19

ക​ട​ലി​ന്‍റെ രാ​ജാ​വാ​കാ​ൻ എ​ത്തി​യ സ്വീ​ഡ​ൻ പ​ട​ക്ക​പ്പ​ൽ ക​ന്നി​യാ​ത്ര​യി​ൽ മു​ങ്ങി; രാ​ജാ​വി​ന്‍റെ അ​ഹ​ങ്കാ​രം വ​രു​ത്തി​യ വി​ന​യെ​ന്ന് ച​രി​ത്രം​ധു​നി​ക യു​ദ്ധ​ത​ന്ത്ര​ങ്ങ​ളു​ടെ പി​താ​വ് എ​ന്ന​റി​യ​പ്പെ​ടു​ന്ന സ്വീ​ഡ​നി​ലെ ഗു​സ്താ​വ് അ​ഡോ​ൾ​ഫ് ര​ണ്ടാ​മ​ൻ രാ​ജാ​വ്, ത​ങ്ങ​ളു​ടെ സൈ​നി​ക​ശ​ക്തി ലോ​ക​രാ​ജ്യ​ങ്ങ​ൾ​ക്കു മു​ന്പി​ൽ വി​ളി​ച്ചോ​താ​ൻ ഒ​രു പ​ടു​കൂ​റ്റ​ൻ യു​ദ്ധ​ക്ക​പ്പ​ൽ നി​ർ​മി​ച്ചു.

നി​ർ​മാ​ണ​ഘ​ട്ട​ത്തി​ൽ​ത​ന്നെ ആ ​പ​ട​ക്ക​പ്പ​ൽ ശ​ത്രു​രാ​ജ്യ​ങ്ങ​ളു​ടെ പേ​ടി​സ്വ​പ്ന​മാ​യി മാ​റു​ക​യും ചെ​യ്തു. വാ​സ- എ​ന്നു പേ​രി​ട്ട യു​ദ്ധ​ക്ക​പ്പ​ൽ ക​ട​ലി​ന്‍റെ രാ​ജാ​വാ​കു​മെ​ന്നാ​ണ് രാ​ജാ​വ് ക​രു​തി​യ​ത്.

എ​ന്നാ​ൽ, അ​ഹ​ങ്കാ​ര​ത്തോ​ടെ നീ​റ്റി​ലി​റ​ക്കി​യ ആ ​ക​പ്പ​ലി​ന്‍റെ വി​ധി മ​റ്റൊ​ന്നാ​യി​രു​ന്നു. നി​ർ​മാ​ണം പൂ​ർ​ത്തി​യാ​ക്കി ക​ന്നി യാ​ത്ര​യ്‌​ക്കി​റ​ങ്ങി​യ വാ​സ; തു​റ​മു​ഖം​വി​ട്ട് വെ​റും 1,300 മീ​റ്റ​റോ​ളം പി​ന്നി​ട്ട​പ്പോ​ഴേ​ക്കും, എ​ല്ലാ​വ​രും നോ​ക്കി​നി​ൽ​ക്കെ ക​ട​ലി​ൽ മു​ങ്ങി​പ്പോ​യി.

രാ​ജ്യ​ത്തി​ന്‍റെ ക​രു​ത്ത​ൻ, ക​ന്നി​യാ​ത്ര​യി​ൽ ക​ട​ലി​ന്നാ​ഴ​ങ്ങ​ളി​ൽ മു​ങ്ങി​ത്താ​ണ​ത് രാ​ജാ​വി​നു വ​ലി​യ മാ​ന​ക്കേ​ടാ​യി മാ​റു​ക​യും ചെ​യ്തു.

വാ​സ​യു​ടെ ക​ഥ

ഗു​സ്താ​വ് രാ​ജാ​വി​ന്‍റെ സ്വ​പ്ന​മാ​യി​രു​ന്നു വാ​സ എ​ന്ന പ​ട​ക്ക​പ്പ​ൽ. ഡെ​ന്മാ​ർ​ക്കും റ​ഷ്യ​യും പോ​ള​ണ്ടു​മാ​യി യു​ദ്ധം ചെ​യ്തി​രു​ന്ന കാ​ല​ത്ത് ബാ​ൾ​ട്ടി​ക് മേ​ഖ​ല​യി​ൽ സ്വീ​ഡ​ന്‍റെ ആ​ധി​പ​ത്യം ഉ​റ​പ്പി​ക്കാ​നാ​ണ് രാ​ജാ​വ് ക​പ്പ​ൽ നി​ർ​മി​ക്കാ​ൻ ഉ​ത്ത​ര​വി​ട്ട​ത്.

സ്വീ​ഡ​ന്‍റെ സൈ​നി​ക ശ​ക്തി​യും പ്ര​താ​പ​വും ലോ​ക​ത്തി​നു മു​ന്നി​ൽ പ്ര​ദ​ർ​ശി​പ്പി​ക്കു​ക​യാ​യി​രു​ന്നു വാ​സ​യി​ലൂ​ടെ രാ​ജാ​വ് ല​ക്ഷ്യ​മി​ട്ട​ത്. 1626-ൽ ​നി​ർ​മാ​ണം ആ​രം​ഭി​ച്ച ഈ ​ക​പ്പ​ൽ അ​ക്കാ​ല​ത്തെ ഏ​റ്റ​വും വ​ലി​യ യു​ദ്ധ​ക്ക​പ്പ​ലു​ക​ളി​ൽ ഒ​ന്നാ​യി​രു​ന്നു. 69 മീ​റ്റ​ർ നീ​ള​വും 64 പീ​ര​ങ്കി​ക​ളും ഇ​തി​ലു​ണ്ടാ​യി​രു​ന്നു.

ഡ​ച്ച് ക​പ്പ​ൽ നി​ർ​മാ​താ​വാ​യ ഹെ​ൻ​റി​ക് ഹൈ​ബെ​ർ​ട്‌​സ​ണാ​യി​രു​ന്നു ഇ​തി​ന്‍റെ പൂ​ർ​ണ നി​ർ​മാ​ണ ചു​മ​ത​ല. യു​വ​ത്വ​ത്തി​ൽ ത​ന്നെ വ​ലി​യ പ്ര​തി​സ​ന്ധി​ക​ൾ നേ​രി​ടേ​ണ്ടി​വ​ന്ന ഗു​സ്താ​വ് അ​ഡോ​ൾ​ഫി​ന് സ്വീ​ഡ​നെ ബാ​ൾ​ട്ടി​ക് മേ​ഖ​ല​യി​ലെ ഏ​റ്റ​വും ശ​ക്ത​മാ​യ രാ​ജ്യ​മാ​ക്കി മാ​റ്റ​ണ​മെ​ന്ന വ​ലി​യ ആ​ഗ്ര​ഹ​മു​ണ്ടാ​യി​രു​ന്നു.

ഡെ​ന്മാ​ർ​ക്ക്, റ​ഷ്യ, പോ​ള​ണ്ട് എ​ന്നീ രാ​ജ്യ​ങ്ങ​ളു​മാ​യി നി​ര​ന്ത​രം യു​ദ്ധ​ത്തി​ലേ​ർ​പ്പെ​ടു​ക​യും ചെ​യ്തു. 1630-ൽ ​റോ​മ​ൻ സാ​മ്രാ​ജ്യ​ത്തി​ൽ ന​ട​ന്നു​കൊ​ണ്ടി​രു​ന്ന മു​പ്പ​തു​വ​ർ​ഷ യു​ദ്ധ​ത്തി​ൽ സ്വീ​ഡ​ൻ ഇ​ട​പെ​ട്ടു. (1632 ന​വം​ബ​ർ ആ​റി​ന് ലൂ​ട്സ​ൻ യു​ദ്ധ​ത്തി​ലാ​ണ് ഗു​സ്താ​വ് അ​ഡോ​ൾ​ഫ് മ​രി​ക്കു​ന്ന​ത്.)

ബാ​ൾ​ട്ടി​ക് ക​ട​ലി​ലെ ത​ന്‍റെ ശ​ത്രു​ക്ക​ളേ​ക്കാ​ൾ മി​ക​ച്ചു​നി​ൽ​ക്കു​ന്ന ഒ​രു ക​പ്പ​ലാ​യി​രി​ക്ക​ണം വാ​സ എ​ന്ന് രാ​ജാ​വി​നു നി​ർ​ബ​ന്ധ​മു​ണ്ടാ​യി​രു​ന്നു. എ​ന്നാ​ൽ യു​ദ്ധ​രം​ഗ​ത്തെ ആ​ധി​പ​ത്യം ഉ​റ​പ്പി​ക്കാ​നു​ള്ള രാ​ജാ​വി​ന്‍റെ അ​മി​ത​മാ​യ ആ​വേ​ശ​വും നി​ർ​മാ​ണ​ത്തി​ൽ വ​രു​ത്തി​യ മാ​റ്റ​ങ്ങ​ളു​മാ​ണ് ഒ​ടു​വി​ൽ ആ ​ക​പ്പ​ലി​ന്‍റെ ത​ക​ർ​ച്ച​യ്ക്കു വി​ന​യാ​യ​ത്.

നി​ർ​മാ​ണ​ഘ​ട്ട​ങ്ങ​ളി​ൽ രാ​ജാ​വ് അ​നാ​വ​ശ്യ​മാ​യി ഇ​ട​പെ​ടു​ക​യും പു​തി​യ നി​ർ​ദേ​ശ​ങ്ങ​ൾ പു​റ​പ്പെ​ടു​വി​ക്കു​ക​യും ചെ​യ്തു. നി​ർ​ദേ​ശ​ങ്ങ​ൾ ക​പ്പ​ലി​ന്‍റെ ബാ​ല​ൻ​സി​നെ ബാ​ധി​ച്ചു.

ക​പ്പ​ലി​ന്‍റെ രൂ​പ​രേ​ഖ​യി​ൽ ആ​ദ്യം വി​ഭാ​വ​ന ചെ​യ്ത​തി​നേ​ക്കാ​ൾ അ​ധി​ക​മാ​യി ര​ണ്ടാ​മ​തൊ​രു ഗ​ൺ ഡെ​ക്ക് കൂ​ടി വേ​ണ​മെ​ന്ന് രാ​ജാ​വ് നി​ർ​ബ​ന്ധം പി​ടി​ച്ച​താ​ണ് ക​പ്പ​ൽ മു​ങ്ങാ​നു​ള്ള പ്ര​ധാ​ന​കാ​ര​ണ​മെ​ന്ന് വി​ദ​ഗ്ധ​ർ ചൂ​ണ്ടി​ക്കാ​ട്ടി​യി​ട്ടു​ണ്ട്.

കൂ​ടു​ത​ൽ പീ​ര​ങ്കി​ക​ൾ സ്ഥാ​പി​ച്ച​തോ​ടെ ക​പ്പ​ലി​ന്‍റെ ഭാ​രം ഗ​ണ്യ​മാ​യി വ​ർ​ധി​ച്ചു. ഇ​ത് ക​പ്പ​ലി​ന്‍റെ പീ​ര​ങ്കി​ക​ൾ​വ​യ്ക്കു​ന്ന ഭാ​ഗം വെ​ള്ള​ത്തി​ന​ടു​ത്തെ​ത്താ​ൻ കാ​ര​ണ​മാ​യി. ക​പ്പ​ലി​ന്‍റെ യാ​ത്ര​യ്ക്കു മു​മ്പു ന​ട​ത്തി​യ സ്റ്റെ​ബി​ലി​റ്റി ടെ​സ്റ്റി​ൽ ത​ന്നെ ക​പ്പ​ൽ അ​പ​ക​ട​ക​ര​മാ​യി ആ​ടു​ന്ന​ത് ശ്ര​ദ്ധ​യി​ൽ​പ്പെ​ട്ടി​രു​ന്നു.

എ​ന്നാ​ൽ രാ​ജാ​വി​ന്‍റെ കോ​പ​ത്തെ ഭ​യ​ന്ന ഉ​ദ്യോ​ഗ​സ്ഥ​ർ ഇ​ക്കാ​ര്യം പു​റ​ത്ത​പ​റ​ഞ്ഞി​ല്ല.

വാ​സ മു​ങ്ങു​ന്നു ക​ൺ​മു​ന്നി​ൽ

1628 ഓ​ഗ​സ്റ്റ് 10ന് ​ആ​യി​രു​ന്നു ആ ​ക​റു​ത്ത ദി​നം. ആ​യി​ര​ക്ക​ണ​ക്കി​നാ​ളു​ക​ളെ സാ​ക്ഷി​നി​ർ​ത്തി വാ​സ യാ​ത്ര തു​ട​ങ്ങി. എ​ന്നാ​ൽ ഇ​രു​പ​തു മി​നി​റ്റി​നു​ള്ളി​ൽ ക​പ്പ​ൽ വ​ശ​ങ്ങ​ളി​ലേ​ക്കു ച​രി​യു​ക​യും പീ​ര​ങ്കി വാ​തി​ലു​ക​ളി​ലൂ​ടെ വെ​ള്ളം അ​ക​ത്തേ​ക്കു ക​യ​റു​ക​യും ചെ​യ്തു.

അ​ധി​കം വൈ​കാ​തെ വാ​സ ക​ട​ലി​ന്‍റെ ആ​ഴ​ങ്ങ​ളി​ലേ​ക്കു മ​റ​ഞ്ഞു. അ​ന്ന് ക​പ്പ​ലി​ലു​ണ്ടാ​യി​രു​ന്ന ഏ​ക​ദേ​ശം 200 പേ​രി​ൽ 31 പേ​ർ​ക്ക് ജീ​വ​ൻ ന​ഷ്ട​പ്പെ​ട്ടു.

വാ​സ മ്യൂ​സി​യം

333 വ​ർ​ഷം ക​ട​ലി​ന​ടി​യി​ൽ കി​ട​ന്ന വാ​സ​യെ 1961-ൽ ​ആ​ണു പു​റ​ത്തെ​ടു​ത്ത​ത്. ക​പ്പ​ലി​ന്‍റെ 95 ശ​ത​മാ​ന​വും കേ​ടു​കൂ​ടാ​തെ ല​ഭി​ച്ചു എ​ന്ന​തു വ​ലി​യ അ​ത്ഭു​ത​മാ​യി. ഇ​പ്പോ​ൾ സ്റ്റോ​ക്ക്‌​ഹോ​മി​ലെ വാ​സ മ്യൂ​സി​യ​ത്തി​ൽ ഈ ​ക​പ്പ​ൽ ച​രി​ത്ര​ത്തി​ന്‍റെ അ​ട​യാ​ള​മാ​യി സൂ​ക്ഷി​ച്ചി​രി​ക്കു​ന്നു.

ലോ​ക​മെ​മ്പാ​ടു​നി​ന്നും ല​ക്ഷ​ക്ക​ണ​ക്കി​ന് ആ​ളു​ക​ളാ​ണ് ഈ ​ച​രി​ത്ര​വി​സ്മ​യം കാ​ണാ​ൻ എ​ത്തു​ന്ന​ത്. ഏ​ക​ദേ​ശം 220 കോ​ടി രൂ​പ ചെ​ല​വാ​ക്കി, വി​പു​ല​മാ​യ സം​ര​ക്ഷ​ണ പ്ര​വ​ർ​ത്ത​ന​ങ്ങ​ളാ​ണ് ഇ​പ്പോ​ൾ ന​ട​ക്കു​ന്ന​ത്.

ഈ ​ച​രി​ത്ര​വി​സ്മ​യം ‌വ​രം​ത​ല​മു​റ​ക​ൾ​ക്കാ​യി നി​ല​നി​ർ​ത്താ​നു​ള്ള ശ്ര​മ​ങ്ങ​ൾ 2028-ഓ​ടെ പൂ​ർ​ത്തി​യാ​കു​മെ​ന്ന് അ​ധി​കൃ​ത​ർ പ​റ​ഞ്ഞു.

Tags : Todays Story