ഇ​ന്ത്യ​യു​ടെ രാ​ഷ്‌​ട്രീ​യ ത​ല​സ്ഥാ​ന​മാ​യ ഡ​ല്‍​ഹി​യു​ടെ ഹൃ​ദ​യ​ഭാ​ഗ​ത്ത്, അ​ധി​കാ​രി​ക​ളു​ടെ ക​ണ്ണു​തു​റ​പ്പി​ക്കു​ന്ന മു​ദ്രാ​വാ​ക്യ​ങ്ങ​ളാ​ലും പ്ര​ക​ട​ന​ങ്ങ​ളാ​ലും സ​ദാ സ​ജീ​വ​മാ​യ ഒ​രി​ട​മു​ണ്ടാ​യി​രു​ന്നു. അ​താ​ണ് ജ​ന്ത​ര്‍ മ​ന്ത​ര്‍. ജ​നാ​ധി​പ​ത്യ​ത്തി​ന്‍റെ കാ​വ​ലാ​ളാ​യ ജ​ന​ങ്ങ​ളു​ടെ ശ​ബ്‌​ദം ഏ​റ്റ​വു​മ​ധി​കം മു​ഴ​ങ്ങി​ക്കേ​ള്‍​ക്കു​ന്ന ഈ ​മ​ണ്ണ്, ഇ​ന്ത്യ​യു​ടെ പ്ര​ക്ഷോ​ഭ​ച​രി​ത്ര​ത്തി​ലെ നി​ര്‍​ണാ​യ​ക ഇ​ട​മാ​ണ്. അ​വി​ടെ​നി​ന്ന് സ​മ​ര​ങ്ങ​ളെ കു​ടി​യി​റ​ക്കാ​ന്‍ ഭ​ര​ണ​വ​ര്‍​ഗം തി​ട്ടൂ​രം കെ​ട്ടു​മ്പോ​ള്‍ ച​രി​ത്രം ജ​ന്ത​ര്‍ മ​ന്ത​റി​നെ അ​ട​യാ​ള​പ്പെ​ടു​ത്തു​ക ഫ​ലം ക​ണ്ട​തും കാ​ണാ​ത്ത​തു​മാ​യ നി​ര​വ​ധി പ്ര​തി​ഷേ​ധ​ങ്ങ​ളു​ടെ സാ​ക്ഷി​യാ​യി​ട്ടാ​കും.

സ​മ​ര​ഭൂ​മി​യാ​യി ജ​ന്ത​ര്‍ മ​ന്ത​റി​നെ അ​ട​യാ​ള​പ്പെ​ടു​ത്തു​ന്ന​തി​നു​മു​മ്പ് കൗ​തു​കം നി​റ​ഞ്ഞ മ​റ്റൊ​രു ച​രി​ത്രം അ​തി​നു​ണ്ട്. സ​മ​ര​ങ്ങ​ളു​ടെ ചൂ​ട​റി​ഞ്ഞ് വ​ള​രു​ന്ന​തി​ന് നൂ​റ്റാ​ണ്ടു​ക​ള്‍​ക്കു​മു​മ്പ്, ജ്യോ​തി​ശാ​സ്ത്ര​ത്തി​ന്‍റെ​യും സ​മ​യ ഗ​ണ​ന​ത്തി​ന്‍റെ​യും ഒ​രു ശാ​സ്ത്ര​വി​സ്മ​യ​മാ​യി​രു​ന്നു ഈ ​പ്ര​ദേ​ശം. ‘ജ​ന്ത​ര്‍ മ​ന്ത​ര്‍’ എ​ന്ന വാ​ക്ക് കേ​ള്‍​ക്കു​മ്പോ​ള്‍​ത​ന്നെ മു​ദ്രാ​വാ​ക്യ​ങ്ങ​ളു​ടെ​യും സ​മ​ര​പോ​രാ​ട്ട​ത്തി​ന്‍റെ​യും ചി​ത്ര​മാ​ണ് ആ​ദ്യം വ​രി​ക. എ​ന്നാ​ല്‍ പേ​രി​ന്‍റെ അ​ര്‍​ഥം പ​രി​ശോ​ധി​ച്ചാ​ല്‍ അ​തൊ​രു ശാ​സ്ത്രീ​യ നി​ര്‍​മി​തി​യാ​ണെ​ന്ന് വ്യ​ക്ത​മാ​കും. ‘യ​ന്ത്ര​ങ്ങ​ള്‍’ എ​ന്നും ‘മ​ന്ത്ര​ങ്ങ​ള്‍’ (ക​ണ​ക്കു​കൂ​ട്ട​ലു​ക​ള്‍) എ​ന്നു​മാ​ണ് ജ​ന്ത​ര്‍ മ​ന്ത​ര്‍ എ​ന്നീ പ​ദ​ങ്ങ​ളു​ടെ അ​ര്‍​ഥം.

1724ല്‍ ​ജ​യ്പു​ര്‍ മ​ഹാ​രാ​ജാ​വാ​യ ജ​യ്സിം​ഗ് ര​ണ്ടാ​മ​നാ​ണ് ജ​ന്ത​ര്‍ മ​ന്ത​ര്‍ നി​ര്‍​മി​ക്കു​ന്ന​ത്. രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ അ​ദ്ദേ​ഹം സ്ഥാ​പി​ച്ച അ​ഞ്ച് ജ്യോ​തി​ശാ​സ്ത്ര നി​രീ​ക്ഷ​ണാ​ല​യ​ങ്ങ​ളി​ല്‍ ആ​ദ്യ​ത്തേ​താ​ണ് ജ​ന്ത​ര്‍ മ​ന്ത​ര്‍. സൂ​ര്യ​ന്‍റെ​യും ച​ന്ദ്ര​ന്‍റെ​യും മ​റ്റ് ഗ്ര​ഹ​ങ്ങ​ളു​ടെ​യും ച​ല​ന​ങ്ങ​ള്‍ കൃ​ത്യ​മാ​യി നി​രീ​ക്ഷി​ക്കാ​നും സ​മ​യം തി​ട്ട​പ്പെ​ടു​ത്താ​നു​മാ​യി​രു​ന്നു ഈ ​നി​ര്‍​മി​തി.

ഇ​വി​ടെ​യു​ള്ള സാ​മ്രാ​ട്ട് യ​ന്ത്രം അ​ക്കാ​ല​ത്തെ ഏ​റ്റ​വും വ​ലി​യ സൗ​ര​ഘ​ടി​കാ​ര​ങ്ങ​ളി​ലൊ​ന്നാ​യി​രു​ന്നു. തെ​ളി​ഞ്ഞ കാ​ലാ​വ​സ്ഥ​യി​ല്‍ കൃ​ത്യ​ത​യോ​ടെ സ​മ​യം ക​ണ​ക്കാ​ക്കാ​ന്‍ ഭീ​മ​ന്‍ ത്രി​കോ​ണാ​കൃ​തി​യി​ലു​ള്ള ഈ ​സം​വി​ധാ​ന​ത്തി​നു സാ​ധി​ച്ചി​രു​ന്നു. ജ​യ്പ്ര​കാ​ശ് യ​ന്ത്രം, രാ​മ​യ​ന്ത്രം, മി​ശ്ര​യ​ന്ത്രം എ​ന്നി​ങ്ങ​നെ ആ​കാ​ശ​ഗോ​ള​ങ്ങ​ളെ​യും സ​മ​യ​ത്തെ​യും​കു​റി​ച്ച് പ​ഠി​ക്കാ​നു​ള്ള അ​ത്ഭു​ത​പ്പെ​ടു​ത്തു​ന്ന നി​ര​വ​ധി ഉ​പ​ക​ര​ണ​ങ്ങ​ള്‍ ഈ ​സ​മു​ച്ച​യ​ത്തി​ലു​ണ്ട്. പ​തി​നെ​ട്ടാം നൂ​റ്റാ​ണ്ടി​ല്‍ പ​ണി​ക​ഴി​പ്പി​ച്ച ജ്യോ​തി​ശാ​സ്ത്ര നി​രീ​ക്ഷ​ണാ​ല​യ​മാ​ണ് വാ​സ്ത​വ​ത്തി​ല്‍ ജ​ന്ത​ര്‍ മ​ന്ത​ര്‍. അ​തി​ന​ടു​ത്തു​നി​ന്ന് കേ​ര​ള ഹൗ​സി​ന് മു​മ്പി​ലൂ​ടെ പാ​ര്‍​ല​മെ​ന്‍റി​ന​ടു​ത്തേ​ക്കെ​ത്തു​ന്ന ജ​ന്ത​ര്‍ മ​ന്ത​ര്‍ റോ​ഡാ​ണ് പി​ന്നീ​ട പ്ര​തി​ഷേ​ധ​ങ്ങ​ള്‍​ക്ക് വേ​ദി​യാ​യി മാ​റി​യ​ത്.

നി​രീ​ക്ഷ​ണാ​ല​യ​ത്തി​ല്‍​നി​ന്നു പ്ര​തി​ഷേ​ധ ഭൂ​മി​യി​ലേ​ക്ക്

ആ​ധു​നി​ക ഇ​ന്ത്യ​യി​ല്‍ ഭ​ര​ണ​കൂ​ട​ങ്ങ​ളു​ടെ തെ​റ്റാ​യ ന​യ​ങ്ങ​ള്‍​ക്കെ​തി​രേ ശ​ബ്‌​ദ​മു​യ​ര്‍​ത്താ​ന്‍ ഏ​റ്റ​വും സു​ര​ക്ഷി​ത​വും പ്ര​തീ​കാ​ത്മ​ക​വു​മാ​യ ഇ​ട​മാ​യി ജ​ന്ത​ര്‍ മ​ന്ത​ര്‍ തെ​രു​വു​ക​ള്‍ മാ​റി​യ​തി​ന് പി​ന്നി​ല്‍ മാ​റി​മാ​റി വ​ന്ന ഭ​ര​ണ​കൂ​ട​ങ്ങ​ളു​ടെ പ​ങ്ക് വ​ലു​താ​ണ്. സ്വാ​ത​ന്ത്ര്യാ​ന​ന്ത​ര ഭാ​ര​ത​ത്തി​ല്‍ ദ​ശാ​ബ്‌​ദ​ങ്ങ​ളോ​ളം രാ​ഷ്്ട്രീ​യ റാ​ലി​ക​ളു​ടെ​യും വ​ന്‍ പ്ര​തി​ഷേ​ധ​ങ്ങ​ളു​ടെ​യും പ്ര​ധാ​ന കേ​ന്ദ്രം ഇ​ന്ത്യ ഗേ​റ്റി​ന് സ​മീ​പ​മു​ള്ള ബോ​ട്ട് ക്ല​ബ് ആ​യി​രു​ന്നു. ക​ര്‍​ഷ​ക നേ​താ​വ് മ​ഹേ​ന്ദ്ര സിം​ഗ് ടി​കാ​യ​ത്തി​ന്‍റെ നേ​തൃ​ത്വ​ത്തി​ല്‍ അ​ഞ്ച് ല​ക്ഷ​ത്തോ​ളം ക​ര്‍​ഷ​ക​രും ക​ന്നു​കാ​ലി​ക​ളും ഇ​ന്ത്യ ഗേ​റ്റി​ന്‍റെ പു​ല്‍​ത്ത​കി​ടി​ക​ള്‍ ക​യ്യേ​റി 1988ൽ‌ ​ന​ട​ത്തി​യ വ​ന്‍​പ്ര​ക്ഷോ​ഭം ഡ​ല്‍​ഹി​യെ സ്തം​ഭി​പ്പി​ച്ചു. ഈ ​സം​ഭ​വ​ത്തെ​ത്തു​ട​ര്‍​ന്ന് പാ​ര്‍​ല​മെ​ന്‍റി​നും ഔ​ദ്യോ​ഗി​ക കേ​ന്ദ്ര​ങ്ങ​ള്‍​ക്കും സ​മീ​പ​മു​ള്ള സു​ര​ക്ഷ​യും ക്ര​മ​സ​മാ​ധാ​ന​വും മു​ന്‍​നി​ര്‍​ത്തി സ​ര്‍​ക്കാ​ര്‍ ബോ​ട്ട് ക്ല​ബ്ബി​ലെ പ്ര​തി​ഷേ​ധ​ങ്ങ​ള്‍ നി​രോ​ധി​ച്ചു.‌‌

തു​ട​ര്‍​ന്ന്, 1990ക​ളു​ടെ തു​ട​ക്ക​ത്തി​ല്‍ രാ​ജ്പ​ഥി​ലും (ഇ​ന്ന​ത്തെ ക​ര്‍​ത്ത​വ്യ​പ​ഥ്) പ​രി​സ​ര​ങ്ങ​ളി​ലും ത​മ്പ​ടി​ച്ചി​രു​ന്ന സ​മ​ര​ക്കാ​രെ​യും സ​ര്‍​ക്കാ​ര്‍ ഒ​ഴി​പ്പി​ച്ചു. ഇ​തോ​ടെ​യാ​ണ് സ​ര്‍​ക്കാ​ര്‍ ന​യ​ങ്ങ​ള്‍​ക്കെ​തി​രാ​യ സ​മ​ര​ങ്ങ​ള്‍ ജ​ന്ത​ര്‍ മ​ന്ത​റി​ലേ​യ്ക്ക് മാ​റി​യ​ത്. ഔ​ദ്യോ​ഗി​ക​മാ​യി ഒ​രു പ്ര​തി​ഷേ​ധ ഭൂ​മി എ​ന്ന പേ​രി​ല്‍ ജ​ന്ത​ര്‍ മ​ന്ത​റി​നെ തു​ട​ക്ക​ത്തി​ല്‍ സ​ര്‍​ക്കാ​ര്‍ വി​ജ്ഞാ​പ​നം ചെ​യ്തി​രു​ന്നി​ല്ല. പ്ര​തി​ഷേ​ധ​ഭൂ​മി​യെ​ന്ന നി​ല​യി​ല്‍ ഒ​രു സ്വ​ഭാ​വി​ക വ​ള​ര്‍​ച്ച​യാ​ണ് ജ​ന്ത​ര്‍ മ​ന്ത​റി​നു​ണ്ടാ​യ​ത്. പ്ര​തി​ഷേ​ധ​ങ്ങ​ളു​ടെ ആ​ദ്യ ഭൂ​മി​ക​യാ​യി​രു​ന്ന ബോ​ട്ട് ക്ല​ബി​ന് പ​ക​രം 1993 മു​ത​ലാ​ണ് ജ​ന്ത​ര്‍ മ​ന്ത​ര്‍ സ​മ​ര​ങ്ങ​ളു​ടെ വേ​ദി​യാ​യി അ​റി​യ​പ്പെ​ട്ടു തു​ട​ങ്ങി​യ​ത്. എ​ന്നാ​ല്‍ 2017 ഒ​ക്‌​ടോ​ബ​റി​ല്‍ ജ​ന്ത​ര്‍ മ​ന്ത​റി​ല്‍​നി​ന്നു രാം​ലീ​ല മൈ​താ​ന​ത്തേ​യ്ക്ക് സ​മ​ര​ങ്ങ​ള്‍ മാ​റ്റാ​ന്‍ ദേ​ശീ​യ ഹ​രി​ത ട്രൈ​ബ്യൂ​ണ​ല്‍ (എ​ന്‍​ജി​ടി) ഉ​ത്ത​ര​വി​ട്ടു. ജ​ന്ത​ര്‍ മ​ന്ത​റി​ന് ചു​റ്റു​മു​ള്ള​വ​ര്‍​ക്ക് ബു​ദ്ധി​മു​ട്ടു​ക​ള്‍ നേ​രി​ടു​ന്നു​വെ​ന്ന് ചൂ​ണ്ടി​ക്കാ​ട്ടി ല​ഭി​ച്ച പ​രാ​തി​യു​ടെ അ​ടി​സ്ഥാ​ന​ത്തി​ലാ​യി​രു​ന്നു ന​ട​പ​ടി.

സ​മ​ര​ഭൂ​മി​ക​യ്ക്ക് തി​ര​ശീ​ല

ഇ​ന്ത്യ​യു​ടെ സ​മ​ര​പോ​രാ​ട്ട ച​രി​ത്ര​ത്തി​ല്‍ പ​ഴ​യൊ​ര​ധ്യാ​യ​മാ​യി ജ​ന്ത​ര്‍ മ​ന്ത​ര്‍ മാ​റും. പ്ര​തി​ഷേ​ധ പ്ര​ക​ട​ന​ങ്ങ​ള്‍ സം​ഘ​ടി​പ്പി​ക്കാ​നു​ള്ള സ്ഥ​ല​ങ്ങ​ളു​ടെ പ​ട്ടി​ക​യി​ല്‍​നി​ന്ന് ജ​ന്ത​ര്‍ മ​ന്ത​റി​നെ ഒ​ഴി​വാ​ക്കി ഡ​ല്‍​ഹി പൊ​ലി​സ് ഉ​ത്ത​ര​വി​റ​ക്കി​യ​തോ​ടെ​യാ​ണ് ജ​ന്ത​ര്‍ മ​ന്ത​ര്‍ ഇ​നി ച​രി​ത്ര​മാ​കു​ന്ന​ത്. മൂ​ന്ന് പ​തി​റ്റാ​ണ്ടാ​യി മു​ഴ​ങ്ങി​ക്കേ​ട്ടി​രു​ന്ന പ്ര​തി​ഷേ​ധ​ത്തി​ന്‍റെ സ്വ​രം ഇ​നി ജ​ന്ത​ര്‍ മ​ന്ത​റി​ല്‍​നി​ന്നു​ണ്ടാ​കി​ല്ല. ന​ഗ​ര​ത്തി​നു​ള്ളി​ലെ രാം​ലീ​ല മൈ​താ​നം, ന​ഗ​ര​പ്രാ​ന്ത​ത്തി​ലെ ബു​റാ​ഡി മൈ​താ​നം, ശാ​ഹ്ദ്ര​യി​ലെ സി​ബി​ഡി മൈ​താ​നം എ​ന്നി​വ​യാ​ണ് ഇ​നി മു​ത​ലു​ള്ള സ​മ​ര​വേ​ദി. കാ​ത​ട​പ്പി​ക്കു​ന്ന മു​ദ്രാ​വാ​ക്യ​ങ്ങ​ള്‍ മു​ഴ​ക്കി​യ ജ​ന്ത​ര്‍ മ​ന്ത​റി​ലെ പ്ര​തി​ഷേ​ധ​ക്കാ​ര്‍ ഡ​ല്‍​ഹി പൊ​ലി​സി​ന്‍റെ ഈ ​തീ​രു​മാ​ന​ത്തെ​യും അ​തി​ജീ​വി​ക്കു​മെ​ന്ന് ക​രു​താം. പ്ര​തി​ഷേ​ധ​ങ്ങ​ളെ ഇ​ല്ലാ​താ​ക്കാ​ന്‍ ആ​ഗ്ര​ഹി​ക്കു​ന്ന​വ​രെ നി​യ​മ​ത്തി​ന്‍റെ അ​ക​മ്പ​ടി​യോ​ടെ നേ​രി​ട്ട് ജ​ന്ത​ര്‍ മ​ന്ത​റി​നെ തി​രി​ച്ചു​പി​ടി​ക്കു​മെ​ന്ന് ക​രു​താം. ഭ​ര​ണ​കൂ​ട​ത്തി​ന് മു​ന്നി​ല്‍ ജ​ന്ത​ര്‍ മ​ന്ത​റി​ല്‍​നി​ന്നു​ള്ള പ്ര​തി​ഷേ​ധ​ങ്ങ​ള്‍ ഇ​നി​യും മു​ഴ​ങ്ങ​ട്ടെ.

Tags : SUNDAY DEEPIKA Jantar Mantar Protests