ബൈക്ക് ലോ​റി​ക്കു​പി​ന്നി​ൽ ഇടിച്ച് പരിക്കേറ്റ യു​വാ​വ് മ​രി​ച്ചു
Saturday, August 9, 2025 10:38 PM IST
വി​ഴി​ഞ്ഞം: ബൈ​പ്പാ​സി​ലൂ​ടെ സ​ഞ്ച​രി​ച്ച ലോ​റി​ക്ക് പി​ന്നി​ൽ സ്കൂ​ട്ട​ർ ഇ​ടി​ച്ചു. നി​യ​ന്ത്ര​ണം തെ​റ്റി​യ സ്കൂ​ട്ട​ർ ഡി​വൈ​ഡ​റി​ലേ​ക്ക്ഇ​ടി​ച്ച് ക​യ​റി യു​വാ​വി​ന് ദാ​രു​ണാ​ന​ന്ത്യം.

വെ​ങ്ങാ​ന്നൂ​ർ മു​ട്ട​യ്ക്കാ​ട് ക​ള​ത്ത​റ വീ​ട്ടി​ൽ ശാ​ലി​നി​യു​ടെ​യും ദി​ലീ​പി​ന്‍റെ​യും മ​ക​ൻ ധ​ന​ഞ്ജ​യ് (19) ആ​ണ് മ​രി​ച്ച​ത്. ഒ​പ്പം സ​ഞ്ച​രി​ച്ച സു​ഹൃ​ത്ത് അ​ഭി​ജി​ത്തി​നെ ഗു​രു​ത​ര പ​രി​ക്കു​ക​ളോ​ടെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​ന്ന​ലെ രാ​വി​ലെ എ​ട്ടോ​ടെ കോ​വ​ളം കാ​രോ​ട് ബൈ​പ്പാ​സി​ൽ ത​ല​ക്കോ​ട് പ​യ​റും​മു​ടി​ന് സ​മീ​പ​മാ​യി​രു​ന്നു അ​പ​ക​ടം.

സു​ഹൃ​ത്തു​ക​ളാ​യ നാ​ലു​പേ​ർ ചേ​ർ​ന്ന് ര​ണ്ട് സ്കൂ​ട്ട​റു​ക​ളാ​യി ക്ഷേ​ത്ര ദ​ർ​ശ​നം ക​ഴി​ഞ്ഞ് മ​ട​ങ്ങു​ന്ന വ​ഴി​യാ​ണ് അ​പ​ക​ട​മു​ണ്ടാ​യ​ത്. രാ​വി​ലെ പ​ത്മ​നാ​ഭ​സ്വാ​മി ക്ഷേ​ത്ര​ത്തി​ൽ ദ​ർ​ശ​നം ന​ട​ത്തി​യ​ശേ​ഷം ഇ​വ​ർ നെ​യ്യാ​റ്റി​ൻ​ക​ര ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലും ദ​ർ​ശ​നം ന​ട​ത്തി.

തി​രി​കെ വീ​ട്ടി​ലേ​ക്ക് ബൈ​പ്പാ​സി​ലൂ​ടെ മ​ട​ങ്ങു​ന്ന വ​ഴി​യാ​ണ് പാ​ല​ത്തി​ന് സ​മീ​പം മു​ന്നി​ലൂ​ടെ പോ​യ ലോ​റി​യു​ടെ പി​ന്നി​ലി​ടി​ച്ച​ത്. ഇ​ടി​യു​ടെ ആ​ഘാ​ത​ത്തി​ൽ റോ​ഡി​ൽ തെ​റി​ച്ച് വീ​ണ ധ​ന​ഞ്ജ​നെ ഒ​പ്പ​മു​ണ്ടാ​യി​രു​ന്ന സു​ഹൃ​ത്തു​ക്ക​ൾ ചേ​ർ​ന്ന് തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

ദ​ക്ഷി​ണും ധ​ന​ശ്രീ​യും സ​ഹോ​ദ​ര​ങ്ങ​ളാ​ണ്. കാ​ലി​ന് പ​രി​ക്കേ​റ്റ അ​ഭി​ജി​ത്ത് തി​രു​വ​ന​ന്ത​പു​ര​ത്ത് സ്വ​കാ​ര്യ ആ​ശു​പ​ത്രി​യി​ൽ ചി​കി​ൽ​സി​യി​ലാ​ണ്. വി​ഴി​ഞ്ഞം പോ​ലീ​സ് കേ​സെ​ടു​ത്തു. ചാ​ക്ക ഐ​ടി​ഐ​യി​ലെ മൂ​ന്നാം വ​ർ​ഷ വി​ദ്യാ​ർ​ഥി​യാ​ണ്.
Copyright @ 2018 , Rashtra Deepika Ltd.