19

ബെ​ർ​ലി​ൻ: വ​രാ​നി​രി​ക്കു​ന്ന വേ​ന​ൽ അ​വ​ധി​ക്കാ​ല​ത്ത് ജ​ർ​മ​നി​യി​ലെ വി​മാ​ന​യാ​ത്ര​ക്കാ​ർ ക​ടു​ത്ത പ്ര​തി​സ​ന്ധി നേ​രി​ടേ​ണ്ടി വ​രു​മെ​ന്ന് റി​പ്പോ​ർ​ട്ട്. വി​മാ​ന ഇ​ന്ധ​ന​ത്തി​ന്‍റെ (കെ​റോ​സി​ൻ) ക​ടു​ത്ത ക്ഷാ​മം മൂ​ലം വി​മാ​ന​ങ്ങ​ൾ റ​ദ്ദാ​ക്കേ​ണ്ടി വ​രു​മെ​ന്ന് വ്യോ​മ​യാ​ന വി​ദ​ഗ്ധ​ർ മു​ന്ന​റി​യി​പ്പ് ന​ൽ​കു​ന്നു.

ഇ​ന്ധ​ന​ല​ഭ്യ​ത കു​റ​യു​ന്ന സാ​ഹ​ച​ര്യ​ത്തി​ൽ ഏ​ത് വി​മാ​ന​ത്തി​ന് മു​ൻ​ഗ​ണ​ന ന​ൽ​ക​ണ​മെ​ന്ന് തീ​രു​മാ​നി​ക്കേ​ണ്ടി വ​രു​ന്ന "കെ​റോ​സി​ൻ ട്രി​യാ​ഷ്' എ​ന്ന അ​വ​സ്ഥ​യി​ലേ​ക്കാ​ണ് കാ​ര്യ​ങ്ങ​ൾ നീ​ങ്ങു​ന്ന​തെ​ന്ന് വി​ദ​ഗ്ധ​നാ​യ ഹെ​ൻ​റി​ച്ച് ഗ്രോ​സ്ബോ​ൺ​ഗാ​ർ​ട്ട് പ​റ​ഞ്ഞു.

പ്ര​തി​സ​ന്ധി​ക്ക് പി​ന്നി​ൽ:

ഇ​റാ​ൻ ഹോ​ർ​മു​സ് ക​ട​ലി​ടു​ക്ക് ഉ​പ​രോ​ധി​ക്കു​ന്ന​ത് തു​ട​രു​ന്ന​താ​ണ് ഈ ​പ്ര​തി​സ​ന്ധി​ക്ക് പ്ര​ധാ​ന കാ​ര​ണം. വ്യോ​മ​യാ​ന മേ​ഖ​ല​യി​ലേ​ക്കു​ള്ള ഇ​ന്ധ​ന വി​ത​ര​ണ​ത്തി​ന്‍റെ പ്ര​ധാ​ന പാ​ത​യാ​ണി​ത്.

ജൂ​ൺ മാ​സ​ത്തോ​ടു​കൂ​ടി ജ​ർ​മ​ൻ വി​മാ​ന​ത്താ​വ​ള​ങ്ങ​ളി​ൽ ഇ​ന്ധ​ന​ക്ഷാ​മം പ്ര​ക​ട​മാ​കു​മെ​ന്നാ​ണ് ക​ണ​ക്കു​കൂ​ട്ട​ൽ. ഇ​തി​നോ​ട​കം ത​ന്നെ ഓ​സ്‌​ട്രേ​ലി​യ പോ​ലു​ള്ള രാ​ജ്യ​ങ്ങ​ളി​ൽ യാ​ത്ര​ക്കാ​ർ കു​റ​ഞ്ഞ ഹ്ര​സ്വ​ദൂ​ര സ​ർ​വീ​സു​ക​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചി​ട്ടു​ണ്ട്.

വി​മാ​ന​ക്ക​മ്പ​നി​ക​ളു​ടെ ആ​വ​ശ്യം:

• പ്ര​തി​സ​ന്ധി മ​റി​ക​ട​ക്കാ​ൻ ജ​ർ​മ്മ​ൻ വ്യോ​മ​യാ​ന സം​ഘ​ട​ന​യാ​യ ബിഡിഎൽ സ​ർ​ക്കാ​രി​ന് മു​ന്നി​ൽ ഏ​ഴി​ന നി​ർ​ദ്ദേ​ശ​ങ്ങ​ൾ സ​മ​ർ​പ്പി​ച്ചു.
• ദേ​ശീ​യ, യൂ​റോ​പ്യ​ൻ കെ​റോ​സി​ൻ ക​രു​ത​ൽ ശേ​ഖ​രം അ​ടി​യ​ന്ത​ര​മാ​യി തു​റ​ന്നു​വി​ടു​ക.
• ഫ്രാ​ങ്ക്ഫ​ർ​ട്ട്, മ്യൂ​ണി​ക്ക്, കൊ​ളോ​ൺ തു​ട​ങ്ങി​യ പ്ര​ധാ​ന വി​മാ​ന​ത്താ​വ​ള​ങ്ങ​ളി​ലേ​ക്ക് ഇ​ന്ധ​ന​മെ​ത്തി​ക്കാ​ൻ നാ​റ്റോ പൈ​പ്പ് ലൈ​നു​ക​ൾ ഉ​പ​യോ​ഗി​ക്കു​ക.
• ഇ​ന്ധ​ന നി​യ​ന്ത്ര​ണ​ങ്ങ​ളി​ൽ ഇ​ള​വു​ക​ൾ അ​നു​വ​ദി​ക്കു​ക.

യാ​ത്ര​ക്കാ​ർ​ക്ക് തി​രി​ച്ച​ടി:

ഇ​ന്ധ​ന​ക്ഷാ​മം മൂ​ലം വി​മാ​ന​ങ്ങ​ൾ റ​ദ്ദാ​ക്കേ​ണ്ടി വ​ന്നാ​ൽ യാ​ത്ര​ക്കാ​ർ​ക്ക് ന​ഷ്ട​പ​രി​ഹാ​രം ന​ൽ​കാ​നാ​വി​ല്ലെ​ന്ന നി​ല​പാ​ടി​ലാ​ണ് വി​മാ​ന​ക്ക​മ്പ​നി​ക​ൾ.

ഈ ​സാ​ഹ​ച​ര്യ​ത്തെ "അ​സാ​ധാ​ര​ണ സാ​ഹ​ച​ര്യം' ആ​യി ക​ണ​ക്കാ​ക്ക​ണ​മെ​ന്നാ​ണ് ക​മ്പ​നി​ക​ളു​ടെ വാ​ദം. അ​ങ്ങ​നെ വ​ന്നാ​ൽ നി​യ​മ​പ​ര​മാ​യി യാ​ത്ര​ക്കാ​ർ​ക്ക് ന​ഷ്ട​പ​രി​ഹാ​ര​ത്തി​ന് അ​ർ​ഹ​ത​യു​ണ്ടാ​വി​ല്ല.

മേ​യ്, ജൂ​ൺ മാ​സ​ങ്ങ​ളി​ൽ വി​ദേ​ശ​യാ​ത്ര​ക​ൾ പ്ലാ​ൻ ചെ​യ്യു​ന്ന​വ​ർ​ക്ക് തി​രി​കെ വ​രാ​നു​ള്ള വി​മാ​ന സ​ർ​വീ​സു​ക​ളു​ടെ കാ​ര്യ​ത്തി​ൽ ഉ​റ​പ്പി​ല്ലെ​ന്നും വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്നു.

ജ​ർ​മ​ൻ സ​മ്പ​ദ്‌​വ്യ​വ​സ്ഥ​യെ​യും ടൂ​റി​സം മേ​ഖ​ല​യെ​യും ഈ ​പ്ര​തി​സ​ന്ധി ദോ​ഷ​ക​ര​മാ​യി ബാ​ധി​ക്കു​മെ​ന്ന് ബി​ഡിഎ​ൽ ചീ​ഫ് എ​ക്സി​ക്യൂ​ട്ടീ​വ് ജോ​ക്കിം ലാംഗ് മു​ന്ന​റി​യി​പ്പ് ന​ൽ​കി.

Tags : Germany Airports Fuel