17

ഓ​സ്റ്റി​ൻ(​ടെ​ക്സ​സ്): ഇ​ന്‍റ​ർ​നാ​ഷ​ണ​ൽ പ്ര​യ​ർ​ലൈ​ൻ (ഐ​പി​എ​ൽ)​ കു​ടും​ബ​ത്തി​ന്‍റെ 644-ാമ​ത് ഓ​ൺ​ലൈ​ൻ പ്രാ​ർഥനാ സം​ഗ​മം പ​ര്യ​വ​സാ​നി​ച്ചു. ആ​ഗോ​ള​ത​ല​ത്തി​ൽ സ​മാ​ധാ​ന​ത്തി​നാ​യി പ്രാ​ർ​ഥി​ച്ചും വി​വി​ധ ആ​ത്മീ​യ ശു​ശ്രൂ​ഷ​ക​ളോ​ടെ​യും ന​ട​ന്ന ഈ ​യോ​ഗ​ത്തി​ൽ നി​ര​വ​ധി വി​ശ്വാ​സി​ക​ൾ പ​ങ്കെ​ടു​ത്തു.

ഡി​ട്രോ​യി​റ്റി​ൽ നി​ന്നു​ള്ള ഐപിഎ​ൽ കോഓ​ർ​ഡി​നേ​റ്റ​ർ സി.​വി. സാ​മു​വ​ൽ യോ​ഗ​ത്തി​ലേ​ക്ക് ഏ​വ​രെ​യും സ്വാ​ഗ​തം ചെ​യ്തു. തു​ട​ർ​ന്ന് ഓ​സ്റ്റി​നി​ൽ നി​ന്നു​ള്ള ഏ​ബ്ര​ഹാം ജോ​സ​ഫ് (ബാ​ബു) പ്രാ​രം​ഭ പ്രാ​ർ​ഥ​ന​യ്ക്കു നേ​തൃ​ത്വം ന​ൽ​കി. വി​ശു​ദ്ധ വേ​ദ​പു​സ്ത​ക​ത്തി​ൽ നി​ന്നു​ള്ള 1 രാ​ജാ​ക്ക​ന്മാ​ർ 19:1-13 വ​രെ​യു​ള്ള വാ​ക്യ​ങ്ങ​ൾ ഓ​സ്റ്റി​നി​ലെ സാ​ബു ടി. ​ചെ​റി​യാ​ൻ വാ​യി​ച്ചു.

യോ​ഗ​ത്തി​ൽ ഓ​സ്റ്റി​ൻ മാ​ർ​ത്തോ​മ്മാ ഇ​ട​വ​ക വി​കാ​രി റ​വ. കോ​ശി കു​ര്യ​ൻ മു​ഖ്യ​സ​ന്ദേ​ശം ന​ൽ​കി. "ക​ർ​മ്മേ​ലി​ൽ നി​ന്ന് മ​രു​ഭൂ​മി​യി​ലേ​ക്ക് - ക്ഷീ​ണ​ത്തി​ലും ദൈ​വ​ത്തിന്‍റെ മൃ​ദു​സ്വ​ര​ത്തി​ലും" എ​ന്ന വി​ഷ​യ​ത്തെ ആ​സ്പ​ദ​മാ​ക്കി​യാ​യി​രു​ന്നു അ​ച്ച​ന്‍റെ പ്ര​ഭാ​ഷ​ണം.

ആ​ത്മീ​യ ക്ഷീ​ണം എ​ല്ലാ​യ്പ്പോ​ഴും അ​വി​ശ്വാ​സ​ത്തി​ന്‍റെ ഫ​ല​മ​ല്ലെ​ന്നും വ​ലി​യ വി​ശ്വ​സ്ത​ത​യ്ക്കു ശേ​ഷ​വും അ​ത് ഉ​ണ്ടാ​കാ​മെ​ന്നും അ​ദ്ദേ​ഹം ഓ​ർ​മി​പ്പി​ച്ചു. ന​മ്മു​ടെ ശ​ക്തി അ​വ​സാ​നി​ക്കു​ന്നി​ട​ത്ത് ദൈ​വ​ത്തി​ന്‍റെ സാ​ന്നി​ധ്യം അ​വ​സാ​നി​ക്കു​ന്നി​ല്ലെ​ന്നും നി​ശ​ബ്ദ നി​മി​ഷ​ങ്ങ​ളി​ൽ ദൈ​വ​ത്തി​ന്‍റെ മൃ​ദു​സ്വ​രം തി​രി​ച്ച​റി​യാ​ൻ സാ​ധി​ക്ക​ണ​മെ​ന്നും അ​ദ്ദേ​ഹം വി​ശ്വാ​സി​ക​ളെ ഉ​ദ്ബോ​ധി​പ്പി​ച്ചു.

തു​ട​ർ​ന്ന് ലോ​ക​സ​മാ​ധാ​ന​ത്തി​നും വി​വി​ധ രാ​ജ്യ​ങ്ങ​ളി​ലെ പ്ര​തി​സ​ന്ധി​ക​ൾ​ക്കും വേ​ണ്ടി​യു​ള്ള പ്ര​ത്യേ​ക മ​ധ്യ​സ്ഥ പ്രാ​ർ​ഥ​ന​ക​ൾ ന​ട​ന്നു. ഹൂ​സ്റ്റ​ണി​ൽ നി​ന്നു​ള്ള ഏ​ബ്ര​ഹാം കെ. ​ഇ​ട്ടി​ച്ചെ​റി​യ ഇ​തി​ന് നേ​തൃ​ത്വം ന​ൽ​കി.

യോ​ഗ​ത്തി​ന്‍റെ ഒ​ടു​വി​ൽ ഹൂ​സ്റ്റ​ണി​ലെ ഐപിഎ​ൽ കോഓ​ർ​ഡി​നേ​റ്റ​ർ ടി.​എ. മാ​ത്യു ന​ന്ദി രേ​ഖ​പ്പെ​ടു​ത്തു​ക​യും അ​ടു​ത്ത ആ​ഴ്ച​യി​ലെ വി​വ​ര​ങ്ങ​ൾ പ​ങ്കു​വയ്​ക്കു​ക​യും ചെ​യ്തു. ഷി​ജു ജോ​ർ​ജ് (ഹൂ​സ്റ്റ​ൺ), ജോ​സ​ഫ് ടി. ​ജോ​ർ​ജ് (രാ​ജു, ഹൂ​സ്റ്റ​ൺ) എ​ന്നി​വ​ർ മീ​റ്റിം​ഗിന്‍റെ സാ​ങ്കേ​തി​ക ക്ര​മീ​ക​ര​ണ​ങ്ങ​ൾ ഏ​കോ​പി​പ്പി​ച്ചു.

അ​ടു​ത്ത സം​ഗ​മം ഈ മാസം 22ന് ​ന​ട​ക്കും. ഡാ​ള​സി​ൽ നി​ന്നു​ള്ള ഷൈ​ജ എ​ൽ​ധോ​സ് ശു​ശ്രൂ​ഷ​ക​ൾ​ക്ക് നേ​തൃ​ത്വം ന​ൽ​കും.

Tags : InternationalPrayerLine IPL PrayerGathering PrayerMeeting