19

ബെ​ർ​ലി​ൻ: ആ​ധു​നി​ക യു​ദ്ധ​ത​ന്ത്ര​ങ്ങ​ളി​ൽ നി​ർ​ണ്ണാ​യ​ക​മാ​യ ഡ്രോ​ൺ സാ​ങ്കേ​തി​ക​വി​ദ്യ​യി​ലും വ്യോ​മ പ്ര​തി​രോ​ധ​ത്തി​ലും സ​ഹ​ക​ര​ണം ശ​ക്ത​മാ​ക്കാ​ൻ ജ​ർ​മ​നി​യും യു​ക്രെ​യ്നും ത​മ്മി​ൽ ച​രി​ത്ര​പ​ര​മാ​യ ക​രാ​റി​ൽ ഒ​പ്പു​വ​ച്ചു.

ബെ​ർ​ലി​നി​ൽ ന​ട​ന്ന ഉ​ന്ന​ത​ത​ല ച​ർ​ച്ച​ക​ൾ​ക്ക് ശേ​ഷം ജ​ർ​മ​ൻ ചാ​ൻ​സ​ല​ർ ഫ്രീ​​​​ഡ്രി​​​​ഷ് മെ​​​​ർ​​​​സും യുക്രെയ്ൻ പ്രസിഡന്‍റ് വൊളോദിമിർ സെലെൻസ്‌കിയും സം​യു​ക്ത​മാ​യാ​ണ് ഈ ​ന​യ​ത​ന്ത്ര പ​ങ്കാ​ളി​ത്തം പ്ര​ഖ്യാ​പി​ച്ച​ത്.

റ​ഷ്യ - ​യു​ക്രെ​യ്ൻ യു​ദ്ധം അ​ഞ്ചാം വ​ർ​ഷ​ത്തി​ലേ​ക്ക് ക​ട​ക്കു​മ്പോ​ൾ, പ്ര​തി​രോ​ധ രം​ഗ​ത്ത് യൂ​റോ​പ്പി​ലെ ത​ന്നെ ഏ​റ്റ​വും വ​ലി​യ ശ​ക്തി​ക​ളാ​യി മാ​റാ​നാ​ണ് ഇ​രു​രാ​ജ്യ​ങ്ങ​ളും ല​ക്ഷ്യ​മി​ടു​ന്ന​ത്.

അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് യു​ക്രെ​യ്നു​ള്ള സൈ​നി​ക സ​ഹാ​യ​ങ്ങ​ളി​ൽ കു​റ​വ് വ​രു​ത്തി​യ സാ​ഹ​ച​ര്യ​ത്തി​ൽ, യൂ​റോ​പ്പി​ൽ നി​ന്നു​ള്ള ഏ​റ്റ​വും വ​ലി​യ പി​ന്തു​ണ ന​ൽ​കു​ന്ന രാ​ജ്യ​മാ​യി ജ​ർ​മ​നി മാ​റി​യി​രി​ക്കു​ക​യാ​ണ്.

പ്ര​ധാ​ന ക​രാ​റു​ക​ൾ ഇ​വ​യാ​ണ്

ഡ്രോ​ൺ നി​ർ​മാ​ണം: യു​ക്രെ​യ്നി​ന്‍റെ ഡ്രോ​ൺ വ്യ​വ​സാ​യ​ത്തെ സ​ഹാ​യി​ക്കു​ന്ന​തി​നൊ​പ്പം ഇ​രു​രാ​ജ്യ​ങ്ങ​ളും ചേ​ർ​ന്ന് ഡ്രോ​ണു​ക​ൾ നി​ർ​മി​ക്കു​ന്ന​തി​നു​ള്ള സം​യു​ക്ത സം​രം​ഭ​ങ്ങ​ൾ ആ​രം​ഭി​ക്കും. ആ​ധു​നി​ക സോ​ഫ്റ്റ്‌​വെ​യ​റു​ക​ളും മി​സൈ​ലു​ക​ളും ഇ​തി​ന്‍റെ ഭാ​ഗ​മാ​കും.

വ്യോ​മ പ്ര​തി​രോ​ധ പാ​ക്കേ​ജ്: ഏ​ക​ദേ​ശം നാല് ബി​ല്യ​ൻ യൂ​റോ​യു​ടെ (4.7 ബി​ല്യ​ൻ ഡോ​ള​ർ) വ​മ്പ​ൻ പ്ര​തി​രോ​ധ പാ​ക്കേ​ജി​നാ​ണ് രൂ​പം ന​ൽ​കി​യി​രി​ക്കു​ന്ന​ത്. ഇ​തി​ൽ അ​മേ​രി​ക്ക​യു​ടെ പേ​ട്രി​യ​റ്റ് മി​സൈ​ലു​ക​ളും ജ​ർ​മ​ൻ നി​ർ​മി​ത ഐ​റി​സ്-​ടി വ്യോ​മ പ്ര​തി​രോ​ധ സം​വി​ധാ​ന​ങ്ങ​ളും ഉ​ൾ​പ്പെ​ടു​ന്നു.

യു​ദ്ധ​പ​രി​ച​യം കൈ​മാ​റ​ൽ: ക​ഴി​ഞ്ഞ ദ​ശ​ക​ങ്ങ​ളി​ൽ യു​ക്രെ​യ്ൻ ആ​ർ​ജ്ജി​ച്ച യു​ദ്ധ​പ​രി​ച​യം ജ​ർ​മ​ൻ സൈ​ന്യ​ത്തി​നും സു​ര​ക്ഷ​യ്ക്കും വ​ലി​യ ഗു​ണ​മാ​കു​മെ​ന്ന് ഫ്രീ​​​​ഡ്രി​​​​ഷ് മെ​​​​ർ​​​​സ് അ​ഭി​പ്രാ​യ​പ്പെ​ട്ടു.

ഹം​ഗ​റി​യി​ലെ മാ​റ്റ​വും പ്ര​തീ​ക്ഷ​യും യു​ക്രെ​യ്നി​ന് ന​ൽ​കേ​ണ്ട 90 ബി​ല്യ​ൺ യൂ​റോ​യു​ടെ സ​ഹാ​യം ഹം​ഗേ​റി​യ​ൻ പ്ര​ധാ​ന​മ​ന്ത്രി വി​ക്ട​ർ ഓ​ർ​ബ​ൻ ത​ട​ഞ്ഞു​വ​ച്ചി​രു​ന്നു.

എ​ന്നാ​ൽ ക​ഴി​ഞ്ഞ വാ​രാ​ന്ത്യ​ത്തി​ൽ ന​ട​ന്ന തെ​ര​ഞ്ഞെ​ടു​പ്പി​ൽ ഓ​ർ​ബ​ൻ പ​രാ​ജ​യ​പ്പെ​ട്ട​തോ​ടെ ഈ ​ഫ​ണ്ട് എ​ത്ര​യും വേ​ഗം ല​ഭ്യ​മാ​കു​മെ​ന്ന പ്ര​തീ​ക്ഷ​യി​ലാ​ണ് യു​ക്രെ​യ്ൻ.

റ​ഷ്യ​യി​ൽ നി​ന്ന് ഹം​ഗ​റി​യി​ലേ​ക്കും സ്ലൊ​വാ​ക്യ​യി​ലേ​ക്കും എ​ണ്ണ എ​ത്തി​ക്കു​ന്ന പൈ​പ്പ് ലൈ​നു​ക​ൾ ഏ​പ്രി​ൽ അ​വ​സാ​ന​ത്തോ​ടെ തു​റ​ന്ന് കൊ​ടു​ക്കു​മെ​ന്ന് സെ​ലെ​ൻ​സ്കി ച​ർ​ച്ച​യി​ൽ അ​റി​യി​ച്ചു.

Tags : Germany Ukraine Strategic Partnershi Volodymyr Zelenskyy Friedrich MerZ