2026 ഒ​ക്‌ടോബ​ര്‍ 18ന് ​ഹെ​ര്‍​മ​ന്‍ മെ​ല്‍​വി​ലി​ന്‍റെ ലോ​ക​പ്ര​ശ​സ്ത നോ​വ​ൽ‌ ‘മോ​ബി​ഡി​ക്’ പ്ര​സി​ദ്ധീ​ക​രി​ച്ചി​ട്ട് 175 വ​ര്‍​ഷം പൂ​ര്‍​ത്തി​യാ​വു​ക​യാ​ണ്. 1851 ഒ​ക്‌ടോബ​ര്‍ 18നാ​ണ് ല​ണ്ട​നി​ല്‍ ‘ദി ​വെ​യ്‌ൽ’ എ​ന്ന പേ​രി​ല്‍ ഈ ​നോ​വ​ല്‍ മൂ​ന്നു വാ​ല്യ​ങ്ങ​ളി​ൽ വെ​ളി​ച്ചം ക​ണ്ട​ത്. തു​ട​ര്‍​ന്ന് അ​തേ​ വ​ര്‍​ഷം ന​വം​ബ​ര്‍ 14ന് ​അ​മേ​രി​ക്ക​യി​ല്‍ ഒ​രൊ​റ്റ പു​സ്ത​ക​മാ​യി മോ​ബി​ഡി​ക് പ്ര​സി​ദ്ധീ​കൃതമായി. അ​മേ​രി​ക്ക​ന്‍ സാ​ഹി​ത്യ​ത്തി​ലെ എ​ക്കാ​ല​ത്തെ​യും മി​ക​ച്ച കൃ​തി​ക​ളി​ലൊ​ന്നാ​യി ഇത് അ​റി​യ​പ്പെ​ടു​ന്നു.

ര​ച​ന​യും പ​ശ്ചാ​ത്ത​ല​വും

ഹെ​ര്‍​മ​ന്‍ മെ​ല്‍​വി​ല്‍ സ്വ​ന്തം അ​നു​ഭ​വ​ങ്ങ​ളും യ​ഥാ​ർഥ സം​ഭ​വ​ങ്ങ​ളും സ​മ​ന്വ​യി​പ്പി​ച്ചാ​ണ് മോ​ബി​ഡി​ക് ര​ചി​ച്ച​ത്. ‘എ​സെ​ക്സ്’ എ​ന്ന തി​മിം​ഗ​ലവേ​ട്ട​ക്ക​പ്പ​ലി​നെ ഒ​രു കൂ​റ്റ​ന്‍ തി​മിം​ഗ​ലം ആ​ക്ര​മി​ച്ച് ത​ക​ര്‍​ത്ത സം​ഭ​വം, ചി​ലി തീ​ര​ത്ത് തി​മിം​ഗ​ലവേ​ട്ട​ക്കാ​രു​ടെ പേ​ടി​സ്വ​പ്ന​മാ​യി​രു​ന്ന ‘മോ​ച്ചാ ഡി​ക്’ എ​ന്ന വെ​ളു​ത്ത ഭീ​മ​ന്‍ തി​മിം​ഗ​ല​ത്തെ​ക്കു​റി​ച്ചു​ള്ള ക​ഥ​ക​ള്‍, ചെ​റു​പ്പ​ത്തി​ല്‍ ‘അ​കൂ​ഷ്നെ​റ്റ്’ എ​ന്ന തി​മിം​ഗ​ല വേ​ട്ട​ക്ക​പ്പ​ലി​ല്‍ മെ​ല്‍​വി​ല്‍ ന​ട​ത്തി​യ യാ​ത്ര​ക​ള്‍ എ​ന്നി​വ​യാ​ണ് മോ​ബി​ഡി​ക്കി​ന്‍റെ ര​ച​ന​യി​ല്‍ സ്വാ​ധീ​നം ചെ​ലു​ത്തി​യ ഘ​ട​ക​ങ്ങ​ള്‍. ഇ​ക്കൂ​ട്ട​ത്തി​ല്‍ ഏ​റ്റ​വും പ്ര​ധാ​നം എ​സെ​ക്സ് ക​പ്പ​ല്‍ ദു​ര​ന്ത​മാ​യി​രു​ന്നു.

1820 ന​വം​ബ​ര്‍ 20ന് ​പ​സ​ഫി​ക് സ​മു​ദ്ര​ത്തി​ല്‍ 87 അ​ടി നീ​ള​മു​ള്ള ഒ​രു കൂ​റ്റ​ന്‍ സ്പേം ​തി​മിം​ഗ​ലം എ​സെ​ക്സ് എ​ന്ന തി​മിം​ഗ​ല വേ​ട്ട​ക്ക​പ്പ​ലി​നെ ബോ​ധ​പൂ​ര്‍​വം അ​ക്ര​മി​ച്ച് ത​ക​ര്‍​ത്തു. ഒ​രു തി​മിം​ഗ​ലം ക​പ്പ​ലി​നെ ആ​ക്ര​മി​ച്ചു മു​ക്കു​ന്ന, ച​രി​ത്രത്തി​ലെ ആ​ദ്യ​ത്തെ രേ​ഖ​പ്പെ​ടു​ത്തി​യ സം​ഭ​വ​മാ​യി​രു​ന്നു ഇ​ത്.

ക​പ്പ​ല്‍ ത​ക​ര്‍​ന്ന​തി​നെ​ത്തു​ട​ര്‍​ന്ന് ഓ​വ​ന്‍ചേ​സി​ന്‍റെ​യും ക്യാ​പ്റ്റ​ന്‍ ജോ​ര്‍​ജ് പൊ​ള്ളാ​ര്‍​ഡിന്‍റെയും നേതൃത്വത്തി​ല്‍ ജീ​വ​ന​ക്കാ​ര്‍ ചെ​റി​യ ലൈ​ഫ് ബോ​ട്ടു ക​ളി​ല്‍ ര​ക്ഷ​പ്പെ​ട്ടു. മാ​സ​ങ്ങ​ളോ​ളം ക​ട​ലി​ല്‍ അ​ല​ഞ്ഞു​തി​രി​ഞ്ഞ അ​വ​ര്‍ വി​ശ​പ്പും ദാ​ഹ​വും സ​ഹി​ക്കാ​നാ​വാ​തെ സ​ഹ​പ്ര​വ​ര്‍​ത്ത​ക​രു​ടെ മൃ​ത​ദേ​ഹങ്ങ​ള്‍ വ​രെ ഭ​ക്ഷ​ണ​മാ​ക്കി. മ​റ്റൊ​രു ഘ​ട്ട​ത്തി​ല്‍ കൂ​ട്ട​ത്തി​ലൊ​രാ​ളെ ന​റു​ക്കി​ട്ടെ​ടു​ത്ത് വെ​ടി​വച്ചു കൊ​ന്നും വി​ശ​പ്പ​ട​ക്കി. ദാ​രു​ണ​മാ​യ ഈ ​അ​തി​ജീ​വ​ന പോ​രാ​ട്ട​ത്തി​ല്‍ വ​ള​രെ കു​റ​ച്ചു​പേ​ര്‍ മാ​ത്ര​മാ​ണ് ജീ​വ​നോ​ടെ ര​ക്ഷ​പ്പെ​ട്ട​ത്. ദു​ര​ന്ത​ത്തി​ല്‍നി​ന്ന് ര​ക്ഷ​പ്പെ​ട്ട​തി​നു ശേ​ഷം, 1821ല്‍ ​ഓ​വ​ന്‍ചേ​സ് ത​ന്‍റെ അ​നു​ഭ​വ​ങ്ങ​ള്‍ ക്രോ​ഡീ​ക​രി​ച്ച് ഒ​രു പു​സ്ത​കം പ്ര​സി​ദ്ധീ​ക​രി​ച്ചു.

തി​മിം​ഗ​ല​ത്തി​ന്‍റെ അ​പ്ര​തീ​ക്ഷി​ത ആ​ക്ര​മ​ണം, ക​പ്പ​ലി​ന്‍റെ ത​ക​ര്‍​ച്ച, സ​മു​ദ്ര​ത്തി​ലെ ദാ​രു​ണ​മാ​യ അ​തി​ജീവ​നനാ​ളു​ക​ള്‍ എ​ന്നി​വ വ​ള​രെ കൃ​ത്യത​യോ​ടും വൈ​കാ​രി​ക​ത​യോ​ടും ചേ​സ് ഈ ​പു​സ്ത​ക​ത്തി​ല്‍ വി​വ​രി​ച്ചു. ഒ​രു തി​മിം​ഗ​ല​ത്തി​ന് മ​നു​ഷ്യ​രോ​ട് പ്ര​തി​കാ​രം ചെ​യ്യാ​നോ ക​പ്പ​ല്‍ ആ​ക്ര​മി​ക്കാ​നോ ഉ​ള്ള ബു​ദ്ധി​യും ശേ​ഷി​യു​മു​ണ്ടെ​ന്ന ആ​ശ​യം ആ​ദ്യ​മാ​യി ലോ​ക​ത്തി​നു മു​ന്നി​ലെ​ത്തിച്ച​ത് ഈ ​പു​സ്ത​ക​മാ​യി​രു​ന്നു.

1841ല്‍ ‘അ​കു​ഷ്നെ​റ്റ്’ എ​ന്ന തി​മിം​ഗ​ല​വേ​ട്ട ക​പ്പ​ലി​ല്‍ ജീ​വ​ന​ക്കാ​ര​നാ​യി​രി​ക്കെ​യാ​ണ് മെ​ല്‍​വി​ല്‍ ഈ ​സം​ഭ​വ​ത്തെ​ക്കു​റി​ച്ച് ആ​ദ്യ​മാ​യി കേ​ള്‍​ക്കു​ന്ന​ത്. പ​സ​ഫി​ക് സ​മു​ദ്ര​ത്തി​ല്‍വ​ച്ച് മെ​ല്‍​വി​ലി​ന്‍റെ ക​പ്പ​ല്‍ ഓ​വ​ന്‍ചേ​സി​ന്‍റെ മ​ക​ൻ വി​ല്യം ചേ​സ് സ​ഞ്ച​രി​ച്ചി​രു​ന്ന ക​പ്പ​ലു​മാ​യി ക​ണ്ടു​മു​ട്ടി. വി​ല്യം ചേ​സ് ന​ല്‍​കിയ, ​ത​ന്‍റെ പി​താ​വ് എ​ഴു​തി​യ പു​സ്ത​ക​ത്തി​ന്‍റെ ഒ​രു പ്ര​തി മെ​ല്‍​വി​ല്‍ വാ​യി​ക്കാ​നി​ട​യാ​യി. ഈ ​വാ​യ​ന മെ​ല്‍​വി​ലി​നെ ആ​ഴ​ത്തി​ല്‍ സ്വാ​ധീ​നിച്ചു. 1852ല്‍ ​മെ​ല്‍​വി​ല്‍ നാ​ന്‍റുക്ക​റ്റി​ല്‍വ​ച്ച് ഓ​വ​ന്‍ചേ​സി​നെ നേ​രി​ട്ട് കാ​ണു​ക​യും ചെ​യ്തു. ഓ​വ​ന്‍ചേ​സിന്‍റെ ​കൃ​തി​യും അ​നു​ഭ​വ​ങ്ങ​ളും മോ ബി​ഡി​ക്കി​ന്‍റെ ര​ച​ന​യെ വി​വി​ധ ത​ലങ്ങ​ളി​ല്‍ സ്വാ​ധീ​നി​ച്ചു.

കേ​ന്ദ്ര പ്ര​മേ​യ​വും ക്ലൈ​മാ​ക്സും

മൊ​ബി​ഡി​ക് നോ​വ​ലി​ന്‍റെ ക്ലൈ​മാക്സി​ല്‍ വെ​ള്ള​ത്തി​മിം​ഗ​ലം ‘പെ​ക്വോഡ്’ ​എ​ന്ന ക​പ്പ​ലി​നെ കു​ത്തി​പ്പൊ​ളി​ച്ച് മു​ക്കു​ന്ന രം​ഗം എ​സെ​ക്സ് ക​പ്പ​ലി​ന് സം​ഭ​വി​ച്ച ദു​ര​ന്ത​ത്തി​ന്‍റെ ത​ത്സ​മ​യ ആ​വി​ഷ്കാ​ര​മാ​ണ്. സാ​ധാ​ര​ണ ഗ​തി​യി​ല്‍ ഇ​ര​യാ​കു​ന്ന തി​മിം​ഗ​ലം, തി​രി​ച്ചാ​ക്ര​മി​ച്ച് ഒ​രു ക​പ്പ​ലി​നെ ത​ക​ര്‍​ക്കു ന്ന ​ഭീ​തി​ദ​മാ​യ ആ​ശ​യം ചേ​സി​ന്‍റെ വി​വ​ര​ണ​ത്തി​ല്‍നി​ന്നാ​ണ് മെ​ല്‍​വിലിന് ല​ഭി​ച്ച​ത്.

ഓ​വ​ന്‍ ചേ​സി​ന്‍റെ പു​സ്ത​ക​ത്തി​ല്‍ തി​മിം​ഗ​ല​ത്തെ ഒ​രു സാ​ധാ​ര​ണ ജീ​വിയാ​യ​ല്ല, പ്ര​കൃ​തി​യു​ടെ ഒ​രു പ്ര​തി​കാ​ര മൂ​ര്‍​ത്തി​യാ​യി​ട്ടാ​ണ് ചി​ത്രീ​ക​രി​ച്ച​ത്. ഈ ​ആ​ശ​യ​ത്തെ മെ​ല്‍​വി​ല്‍ ക്യാ​പ്റ്റ​ന്‍ ആ​ഹാബ് ​എ​ന്ന ക​ഥാ​പാ​ത്ര​ത്തി​ലൂ​ടെ വി​കസി​പ്പി​ച്ചു. പ്ര​കൃ​തി​യോ​ടും തി​മിം​ഗ​ല ത്തോ​ടും ഭ്രാ​ന്ത​മാ​യ പ​ക​വ​ച്ചുപു​ല​ര്‍​ത്തു​ന്ന ഒ​രു ക​ഥാ​പാ​ത്ര​മാ​യി ആ​ഹാ​ബ് മാ​റി.

തി​മിം​ഗ​ല​വേ​ട്ട​യു​ടെ അ​പ​ക​ട​ങ്ങ​ള്‍, ക​ട​ലി​ലെ മ​നു​ഷ്യ​രുടെ നി​സ​ഹാ​യാ​വ​സ്ഥ, പ​സ​ഫി​ക് സ​മു​ദ്ര​ത്തി​ലെ കാ​ലാ​വ​സ്ഥാ വ്യ​തി​യാ​ന​ങ്ങ​ള്‍ എ​ന്നി​വ ചേ​സി​ന്‍റെ കൃ​തി​യി​ല്‍ ല​ളി​ത​മാ​യി വി​വ​രി​ച്ചി​രു​ന്നു. ഇ​ത് നോ​വ​ലി​ല്‍ യാ​ഥാ​ര്‍​ഥ്യബോ​ധ​മു​ള്ള സ​മു​ദ്രാ​ന്ത​രീ​ക്ഷം സൃ​ഷ്‌ടിക്കാ​ന്‍ മെ​ല്‍​വി​ലിനെ സ​ഹാ​യി​ച്ചു. ഓ​വ​ന്‍ ചേ​സ് എ​ഴു​തി​യ ’ന​രേ​റ്റീ​വ്’ ഒ​രു യ​ഥാ​ര്‍​ഥ ദു​ര​ന്ത​ത്തി​ന്‍റെ ച​രി​ത്രരേ​ഖ​യാ​യി​രു​ന്നു​വെ​ങ്കി​ല്‍, ഹെ​ര്‍​മ​ന്‍ മെ​ല്‍​വി​ല്‍ അ​തി​നെ മാ​ന​വി​ക​ത​യുടെ​യും പ്ര​കൃ​തി​യും മ​നു​ഷ്യ​നും ത​മ്മിലു​ള്ള സം​ഘ​ര്‍​ഷ​ത്തി​ന്‍റെയും ത​ത്ത്വ​ചി​ന്താ​പ​ര​മാ​യ നോ​വ​ലാ​ക്കി മാ​റ്റി.

ഓ​വ​ന്‍ ചേ​സി​ന്‍റെ കൃ​തി ഉ​ണ്ടായി​രു​ന്നി​ല്ലെ​ങ്കി​ല്‍ സാ​ഹി​ത്യ​ലോ​ക​ത്തി​ന് ‘മൊ​ബി​ഡി​ക്’ എ​ന്ന വി​ഖ്യാ​ത നോ​വ​ല്‍ ല​ഭി​ക്കു​മാ​യി​രു​ന്നി​ല്ല. യ​ഥാ​ര്‍​ഥ ജീ​വി​ത​ത്തി​ലെ ഭീ​തി​ദ​മാ​യ ഒ​രു സം​ഭ​വം എ​ങ്ങ​നെ വി​ശ്വ​സാ​ഹി​ത്യ​ത്തി​ലെ മി​ക​ച്ചൊ​രു സൃ​ഷ്‌ടി​യാ​യി രൂ​പ​പ്പെ​ട്ടു എ​ന്ന​തിനു തെ​ളി​വാ​ണ് ഓ​വ​ന്‍ ചേ​സും ഹെ​ര്‍​മ​ന്‍ മെ​ല്‍​വി​ലും ത​മ്മി​ലു​ള്ള ഈ ​സാ​ഹി​ത്യ​പ​ര​മാ​യ ബ​ന്ധം.

ന​ഥാ​നി​യ​ല്‍ ഹാ​ത്തോ​ണി​ന്‍റെ സ്വാ​ധീ​നം

പ്ര​ശ​സ്ത എ​ഴു​ത്തു​കാ​ര​ൻ ന​ഥാ​നി​യ​ല്‍ ഹാ​ത്തോ​ണു​മാ​യു​ള്ള സൗ​ഹൃ​ദ​മാ​ണ് ഒ​രു സാ​ധാ​ര​ണ സാ​ഹസി​ക ക​ഥ​യാ​കു​മാ​യി​രു​ന്ന ഈ ​കൃ​തിയെ ​ത​ത്ത്വ​ചി​ന്താ​പ​ര​മാ​യ ഒ​രു നോ​വലാ​ക്കി മാ​റ്റാ​ന്‍ മെ​ല്‍​വി​ലി​ന് പ്ര​ചോ​ദന​മാ​യ​ത്. 1850 ഓ​ഗ​സ്റ്റി​ലാ​ണ് മെ​ല്‍​വി​ല്‍ ഹാ​ത്തോ​ണി​നെ ആ​ദ്യ​മാ​യി ക​ണ്ടുമു​ട്ടു​ന്ന​ത്. ആ ​സ​മ​യ​ത്ത് മോ​ബി ഡി​ക് എ​ന്ന നോ​വ​ലി​ന്‍റെ പ​കു​തി​യോ​ളം പൂ​ര്‍​ത്തി​യാ​യി​രു​ന്നു. അ​തു​വ​രെ ല​ളി​ത​മാ​യ ഒ​രു അ​ഡ്വ​ഞ്ച​ര്‍ തി​മിം​ഗ​ല വേ​ട്ട​ക്ക​ഥ​യാ​യി ആ​സൂ​ത്ര​ണം ചെ​യ് ത ​ഈ കൃ​തി, ഹാ​ത്തോ​ണി​നെ പ​രി​ചയ​പ്പെ​ട്ട​തി​നു​ശേ​ഷം മെ​ല്‍​വി​ല്‍ വീ​ണ്ടും തി​രു​ത്തി​യെ​ഴു​താ​ന്‍ തു​ട​ങ്ങി.

ഹാ​ത്തോ​ണിന്‍റെ കൃ​തി​ക​ളി​ലെ ഇ​രുണ്ട ​പ്ര​മേ​യ​ങ്ങ​ളും മാ​ന​വി​ക​ത, പാ​പം, ധ​ര്‍​മാധ​ര്‍​മങ്ങ​ള്‍ എ​ന്നി​വ​യെ​ക്കു​റി​ച്ച് ആ​ഴ​ത്തി​ലു​ള്ള ചി​ന്ത​കളും ​മെ​ല്‍​വി​ലി​നെ സ്വാ​ധീ​നി​ച്ചു. ഇ​ത് മോ​ബി​ഡി​ക് എ​ന്ന നോ​വ​ലി​ന് പു​തി​യ ആ​ഴ​വും വ്യാ​പ്തി​യും ന​ല്‍​കി. ഹാ​ത്തോ​ണി​ന്‍റെ ‘മോസസ് ഫ്രം ആൻ ഓള്‌ഡ് മാൻസ് ‘ഹേവ്തോൺ ആൻഡ് ഹിസ് മോസസ്’ എ​ന്ന ചെ​റു​ക​ഥാ സ​മാ​ഹാ​രം വാ​യി​ച്ച മെ​ല്‍​വി​ല്‍ അ​തി​ല്‍ വ​ലി​യ രീ​തി​യി​ല്‍ ആ​കൃ​ഷ്ട​നാ​യി. എ​ന്ന പേ​രി​ല്‍ മെ​ല്‍​വി​ല്‍ ഇ​തേക്കു​റി​ച്ച് ഒ​രു ലേ​ഖ​നം എ​ഴു​തി. അ​തി​ല്‍ ഹാ​ത്തോ​ണി​ന്‍റെ സാ​ഹി​ത്യ​ത്തി​ലെ ‘ഇ​രു​ളിന്‍റെ ശ​ക്തി​യെ’ മെ​ല്‍​വി​ല്‍ പ്ര​ശം​സി​ച്ചു.

മ​നു​ഷ്യ​മ​ന​സിലെ അ​ന്ധ​കാ​ര​ത്തെ​യും ഭ്രാ​ന്തി​നെ​യും അ​ധ​ര്‍​മ​ത്തെയു​മെ​ല്ലാം ഭ​യ​മി​ല്ലാ​തെ ചി​ത്രീ​ക​രി​ക്കാ​നു​ള്ള ധൈ​ര്യം മെ​ല്‍​വി​ലി​ന് ല​ഭി​ച്ച​ത് ഹാ​ത്തോ​ണി​ല്‍നി​ന്നാ​ണ്. ആ​ഹാ​ബ് എ​ന്ന ക​ഥാ​പാ​ത്ര​ത്തി​ന്‍റെ നി​യ​ന്ത്ര​ണമി​ല്ലാ​ത്ത പ്ര​തി​കാ​ര​ബു​ദ്ധി​യും ഭ്രാ​ന്തും രൂ​പ​പ്പെ​ടു​ത്തു​ന്ന​തി​ല്‍ ഈ ​സ്വാ​ധീ​നം വ്യ​ക്ത​മാ​യി കാ​ണാം.

മെ​ല്‍​വി​ലി​ന്‍റെ കാ​ല​ഘ​ട്ട​ത്തി​ലെ ഭൂ​രി​ഭാ​ഗം വാ​യ​ന​ക്കാ​രും ല​ളി​ത​മാ​യ യാ​ത്രാ​വി​വ​ര​ണം പോ​ലു​ള്ള ക​ഥ​ക​ള്‍ ഇ​ഷ്‌ടപ്പെ​ടു​ന്ന​വ​രാ​യി​രു​ന്നു. എ​ന്നാ​ല്‍, കൂ​ടു​ത​ല്‍ ത​ത്ത്വ​ചി​ന്താ​പ​ര​മാ​യ വി​ഷ​യ​ങ്ങ​ള്‍ കൈ​കാ​ര്യം ചെ​യ്യാ​ന്‍ ആ​ഗ്ര​ഹി​ച്ചി​രു​ന്ന മെ​ല്‍​വി​ലി​നു സാ​ഹിത്യ​ലോ​ക​ത്ത് അ​ധി​കം പി​ന്തു​ണ ല​ഭിച്ചി​രു​ന്നി​ല്ല.
ഹാ​ത്തോ​ണ്‍ മെ​ല്‍​വി​ലി​ന്‍റെ അ​പാ​ര​മാ​യ ക​ഴി​വ് തി​രി​ച്ച​റി​യു​ക​യും പ്രോത്സാ​ഹി​പ്പി​ക്കു​ക​യും ചെ​യ്തു. ത​ന്‍റെ എ​ഴു​ത്തി​നെ മ​ന​സി​ലാ​ക്കാ​ന്‍ ക​ഴി​വുള്ള ​ഒ​രു മി​ക​ച്ച സാ​ഹി​ത്യ​കാ​ര​ന്‍ ഒ​പ്പമു​ണ്ടെ​ന്ന ചി​ന്ത മെ​ല്‍​വി​ലി​ന് വ​ലി​യ ആ​ത്മ​വി​ശ്വാ​സം ന​ല്‍​കി.

പ്ര​സി​ദ്ധീ​ക​ര​ണ​വും അ​ന​ന്ത​ര സം​ഭ​വ​ങ്ങ​ളും

ഇ​ന്ന് ലോ​ക​സാ​ഹി​ത്യ​ത്തി​ന്‍റെ നിറുകയി​ല്‍ നി​ല്‍​ക്കു​ന്ന മോ​ബി​ഡി​ക്കി​ന് തു​ട​ക്ക​ത്തി​ല്‍ ക​യ്പേ​റി​യ അ​നു​ഭ​വ​ങ്ങ​ളാ​ണ് നേ​രി​ടേ​ണ്ടി​വ​ന്നത്. 1851​ല്‍ പു​സ്ത​കം പു​റ​ത്തി​റ​ങ്ങിയ​പ്പോ​ള്‍ വാ​യ​ന​ക്കാ​രും നി​രൂ​പ​ക​രും ഇ​തി​നെ ത​ള്ളി​ക്ക​ള​ഞ്ഞു. അ​തി​രുക​ട​ന്ന വ​ര്‍​ണ​ന​ക​ളും സ​ങ്കീ​ര്‍​ണമാ​യ ഭാ​ഷ​യും അ​ന്ന​ത്തെ വാ​യ​ന​ക്കാ​ര്‍​ക്ക് ദ​ഹി​ച്ചി​ല്ല. നോവലിന്‍റെ പരാജയം മെ​ല്‍​വി​ലി​നെ സാ​മ്പ​ത്തി​ക​മാ​യും മാ​ന​സി​ക​മാ​യും ത​ക​ര്‍​ത്തു. ത​ന്‍റെ ആ​യു​സി​ന്‍റെ വ​ലി​യൊ​രു പ​ങ്ക് മാറ്റിവച്ച് എ​ഴു​തി​യ കൃ​തി നി​ന്ദി​ക്ക​പ്പെ​ട്ടതോ​ടെ അ​ദ്ദേ​ഹം എ​ഴു​ത്തുജീ​വി​തത്തി​ല്‍നി​ന്ന് സാ​വ​ധാ​നം പി​ന്മാ​റി. 1891ല്‍ ​അ​ന്ത​രി​ക്കു​മ്പോ​ള്‍ ലോ​കം മ​റ​ന്നു​പോ​യ ഒ​രു എ​ഴു​ത്തു​കാ​ര​നായി​രു​ന്നു മെ​ല്‍​വി​ല്‍. അ​ദ്ദേ​ഹ​ത്തി​ന്‍റെ ജ​ന്മ​ശ​താ​ബ്‌ദി വ​ര്‍​ഷ​മാ​യ 1919നു ​ശേ​ഷ​മാ​ണ് മോ​ബി​ഡി​ക് വീ​ണ്ടും ശ്ര​ദ്ധി​ക്ക​പ്പെ​ടു​ന്ന​ത്.

പെ​ക്വോ​ഡ് എ​ന്ന ക​പ്പ​ലി​ലെ ക്യാ​പ്റ്റ​ന്‍ ആ​ഹാ​ബ്, ത​ന്‍റെ കാ​ല്‍ ക​ടി​ച്ചെ​ടു​ത്ത മോ​ബി​ഡി​ക് എ​ന്ന വെളു​ത്ത തി​മിം​ഗ​ല​ത്തോ​ടു​ള്ള പ്ര​തി​കാ​രദാ​ഹ​വു​മാ​യി ഇ​റ​ങ്ങി​ത്തി​രി​ക്കു​ന്നതാ​ണ് മോ​ബി​ഡി​ക്കി​ന്‌റെ ​ക​ഥ. മ​നു​ഷ്യ​ന്‍ പ്ര​കൃ​തി​ക്കു​മേ​ല്‍ ആ​ധി​പ​ത്യം സ്ഥാ​പി​ക്കാ​ന്‍ ശ്ര​മി​ക്കു​മ്പോ​ള്‍ പ്ര​കൃ​തി ന​ട​ത്തു​ന്ന പ്ര​തി​രോ​ധ​ത്തിന്‍റെ ​പ്ര​തീ​ക​മാ​ണ് വെ​ള​ള​ത്തി​മിം​ഗ​ലം. ല​ക്ഷ്യ​ബോ​ധം അ​തി​രു​ ക​ട​ന്ന് അ​ന്ധമാ​യ പ്ര​തി​കാ​ര​മാ​യി മാ​റു​മ്പോ​ള്‍ അ​ത് സ്വ​ന്തം നാ​ശ​ത്തി​ലേ​ക്കും കൂ​ടെയു​ള്ള​വ​രു​ടെ വി​നാ​ശ​ത്തി​ലേ​ക്കും ന​യി​ക്കു​മെ​ന്ന് ക്യാ​പ്റ്റ​ന്‍ ആ​ഹാ​ബിലൂ​ടെ മെ​ല്‍​വി​ല്‍ കാ​ണി​ച്ചു​ത​രു​ന്നു.

നോ​വ​ലി​ലെ ക​ഥപ​റ​ച്ചി​ലു​കാ​ര​നാ​യ ഇ​സ്മാ​യേ​ല്‍, മ​നു​ഷ്യ​ന്‍റെ നി​ല​നി​ല്‌പിനെ​യും പ്ര​പ​ഞ്ച​സ​ത്യ​ങ്ങ​ളെ​യും ചോ​ദ്യം ചെ​യ്യു​ന്ന നി​രീ​ക്ഷ​ക​നാ​ണ്. 175 വ​ര്‍​ഷ​ങ്ങ​ള്‍​ക്കി​പ്പു​റ​വും മോ​ബിഡി​ക് കൂ​ടു​ത​ല്‍ പ്ര​സ​ക്ത​മാ​കു​ന്ന​ത് വ​ര്‍​ത്ത​മാ​ന​കാ​ല ലോ​കം നേ​രി​ടു​ന്ന ചി​ല പ്ര​ധാ​ന വെ​ല്ലു​വി​ളി​ക​ളു​മാ​യി അ​ത് സം​വ​ദി​ക്കു​ന്ന​തുകൊ​ണ്ടാ​ണ് മ​നു​ഷ്യ​ന്‍ പ്ര​കൃ​തി​യെ അ​നി​യ​ന്ത്രി​തമാ​യി ചൂ​ഷ​ണം ചെ​യ്യു​ന്ന​തും പ്ര​കൃ​തി​യു​ടെ തി​രി​ച്ച​ടി​ക​ളും ഇ​ന്ന് ലോകം ​കാ​ലാവ​സ്ഥാ വ്യ​തി​യാ​ന​ത്തി​ലൂ​ടെ അ​നു​ഭവി​ക്കു​ന്നു.

മോ​ബി​ഡി​ക് എ​ന്ന പ്ര​കൃ​തി പ്ര​തീ​ക​ത്തി​നു മു​ന്നി​ല്‍ ആ​ഹാ​ബി​ന്‍റെ ക​പ്പ​ല്‍ ത​ക​രു​ന്ന​ത്, പ്ര​കൃ​തി​ക്കുമേ​ലുള്ള ​മ​നു​ഷ്യ​ന്‍റെ അ​ഹ​ങ്കാ​ര​ത്തി​നേ​ല്‍​ക്കു​ന്ന തി​രി​ച്ച​ടി​യാ​ണ്. ത​നി​ക്കേ​റ്റ ന​ഷ്‌ടങ്ങ​ള്‍​ക്ക് ഒ​രു പ്ര​കൃതി​ജീ​വി​യെ വി​ല്ല​നാ​യി ചി​ത്രീ​ക​രി​ച്ച് ജ​ന​ങ്ങ​ളെ തെ​റ്റി​ദ്ധ​രി​പ്പി​ക്കു​ന്ന ആഹാ​ബ്, പു​തു​കാ​ല രാ​ഷ്‌ട്രീ​യ​ത്തിലെ​യും സ​മൂ​ഹ​ത്തി​ലെ​യും വി​ദ്വേ​ഷ പ്ര​ചാ​ര​ക​ര്‍​ക്ക് ഉ​ദാ​ഹ​ര​ണ​മാ​ണ്.

Tags : literary journey Sunday Deepika