11

ല​ക്നോ: അ​യോ​ധ്യ ശ്രീ​രാ​മ​ജ​ന്മ​ഭൂ​മി തീ​ർ​ഥ​ക്ഷേ​ത്ര​ത്തി​ൽ മു​ഴു​വ​ൻ സ​മ​യ ചീ​ഫ് എ​ക്സി​ക്യൂ​ട്ടീ​വ് ഓ​ഫീ​സ​റെ (സി​ഇ​ഒ) നി​യ​മി​ക്കു​ന്നു. ട്ര​സ്റ്റി​ന്‍റെ ച​രി​ത്ര​ത്തി​ലാ​ദ്യ​മാ​യാ​ണ് മു​ഴു​വ​ൻ സ​മ​യ സി​ഇ​ഒ​യെ നി​യ​മി​ക്കു​ന്ന​ത്.

ക്ഷേ​ത്ര​ത്തി​ലേ​ക്കു​ള്ള സം​ഭാ​വ​ന ഫ​ണ്ടു​ക​ൾ വ​ക​മാ​റ്റി ചെ​ല​വ​ഴി​ച്ചു​വെ​ന്ന അ​ഴി​മ​തി ആ​രോ​പ​ണ​ങ്ങ​ൾ ഉ​യ​ർ​ന്ന​തി​നെ​ത്തു​ട​ർ​ന്നാ​ണ് ഭ​ര​ണം കൂ​ടു​ത​ൽ സു​താ​ര്യ​മാ​ക്കാ​ൻ മു​ഴു​വ​ൻ സ​മ​യ സി​ഇ​ഒ​യെ നി​യ​മി​ക്കാ​ൻ ട്ര​സ്റ്റ് തീ​രു​മാ​നി​ച്ച​ത്. ഈ ​പ​ദ​വി​യി​ലേ​ക്ക് ല​ഭി​ച്ച 5,200 അ​പേ​ക്ഷ​ക​ളി​ൽ​നി​ന്ന് യോ​ഗ്യ​രാ​യ 18 പേ​രു​ടെ ചു​രു​ക്ക​പ്പ​ട്ടി​ക അ​ധി​കൃ​ത​ർ ത​യാ​റാ​ക്കി.

മു​ൻ സി​വി​ൽ സ​ർ​വീ​സ് ഉ​ദ്യോ​ഗ​സ്ഥ​രും ദ​ക്ഷി​ണേ​ന്ത്യ​യി​ലെ പ്ര​മു​ഖ ക്ഷേ​ത്ര​ങ്ങ​ളി​ൽ ഉ​യ​ർ​ന്ന പ​ദ​വി​ക​ൾ വ​ഹി​ച്ചി​ട്ടു​ള്ള​വ​രും പ​ട്ടി​ക​യി​ലു​ണ്ട്. ഇ​വ​ർ​ക്കാ​യു​ള്ള അ​ഭി​മു​ഖം ചൊ​വ്വാ​ഴ്ച​യും ബു​ധ​നാ​ഴ്ച​യു​മാ​യി രാ​മ​ക്ഷേ​ത്ര സ​മു​ച്ച​യ​ത്തി​ൽ ന​ട​ക്കും. 18 പേ​രി​ൽ​നി​ന്ന് തെ​ര​ഞ്ഞെ​ടു​ക്കു​ന്ന മൂ​ന്ന് പേ​രു​ടെ അ​ന്തി​മ പ​ട്ടി​ക​യി​ൽ നി​ന്നാ​യി​രി​ക്കും ട്ര​സ്റ്റ് സി​ഇ​ഒ​യെ നി​ശ്ച​യി​ക്കു​ക.

മു​ൻ ജ​സ്റ്റി​സ് പ്ര​മോ​ദ് കോ​ഹ്‌​ലി, റി​ട്ട. ല​ഫ്റ്റ​ന​ന്‍റ് ജ​ന​റ​ൽ വി​ഷ്ണു​കാ​ന്ത് ച​തു​ർ​വേ​ദി, ഷി​ർ​ദ്ദി സാ​യി​ബാ​ബ ട്ര​സ്റ്റ് മു​ൻ ചെ​യ​ർ​മാ​നും ശാ​സ്ത്ര​ജ്ഞ​നു​മാ​യ സു​രേ​ഷ് ഹ​വാ​രെ എ​ന്നി​വ​ര​ട​ങ്ങു​ന്ന ഉ​ന്ന​ത​ത​ല സ​മി​തി​യാ​ണ് അ​ഭി​മു​ഖം ന​ട​ത്തു​ന്ന​ത്. അ​ഭി​മു​ഖ​ത്തി​ൽ പ​ങ്കെ​ടു​ക്കു​ന്ന​വ​ർ മാ​ധ്യ​മ​ങ്ങ​ളോ​ട് സം​സാ​രി​ക്ക​രു​തെ​ന്ന് ക​ർ​ശ​ന നി​ർ​ദേ​ശം ന​ൽ​കി​യി​ട്ടു​ണ്ട്.

രാ​മ​ക്ഷേ​ത്ര​ത്തി​ന്‍റെ ഭ​ര​ണ​നി​ർ​വ​ഹ​ണം ഉ​ൾ​പ്പെ​ടെ​യു​ള്ള​വ​യു​ടെ പൂ​ർ​ണ മേ​ൽ​നോ​ട്ട ചു​മ​ത​ല​യാ​യി​രി​ക്കും സി​ഇ​ഒ​യ്ക്ക് ഉ​ണ്ടാ​യി​രി​ക്കു​ക. ഈ ​പ​ദ​വി​യി​ലേ​ക്ക് എ​ത്തു​ന്ന​യാ​ൾ​ക്കാ​യി ക​ടു​ത്ത നി​ബ​ന്ധ​ന​ക​ളാ​ണ് ട്ര​സ്റ്റ് മു​ന്നോ​ട്ടു​വ​ച്ചി​ട്ടു​ള്ള​ത്. ഹൈ​ന്ദ​വ ആ​ചാ​ര​ങ്ങ​ൾ ക​ർ​ശ​ന​മാ​യി പി​ന്തു​ട​രു​ന്ന ആ​ളാ​യി​രി​ക്ക​ണം, പൂ​ർ​ണ സ​സ്യാ​ഹാ​രി​യും മ​ദ്യ​പി​ക്കാ​ത്ത​യാ​ളും ആ​യി​രി​ക്ക​ണം എ​ന്നി​ങ്ങ​നെ​യാ​ണ് വ്യ​വ​സ്ഥ​ക​ൾ. പ്രാ​യ​പ​രി​ധി 50നും 70​നും ഇ​ട​യി​ലാ​യി​രി​ക്ക​ണം.

Tags : Ayodhya Sriram Temple full-time CEO Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash appointment