കോവിഡ് എന്ത്? എന്തുകൊണ്ട്?
ഡെന്നി തോമസ് വട്ടക്കുന്നേൽ/ പേജ്: 113,
വില: 150/ഒലിവ് പബ്ലിക്കേഷൻസ്, കോഴിക്കോട്
ഫോൺ: 0495 2765871
കോവിഡിനെക്കുറിച്ച് അറിയേണ്ടതെല്ലാം ഉൾപ്പെടുത്തിയ പുസ്തകം. കോവിഡ് വൈറസിനെക്കുറിച്ചു മാത്രമല്ല, പ്രതിരോധം, അനുഭവങ്ങൾ, കേരളത്തിലെയും മറ്റിടങ്ങളിലെയും സ്ഥിതി, രാഷ്ട്രീയം എല്ലാം ലളിതമായ ഭാഷയിൽ അവതരിപ്പിച്ചിരിക്കുന്നു.
മാതപിതാക്കൾ മാർഗ തടസങ്ങളായാലോ?
ഡോ. ഷാലു കോയിക്കര/ പേജ്: 179, വില: 180/ആത്മ ബുക്സ്, കോഴിക്കോട് / ഫോണ്: 0495 4022600, 9746077500
മക്കളോടുള്ള മാതാപിതാക്കളുടെ സമീപനം അടിസ്ഥാനപരമായും കാലാനുസൃതമായും എങ്ങനെ ആയിരിക്കണമെന്ന് വിശദീകരിക്കുന്ന പുസ്തകം. ഉദാഹരണങ്ങളുംഅനുഭവങ്ങളും പങ്കുവയ്ക്കുന്നു. തികച്ചും വായനാക്ഷമം.
മാർഗരിറ്റിന്റെ മാണിക്യം
ഷാജി മാലിപ്പാറ/പേജ്: 48, വില: 40/ആത്മ ബുക്സ്, കോഴിക്കോട്
വിശുദ്ധ ഡോൺബോസ്കോയുടെ ജീവചരിത്രം. കുട്ടികളെ സ്നേഹിക്കുകയും നന്മയിൽ വളരാൻ പ്രേരണയാകുകയും ചെയ്ത വിശുദ്ധനെ അടുത്തറിയാം.
ക്രിസ്തീയ ആത്മീയതയുടെ പരിണാമവും പോപ്പ് ഫ്രാൻസിസും
ഫാ. റാഫേൽ നീലങ്കാവിൽ/ പേജ്: 208, വില: 210/ആത്മ ബുക്സ്, കോഴിക്കോട്.
മതത്തെയും ആത്മീയതയെയും ദൈവശാസ്ത്രത്തെയും ബന്ധിപ്പിക്കുന്ന ക്രൈസ്തവ വീക്ഷണമാണ് ഇതിലുള്ളത്. ഫ്രാൻസിസ് മാർപാപ്പയുടെ ചിന്തകളുമായി ചേർത്താണ് ഇത് അവതരിപ്പിക്കുന്നത്. പഠനാർഹമായ ഗ്രന്ഥം.
നോവലും പ്രാദേശികതയും
എഡിറ്റർ ഡോ. ജോബിൻ ചാമക്കാല/പേജ്: 200, വില: 230/ആത്മ ബുക്സ്, കോഴിക്കോട്.
മലയാള നോവലിലെ പ്രാദേശിക അനുഭവങ്ങളെ പഠനവിധേയമാക്കുന്ന ലേഖനങ്ങൾ. ഇ.വി. രാമകൃഷ്ണൻ, ഡോ. ആദർശ് സി., പി. കൃഷ്ണനുണ്ണി, എൻ. പ്രഭാകരൻ തുടങ്ങി 13 പേരുടെ ലേഖനങ്ങൾ.