്നെ ടി​ക്ക​റ്റു​ക​ൾ മു​ഴു​വ​ൻ വി​റ്റു​തീ​ർ​ന്നു എ​ന്ന​ത് കേ​ര​ള​ത്തി​ലെ ആ​രാ​ധ​ക​രു​ടെ ആ​വേ​ശം ആകാശത്തോളമാണെന്നു വ്യക്തമാക്കുന്നു.

സ്പൈ​ഡ​ർ​മാ​ൻ: നോ ​വേ ഹോം ​എ​ന്ന ചി​ത്ര​ത്തിന്‍റെ വ​മ്പ​ൻ വി​ജ​യ​ത്തി​നുശേ​ഷ​മു​ള്ള പീ​റ്റ​ർ പാ​ർ​ക്ക​റു​ടെ ജീ​വി​ത​മാ​ണ് ​പു​തി​യ ഭാഗത്തിന്‍റെ ഇതിവൃത്തം. ​ഡോ​ക്ട​ർ സ്ട്രേ​ഞ്ചിന്‍റെ ദുർമ​ന്ത്ര​വാ​ദ​ത്തി​ലൂ​ടെ, പീ​റ്റ​ർ പാ​ർ​ക്ക​ർ ആ​രാ​ണെ​ന്ന് ലോകം മ​റ​ന്നു​പോ​യ പ​ശ്ചാ​ത്ത​ല​ത്തി​ലാ​ണ് പുതിയ ​ക​ഥ മുന്നോട്ടുപോകുന്നത്.

ആ​ഗോ​ള​ത​ല​ത്തി​ൽ വ​ലി​യ പ്ര​തീ​ക്ഷ​യോ​ടെ കാ​ത്തി​രി​ക്കു​ന്ന ​ചി​ത്രം ജൂ​ലൈ 30-ന് ആ​ണ് ഇ​ന്ത്യ​ൻ തിയ​റ്റ​റു​ക​ളി​ൽ എ​ത്തു​ന്ന​ത്. ഇം​ഗ്ലീ​ഷി​ന് പു​റ​മെ ഹി​ന്ദി, ത​മി​ഴ്, തെ​ലു​ങ്ക്, ക​ന്ന​ഡ, ഒ​പ്പം മ​ല​യാ​ളം പ​തി​പ്പി​ലും ചി​ത്രം റി​ലീ​സ് ചെ​യ്യും.

Tags : Tom Holland Spider-Man Spider-Man: Brand New Day Marvel Fans Destin Daniel Cretton Zendaya