13

ന്യൂഡൽഹി: വ്യാ​ജ ആ​ധാ​റും പാ​ൻ കാ​ർ​ഡും ഉ​പ​യോ​ഗി​ച്ച് മ​റ്റു​ള്ള​വ​രു​ടെ പേ​രി​ൽ കോ​ടി​ക്ക​ണ​ക്കി​ന് രൂ​പ വാ​യ്പ​യെ​ടു​ക്കു​ന്ന സം​ഘ​ത്തി​ലെ ഒ​രാ​ളെ പോ​ലീ​സ് അ​റ​സ്റ്റ് ചെ​യ്തു. മൊ​ഹാ​ലി സ്വ​ദേ​ശി​യാ​യ അ​ജ​യ് കു​മാ​ർ (24) ആ​ണ് പി​ടി​യി​ലാ​യ​ത്. ത​ട്ടി​പ്പ് ന​ട​ത്തി​യ​ശേ​ഷം ഡ​ൽ​ഹി​യി​ൽ ഒ​ളി​വി​ൽ ക​ഴി​യു​ന്ന​തി​നി​ടെ​യാ​ണ് പ്ര​തി പി​ടി​യി​ലാ​യ​ത്.

ഇ​യാ​ൾ അ​മ്പ​തോ​ളം പേ​രെ വ​ഞ്ചി​ച്ച് ഏ​ക​ദേ​ശം 1.6 കോ​ടി രൂ​പ​യു​ടെ ലോ​ൺ ത​ട്ടി​പ്പ് ന​ട​ത്തി​യ​താ​യി പോ​ലീ​സ് പ​റ​ഞ്ഞു. ക​ഴി​ഞ്ഞ 25ന് ​ല​ഭി​ച്ച ഒ​രു പ​രാ​തി​യു​ടെ അ​ടി​സ്ഥാ​ന​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി കു​ടു​ങ്ങി​യ​ത്. എ​ടു​ക്കാ​ത്ത വാ​യ്പ​യു​ടെ ഇ​എം​ഐ അ​ട​യ്ക്ക​ണ​മെ​ന്ന് ആ​വ​ശ്യ​പ്പെ​ട്ട് കോ​ളു​ക​ൾ വ​ന്ന​തോ​ടെ​യാ​ണ് പ​രാ​തി​ക്കാ​ര​ൻ പോ​ലീ​സി​നെ സ​മീ​പി​ച്ച​ത്.

തു​ട​ർ​ന്ന് സി​ബി​ൽ സ്കോ​ർ പ​രി​ശോ​ധി​ച്ച​പ്പോ​ഴാ​ണ് ത​ന്‍റെ പാ​ൻ കാ​ർ​ഡ് വി​വ​ര​ങ്ങ​ൾ ഉ​പ​യോ​ഗി​ച്ച് സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ നി​ന്ന് 4.5 ല​ക്ഷം രൂ​പ​യു​ടെ ലോ​ൺ എ​ടു​ത്ത​താ​യി ഇ​യാ​ൾ അ​റി​ഞ്ഞ​ത്. പ​രാ​തി​ക്കാ​ര​ൻ അ​റി​യാ​തെ അ​ദ്ദേ​ഹ​ത്തി​ന്‍റെ ആ​ധാ​റു​മാ​യി ബ​ന്ധി​പ്പി​ച്ച മൊ​ബൈ​ൽ ന​മ്പ​ർ മാ​റ്റി​യാ​ണ് ത​ട്ടി​പ്പ് സം​ഘം ക്ര​മ​ക്കേ​ട് ന​ട​ത്തി​യ​ത്.

തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ഈ ​ലോ​ൺ തു​ക പ​ഞ്ചാ​ബി​ലെ മൊ​ഹാ​ലി സ്വ​ദേ​ശി​യാ​യ അ​ജ​യ് കു​മാ​റി​ന്‍റെ ബാ​ങ്ക് അ​ക്കൗ​ണ്ടി​ലേ​ക്കാ​ണ് പോ​യ​തെ​ന്ന് പോ​ലീ​സ് ക​ണ്ടെ​ത്തി. ഈ ​തു​ക ഇ​യാ​ൾ പി​ൻ​വ​ലി​ക്കു​ക​യും ചെ​യ്തി​രു​ന്നു.

തു​ട​ർ​ന്ന് ര​ഹ​സ്യ​വി​വ​ര​ങ്ങ​ളു​ടെ​യും അ​ടി​സ്ഥാ​ന​ത്തി​ൽ ന​ട​ത്തി​യ നീ​ക്ക​ത്തി​നൊ​ടു​വി​ലാ​ണ് ഡ​ൽ​ഹി പോ​ലീ​സ് പ്ര​തി​യെ അ​റ​സ്റ്റ് ചെ​യ്ത​ത്. ത​ട്ടി​പ്പി​നാ​യി ഉ​പ​യോ​ഗി​ച്ച മൊ​ബൈ​ൽ ഫോ​ണും പോ​ലീ​സ് ഇ​യാ​ളി​ൽ നി​ന്ന് പി​ടി​ച്ചെ​ടു​ത്തി​ട്ടു​ണ്ട്. കേ​സി​ൽ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്.

Tags : CyberFraud PoliceCase Arrest PunjabMan