19

അപകടത്തിൽപ്പെട്ട വാഹനത്തിൽ നിന്ന് സാധനങ്ങൾ കവരുന്നതിനിടയിൽ, വേദന കൊണ്ട് പുളയുന്ന ഡ്രൈവറെ അപ്പാടെ അവഗണിച്ച് ജനക്കൂട്ടം നടത്തിയ പ്രവൃത്തി സമൂഹമാധ്യമങ്ങളിൽ വലിയ പ്രതിഷേധത്തിന് തിരികൊളുത്തിയിരിക്കുകയാണ്.

സോഫ്റ്റ് ഡ്രിങ്ക് പെട്ടികളുമായി വന്ന ലോറി ബൈപാസ് റോഡിൽ മറിഞ്ഞതിനെ തുടർന്നുള്ള ദൃശ്യങ്ങളാണ് ഇപ്പോൾ വിമർശനങ്ങൾ ഏറ്റുവാങ്ങുന്നത്.

അപകടത്തിൽപ്പെട്ട വാഹനം റോഡരികിൽ കിടക്കുമ്പോൾ, ചിതറിക്കിടന്ന സാധനങ്ങൾ കൈക്കലാക്കാനായി ജനക്കൂട്ടം ലോറിക്ക് ചുറ്റും തടിച്ചുകൂടുന്നതാണ് വീഡിയോയിലുള്ളത്.

ആശുപത്രിയിൽ എത്തിക്കുകയോ പ്രഥമശുശ്രൂഷ നൽകുകയോ ചെയ്യുന്നതിന് പകരം, റോഡിൽ ചിതറിക്കിടന്ന കുപ്പികൾ പെറുക്കിയെടുക്കുന്ന തിരക്കിലായിരുന്നു അവിടെയുണ്ടായിരുന്നവർ.

ബാഗുകളിലും കൈകളിലും നിറയെ സാധനങ്ങൾ വാരിക്കൂട്ടാൻ അവർ പരസ്പരം മത്സരിച്ചപ്പോൾ, പരിക്കേറ്റ് സഹായത്തിനായി കേഴുന്ന ഡ്രൈവർക്ക് മുന്നിൽ മനുഷ്യത്വം അടിയറവ് പറയുകയായിരുന്നു.

ദയനീയമായി അപേക്ഷിച്ചിട്ടും ഡ്രൈവറുടെ നിലവിളി ആരും കേട്ടില്ലെന്നു മാത്രമല്ല, സാധനങ്ങൾ കൊള്ളയടിക്കുന്ന തിരക്കിൽ അവർ അതൊന്നും ശ്രദ്ധിച്ചതുമില്ല.

ഈ ദൃശ്യങ്ങൾ കണ്ട് ഞെട്ടിയ ജനങ്ങൾ കടുത്ത രോഷമാണ് പ്രകടിപ്പിക്കുന്നത്. മാനവികതയുടെ എല്ലാ അതിരുകളും ലംഘിച്ചുകൊണ്ടുള്ള ഈ പ്രവൃത്തി, സമൂഹത്തിന്‍റെ ധാർമ്മികമായ തകർച്ചയെക്കുറിച്ചും പൊതുബോധത്തിന്‍റെ പോരായ്മകളെക്കുറിച്ചുമാണ് ചർച്ച ചെയ്യപ്പെടുന്നത്.

മനുഷ്യരൂപത്തിലുള്ള കഴുകൻമാർ എന്നാണ് ഇത്തരക്കാരെ പലരും വിശേഷിപ്പിക്കുന്നത്. പരിക്കേറ്റ ഒരു വ്യക്തിയെ സഹായിക്കാതെ സാധനങ്ങൾക്ക് പിന്നാലെ ഓടിയ ഈ ജനക്കൂട്ടത്തിന്‍റെ പെരുമാറ്റം, നമ്മൾ എങ്ങോട്ടാണ് പോകുന്നതെന്ന ചോദ്യമാണ് ഉയർത്തുന്നത്.

Tags : RoadAccident IncidentReport BreakingNews SafetyFirst HumanityLost