അ​രി​ക്കൊ​മ്പ​നെ നാ​ടുക​ട​ത്തി​യി​ട്ട് ഒ​രു വ​ർ​ഷം
Monday, April 29, 2024 3:26 AM IST
രാജ​കു​മാ​രി: അ​രി​ക്കൊ​മ്പ​ൻ എ​ന്ന ഒ​റ്റ​യാ​നെ നാ​ടു​ക​ട​ത്തി​യി​ട്ട് ഇ​ന്ന് ഒ​രു വ​ർ​ഷം. 2023 ഏ​പ്രി​ൽ 29നാ​ണ് ആ ​വ​ലി​യ ദൗ​ത്യം ന​ട​ന്ന​ത്.​ ചി​ന്ന​ക്ക​നാ​ൽ, ശാ​ന്ത​ൻ​പാ​റ പ​ഞ്ചാ​യ​ത്തു​ക​ളി​ലെ വി​വി​ധ ജ​ന​വാ​സ​മേ​ഖ​ല​ക​ളി​ൽ ഭീ​തി പ​ര​ത്തി​യ ഒ​റ്റ​യാ​നാ​യി​രു​ന്നു അ​രി കൊ​മ്പ​ൻ.

ചി​ന്ന​ക്ക​നാ​ൽ സി​മന്‍റ് പാ​ല​ത്തുനി​ന്ന് മ​യ​ക്കു​വെടിവ​ച്ച് പി​ടി​കൂ​ടി​യ അ​രി​ക്കൊ​മ്പ​നെ ഈ ​മേ​ഖ​ല​യി​ൽനി​ന്ന് ആ​ദ്യം മാ​റ്റി​യ​ത് പെ​രി​യാ​ർ ക​ടു​വാ സ​ങ്കേ​ത​ത്തി​ലേ​ക്ക് ആ​യി​രു​ന്നു. നാ​ലു ദി​വ​സ​ങ്ങ​ൾ​ക്ക് ശേ​ഷം ആ​ന ത​മി​ഴ്നാ​ട് ക​മ്പ​ത്ത് ജ​ന​വാ​സ മേ​ഖ​ല​ക​ളി​ൽ ഇ​റ​ങ്ങി ഭീ​തി പ​ര​ത്തി. ഇ​തി​നി​ടെ വ​ഴി​യാ​ത്ര​ക്കാ​ര​നെ ആ​ക്ര​മി​ച്ചു, ആ​ൾ മ​രി​ക്കു​ക​യും ചെ​യ്തു.

ഇ​തെത്തു​ട​ർ​ന്ന് ത​മി​ഴ്നാ​ട് വ​നംവ​കു​പ്പ് അ​രി​ക്കൊ​മ്പ​നെ മ​യ​ക്കുവെ​ടി​വച്ച് കു​ങ്കി​യാ​ന​ക​ളു​ടെ സ​ഹാ​യ​ത്തോ​ടെ ലോ​റി​യി​ൽ ക​യ​റ്റി തി​രു​നെ​ൽ​വേ​ലി ജി​ല്ല​യി​ലെ കോ​ത​യാ​ർ വ​ന​മേ​ഖ​ല​യി​ലേ​ക്ക് മാ​റ്റു​ക​യാ​യി​രു​ന്നു. ഇ​പ്പോ​ൾ ഇ​തേ വ​ന​മേ​ഖ​ല​യി​ലാ​ണ് ചി​ന്ന​ക്ക​നാ​ൽ മേ​ഖ​ല​യെ വി​റ​പ്പി​ച്ച അ​രിക്കൊ​മ്പ​നു​ള്ള​ത്.

ദൗ​ത്യ​സം​ഘം മാ​സ​ങ്ങ​ളോ​ളം ചി​ന്ന​ക്ക​നാ​ൽ മേ​ഖ​ല​യി​ൽ താ​മ​സി​ച്ച് നാ​ലോ​ളം കു​ങ്കി​യാ​ന​ക​ളു​ടെ സ​ഹാ​യ​ത്തോ​ടു​കൂ​ടി​യാ​ണ് ദൗ​ത്യം പൂ​ർ​ത്തീ​ക​രി​ച്ച​ത്. ചീ​ഫ് വെ​റ്റ​റി​ന​റി സ​ർ​ജ​ൻ ഡോ. ​അ​രു​ൺ സ​ക്ക​റി​യ​യു​ടെ നേ​തൃ​ത്വ​ത്തി​ൽ ലോ​ക വെ​റ്റ​റി​ന​റി ദി​ന​ത്തി​ൽ അ​രിക്കൊ​മ്പ​നെ മ​യ​ക്കു​വെ​ടി​വച്ച് പി​ടികൂ​ടു​ക​യാ​യി​രു​ന്നു.

ഇ​ന്നും ചി​ന്ന​ക്ക​നാ​ൽ മേ​ഖ​ല അ​രി​ക്കൊ​മ്പ​ൻ എ​ന്ന കാ​ട്ടാ​ന​യു​ടെ വി​ഹാ​ര കേ​ന്ദ്രം എ​ന്ന നി​ല​യി​ൽ നി​ര​വ​ധി സ​ഞ്ചാ​രി​ക​ൾ എ​ത്തു​ന്ന പ്ര​ദേ​ശ​മാ​ണ്. ദൗ​ത്യം പൂ​ർ​ത്തീ​ക​രി​ച്ച ചി​ന്ന​ക്ക​നാ​ൽ സി​മ​ന്‍റ്് പാ​ലം മേ​ഖ​ല​യി​ലും സ​ഞ്ചാ​രി​ക​ൾ എ​ത്താ​റു​ണ്ട്. കാ​ട്ടാ​ന​യെ പി​ടി​കൂ​ടി ആ​നി​മ​ൽ ആം​ബു​ല​ൻ​സി​ൽ ക​യ​റ്റി കൊ​ണ്ടു​പോ​യ കൊ​ച്ചി - ധ​നു​ഷ്കോ​ടി ദേ​ശീ​യ​പാ​ത​യു​ടെ ഭാ​ഗ​മാ​യ ചി​ന്ന​ക്ക​നാ​ൽ ആ​ന​യി​റ​ങ്ങ​ൽ മേ​ഖ​ല​യി​ലെ സു​ന്ദ​ര​മാ​യ വ​ഴി സോ​ഷ്യ​ൽ മീ​ഡി​യ​ക​ളി​ൽ വൈ​റ​ലാ​യി​രു​ന്നു.

അ​രിക്കൊ​മ്പ​ൻ പോ​യ​തി​നു​ശേ​ഷം ഈ ​മേ​ഖ​ല​യി​ൽ കാ​ട്ടാ​ന ആ​ക്ര​മ​ണ​ങ്ങ​ൾ ന​ന്നേ കു​റ​ഞ്ഞി​രു​ന്നു. എ​ന്നാ​ൽ ക​ഴി​ഞ്ഞ കു​റ​ച്ചു മാ​സ​ങ്ങ​ളാ​യി ഈ ​മേ​ഖ​ല​യി​ൽ വീ​ണ്ടും കാ​ട്ടാ​ന​ശ​ല്യം വ​ർ​ധി​ച്ചി​രി​ക്കു​ക​യാ​ണ്. ഇ​തി​നി​ട​യി​ൽ ര​ണ്ടു​പേ​രു​ടെ ജീ​വ​നും കാ​ട്ടാ​ന എ​ടു​ത്തു. പ​ന്നി​യാ​ർ സ്വ​ദേ​ശി​നി പ​രി​മ​ള​വും ചി​ന്ന​ക്ക​നാ​ൽ സ്വ​ദേ​ശി സൗ​ന്ദ​ർ രാ​ജ​യു​മാ​ണ് കാ​ട്ടാ​ന ആ​ക്ര​മ​ണ​ത്തി​ൽ മ​രി​ച്ച​ത്.

അ​രി​ക്കൊ​മ്പ​നു ശേ​ഷം ച​ക്കക്കൊ​മ്പ​നും മു​റി​വാ​ല​ൻ കൊ​മ്പ​നും ആ​ണ് ഈ ​മേ​ഖ​ല​യി​ൽ ഇ​പ്പോ​ൾ ഭീ​തി വി​ത​യ്ക്കു​ന്ന​ത്. ഇ​രു​പ​തോ​ളം കാ​ട്ടാ​ന​ക​ളാ​ണ് ചി​ന്ന​ക്ക​നാ​ൽ മേ​ഖ​ല​യി​ൽ ഇ​പ്പോ​ഴുള്ള​ത്.

അ​രിക്കൊ​മ്പ​ൻ സ്ഥി​ര​മാ​യി ആ​ക്ര​മി​ച്ച് അ​രി എ​ടു​ത്തി​രു​ന്ന പ​ന്നി​യാ​റി​ലെ റേ​ഷ​ൻ ക​ട​യ്ക്ക് വൈ​ദ്യു​തി വേ​ലി നി​ർ​മി​ച്ചു സം​ര​ക്ഷ​ണം ഒ​രു​ക്കി​യി​രു​ന്നു. എ​ന്നാ​ൽ, ക​ഴി​ഞ്ഞ നാ​ളു​ക​ളി​ൽ ച​ക്ക​ക്കൊ​മ്പ​ൻ ഈ ​റേ​ഷ​ൻ ക​ട ആ​ക്ര​മി​ച്ച് അ​രി എ​ടു​ത്തു തി​ന്നി​രു​ന്നു. റേ​ഷ​ൻ​ക​ട​യു​ടെ ഭി​ത്തി​യും ഭാ​ഗി​ക​മാ​യി ന​ശി​പ്പി​ക്ക​പ്പെ​ട്ടു.

സ്പെ​ഷൽ ആ​ർആ​ർടി ​സം​ഘം ചി​ന്ന​ക്ക​നാ​ൽ മേ​ഖ​ല​യി​ൽ പ്ര​വ​ർ​ത്തി​ക്കു​ന്നു​ണ്ട്. ഇ​വ​രു​ടെ നി​രീ​ക്ഷ​ണ​ത്തെത്തു​ട​ർ​ന്നു​ള്ള നി​ർ​ദേ​ശ​ങ്ങ​ളി​ലാ​ണ് ഈ ​മേ​ഖ​ല​യി​ലെ ജ​ന​ങ്ങ​ളു​ടെ ജീ​വി​തം സു​ഗ​മ​മാ​യി ഇ​പ്പോ​ൾ പോ​കു​ന്ന​ത്.

Copyright @ 2022 , Rashtra Deepika Ltd.