20

ഹൂ​സ്റ്റ​ൺ: പു​തി​യ അ​ധ്യ​യ​ന വ​ർ​ഷ​ത്തി​ലേ​ക്ക് പ്ര​വേ​ശി​ക്കു​ന്ന കു​ട്ടി​ക​ൾ​ക്കും യു​വ​തീ​യു​വാ​ക്ക​ൾ​ക്കു​മാ​യി ഹൂ​സ്റ്റ​ൺ സെ​ന്‍റ് മേ​രീ​സ് ക്നാ​നാ​യ ക​ത്തോ​ലി​ക്കാ ഫൊ​റോ​നാ പ​ള്ളി​യി​ൽ പ്ര​ത്യേ​ക ആ​ശീ​ർ​വാ​ദ ശു​ശ്രൂ​ഷ സം​ഘ​ടി​പ്പി​ച്ചു.

ഞാ​യ​റാ​ഴ്ച ഓ​രോ വി​ശു​ദ്ധ കു​ർ​ബാ​ന​യ്ക്കും ശേ​ഷം വി​കാ​രി ഫാ. ​ഏ​ബ്ര​ഹാം മു​ത്തോ​ല​ത്ത്, അ​സി​സ്റ്റ​ന്‍റ് വി​കാ​രി ഫാ. ​ജോ​ഷി വ​ലി​യ​വീ​ട്ടി​ൽ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ശു​ശ്രൂ​ഷ​ക​ൾ ന​ട​ന്ന​ത്. നി​ര​വ​ധി കു​ട്ടി​ക​ളും യു​വ​ജ​ന​ങ്ങ​ളും ച​ട​ങ്ങി​ൽ പ​ങ്കെ​ടു​ത്തു പ്രാ​ർ​ഥി​ച്ചു.

പ​ഠ​ന​ത്തി​ലും ജീ​വി​ത​ത്തി​ലും അ​റി​വി​ലും ജ്ഞാ​ന​ത്തി​ലും വ​ള​രേ​ണ്ട​തി​ന്‍റെ പ്രാ​ധാ​ന്യ​ത്തെ​ക്കു​റി​ച്ച് വി​കാ​രി ഫാ. ​അ​ബ്ര​ഹാം മു​ത്തോ​ല​ത്ത് കു​ട്ടി​ക​ളെ ഓ​ർ​മി​പ്പി​ച്ചു.

മാ​താ​പി​താ​ക്ക​ളെ​യും അ​ധ്യാ​പ​ക​രെ​യും ബ​ഹു​മാ​നി​ക്കു​ക​യും അ​നു​സ​രി​ക്കു​ക​യും ചെ​യ്യേ​ണ്ട​ത് ദൈ​വാ​നു​ഗ്ര​ഹം ല​ഭി​ക്കു​ന്ന​തി​ന് അ​ത്യ​ന്താ​പേ​ക്ഷി​ത​മാ​ണെ​ന്ന് അ​ദ്ദേ​ഹം സ​ന്ദേ​ശ​ത്തി​ൽ പ​റ​ഞ്ഞു.

പാ​ഠ​പു​സ്ത​ക​ങ്ങ​ളി​ലെ അ​റി​വി​നൊ​പ്പം ന​ല്ല മൂ​ല്യ​ങ്ങ​ളും ദൈ​വ​ഭ​യ​വും വ​ള​ർ​ത്തി​യെ​ടു​ക്ക​ണ​മെ​ന്നും പ്ര​തി​സ​ന്ധി​ക​ളി​ൽ ത​ള​രാ​തെ പ്രാ​ർ​ഥ​ന​യോ​ടെ പ​രി​ശ്ര​മി​ക്ക​ണ​മെ​ന്നും അ​ദ്ദേ​ഹം കു​ട്ടി​ക​ളെ ഉ​പ​ദേ​ശി​ച്ചു. സ​മ​യ​നി​ഷ്ഠ പാ​ലി​ക്കു​ന്ന​തി​ലും സ​ഹ​ജീ​വി​ക​ളോ​ട് അ​നു​ക​മ്പ​യും സ്നേ​ഹ​വും കാ​ണി​ക്കു​ന്ന​തി​ലും ശ്ര​ദ്ധ പു​ല​ർ​ത്ത​ണ​മെ​ന്ന് അ​ദ്ദേ​ഹം ആ​ഹ്വാ​നം ചെ​യ്തു.

ശു​ശ്രൂ​ഷ​യു​ടെ ഭാ​ഗ​മാ​യി പു​തി​യ അ​ധ്യ​യ​ന വ​ർ​ഷ​ത്തി​ൽ ദൈ​വി​ക സം​ര​ക്ഷ​ണ​വും ജ്ഞാ​ന​വും ല​ഭി​ക്കു​ന്ന​തി​നാ​യി മാ​താ​പി​താ​ക്ക​ളും പ്ര​ത്യേ​ക മ​ധ്യ​സ്ഥ പ്രാ​ർ​ഥ​ന​ക​ൾ പ​ങ്കു​ചേ​ർ​ന്നു.

Tags : StudentBlessing NewAcademicYear Students BlessingCeremony Education