ടാല്‍റോപ് ഉച്ചകോടി 20ന് ദുബായില്‍
Thursday, May 15, 2025 10:29 PM IST
ദുബായ്: കേരളത്തില്‍നിന്ന് ആഗോളസംരംഭങ്ങള്‍ വളര്‍ന്നുവരുന്നതിന് ടാല്‍റോപ് കേരളത്തില്‍ വികസിപ്പിച്ചെടുക്കുന്ന സിലിക്കണ്‍ വാലി മോഡല്‍ ഇക്കോസിസ്റ്റത്തെ 20 രാജ്യങ്ങളുമായി ബന്ധിപ്പിക്കുന്നതിന്‍റെ ഭാഗമായി ടാല്‍റോപ്-ഖലീജ് ടൈംസ് ഇന്നൊവേഷന്‍, ടെക്‌നോളജി ആന്‍ഡ് ഓൺട്രപ്രണര്‍ഷിപ്പ് ഉച്ചകോടി 20ന് ദുബായില്‍ നടക്കും. ദുബായ് ഇന്‍റര്‍കോണ്ടിനെന്‍റല്‍ ഫെസ്റ്റിവല്‍ സിറ്റിയിലാണു പരിപാടി.
ഇന്ത്യയും യുഎഇയും തമ്മിലുള്ള ചരിത്രപരമായ പങ്കാളിത്തത്തിന്‍റെ വാതായനങ്ങള്‍ തുറക്കപ്പെടുന്ന ഉച്ചകോടിയില്‍ ടാല്‍റോപ് വികസിപ്പിച്ചെടുക്കുന്ന സിലിക്കണ്‍ വാലി മോഡല്‍ ഇക്കോസിസ്റ്റത്തെക്കുറിച്ചുള്ള വിശദമായ സെഷനുകള്‍ ഉണ്ടാകും.