യാ​ത്ര​ക്കാ​രു​ടെ ആ​ക്ര​മ​ണ​ങ്ങ​ളി​ല്‍​നി​ന്ന് പൈ​ല​റ്റു​മാ​രെ​യും അ​ങ്ങ​നെ വി​മാ​ന​ത്തെ​യും ര​ക്ഷി​ക്കു​ക​യെ​ന്ന ഉ​ദ്ദേ​ശ്യ​ത്തോ​ടെ ആ​രം​ഭി​ച്ച കോ​ക്പി​റ്റ് വാ​തി​ല്‍ അ​ട​യ്ക്ക​ലി​ന് പി​ന്നെ​യൊ​രു മാ​റ്റം വ​രു​ന്ന​ത് 2001 സെ​പ്റ്റം​ബ​ര്‍ 11ന് ​അ​മേ​രി​ക്ക​യി​ല്‍ ന​ട​ന്ന വേ​ള്‍​ഡ് ട്രേ​ഡ് സെ​ന്‍റ​ര്‍ ആ​ക്ര​മ​ണ​ത്തെ തു​ട​ര്‍​ന്നാ​ണ്.

സെ​പ്റ്റം​ബ​ര്‍ 30ന് ​ദു​ബാ​യി​ല്‍​നി​ന്ന് ടെ​ല്‍ അ​വീ​വി​ലേ​ക്കു പ​റ​ക്കു​ക​യാ​യി​രു​ന്ന ഫ്ളൈ ​ദു​ബാ​യു​ടെ ഫ്ളൈ​റ്റ് ന​മ്പ​ര്‍ എ​ഫ്ഇസെ​ഡ് 1073, ബോ​യിം​ഗ് 737 മാ​ക്സ് 8 വി​മാ​ന​ത്തി​ലെ ഒ​മാ​നി കോ ​പൈ​ല​റ്റ് ഹ​മാം അ​ല്‍ ഹ​മ്മാ​മി ഇ​ന്ത്യ​ക്കാ​ര​നാ​യ പൈ​ല​റ്റ് സ്മി​ത് മ​ച്ചാ​റി​നെ കോ​ക്പി​റ്റി​ല്‍ സൂ​ക്ഷി​ക്കു​ന്ന മ​ഴു ഉ​പ​യോ​ഗി​ച്ച് ആ​ക്ര​മി​ച്ച സം​ഭ​വം, വി​മാ​ന​സു​ര​ക്ഷ​യു​ടെ ച​രി​ത്ര​ത്തി​ല്‍ നി​ര്‍​ണാ​യ​ക​മാ​യ ഒ​രു വ​ഴി​ത്തി​രി​വുത​ന്നെ​യാ​ണ്.

വി​മാ​നം വീ​ണു ത​ക​രു​ക​യോ തീ​പി​ടി​ത്തം ഉ​ണ്ടാ​വു​ക​യോ മ​റ്റോ ചെ​യ്യു​ന്ന സാ​ഹ​ച​ര്യ​ത്തി​ല്‍, വി​മാ​ന ഭാ​ഗ​ങ്ങ​ള്‍​ക്കു​ള്ളി​ല്‍ കു​ടു​ങ്ങി​പ്പോ​യേ​ക്കാ​വു​ന്ന​വ​രെ പാ​ന​ലു​ക​ളും വാ​തി​ലു​ക​ളു​മൊ​ക്കെ വെ​ട്ടി​പ്പൊ​ളി​ച്ച് പു​റ​ത്തെ​ടു​ക്കു​കയെ​ന്ന ഉ​ദ്ദേ​ശ്യ​മു​ള്ള മ​ഴു, ഏ​റ്റ​വും സു​ര​ക്ഷി​ത​മാ​യി​രി​ക്കാ​നാ​ണ് പൈ​ല​റ്റു​മാ​രു​ടെ ക​സ്റ്റ​ഡി​യി​ല്‍ കോ​ക്പി​റ്റി​നു​ള്ളി​ല്‍​ത​ന്നെ സൂ​ക്ഷി​ച്ചി​രി​ക്കു​ന്ന​ത്. അ​ത് ഇ​ത്ത​ര​ത്തി​ലൊ​രു വ​ന്‍ സു​ര​ക്ഷാ​ഭീ​ഷ​ണി​യാ​കു​മെ​ന്ന് ആ​രും മു​ന്‍​കൂ​ട്ടി ക​ണ്ടി​രു​ന്നി​ല്ല എ​ന്ന​താ​ണ് വാ​സ്ത​വം.

ആ​പ​ത്തു​ണ്ടാ​ക്കി​യേ​ക്കാ​വു​ന്ന കാ​ര്യ​ങ്ങ​ള്‍, ഓ​രോ സം​ഭ​വ​ങ്ങ​ളി​ലൂ​ടെ തി​രി​ച്ച​റി​ഞ്ഞ് അ​തി​ന് പ​രി​ഹാ​രം പി​ന്നാ​ലെ ഏ​ര്‍​പ്പെ​ടു​ത്തു​ന്ന രീ​തി​യാ​ണ് വ്യോ​മ​യാ​ന​രം​ഗ​ത്ത് പൊ​തു​വേ​യു​ള്ള​ത് എ​ന്ന​തി​നാ​ല്‍ കോ​ക്പി​റ്റി​ലെ മ​ഴു​വി​ന്‍റെ കാ​ര്യ​ത്തി​ലും പു​ത്ത​ന്‍ സു​ര​ക്ഷാസം​വി​ധാ​നം ഉ​ണ്ടാ​കു​മെ​ന്ന​തു തീ​ര്‍​ച്ച​യാ​ണ്.

ദ​ശാ​ബ്‌​ദ​ങ്ങ​ളി​ലൂ​ടെ, വി​മാ​ന​ത്തി​നു​ള്ളി​ലെ സു​ര​ക്ഷാ സം​വി​ധാ​ന​ങ്ങ​ള്‍​ക്കു​ണ്ടാ​യ മാ​റ്റം പോ​ലെ​ത​ന്നെ.

1964 മേ​യ് ഏ​ഴി​ന്, അ​മേ​രി​ക്ക​യി​ലെ നെ​വാ​ദ​യി​ല്‍നി​ന്ന് ക​ലി​ഫോ​ര്‍​ണി​യ​യി​ലേ​ക്കു പ​റ​ക്കു​ക​യാ​യി​രു​ന്ന പ​സ​ഫി​ക് എ​യ​ര്‍​ലൈ​ന്‍​സി​ന്‍റെ ഫ്ളൈ​റ്റ് ന​മ്പ​ര്‍ 773 എ​ന്ന ഒ​രു ഫെ​യ​ർ ചൈ​ല്‍​ഡ് എ 27 ​എ ഫ്ര​ണ്ട്ഷി​പ്പ് വി​മാ​ന​ത്തി​ലെ ഒ​രു യാ​ത്ര​ക്കാ​ര​ന്‍ ര​ണ്ടു പൈ​ല​റ്റു​മാ​രെ​യും വെ​ടി​വ​ച്ചു കൊ​ല്ലു​ക​യും പി​ന്നെ സ്വ​യം വെ​ടി​വ​യ്ക്കു​ക​യും ചെ​യ്ത​തി​നെ​ത്തു​ട​ര്‍​ന്ന് വി​മാ​നം വീ​ണു ത​ക​ര്‍​ന്ന് 44 യാ​ത്ര​ക്കാ​രും മ​രി​ച്ച സം​ഭ​വം മൂ​ല​മാ​ണ് കോ​ക്പി​റ്റ് വാ​തി​ല്‍ കു​റ്റി​യി​ടാ​ന്‍ ക​ഴി​യു​ന്ന​താ​ക​ണം എ​ന്ന നി​ബ​ന്ധ​നയുണ്ടാ​കു​ന്ന​ത്.

യാ​ത്ര​ക്കാ​രു​ടെ ആ​ക്ര​മ​ണ​ങ്ങ​ളി​ല്‍​നി​ന്ന് പൈ​ല​റ്റു​മാ​രെ​യും അ​ങ്ങ​നെ വി​മാ​ന​ത്തെ​യും ര​ക്ഷി​ക്കു​ക​യെ​ന്ന ഉ​ദ്ദേ​ശ്യത്തോടെ ആ​രം​ഭി​ച്ച ഈ ​കോ​ക്പി​റ്റ് വാ​തി​ല്‍ അ​ട​യ്ക്ക​ലി​ന് പി​ന്നെ​യൊ​രു മാ​റ്റം വ​രു​ന്ന​ത് 2001 സെ​പ്റ്റം​ബ​ര്‍ 11ന് ​അ​മേ​രി​ക്ക​യി​ല്‍ ന​ട​ന്ന വേ​ള്‍​ഡ് ട്രേ​ഡ് സെ​ന്‍റ​ര്‍ ആ​ക്ര​മ​ണ​ത്തെ തു​ട​ര്‍​ന്നാ​ണ്.

ര​ണ്ടു മാ​റ്റ​ങ്ങ​ളാ​ണ്, അ​മേ​രി​ക്ക​യു​ടെ ഫെ​ഡ​റ​ല്‍ ഏ​വി​യേ​ഷ​ന്‍ അ​ഡ്മി​നി​സ്ട്രേ​ഷ​ന്‍ നി​ര്‍​ദേ​ശി​ക്കു​ക​യും ന​ട​പ്പിലാ​ക്കു​ക​യും ചെ​യ്ത​ത്. കോ​ക്പി​റ്റ് വാ​തി​ല്‍ വെ​റു​തെ കു​റ്റി​യി​ട്ട് അ​ട​ച്ച​തുകൊ​ണ്ടു കാ​ര്യ​മി​ല്ല​ന്ന​തി​നാ​ൽ പൈ​ല​റ്റു​മാ​രു​ടെ കൃ​ത്യ​മാ​യ അ​നു​മ​തി​യി​ല്ലാ​തെ ആ​ര്‍​ക്കും ക​ട​ക്കാ​നാ​വാ​ത്ത സം​വി​ധാ​നം ഉ​ണ്ടാ​ക്ക​ണ​മെ​ന്ന​താ​യി​രു​ന്നു ആ​ദ്യ​ത്തേ​ത്. കൂ​ടാ​തെ, വെ​ടി​യു​ണ്ട​യും മ​റ്റ് ആ​ക്ര​മ​ണ​ങ്ങ​ളു​ടെ ആ​ഘാ​ത​വും ചെ​റു​ക്കാ​ന്‍ ക​ഴി​യു​ന്ന​താ​ക​ണം കോ​ക്പി​റ്റ് വാ​തി​ലെ​ന്നും ധാ​ര​ണ​യാ​യി.

ഇ​തി​നാ​യി, അ​ന്യ​ര്‍​ക്ക് തു​റ​ക്കാ​നാ​വാ​ത്ത പൂ​ട്ടു​ക​ളും വാ​തി​ല്‍ തു​റ​ക്കാ​ന്‍ അ​നു​വാ​ദം ചോ​ദി​ച്ചു​കൊ​ണ്ട് കാ​ബി​ന്‍ ക്രൂ ​ര​ഹ​സ്യ​കോ​ഡ് ടൈ​പ് ചെ​യ്യു​ന്ന കീ​പാ​ഡും ഒ​ക്കെ വ​ന്നു. കോ​ക്പി​റ്റ് ഉ​ള്ളി​ല്‍​നി​ന്ന് അ​ട​യ്ക്കാ​ന്‍, കു​റ്റി ഇ​ട്ടു മാ​ത്ര​മ​ല്ല, കോ​ഡ് ടൈ​പു ചെ​യ്തും പൈ​ല​റ്റു​മാ​ര്‍​ക്ക് വാ​തി​ല്‍ ഉ​ള്ളി​ല്‍​നി​ന്ന് പൂ​ട്ടാ​നു​ള്ള സം​വി​ധാ​ന​വു​മാ​യി. വാ​തി​ലി​ല്‍ പ​തി​പ്പി​ച്ചി​രി​ക്കു​ന്ന കീ​പാ​ഡി​ല്‍ ര​ഹ​സ്യ​കോ​ഡ് ടൈ​പു ചെ​യ്താ​ല്‍ ഉ​ള്ളി​ലി​രി​ക്കു​ന്ന പൈ​ല​റ്റി​ന് അ​നു​വാ​ദം കൊ​ടു​ക്കാം, കൊ​ടു​ക്കാ​തി​രി​ക്കാം. അ​നു​വാ​ദം നി​ഷേ​ധി​ച്ചുകൊ​ണ്ടു​ള്ള കോ​ഡ് പൈ​ല​റ്റ് ടൈ​പ് ചെ​യ്താ​ല്‍ പി​ന്നെ വാ​തി​ല്‍ തു​റ​ക്കു​ക​യേ​യി​ല്ല.

അ​പ്പോ​ഴാ​ണ്, പൈ​ല​റ്റ് ത​നി​യെ ആ​യി​രി​ക്കു​മ്പോ​ള്‍ ഉ​ള്ളി​ല്‍ ബോ​ധ​ര​ഹി​ത​നാ​യാ​ലോ എ​ന്ന സാ​ധ്യ​ത പ​രി​ഗ​ണി​ക്കേ​ണ്ടി​വ​ന്ന​ത്.

അ​തി​നു പ​രി​ഹാ​രം ക​ണ്ട​ത്, മ​റ്റൊ​രു സം​വി​ധാ​നം ഏ​ര്‍​പ്പെ​ടു​ത്തി​ക്കൊ​ണ്ടാ​യി​രു​ന്നു. കാ​ബി​ന്‍ ക്രൂ, ​വാ​തി​ലി​നു പു​റ​ത്തെ കോ​ഡ് ടൈ​പ് ചെ​യ്തു ക​ഴി​ഞ്ഞ് കൃ​ത്യ​സ​മ​യം ക​ഴി​ഞ്ഞും പൈ​ല​റ്റി​ന്‍റെ പ്ര​തി​ക​ര​ണം (അ​നു​വാ​ദം കൊ​ടു​ത്തുകൊ​ണ്ടോ കൊ​ടു​ക്കാ​തെ​യോ) ഒ​ന്നും ഇ​ല്ലാ​തെ​വ​ന്നാ​ല്‍ വാ​തി​ല്‍ സ്വ​യം തു​റ​ക്കു​ന്ന രീ​തി ന​ട​പ്പി​ലാ​യ​ത് അ​ങ്ങി​നെ​യാ​ണ്.

കോ​ക്പി​റ്റി​ല്‍​നി​ന്ന് പൈ​ല​റ്റു​മാ​ര്‍ പു​റ​ത്തി​റ​ങ്ങു​ക​യോ കോ​ക്പി​റ്റി​ലേ​ക്ക് കാ​ബി​ന്‍ ക്രൂ ​ക​യ​റു​ക​യോ ചെ​യ്യു​ന്ന സ​മ​യ​ങ്ങ​ളി​ല്‍ തു​റ​ക്കു​ന്ന വാ​തി​ലി​നു​ള്ളി​ലേ​ക്ക് ആ​രും ഇ​ടി​ച്ചു​ക​യ​റാ​തി​രി​ക്കാ​ന്‍, കോ​ക്പി​റ്റ് വാ​തി​ലി​നു പു​റ​മേ, കാ​ബി​ന്‍ ക്രൂ​വി​ന് തു​റ​ക്കാ​നും അ​ട​യ്ക്കാ​നും ക​ഴി​യു​ന്ന മ​റ്റൊ​രു ര​ണ്ടാം വാ​തി​ല്‍​കൂ​ടി, വി​മാ​ന​ങ്ങ​ളി​ല്‍ സ്ഥാ​പി​ക്കു​ന്നു​ണ്ട്, ഇ​പ്പോ​ള്‍. 2007ല്‍ ​ഇ​തി​നാ​യി നി​ര്‍​ദേ​ശം വ​ന്നി​രു​ന്നെങ്കി​ലും ബോ​യിം​ഗും എ​യ​ര്‍​ബ​സു​മൊ​ക്കെ ​ര​ണ്ടാം വാ​തി​ല്‍ സ്ഥാ​പി​ച്ചു​തു​ട​ങ്ങി​യ​ത് മൂ​ന്നു കൊ​ല്ലം​കൂ​ടി ക​ഴി​ഞ്ഞി​ട്ടാ​ണ്. ക​ഴി​ഞ്ഞ കൊ​ല്ലം മു​ത​ലാ​ണ് പു​ത്ത​ന്‍ വി​മാ​ന​ങ്ങ​ളി​ല്‍ ഈ ​സു​ര​ക്ഷാസം​വി​ധാ​നം പ​ര​ക്കെ ക​ണ്ടു​തു​ട​ങ്ങി​യ​തും.

കോ​ക്പി​റ്റി​നു വെ​ളി​യി​ല്‍, വാ​തി​ലി​ന​ടു​ത്ത് ആ​രാ​ണു​ള്ള​തെ​ന്ന് പൈ​ല​റ്റു​മാ​ര്‍​ക്ക് നേ​രി​ട്ടുകാ​ണാ​നു​ള്ള കാ​മ​റ​ക​ള്‍​കൂ​ടി പി​ന്നീ​ട് സ്ഥാ​പി​ക്ക​പ്പെ​ട്ടു. വാ​തി​ല്‍ തു​റ​ന്നു​കി​ട്ടാ​നു​ള്ള ര​ഹ​സ്യ​കോ​ഡ് വാ​തി​ലി​നു പു​റ​ത്തെ കീ​പാ​ഡി​ല്‍ ടൈ​പ് ചെ​യ്യു​ന്ന​ത് കാ​ബി​ന്‍ ക്രൂ ​ത​ന്നെ​യാ​ണെ​ന്ന് പൈ​ല​റ്റു​മാ​ര്‍​ക്ക് നേ​രി​ട്ടു ക​ണ്ട് ഉ​റ​പ്പാ​ക്കാ​നാ​യി​രു​ന്നു ഈ ​സം​വി​ധാ​നം. ഹൈ​ജാ​ക്കു ചെ​യ്യാ​ന്‍ വ​രു​ന്ന​വ​ര്‍ കാ​ബി​ന്‍ ക്രൂ​വി​നെ തോ​ക്കി​ന്‍​മു​ന്നി​ല്‍ നി​ര്‍​ത്തി കോ​ഡ് ടൈ​പ് ചെ​യ്യി​ക്കു​ന്ന​താ​ണെ​ങ്കി​ലോ?

അ​പ്പോ​ഴും കോ​ക്പി​റ്റി​നു​ള്ളി​ല്‍ ഒ​രു പൈ​ല​റ്റ് ഒ​റ്റ​യ്ക്കാ​വു​ക​യും ആ ​പൈ​ല​റ്റ് വാ​തി​ല്‍ മ​ന​പ്പൂ​ര്‍​വം തു​റ​ക്കാ​തി​രു​ന്ന് വി​മാ​ന​ത്തി​ന് ആ​പ​ത്തു​ണ്ടാ​ക്കാം എ​ന്ന സാ​ധ്യ​ത ആ​രും മു​ന്‍​കൂ​ട്ടി ക​ണ്ടി​രു​ന്നി​ല്ല.

അ​ത്ത​ര​മൊ​രു സാ​ഹ​ച​ര്യം എ​ത്ര​ത്തോ​ളം അ​പ​ക​ട​ക​ര​മാ​കു​മെ​ന്ന് തെ​ളി​യി​ച്ച ഒ​രു ദു​ര​ന്ത​വും വൈ​കാ​തെ ഉ​ണ്ടാ​യി.

2015 മാ​ര്‍​ച്ച് 24ന് ​സ്പെ​യി​നി​ലെ ബാ​ഴ്സ​ലോ​ണ​യി​ല്‍​നി​ന്ന് ജ​ര്‍​മ​നി​യി​ലെ ഡ്യുസ​ല്‍​ഡോർ ഫി​ലേ​ക്കു പോ​വു​ക​യാ​യി​രു​ന്ന ജ​ര്‍​മ​ൻ‌ വിം​ഗ്സ് എ​യ​ര്‍​ലൈ​നി​ന്‍റെ ഫ്ളൈ​റ്റ് 9525 എ​യ​ര്‍​ബ​സ് എ 321 ​വി​മാ​ന​ത്തി​ന്‍റെ കോ -​പൈ​ല​റ്റ്, പൈ​ല​റ്റ് കോ​ക്പി​റ്റി​ല്‍​നി​ന്ന് പു​റ​ത്തി​റ​ങ്ങി​യ​പ്പോ​ള്‍ വാ​തി​ല്‍ ഉ​ള്ളി​ല്‍​നി​ന്ന് പൂ​ട്ടി. ഫ്രാ​ന്‍​സി​ലെ നീ​സി​നു സ​മീ​പം ആ​ല്‍​പ്സ് പ​ര്‍​വ​തനി​ര​ക​ളി​ലേ​ക്ക് വി​മാ​നം പ​റ​ത്തി​ക്ക​യ​റ്റി വി​മാ​ന​ത്തി​ലു​ണ്ടാ​യി​രു​ന്ന 150 പേ​രും കൊ​ല്ല​പ്പെ​ട്ട സം​ഭ​വം, യൂ​റോ​പ്പി​ലും ലോ​ക​മെ​ങ്ങും വ്യോ​മ​യാ​ന സു​ര​ക്ഷ​യ്ക്ക് ഉ​ത്ത​ര​വാ​ദ​പ്പെ​ട്ട​വ​രെ ന​ടു​ക്കി​ക്ക​ള​ഞ്ഞു.

ആ​ദ്യ പ്ര​തി​ക​ര​ണ​മു​ണ്ടാ​യ​ത് യൂ​റോ​പ്യ​ന്‍ യൂ​ണി​യ​ന്‍ ഏ​വി​യേ​ഷ​ന്‍ സേ​ഫ്റ്റി ഏ​ന്‍​ജി​സി എ​ന്ന ഇ​എ​എ​സ്എ​യി​ല്‍​നി​ന്നാ​യി​രു​ന്നു.
കോ​ക്പി​റ്റി​ല്‍ പൈ​ല​റ്റ് ഒ​രു കാ​ര​ണ​വ​ശാ​ലും ഒ​രു സ​മ​യ​ത്തും ത​നി​യെ​യാ​കാ​ന്‍ പാ​ടി​ല്ലെന്ന നി​യ​മം ഉ​ണ്ടാ​കു​ന്ന​ത് അ​ങ്ങ​നെ​യാ​ണ്.

ഒ​രു പൈ​ല​റ്റ് കോ​ക്പി​റ്റി​നു പു​റ​ത്തി​റ​ങ്ങു​ന്ന​ത് കാ​ബി​ന്‍ ക്രൂ​വി​ല്‍ ഒ​രാ​ളെ വി​ളി​ച്ച് അ​ക​ത്ത് ഇ​രു​ത്തി​യി​ട്ടു വേ​ണ​മെ​ന്ന്, യൂ​റോ​പ്പി​ലും പി​ന്നീ​ട് ലോ​ക​മെ​ങ്ങു​മു​ള്ള എ​യ​ര്‍​ലൈ​നു​ക​ള്‍ നി​ഷ്ക​ര്‍​ഷി​ച്ചുതു​ട​ങ്ങി. എ​ന്നാ​ല്‍ ഇ​തി​നോ​ട് എ​തി​ർ‌​പ്പു​ള്ള​വ​രും ഉ​ണ്ടാ​യി​രു​ന്നു. കോ​ക്പി​റ്റ് പോ​ലെ​യു​ള്ള അ​തീ​വ സു​ര​ക്ഷാസ്ഥ​ല​ത്ത് വി​മാ​നം പ​റ​ത്ത​ല്‍ ഉ​പ​ക​ര​ണ​ങ്ങ​ളെ​പ്പ​റ്റി ഒ​രു ധാ​ര​ണ​യു​മി​ല്ലാ​ത്ത ഒ​രാ​ളെ അ​ല്‍​പ്പ​നേ​ര​ത്തേ​ക്കാ​ണെ​ങ്കി​ലും ഇ​രു​ത്തു​ന്ന​തി​നെ പ​ല എ​യ​ര്‍​ലൈ​നു​ക​ളും എ​തി​ര്‍​ത്ത​തി​നെ​ത്തു​ട​ര്‍​ന്ന് ഇ​എ​എ​സ്എ ​നി​ബ​ന്ധ​ന​യി​ല്‍ അ​യ​വു വ​രു​ത്തി​യി​രു​ന്നു.

എ​ന്നാ​ല്‍ ക​ഴി​ഞ്ഞ കൊ​ല്ലം മു​ത​ല്‍ വീ​ണ്ടും നി​ര്‍​ബ​ന്ധ​മാ​ക്കി​യി​ട്ടു​മു​ണ്ട്.
അ​ക്ര​മി​ക​ളി​ല്‍​നി​ന്നും ഹൈ​ജാ​ക്ക് ചെ​യ്യു​ന്ന​വ​രി​ല്‍​നി​ന്നും പൈ​ല​റ്റു​മാ​രെ​യും അ​ങ്ങ​നെ വി​മാ​ന​ത്തെത്തന്നെയും ര​ക്ഷി​ക്കു​ക​യെ​ന്ന പ​ര​മ്പ​രാ​ഗ​ത സു​ര​ക്ഷാ ത​ത്വം, പൈ​ല​റ്റു​മാ​ര്‍​ത​ന്നെ അ​പ​ക​ട​കാ​രി​ക​ളാ​കു​ന്ന​ത് എ​ങ്ങ​നെ ത​ട​യാ​മെ​ന്ന​തി​ലേ​ക്ക് വി​ക​സി​ച്ച​താ​ണ് ജ​ര്‍​മ​ന്‍ വിം​ഗ് സം​ഭ​വ​ത്തി​ന്‍റെ മ​റ്റൊ​രു പ്ര​ത്യാ​ഘാ​തം. പൈ​ല​റ്റു​മാ​രു​ടെ ശാ​രീ​രി​ക​ക്ഷ​മ​ത മാ​ത്ര​മ​ല്ല, മാ​ന​സി​കാ​രോ​ഗ്യ​വും കൃ​ത്യ​മാ​യ ഇ​ട​വേ​ള​ക​ളി​ല്‍ ഉ​റ​പ്പാ​ക്കാ​ന്‍ സം​വി​ധാ​നം വേ​ണ​മെ​ന്ന നി​ര്‍​ദേ​ശമുണ്ടാ​യി.

മാ​ന​സി​ക​മാ​യി വെ​ല്ലു​വി​ളി​ക​ള്‍ നേ​രി​ടു​ന്ന പൈ​ല​റ്റു​മാ​ര്‍​ക്ക്, ജോ​ലി ന​ഷ്‌​ട​പ്പെ​ടു​ന്ന​മെ​ന്ന ഭീ​തി കൂ​ടാ​തെ സ​ഹാ​യം ല​ഭ്യ​മാ​ക്കാ​നു​ള്ള സം​വി​ധാ​ന​ങ്ങ​ള്‍ എ​യ​ര്‍​ലൈ​നു​ക​ള്‍ ത​ന്നെ ഏ​ര്‍​പ്പെ​ടു​ത്തി​ത്തു​ട​ങ്ങി. മ​ദ്യ​വും മ​റ്റു ല​ഹ​രി​വ​സ്തു​ക്ക​ളും ഉ​പ​യോ​ഗി​ച്ച​ശേ​ഷം വി​മാ​നം പ​റ​ത്താ​നെ​ത്തു​ക എ​ന്ന സാ​ധ്യ​ത ക​ഴി​യു​ന്നി​ട​ത്തോ​ളം ഇ​ല്ലാ​താ​ക്കാ​ന്‍ വി​മാ​ന​ത്താ​വ​ള​ങ്ങ​ളി​ല്‍ അ​തി​നു​ള്ള പ​രി​ശോ​ധ​ന​ക​ള്‍ കൂ​ടു​ത​ല്‍ ക​ര്‍​ശ​ന​മാ​ക്കി.

ഇ​നി, ഫ്ളൈ ​ദു​ബാ​യ് സം​ഭ​വ​ത്തി​ല്‍ ഉ​പ​യോ​ഗി​ച്ച കോ​ക്പി​റ്റ് മ​ഴു​വി​നെ​പ്പ​റ്റി കു​റ​ച്ചു കാ​ര്യ​ങ്ങ​ള്‍​കൂ​ടി:

വി​മാ​നാ​പ​ക​ടം, തീ​പി​ടി​ത്തം പോ​ലു​ള്ള അ​ടി​യ​ന്ത​ര സാ​ഹ​ച​ര്യ​ങ്ങ​ളി​ല്‍, വി​മാ​ന​ത്തി​നു​ള്ളി​ല്‍ കു​ടു​ങ്ങി​പ്പോ​കു​ന്ന​വ​രെ ര​ക്ഷി​ക്കാ​നാ​യി വി​മാ​ന​ഭാ​ഗ​ങ്ങ​ള്‍ വെ​ട്ടി​പ്പൊ​ളി​ക്കാ​ന്‍ ഉ​ദ്ദേ​ശി​ച്ചു​ള്ള മ​ഴു കോ​ക്പി​റ്റി​ലാ​ണ് സാ​ധാ​ര​ണ എ​യ​ര്‍​ലൈ​നു​ക​ള്‍ സൂ​ക്ഷി​ക്കു​ന്ന​തെ​ങ്കി​ലും ഇ​തേ​പ്പ​റ്റി അ​മേ​രി​ക്ക​യു​ടെ​യും യൂ​റോ​പ്പി​ന്‍റെ​യും സു​ര​ക്ഷാ ഏ​ജ​ന്‍​സി​ക​ള്‍​ക്ക് വ്യ​ത്യ​സ്ത​മാ​യ ച​ട്ട​ങ്ങ​ളാ​ണു​ണ്ടാ​യി​രു​ന്ന​ത്. മ​ഴു ഫ്ളൈ​റ്റ് ഡ​ക്കി​ല്‍ അ​ഥ​വാ കോ​ക്പി​റ്റി​നു​ള്ളി​ല്‍​ത്ത​ന്നെ സൂ​ക്ഷി​ക്ക​ണ​മെ​ന്ന് ഇ​എ​എ​സ്എ ച​ട്ടം കൃ​ത്യ​മാ​യി പ​റ​യു​മ്പോ​ള്‍ അ​മേ​രി​ക്ക​യു​ടെ എ​ഫ്എ​എ, മ​ഴു വേ​ണം എ​ന്നു മാ​ത്ര​മേ പ​റ​യു​ന്നു​ള്ളൂ. എ​വി​ടെ വ​യ്ക്ക​ണം എ​ന്ന് നി​ര്‍​ദേ​ശി​ക്കു​ന്നി​ല്ല എ​ന്ന​ര്‍​ഥം.

യൂ​റോ​പ്പി​ന്‍റെ നി​യ​മ​ങ്ങ​ള്‍ മ​റ്റൊ​ന്നു​കൂ​ടി പ​റ​യു​ന്നു​ണ്ട്. ഇ​രു​നൂറി​ല്‍ കൂ​ടു​ത​ല്‍ സീ​റ്റു​ക​ളു​ള്ള വി​മാ​ന​ങ്ങ​ളി​ല്‍, കോ​ക്പി​റ്റി​ലു​ള്ള​തുകൂ​ടാ​തെ മ​റ്റൊ​രു മ​ഴുകൂ​ടി വേ​ണം. ഇ​ത് വി​മാ​ന​ത്തി​നു പി​ന്നി​ല്‍ യാ​ത്ര​ക്കാ​രു​ടെ ക​ണ്ണി​ല്‍​പ്പെ​ടാ​ത്ത ആ​യി​രി​ക്ക​ണം സൂ​ക്ഷി​ക്കു​ന്ന​തെ​ന്നും ഇ​എ​എ​സ്എ നി​ഷ്ക​ര്‍​ഷി​ക്കു​ന്നു. ജ​ര്‍​മ​ന്‍ വിം​ഗ്സ് അ​പ​ക​ട​ത്തി​ല്‍, കോ​ക്പി​റ്റി​ൽ ക​ട​ക്കാ​നാ​വാ​തെ പ​രി​ഭ്രാ​ന്ത​നാ​യ, വി​മാ​നം ആ​ല്‍​പ്സ് പ​ര്‍​വ​ത​ത്തി​നു നേ​രേ കു​തി​ക്കു​ക​യാ​ണെ​ന്ന് തി​രി​ച്ച​റി​ഞ്ഞ ക്യാ​പ്റ്റ​ന്‍ കോ​ക്പി​റ്റ് വാ​തി​ല്‍ ഒ​രു മ​ഴു​കൊ​ണ്ട് വെ​ട്ടി​പ്പൊ​ളി​ക്കാ​ന്‍ ശ്ര​മി​ച്ചു എ​ന്നു റി​പ്പോ​ര്‍​ട്ട് ചെ​യ്യ​പ്പെ​ട്ടി​രു​ന്നു. വി​മാ​ന​ത്തി​നു പി​ന്നി​ൽ സൂ​ക്ഷി​ച്ചി​രു​ന്ന മ​ഴു ത​ന്നെ​യാ​യി​രു​ന്നി​രി​ക്കും അ​ത്.

Tags : Safety Cockpit SUndayDeepika