18

ഫി​ല​ഡ​ൽ​ഫി​യ: ഫി​ല​ഡ​ൽ​ഫി​യ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ (പി​എ​ച്ച്എ​ൽ) നി​ന്ന് ദോ​ഹ വ​ഴി കൊ​ച്ചി​യി​ലേ​ക്കു​ള്ള ഖ​ത്ത​ർ എ​യ​ർ​വേ​യ്സ് സ​ർ​വീ​സ് 2026 ഓ​ഗ​സ്റ്റ് ഒ​ന്ന് മു​ത​ൽ പു​ന​രാ​രം​ഭി​ക്കു​ന്ന​താ​യി പ്ര​ഖ്യാ​പി​ച്ച​തോ​ടെ, അ​മേ​രി​ക്ക​ൻ മ​ല​യാ​ളി സ​മൂ​ഹ​ത്തി​ന് ഏ​റെ​ക്കാ​ല​മാ​യി കാ​ത്തി​രു​ന്ന ഒ​രു സു​പ്ര​ധാ​ന വാ​ർ​ത്ത​യാ​ണ് യാ​ഥാ​ർ​ഥ്യ​മാ​യി​രി​ക്കു​ന്ന​ത്.

പെ​ൻ​സി​ൽ​വേ​നി​യ, ന്യൂ​ജ​ഴ്‌​സി, ഡെ​ല​വെ​യ​ർ എ​ന്നി​വി​ട​ങ്ങ​ളി​ലെ ആ​യി​ര​ക്ക​ണ​ക്കി​ന് മ​ല​യാ​ളി​ക​ൾ​ക്ക് ഈ ​സ​ർ​വീ​സ് വ​ലി​യ യാ​ത്രാ​സൗ​ക​ര്യം ഒ​രു​ക്കു​മെ​ന്നാ​ണ് പ്ര​തീ​ക്ഷ. ഫി​ല​ഡ​ൽ​ഫി​യ​യി​ൽ നി​ന്ന് കേ​ര​ള​ത്തി​ലേ​ക്കും ദ​ക്ഷി​ണേ​ന്ത്യ​യി​ലേ​ക്കും കൂ​ടു​ത​ൽ മി​ക​ച്ച വി​മാ​ന​ബ​ന്ധ​ങ്ങ​ൾ ല​ഭ്യ​മാ​ക്ക​ണ​മെ​ന്ന ആ​വ​ശ്യ​വു​മാ​യി ഓ​ർ​മ ഇ​ന്‍റ​ർ​നാ​ഷ്ണ​ൽ ക​ഴി​ഞ്ഞ ഒ​രു ദ​ശാ​ബ്ദ​ത്തി​ലേ​റെ​യാ​യി വി​വി​ധ ത​ല​ങ്ങ​ളി​ൽ പ്ര​വ​ർ​ത്തി​ച്ചു​വ​രി​ക​യാ​യി​രു​ന്നു.

ഈ ​വി​ഷ​യ​ത്തി​ൽ നേ​രി​ട്ടു​ള്ള സു​പ്ര​ധാ​ന ഇ​ട​പെ​ട​ലു​ക​ളും ഔ​ദ്യോ​ഗി​ക കൂ​ടി​ക്കാ​ഴ്ച​ക​ളും 2015-ൽ ​ഓ​ർ​മ ഇ​ന്‍റ​ർ​നാ​ഷ്ണ​ൽ പ​ബ്ലി​ക് അ​ഫ​യേ​ഴ്സ് ചെ​യ​ർ വി​ൻ​സ​ന്‍റ് ഇ​മ്മാ​നു​വേ​ലി​ന്‍റെ നേ​തൃ​ത്വ​ത്തി​ൽ ആ​രം​ഭി​ച്ചു. അ​ന്ന​ത്തെ ഫി​ല​ഡ​ൽ​ഫി​യ സി​റ്റി കൗ​ൺ​സി​ൽ അം​ഗ​മാ​യി​രു​ന്ന Al Taubenbergerന്‍റെ സ​ഹ​ക​ര​ണ​വും പി​ന്തു​ണ​യും ഈ ​ശ്ര​മ​ങ്ങ​ൾ​ക്ക് നി​ർ​ണാ​യ​ക​മാ​യി​രു​ന്നു.

തു​ട​ർ​ന്നു​ള്ള വ​ർ​ഷ​ങ്ങ​ളി​ൽ ഓ​ർ​മ ഇ​ന്‍റ​ർ​നാ​ഷ്ണ​ൽ നേ​താ​ക്ക​ൾ ഫി​ല​ഡ​ൽ​ഫി​യ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​രു​മാ​യി നി​ര​വ​ധി ത​വ​ണ ച​ർ​ച്ച​ക​ൾ ന​ട​ത്തി.

2023-ലെ ​ഒ​രു പ്ര​ധാ​ന കൂ​ടി​ക്കാ​ഴ്ച​യി​ൽ ഫി​ല​ഡ​ൽ​ഫി​യ ഇ​ന്‍റർ​നാ​ഷ്ണ​ൽ എ​യ​ർ​പോ​ർ​ട്ട് ചീ​ഫ് എ​ക്സി​ക്യൂ​ട്ടി​വ് ഓ​ഫീ​സ​ർ അ​റ്റി​ഫ് സ​യീ​ദ്, എ​യ​ർ സ​ർ​വീ​സ് ഡെ​വ​ല്പ്മെ​ന്‍റ് ഡ​യ​റ​ക്ട​ർ എ​ഡ്ഗാ​ർ ഏ​രി​യാ​സ്, ഏ​വി​യേ​ഷ​ൻ ഡെ​പ്യൂ​ട്ടി ഡ​യ​റ​ക്ട​ർ ജെ​യിം​സ് ടി​ര​ൽ എ​ന്നി​വ​ർ ഇ​ന്ത്യ​ൻ-​മ​ല​യാ​ളി സ​മൂ​ഹ​ത്തി​ന്‍റെ യാ​ത്രാ ആ​വ​ശ്യ​ക​ത​ക​ൾ വി​ശ​ദ​മാ​യി കേ​ൾ​ക്കു​ക​യും കേ​ര​ള മേ​ഖ​ല​യി​ലേ​ക്കു​ള്ള വി​മാ​ന സ​ർ​വീ​സു​ക​ളു​ടെ സാ​ധ്യ​ത​ക​ൾ സം​ബ​ന്ധി​ച്ച് അ​നു​കൂ​ല നി​ല​പാ​ട് പ്ര​ക​ടി​പ്പി​ക്കു​ക​യും ചെ​യ്തി​രു​ന്നു.

ആ ​നി​ർ​ണാ​യ​ക യോ​ഗ​ത്തി​ൽ ഓ​ർ​മ ഇന്‍റർ​നാ​ഷ്ണ​ൽ പ​ബ്ലി​ക് അ​ഫ​യേ​ഴ്സ് ചെ​യ​ർ വി​ൻ​സന്‍റ് ഇ​മ്മാ​നു​വേ​ലി​ന്‍റെ നേ​തൃ​ത്വ​ത്തി​ൽ ജോ​സ് ആ​റ്റു​പു​റം (ഓ​ർ​മ ഇ​ന്‍റർ​നാ​ഷ്ണ​ൽ ട്ര​സ്റ്റീ ബോ​ർ​ഡ് ചെയ​ർ), സ​ജി സെ​ബാ​സ്റ്റ്യ​ൻ (ഓ​ർ​മ ഇ​ന്‍റ​ർ​നാ​ഷ്ണ​ൽ പ്ര​സി​ഡ​ന്‍റ്), ജോ​ർ​ജ് ന​ട​വ​യ​ൽ (മു​ൻ പ്ര​സി​ഡന്‍റ്), അ​റ്റേ​ണി ജോ​സ​ഫ് കു​ന്നേ​ൽ (ചെ​യ​ർ ലീ​ഗ​ൽ സെ​ൽ), ജോ​സ് തോ​മ​സ് (ചെ​യ​ർ ടാ​ല​ന്‍റ് പ്രൊ​മോ​ഷ​ൻ ഫോ​റം), നൈ​നാ​ൻ മ​ത്താ​യി (ചെ​യ​ർ ചാ​രി​റ്റി ആ​ക്ടി​വി​റ്റീ​സ്), ഷൈ​ലാ രാ​ജ​ൻ (ഓ​ർ​മ ഫി​ല​ഡ​ൽ​ഫി​യ ചാ​പ്‌​റ്റ​ർ പ്ര​സി​ഡ​ന്‍റ്), ആ​ലീ​സ് ജോ​സ് എ​ന്നി​വ​ർ മീ​റ്റിംഗിൽ ക്ഷ​ണി​താ​ക്ക​ളാ​യി പ​ങ്കെ​ടു​ത്തി​രു​ന്നു.

ഫി​ല​ഡ​ൽ​ഫി​യ മേ​ഖ​ല​യി​ലെ ഇ​ന്ത്യ​ൻ -​ മ​ല​യാ​ളി സ​മൂ​ഹ​ത്തി​ന്‍റെ വ​ള​ർ​ച്ച​യും യാ​ത്രാ ആ​വ​ശ്യ​ക​ത​യും സം​ബ​ന്ധി​ച്ച വി​വ​ര​ങ്ങ​ൾ ഈ ​പ്ര​തി​നി​ധി​സം​ഘം വി​മാ​ന​ത്താ​വ​ള അ​ധി​കൃ​ത​ർ​ക്ക് സ​മ​ർ​പ്പി​ച്ചി​രു​ന്നു.

അ​ന്ന​ത്തെ ച​ർ​ച്ച​ക​ളു​ടെ ഭാ​ഗ​മാ​യി ഓ​ർ​മ ഇ​ന്‍റർ​നാ​ഷ്ണ​ൽ നാ​മ​നി​ർ​ദേശം ചെ​യ്ത അ​റ്റോ​ർ​ണി ജോ​സ​ഫ് കു​ന്നേ​ലി​നെ, ഇ​ന്ത്യ​ൻ-​മ​ല​യാ​ളി-​അ​മേ​രി​ക്ക​ൻ സ​മൂ​ഹ​ത്തി​ന്‍റെ പ്ര​തി​നി​ധി​യാ​യി വി​മാ​ന സ​ർ​വീ​സ് സാ​ധ്യ​ത​ക​ൾ പ​ഠി​ക്കു​ന്ന പ്ര​ത്യേ​ക ഉ​പ​ദേ​ശ​ക സ​മി​തി​യി​ലേ​ക്ക് വി​മാ​ന​ത്താ​വ​ള അ​ധി​കൃ​ത​ർ ഉ​ൾ​പ്പെ​ടു​ത്തി​യ​തും ശ്ര​ദ്ധേ​യ​മാ​യ നേ​ട്ട​മാ​യി​രു​ന്നു. സ​മൂ​ഹ​ത്തി​ന്‍റെ ആ​വ​ശ്യ​ങ്ങ​ൾ ഔ​ദ്യോ​ഗി​ക ത​ല​ത്തി​ൽ അ​വ​ത​രി​പ്പി​ക്കാ​ൻ ഇ​ത് സ​ഹാ​യ​ക​മാ​യി.

ഇ​പ്പോ​ൾ ഖ​ത്ത​ർ എ​യ​ർ​വേ​യ്സ് ഫി​ല​ഡ​ൽ​ഫി​യ - ​ദോ​ഹ -​ കൊ​ച്ചി സ​ർ​വീ​സ് പു​ന​രാ​രം​ഭി​ക്കു​ന്ന​താ​യി പ്ര​ഖ്യാ​പി​ച്ച സാ​ഹ​ച​ര്യ​ത്തി​ൽ, ഈ ​തീ​രു​മാ​ന​ത്തി​ന്‍റെ മു​ഴു​വ​ൻ ക്രെ​ഡി​റ്റും ഒ​രു വ്യ​ക്തി​ക്കോ സം​ഘ​ട​ന​ക്കോ അ​വ​കാ​ശ​പ്പെ​ടാ​നാ​കി​ല്ലെ​ങ്കി​ലും ഫി​ല​ഡ​ൽ​ഫി​യ​യി​ൽ നി​ന്ന് കേ​ര​ള​ത്തി​ലേ​ക്കു​ള്ള വി​മാ​ന​സൗ​ക​ര്യ​ത്തി​ന്‍റെ ആ​വ​ശ്യ​ക​ത വ​ർ​ഷ​ങ്ങ​ളാ​യി വി​വി​ധ അ​ധി​കാ​ര​കേ​ന്ദ്ര​ങ്ങ​ളി​ൽ തു​ട​ർ​ച്ച​യാ​യി ഉ​ന്ന​യി​ക്കു​ക​യും വി​മാ​ന​ത്താ​വ​ള അ​ധി​കൃ​ത​രു​മാ​യി നേ​രി​ട്ടു​ള്ള ആ​ശ​യ​വി​നി​മ​യം ന​ട​ത്തു​ക​യും സ​മൂ​ഹ​ത്തിന്‍റെ ശ​ബ്ദം ന​യ​രൂ​പീ​ക​ര​ണ വേ​ദി​ക​ളി​ലെ​ത്തി​ക്കു​ക​യും ചെ​യ്ത കൂ​ട്ടാ​യ ശ്ര​മ​ങ്ങ​ളി​ൽ ഓ​ർ​മ ഇന്‍റർ​നാ​ഷ്ണ​ൽ ശ്ര​ദ്ധേ​യ​വും സ​ജീ​വ​വു​മാ​യ പ​ങ്കു​വ​ഹി​ച്ചി​ട്ടു​ണ്ടെ​ന്ന് സം​ഘ​ട​ന ചൂ​ണ്ടി​ക്കാ​ട്ടു​ന്നു.

ഫി​ല​ഡ​ൽ​ഫി​യ മേ​ഖ​ല​യി​ലെ മ​ല​യാ​ളി സ​മൂ​ഹ​ത്തിന്‍റെ യാ​ത്രാ ആ​വ​ശ്യ​ക​ത​ക​ൾ സം​ബ​ന്ധി​ച്ച വി​വ​ര​ശേ​ഖ​ര​ണം, വി​മാ​ന​ത്താ​വ​ള അ​ധി​കൃ​ത​രു​മാ​യി നേ​രി​ട്ടു​ള്ള ച​ർ​ച്ച​ക​ൾ, ജ​ന​പ്ര​തി​നി​ധി​ക​ളു​ടെ​യും പ്രാ​ദേ​ശി​ക ഭ​ര​ണ​കൂ​ട​ങ്ങ​ളു​ടെ​യും പി​ന്തു​ണ ഉ​റ​പ്പാ​ക്ക​ൽ തു​ട​ങ്ങി​യ നി​ര​വ​ധി പ്ര​വ​ർ​ത്ത​ന​ങ്ങ​ളി​ലൂ​ടെ ഈ ​വി​ഷ​യ​ത്തി​ന് ശ​ക്ത​മാ​യ പൊ​തു​ജ​ന ശ്ര​ദ്ധ ല​ഭ്യ​മാ​ക്കു​ന്ന​തി​ൽ സം​ഘ​ട​ന നി​ർ​ണാ​യ​ക പ​ങ്കു​വ​ഹി​ച്ചു.

പ്ര​ത്യേ​കി​ച്ച് 2015 മു​ത​ൽ വി​ൻ​സ​ന്‍റ് ഇ​മ്മാ​നു​വേ​ലിന്‍റെ നേ​തൃ​ത്വ​ത്തി​ൽ ആ​രം​ഭി​ച്ച സം​ഘ​ടി​ത ഇ​ട​പെ​ട​ലു​ക​ൾ ഈ ​ആ​വ​ശ്യ​ത്തി​ന് ഒ​രു വ്യ​ക്ത​മാ​യ ദി​ശ​യും തു​ട​ർ​ച്ച​യാ​യ മു​ന്നേ​റ്റ​വും ന​ൽ​കാ​ൻ സ​ഹാ​യി​ച്ചു.

ഇ​ന്ന് ഖ​ത്ത​ർ എ​യ​ർ​വേ​യ്സ് ഫി​ല​ഡ​ൽ​ഫി​യ - ​ദോ​ഹ - ​കൊ​ച്ചി സ​ർ​വീ​സ് പു​ന​രാ​രം​ഭി​ക്കു​ന്ന​താ​യി പ്ര​ഖ്യാ​പി​ച്ചി​രി​ക്കു​ന്ന​ത് മ​ല​യാ​ളി സ​മൂ​ഹ​ത്തി​ന്‍റെ ദീ​ർ​ഘ​കാ​ല ആ​ഗ്ര​ഹ​ത്തി​ന് ല​ഭി​ച്ച വ​ലി​യ അം​ഗീ​കാ​ര​മാ​യാ​ണ് ഓ​ർ​മ ഇന്‍റർ​നാ​ഷ്ണ​ൽ വി​ല​യി​രു​ത്തു​ന്ന​ത്.

വ​ർ​ഷ​ങ്ങ​ളാ​യി ഈ ​വി​ഷ​യ​ത്തെ സ​ജീ​വ​മാ​യി ഉ​യ​ർ​ത്തി​ക്കാ​ട്ടു​ക​യും സ​മൂ​ഹ​ത്തി​ന്‍റെ ആ​വ​ശ്യ​ക​ത ബ​ന്ധ​പ്പെ​ട്ട അ​ധി​കാ​ര​കേ​ന്ദ്ര​ങ്ങ​ളി​ൽ എ​ത്തി​ക്കു​ക​യും വി​മാ​ന സ​ർ​വീ​സ് വി​ക​സ​ന​ത്തി​നാ​യു​ള്ള സം​വാ​ദ​ങ്ങ​ൾ​ക്ക് പ്ര​ചോ​ദ​ന​വും ഗ​തി​വേ​ഗ​വും ന​ൽ​കു​ന്ന​തി​ൽ ഒ​രു സു​പ്ര​ധാ​ന പ​ങ്ക് വ​ഹി​ക്കാ​നാ​യ​തി​ൽ ഓ​ർ​മ ഇ​ന്‍റർ​നാ​ഷ്ണ​ൽ അ​ഭി​മാ​നി​ക്കു​ന്നു.

ഫി​ല​ഡ​ൽ​ഫി​യ മേ​ഖ​ല​യി​ലെ മ​ല​യാ​ളി സ​മൂ​ഹ​ത്തി​ന്‍റെ താ​ത്പ​ര്യ​ങ്ങ​ൾ​ക്കാ​യി ഭാ​വി​യി​ലും സ​മാ​ന​മാ​യ പൊ​തു​പ്ര​വ​ർ​ത്ത​ന​ങ്ങ​ൾ തു​ട​രു​മെ​ന്നും കേ​ര​ള​ത്തി​ലേ​ക്കും ഇ​ന്ത്യ​യി​ലെ മ​റ്റ് പ്ര​ധാ​ന ന​ഗ​ര​ങ്ങ​ളി​ലേ​ക്കും കൂ​ടു​ത​ൽ സൗ​ക​ര്യ​പ്ര​ദ​മാ​യ വി​മാ​ന​ബ​ന്ധ​ങ്ങ​ൾ യാ​ഥാ​ർ​ഥ്യ​മാ​കു​ന്ന​തി​നാ​യി ഓ​ർ​മ ഇന്‍റ​ർ​നാ​ഷ്ണ​ലിന്‍റെ പ്ര​വ​ർ​ത്ത​ന​ങ്ങ​ൾ തു​ട​രു​മെ​ന്നു നേ​തൃ​ത്വം അ​റി​യി​ച്ചു.

Tags : Philadelphia Kochi Flights Service