17

കാ​പ്പി​ത്തോ​ട്ട​ങ്ങ​ളി​ൽ മ​ഴ​യു​ടെ അ​ഭാ​വം ഉ​ത്പാ​ദ​ന​ത്തെ ബാ​ധി​ക്കു​മോ​യെ​ന്ന ആ​ശ​ങ്ക​യി​ൽ ഉ​ത്പാ​ദ​ക​ർ, കൊ​ളം​ബി​യ​യി​ലെ പ്ര​കൃ​തി ദു​ര​ന്തം കാ​പ്പി ക​യ​റ്റു​മ​തി​യു​ടെ താ​ളം തെ​റ്റി​ച്ചു. പ​ച്ച​ത്തേ​ങ്ങ വി​ല​ക്ക​യ​റ്റം കൊ​പ്ര​യു​ടെ മു​ന്നേ​റ്റ​ത്തി​ന്‌ പ​ച്ച​ക്കൊ​ടി ഉ​യ​ർ​ത്തി. വി​യ​റ്റ്‌​നാ​മി​ൽ കു​രു​മു​ള​ക്‌ വി​ള​വെ​ടു​പ്പു പൂ​ർ​ത്തി​യാ​യ​തോ​ടെ ചെ​റു​കി​ട വി​പ​ണി​ക​ളി​ൽ വ​ര​വ്‌ കു​റ​ഞ്ഞു. റ​ബ​ർ ഷീ​റ്റ്‌ ല​ഭ്യ​ത ഏ​ഷ്യ​ൻ റ​ബ​ർ മാ​ർ​ക്ക​റ്റി​ൽ ചാ​ഞ്ചാ​ട്ട​മു​ള​വാ​ക്കാം.

കേ​ര​ള​ത്തി​ലെ​യും ക​ർ​ണാ​ട​ക​ത്തി​ലെ​യും കാ​പ്പി ഉ​ത്പാ​ദ​ന മേ​ഖ​ല​ക​ളി​ൽ കാ​ല​വ​ർ​ഷം ദു​ർ​ബ​ല​മാ​യി നീ​ങ്ങി​യ​ത്‌ ഒ​ക്‌​ടോ​ബ​റി​ൽ ആ​രം​ഭി​ക്കു​ന്ന സീ​സ​ണി​ൽ ഉ​ത്പാ​ദ​നക്കുറ​വി​നു ഇ​ട​യാ​ക്കാം. ദ​ക്ഷി​ണേ​ന്ത്യ​യി​ൽ ഏ​റ്റ​വും കൂ​ടു​ത​ൽ കാ​പ്പി വി​ള​യു​ന്ന കൂ​ർ​ഗി​ൽ ജൂ​ൺ മു​ത​ൽ ഓ​ഗ​സ്റ്റ്‌ മ​ധ്യം വ​രെ മ​ഴ​യു​ടെ അ​ള​വ്‌ മു​ൻ വ​ർ​ഷ​ത്തേക്കാ​ൾ ഏ​ക​ദേ​ശം 25 ശ​ത​മാ​നം കു​റ​ഞ്ഞു. ഹ​സ​ൻ, ചി​ക്ക​മം​ഗ​ലൂ​ർ, വ​യ​നാ​ട്‌ മേ​ഖ​ല​യി​ലെ കാ​പ്പി തോ​ട്ട​ങ്ങ​ളി​ൽ വേ​ണ്ട​ത്ര മ​ഴ ല​ഭി​ച്ചി​ല്ല.

ദ​ക്ഷി​ണേ​ന്ത്യ​യി​ലെ വി​വി​ധ കാ​പ്പി ഉ​ത്പാ​ദ​ക മേ​ഖ​ല​ക​ളി​ൽ ര​ണ്ട്‌ മു​ത​ൽ 61 ശ​ത​മാ​നം വ​രെ മ​ഴ കു​റ​വ്‌. ഓ​ഗ​സ്റ്റ്‌ ര​ണ്ടാം പ​കു​തി​യി​ലും സെ​പ്‌​റ്റം​ബ​റി​ലും മ​ഴദൈ​വ​ങ്ങ​ൾ ക​നി​ഞ്ഞി​ല്ലെ​ങ്കി​ൽ ഒ​ക്‌​ടോ​ബ​റി​ൽ തു​ട​ങ്ങു​ന്ന കാ​പ്പി സീ​സ​ണി​ൽ ഉ​ത്പാ​ദ​നം ഇ​ടി​യു​മെ​ന്ന ആ​ശ​ങ്ക​യി​ലാ​ണു ക​ർ​ഷ​ക​ർ. വ​യ​നാ​ട്ടി​ൽ കാ​പ്പി പ​രി​പ്പ്‌ കി​ലോ 392 രൂ​പ​യി​ലും 54 കി​ലോ ഉ​ണ്ട​കാ​പ്പി 11,800 രൂ​പ​യി​ലു​മാ​ണ്. ക​ട്ട​പ്പ​ന​യി​ൽ റോ​ബ​സ്റ്റ കാ​പ്പി കി​ലോ 203 രൂ​പ​യി​ലും പ​രി​പ്പ്‌ 350 രൂ​പയിലും.

ആ​ഗോ​ള കാ​പ്പി ക​യ​റ്റു​മ​തി​യി​ൽ ര​ണ്ടാം സ്ഥാ​ന​ത്തു​ള്ള കൊ​ളം​ബി​യ​യെ പി​ടി​ച്ചു​ല​ച്ച ഭൂ​ച​ല​നം അ​വ​രു​ടെ കാ​ർ​ഷി​ക മേ​ഖ​ല​യി​ൽ വി​ള്ള​ലു​ള​വാ​ക്കി. കാ​പ്പി​ത്തോ​ട്ട​ങ്ങ​ൾ​ക്ക്‌ പേ​ര്‌ കേ​ട്ട കാ​ൽ​ഡാ​സ്, റി​സ​റാ​ൾ​ഡ, ക്വി​ൻ​ഡി​യോ മേ​ഖ​ല​ക​ളി​ൽ ഭൂ​ക​മ്പം ശ​ക്ത​മാ​യി​രു​ന്നു. വ​ൻ​കി​ട കാ​പ്പി സം​സ്‌​ക​ര​ണ ഫാ​ക്‌​ട​റി​ക​ൾ​ക്കും ഗോ​ഡൗ​ണു​ക​ൾ​ക്കും ത​ക​ർ​ച്ച നേ​രി​ട്ടു. പ്ര​മു​ഖ തു​റ​മു​ഖ​മാ​യ ബ്യൂ​ണ​വെ​ഞ്ചു​റ പോർട്ടിൽ ഭൂ​ച​ല​ന​ത്തി​ൽ കേ​ടുപാടുകൾ സം​ഭ​വി​ച്ച​തി​നാ​ൽ ക​യ​റ്റു​മ​തി പൂ​ർ​ണ​മാ​യി നി​ല​ച്ചു. വി​പ​ണി​യി​ലെ വ​ൻ ശ​ക്തി​ക്ക്‌ നേ​രി​ട്ട തി​രി​ച്ച​ടി അ​ന്താ​രാ​ഷ്‌​ട്ര കാ​പ്പി വി​ല ഉ​യ​ർ​ത്താം. ന്യൂ​യോ​ർ​ക്കി​ൽ അ​റ​ബി​ക്ക കാ​പ്പി 336 സെ​ന്‍റി​ലും ല​ണ്ട​ൻ എ​ക്‌​സ്‌​ചേ​ഞ്ചി​ൽ റോ​ബ​സ്റ്റ 3600 ഡോ​ള​റി​ലു​മാ​ണ്.

വെ​ളി​ച്ചെ​ണ്ണ വി​ല സ്റ്റെ​ഡി;ഭ​ക്ഷ്യ​യെ​ണ്ണ ഇ​റ​ക്കു​മ​തി വ​ർ​ധി​ച്ചു

ചി​ങ്ങം പി​റ​ന്നെ​ങ്കി​ലും സം​സ്ഥാ​ന​ത്ത്‌ വെ​ളി​ച്ചെ​ണ്ണ വി​ല സ്റ്റെ​ഡി. അ​തേ​സ​മ​യം, കാ​ർ​ഷി​ക മേ​ഖ​ല​യ്‌​ക്ക്‌ പ്ര​തീ​ക്ഷ പ​ക​ർ​ന്ന്‌ പ​ച്ച​ത്തേ​ങ്ങ കി​ലോ 75 രൂ​പ​യി​ലേ​ക്ക്‌ ചു​വ​ടു​വ​ച്ചു. മാ​സ​ങ്ങ​ൾ ശേ​ഷ​മാ​ണ് പ്രാ​ദേ​ശി​ക ഡി​മാ​ൻ​ഡി​ൽ തേ​ങ്ങ വി​ല ഉ​യ​ർ​ന്ന​ത്‌.
വി​പ​ണി​യു​ടെ ച​ല​ന​ങ്ങ​ൾ നി​രീ​ക്ഷി​ച്ചാ​ൽ മി​ല്ലു​കാ​ർ വി​ല ഉ​യ​ർ​ത്തി കൊ​പ്ര ശേ​ഖ​രി​ക്കാം. നേ​ര​ത്തേ കാ​ങ്ക​യം ലോ​ബി എ​ണ്ണ വി​ല കൃ​ത്രി​മ​മാ​യി ഉ​യ​ർ​ത്തി​യെ​ങ്കി​ലും അ​തി​ന്‍റെ നേ​ട്ടം കേ​ര​ള​ത്തി​ലെ ക​ർ​ഷ​ക​ർ​ക്ക്‌ കൈ​പ്പി​ടി​യി​ൽ ഒ​തു​ക്കാ​നാ​യി​ല്ല. തി​രു​വോ​ണം വ​രെ വെ​ളി​ച്ചെ​ണ്ണ​യ്‌​ക്ക്‌ ആ​വ​ശ്യം ഉ​യ​രു​മെ​ന്ന​ത്‌ കൊ​പ്ര​യ്‌​ക്കും തേ​ങ്ങ​യ്‌​ക്കും നേ​ട്ട​മാ​കും. വെ​ളി​ച്ചെ​ണ്ണ കി​ലോ 300 രൂ​പ​യ്‌​ക്ക്‌ മു​ക​ളി​ലാ​ണ്. കൊ​ച്ചി​യി​ൽ എ​ണ്ണ 25,500 രൂ​പ​യി​ലും കൊ​പ്ര 16,600 രൂ​പ​യി​ലു​മാ​ണ്.

ഉ​ത്സ​വ സീ​സ​ൺ മു​ൻ​നി​ർ​ത്തി വ്യ​വ​സാ​യി​ക​ൾ ഭ​ക്ഷ്യ​യെ​ണ്ണ ഇ​റ​ക്കു​മ​തി വ​ർ​ധി​പ്പി​ച്ചു. ജൂ​ലൈ​യി​ൽ ഭ​ക്ഷ്യ​യെ​ണ്ണ വ​ര​വ്‌ ജൂ​ണി​നെ അ​പേ​ക്ഷി​ച്ച്‌ 33 ശ​ത​മാ​നം വ​ർ​ധി​ച്ചു, പാം ​ഓ​യി​ൽ ഇ​റ​ക്കു​മ​തി ജൂ​ണി​നേ​ക്കാ​ൾ 49.89 ശ​ത​മാ​നം വ​ർ​ധി​ച്ച്‌ 7.30 ല​ക്ഷം ട​ണ്ണാ​യി. ഒ​ക്‌​ടോ​ബ​ർ വ​രെ നീ​ളു​ന്ന ഉ​ത്സ​വ​കാ​ല ആ​വ​ശ്യ​ങ്ങ​ൾ​ക്കാ​യി വി​വി​ധ തു​റ​മു​ഖ​ങ്ങ​ളി​ൽ വൻത​തോ​തി​ൽ പാ​ച​ക​യെ​ണ്ണ ഇ​റ​ക്കു​മ​തി ന​ട​ക്കു​ന്നു​ണ്ട്‌. പാം ​ഓ​യി​ൽ, സോ​യാ, സൂ​ര്യ​കാ​ന്തി എ​ണ്ണ​ക​ളാ​ണ് ഇ​റ​ക്കു​മ​തി​യി​ൽ മു​ന്നി​ൽ.

കു​രു​മു​ള​ക്‌ വി​ല​ക്ക​യ​റ്റ​ത്തി​നു ത​ട​യി​ടാ​ൻ വ്യാ​പാ​രി​ക​ൾ

വി​യ​റ്റ്‌​നാ​മി​ൽ കു​രു​മു​ള​ക്‌ വി​ള​വെ​ടു​പ്പ്‌ പൂ​ർ​ത്തി​യാ​യ​തി​നി​ട​യി​ൽ വി​പ​ണി​ക​ളി​ൽ വ​ര​വ്‌ കു​റ​ഞ്ഞു. ല​ഭ്യ​ത കു​റ​ഞ്ഞെ​ങ്കി​ലും ക​യ​റ്റു​മ​തി മേ​ഖ​ല നി​ര​ക്ക്‌ ഉ​യ​ർ​ത്താ​തെ ച​ര​ക്ക്‌ സം​ഭ​ര​ണ ശ്ര​മ​ത്തി​ലാ​ണ്. ഒ​രു പ​രി​ധി വ​രെ അ​വ​ർ​ക്ക്‌ കു​ട​പി​ടി​ച്ച്‌ ഉ​ത്ത​രേ​ന്ത്യ​ൻ വ്യ​വ​സാ​യ ലോ​ബി ഇ​ന്ത്യ​ൻ മാ​ർ​ക്ക​റ്റി​നെ​യും പി​ടി​ച്ചു​നി​ർ​ത്തി. ഇ​വി​ടെ വാ​ങ്ങ​ലു​കാ​രു​ടെ പി​ടിവി​ട്ടാ​ൽ വി​യ​റ്റ്‌​നാം മു​ള​കുവി​ല കു​തി​ച്ചുചാ​ട്ടം കാ​ഴ്‌​ച​വ​യ്ക്കും. അ​വി​ടെ മു​ള​ക്‌ വി​ല കി​ലോ 1,36,000- 1,39,000 ഡോ​ങി​ലാ​ണ്, ഏ​താ​നും ആ​ഴ്‌​ച​ക​ളാ​യി. ഈ ​ടാ​ർ​ജ​റ്റി​ൽ നി​ന്നും പു​റ​ത്തു​ക​ട​ന്നാ​ൽ 1,44,000- 1,56,000 ഡോ​ങി​ലേ​ക്ക്‌ നി​ര​ക്ക്‌ കു​തി​ക്കാം.

അ​ന്ത​ർ​സം​സ്ഥാ​ന വ്യാ​പാ​രി​ക​ൾ ത​ണു​പ്പ​ൻ മ​നോ​ഭാ​വം പു​ല​ർ​ത്തി മു​ള​ക്‌ വി​ല​ക്ക​യ​റ്റ​ത്തി​നു ത​ട​യി​ടാ​നു​ള്ള ശ്ര​മ​ത്തി​ലാ​ണ്. ഓ​ണാ​വ​ശ്യ​ങ്ങ​ൾ മു​ന്നി​ൽ​ക്ക​ണ്ട്‌ കാ​ർ​ഷി​ക മേ​ഖ​ല ച​ര​ക്ക്‌ ഇ​റ​ക്കി​യ​ത്‌ വാ​ങ്ങ​ലു​കാ​ർ നേ​ട്ട​മാ​ക്കി. കൊ​ച്ചി​യി​ൽ അ​ൺ​ഗാ​ർ​ബി​ൾ​ഡ്‌ കു​രു​മു​ള​ക്‌ 68,800 രൂ​പ​യി​ലും ഗാ​ർ​ബി​ൾ​ഡ്‌ 70,800 രൂ​പ​യി​ലു​മാ​ണ്. അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ ഇ​ന്ത്യ​ൻ വി​ല ട​ണ്ണി​ന് 7600 ഡോ​ള​ർ.

റ​ബ​ർ ക‍യ​റ്റു​മ​തി ഉ​യ​ർ​ത്തി

തെ​ക്ക്‌ കി​ഴ​ക്ക​ൻ ഏ​ഷ്യ​ൻ രാ​ജ്യ​ങ്ങ​ളി​ൽ റ​ബ​ർ സീ​സ​ൺ പു​രോ​ഗ​മി​ക്കു​ന്ന​തി​നാ​ൽ ഷീ​റ്റ്‌ ല​ഭ്യ​ത ഉ​യ​രു​മെ​ന്ന നി​ഗ​മ​ന​ത്തി​ലാ​ണ് ചൈ​ന അ​ട​ക്ക​മു​ള്ള ഇ​റ​ക്കു​മ​തി രാ​ജ്യ​ങ്ങ​ൾ. എ​ന്നാ​ൽ, അ​ടി​ക്ക​ടി​യു​ള്ള മ​ഴ താ​യ്‌​ല​ൻ​ഡി​ൽ ടാ​പ്പിം​ഗി​നു ത​ട​സം സൃ​ഷ്ടി​ച്ച​തി​നാ​ൽ പ്ര​തീ​ക്ഷ​യ്‌​ക്കൊ​ത്ത്‌ ഉ​ത്പാ​ദ​നം ഉ​യ​ർ​ത്താ​നാ​യി​ല്ല. അ​തേ​സ​മ​യം, മ​ലേ​ഷ്യ​യി​ൽ ഉ​ത്പാ​ദ​നം വ​ർ​ധി​ച്ചു, മേ​യി​ൽ 28,000 ട​ൺ ക​യ​റ്റു​മ​തി ന​ട​ത്തി​യ അ​വ​ർ ജൂ​ണി​ൽ 38,000 ട​ണ്ണും ക​യ​റ്റിയയച്ചു. ജൂ​ലൈ​യി​ലെ ക​ണ​ക്കു​ക​ൾ പു​റ​ത്തു​വ​ന്നി​ട്ടി​ല്ല, ഷി​പ്പ്‌​മെ​ന്‍റ് ഉ​യ​രു​മെ​ന്നാണ് സൂ​ച​ന. മ​ലേ​ഷ്യ​ൻ റ​ബ​റി​ൽ അ​മ്പ​ത്‌ ശ​ത​മാ​ന​ത്തി​ൽ അ​ധി​ക​വും ചൈ​ന​യി​ലേ​ക്കാ​ണു നീ​ങ്ങി​യ​ത്‌. ജൂ​ലൈ​യി​ൽ ആ​ഫ്രി​ക്ക​യി​ൽ നി​ന്നും താ​യ്‌​ല​ൻ​ഡ്‌, ഇ​ന്തോ​നേ​ഷ്യ, മ​ലേ​ഷ്യ തു​ട​ങ്ങി​യ രാ​ജ്യ​ങ്ങ​ളി​ൽനി​ന്നും ചൈ​ന റ​ബ​ർ ശേ​ഖ​രി​ച്ചു.

ജ​പ്പാ​ൻ ഒ​സാ​ക്ക​യി​ൽ റ​ബ​ർ നേ​രി​യ റേ​ഞ്ചി​ൽ നീ​ങ്ങു​ന്ന​തി​നാ​ൽ ഓ​പ്പ​റേ​റ്റ​ർ​മാ​ർ ക​രു​ത​ലോ​ടെ​യാ​ണ് വി​പ​ണി​യെ വീ​ക്ഷി​ക്കു​ന്ന​ത്‌. പി​ന്നി​ട്ട​വാ​രം 417-428 റേ​ഞ്ചി​ലാ​യി​രു​ന്നു റ​ബ​ർ, ഒ​രു മാ​സ​മാ​യി 403 - 436 യെ​ന്നി​ൽ നി​ല​കൊ​ണ്ടെ​ങ്കി​ലും വ്യ​ക്ത​മാ​യ ഒ​രു ദി​ശ ക​ണ്ടെ​ത്താ​നാ​യി​ല്ല. ക്രൂ​ഡ്‌ ഓ​യി​ൽ വി​ല​യി​ലെ ക​യ​റ്റി​റ​ക്ക​വും പ്ര​തി​കൂ​ല കാ​ലാ​വ​സ്ഥ​യി​ൽ ടാ​പ്പിം​ഗ് സ്‌​തം​ഭി​ച്ച​തു​മെ​ല്ലാം ഇ​ട​പാ​ടു​കാ​രെ വ​ൻ ബാ​ധ്യ​ത​ക​ളി​ൽ​നി​ന്നും പി​ൻ​തി​രി​പ്പി​ച്ചു.

സം​സ്ഥാ​ന​ത്ത്‌ റ​ബ​ർ വി​ല കു​റ​ഞ്ഞു

സം​സ്ഥാ​ന​ത്ത്‌ റ​ബ​ർ വി​ല കു​റ​ഞ്ഞു. മ​ഴ ശ​മി​ച്ച​ത്‌ ക​ണ്ട്‌ ക​ർ​ഷ​ക​ർ ടാ​പ്പിം​ഗി​ന് ഉ​ത്സാ​ഹി​ച്ച​തു സ്റ്റോ​ക്കി​സ്റ്റു​ക​ളെ കൊ​ച്ചി, കോ​ട്ട​യം വി​പ​ണി​ക​ളി​ൽ വി​ല്പ​ന​ക്കാ​രാ​ക്കി. നാ​ലാം ഗ്രേ​ഡ്‌ 28,400 രൂ​പ​യി​ൽ​നി​ന്നും 27,600ലേ​ക്ക്‌ ഇ​ടി​ഞ്ഞു. അ​ഞ്ചാം ഗ്രേ​ഡി​ന് 900 രൂ​പ കു​റ​ഞ്ഞ്‌ ക്വി​ന്‍റ​ലി​ന് 27,100 രൂ​പ​യാ​യി. ഒ​ട്ടു​പാ​ൽ 18,700 രൂ​പ​യി​ലും ലാ​റ്റ​ക്‌​സ്‌ 19,000 രൂ​പ​യി​ലു​മാ​ണ്.

Tags : MonsoonDeficit CoffeeFarmers Express GrowingConcern Business