ഓഹരിവിപണിയിൽ ഇടിവ് തുടരുന്നു
Friday, May 9, 2025 11:49 PM IST
മുംബൈ: ഇന്ത്യയും പാക്കിസ്ഥാനും തമ്മില്സംഘർഷങ്ങൾ ഉയരുന്നതിനിടെ ഇന്ത്യയുടെ ഓഹരി വിപണികൾ തുടർച്ചയായ രണ്ടാം ദിവസവും ഇടിഞ്ഞു.
വിൽപ്പന സമ്മർദം ഉയർന്നതോടെ ബോംബെ സ്റ്റോക് എക്സ്ചേഞ്ച് സെൻസെക്സും നാഷണൽ സ്റ്റോക്ക് എക്സ്ചേഞ്ച് നിഫ്റ്റിയും ഒരു ശതമാനത്തിലേറെയാണ് ഇടിഞ്ഞത്.
സെൻസെക്സ് 880.34 പോയിന്റ് (1.1%) നഷ്ടത്തിൽ 79,454.47ലും നിഫ്റ്റി നിർണായകമായ 24,050 പോയിന്റിന്റെ താഴെയാണ് ക്ലോസ് ചെയ്തത്. നിഫ്റ്റി 265.80 പോയിന്റ് (1.10%) ഇടിഞ്ഞ് 24,008.00ലെത്തി.
ഇന്ത്യയും പാക്കിസ്ഥാനും തമ്മിലുള്ള സംഘർഷങ്ങൾ കടുക്കുന്നതിനൊപ്പം ക്രൂഡ് ഓയിൽ വില ഉയർന്നതും ഡോളർ ശക്തിപ്പെട്ടതും ഇന്ത്യൻ ഓഹരി വിപണിയെ ബാധിച്ചു.