ദൈവത്തിന്‍റെ പെൻഡ്രൈവ്
നകുൽ വി.ജി. /പേജ്: 112, വില:130/ലോഗോസ് ബുക്സ്, പട്ടാന്പി
സെൽഫി ഫിഷ് എന്ന കഥാ സമാഹാരത്തിലൂടെഎഴുത്തിൽ തനതായ ശൈലി കണ്ടെത്തിയ നകുലിന്‍റെ പുതിയ പുസ്തകം. ഓരോ വായനക്കാരനോടും വ്യത്യസ്തമായി സംവദിക്കുന്ന കഥകളാണ് ഇതിലുമുള്ളത്. വ്യത്യസ്തത തന്നെയാണ് ഈ കഥകളുടെ ആകർഷണീയത.
പുതുകാലം പുതുകഥ
ഏകോപനം: പി. സക്കീർ ഹുസൈൻ /പേജ്: 205, വില: 270/ഒലിവ് പബ്ലിക്കേ ഷൻസ്, കോഴിക്കോട്
ഫോൺ: 0495 2765871, 4099086
14 യുവ എഴുത്തുകാരുടെ കഥകൾ.അബിൻ ജോസഫ്, അമൽ, അജിജേഷ് പച്ചാട്ട്, ശ്രീകണ്ഠൻ കരിക്കകം, യമ സോണിയ റഫീക്ക്, വി. ഷിനിലാൽ, കെ.എൻ. പ്രശാന്ത്, പ്രമോദ് കൂവേരി, മജീദ് സെയ്ദ്, സുനു എ.വി., അനിൽ ദേവസി, ആഷ് അഷിത, ഫർസാന അലി എന്നിവരാണ് എഴുതിയിട്ടുള്ളത്.
അനുഭവങ്ങൾ അനുധ്യാനങ്ങൾ
ബിഷപ് ഡോ. ജോസഫ് കരിയിൽ / പേജ്: 196, വില: 200/ പ്രണത ബുക്സ്, കൊച്ചി/ഫോൺ: 0484- 2390060, 2390049
ഇടയശുശ്രൂഷ ചെയ്യുന്ന തന്‍റെ സഹോദരങ്ങൾക്ക് എഴുതിയ കത്തുകളാണിത്. ബൈബിളിനെയും സമകാലിക ജീവിതത്തെയും ബന്ധപ്പെടുത്തിയുള്ള കത്തുകൾ ആത്മീയ വിരുന്നുകളാണ് ഇതത്രയും. പ്രഫ. എം. തോമസ് മാത്യുവിന്‍റേതാണ് അവതാരിക.
യോനാ പ്രവാചകനും മഹാ മത്സ്യവും
മാത്യൂസ് ആർപ്പൂക്കര/പേജ്: 36, വില: 50/സൺഷൈൻ ബുക്സ്, തൃശൂർ.
ബൈബിളിലെ പ്രശസ്ത കഥയുടെ ആവിഷ്കാരം. യോനാപ്രവാചകന്‍റെ കഥയെ അതിന്‍റെ സത്തയും സന്ദേശവും കളയാതെ പുനരാവിഷ്കരിച്ചിരിക്കുന്നു.
തേങ്ങുന്ന ഹൃദയങ്ങൾ
മിനി കൈതാരം / പേജ്: 96, വില: 120/ യെസ് പ്രസ് ബുക്സ്, പെരുന്പാവൂർ /ഫോണ്‌: 0484 2591051, 9142577778
15 കഥകളുടെ സമാഹാരം. ജീവിതത്തിന്‍റെ സങ്കടങ്ങളും സന്തോഷവുമൊക്കെ ലളിതമായ ഭാഷയിൽ പറയുന്ന കഥകൾ.