4

കോ​ഴ​ഞ്ചേ​രി: മ​ഴ​യ്ക്കു ശ​മ​ന​മു​ണ്ടെ​ങ്കി​ലും ആ​റ​ന്മു​ള​യി​ൽ കെ​ടു​തി​ക​ൾ തു​ട​രു​ന്നു. ക​രക​വി​ഞ്ഞെ​ത്തി​യ പ​ന്പാ​ന​ദി​യി​ലെ വെ​ള്ളം കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വ്യാ​പി​ച്ച​തോ​ടെ ദു​രി​തം രൂ​ക്ഷ​മാ​യി.

കൂ​ടു​ത​ൽ പ്ര​ദേ​ശ​ങ്ങ​ൾ ഇ​തോ​ടെ വെ​ള്ള​ത്തി​ന​ടി​യി​ലാ​യി. ആ​റ​ന്മു​ള, മ​ല്ല​പ്പു​ഴ​ശേ​രി പ​ഞ്ചാ​യ​ത്തു​ക​ളി​ലാ​യി കൂ​ടു​ത​ൽ വീ​ടു​ക​ളി​ലേ​ക്ക് വെ​ള്ളം ക​യ​റി​യ​തോ​ടെ ദു​രി​താ​ശ്വാ​സ ക്യാ​ന്പു​ക​ളി​ലേ​ക്കും കൂ​ടു​ത​ൽ ആ​ളു​ക​ൾ എ​ത്തി​ത്തു​ട​ങ്ങി. വീ​ടു​ക​ളു​ടെ ര​ണ്ടാം​നി​ല​യി​ൽ അ​ഭ​യം പ്രാ​പി​ച്ച​വ​രും ക്യാ​ന്പു​ക​ളി​ലേ​ക്ക് മാ​റു​ന്നു​ണ്ട്. ആ​ദ്യ​മൊ​ക്കെ മ​ടി​ച്ചു നി​ന്ന പ​ല​രും പ​ന്പാ​ന​ദി​യി​ൽ ഇ​നി ജ​ലം ഉ​യ​ർ​ന്നേ​ക്കാ​മെ​ന്ന മു​ന്ന​റി​യി​പ്പു​ക​ൾ വ​ന്ന​തോ​ടെ നി​ല​പാ​ട് മാ​റ്റി. നീ​ണ്ട​ക​ര, കാ​യം​കു​ളം എ​ന്നി​വി​ട​ങ്ങ​ളി​ൽ നി​ന്നാ​യി മ​ത്സ്യത്തൊ​ഴി​ലാ​ളി​ക​ള്‍ ബോ​ട്ടു​മാ​യെ​ത്തി ര​ക്ഷാപ്ര​വ​ര്‍​ത്ത​നം ന​ട​ത്തു​ന്നു​ണ്ട്. മൂ​ഴി​യാ​ര്‍ ഡാം ​തു​റ​ന്നു​വി​ട്ട​തി​നാ​ല്‍ ഉ​ച്ച​ക​ഴി​ഞ്ഞ് പ​മ്പ​യി​ലെ ജ​ല​നി​ര​പ്പ് പ​ല പ്ര​ദേ​ശ​ങ്ങ​ളി​ലും ഉ​യ​ർ​ന്നു.

ആ​റ​ന്മു​ള -സ​ത്ര​ക്ക​ട​വി​ലും സ​മീ​പ​ത്തും കഴിഞ്ഞ ദി​വ​സ​ത്തേ​തി​നേ​ക്കാ​ള്‍ വെ​ള്ളം കൂ​ടു​ത​ലാ​യി​ട്ടു​ണ്ട്. ആ​റ​ന്മു​ള ഐ​ക്ക​ര ജം​ഗ്ഷ​ന് സ​മീ​പ​മു​ള്ള അ​യ്യ​ന്‍​കോ​യി​ക്ക​ല്‍ ഭാ​ഗ​ത്തും വെ​ള്ള​ക്കെ​ട്ട് തു​ട​രു​ക​യാ​ണ്. ആ​റ​ന്മു​ള പ​ഞ്ചാ​യ​ത്തി​ലെ എ​ഴി​ക്കാ​ട്, നി​ർ​വി​ളാ​കം തു​ട​ങ്ങി​യ സ്ഥ​ല​ങ്ങ​ളി​ൽ ഒ​റ്റ​പ്പെ​ട്ടു പോ​യ​വ​രെ ക്യാ​ന്പു​ക​ളി​ലേ​ക്ക് എ​ത്തി​ച്ചു. ഇ​ട​യാ​റ​ന്മു​ള ഭാ​ഗ​ത്തെ തു​രു​ത്തു​ക​ളി​ലും മ​റ്റും ഇ​പ്പോ​ഴും പ​ല​രും ഒ​റ്റ​പ്പെ​ട്ടു ക​ഴി​യു​ന്ന​താ​യി പ​റ​യു​ന്നു. ഇ​ന്ന​ലെ വൈ​കു​ന്നേ​രം വ​രെ​യും ര​ക്ഷാ​പ്ര​വ​ർ​ത്ത​ക​ർ പ​ല ഭാ​ഗ​ങ്ങ​ളി​ലാ​യി എ​ത്തി ഇ​വ​രെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റാ​ൻ ശ്ര​മി​ച്ചു. അ​ബി​ൻ വ​ർ​ക്കി എം​എ​ൽ​എ​യു​ടെ നേ​തൃ​ത്വ​ത്തി​ൽ മു​ഴു​വ​ൻ സ​മ​യ ര​ക്ഷാ പ്ര​വ​ർ​ത്ത​ന​മാ​ണ് ഇ​ന്ന​ലെ ന​ട​ന്ന​ത്. ആ​ളു​ക​ളെ ക്യാ​ന്പു​ക​ളി​ലേ​ക്ക് മാ​റ്റു​ന്ന​തി​നൊ​പ്പം വ​ള​ർ​ത്തു മൃ​ഗ​ങ്ങ​ളെ സം​ര​ക്ഷി​ക്കാ​നു​ള്ള ക്ര​മീ​ക​ര​ണ​വും ചെ​യ്തി​ട്ടു​ണ്ട്. ഇ​വ​യു​മാ​യാ​ണ് പ​ല​രും വീ​ടൊ​ഴി​യു​ന്ന​ത്.

മ​ല്ല​പ്പു​ഴ​ശേ​രി​യി​ലെ എ​ട്ട് വാ​ർ​ഡു​ക​ൾ വെ​ള്ള​ത്തി​ൽ

മ​ല്ല​പ്പു​ഴ​ശേ​രി പ​ഞ്ചാ​യ​ത്തി​ലെ 1, 2, 3, 9,11, 12, 13, 14 വാ​ർ​ഡു​ക​ൾ പൂ​ർ​ണ​മാ​യി വെ​ള്ള​ത്തി​ന​ടി​യി​ലാ​ണ്. പ​ഞ്ചാ​യ​ത്തി​ലെ ര​ണ്ടാം വാ​ര്‍​ഡാ​യ പ​ര​മൂ​ട്ടി​ല്‍ ഭാ​ഗ​ത്തെ മു​ഴു​വ​ന്‍ വീ​ടു​ക​ളി​ലും ഇ​ന്ന​ലെ ഉ​ച്ച​യോ​ടു​കൂ​ടി വെ​ള്ളം ക​യ​റി. മ​ത്സ്യ​ത്തൊ​ഴി​ലാ​ളി​ക​ളു​ടെ സ​ഹാ​യ​ത്തോ​ടെ ബോ​ട്ടു​ക​ളി​ല്‍ സ​ന്ന​ദ്ധ പ്ര​വ​ര്‍​ത്ത​ക​ര്‍ ആ​ളു​ക​ളെ സു​ര​ക്ഷി​ത​മാ​യ സ്ഥ​ല​ങ്ങ​ളി​ലേ​ക്ക് മാ​റ്റി. ആ​റ് ക്യാ​മ്പു​ക​ളി​ലാ​യി മു​ന്നൂ​റി​ല​ധി​കം ആ​ളു​ക​ളാ​ണ് താ​മ​സി​ക്കു​ന്ന​ത്. പ​ഞ്ചാ​യ​ത്ത് ഭ​ര​ണ സ​മി​തി​യും വി​ല്ലേ​ജ് അ​ധി​കൃ​ത​രും സം​യു​ക്ത​മാ​യി ക്യാ​മ്പു​ക​ള​ല്‍ ആ​ഹാ​ര​വും മ​റ്റു സൗ​ക​ര്യ​ങ്ങ​ളും ചെ​യ്യു​ന്നു​ണ്ടെ​ന്ന് പ​ഞ്ചാ​യ​ത്ത് പ്ര​സി​ഡന്‍റ്് ബെ​ന്നി കു​ഴി​ക്കാ​ല പ​റ​ഞ്ഞു. ക്യാ​മ്പു​ക​ളി​ലേ​ക്കെ​ത്താ​തെ ഒ​റ്റ​പ്പെ​ട്ട് ക​ഴി​യു​ന്ന​വ​ര്‍​ക്ക് പൊ​തി​ച്ചോ​റും ന​ല്‍​കു​ന്നു​ണ്ട്.

കോ​യി​പ്ര​ത്തും വെ​ള്ളം ഒ​ഴി​യു​ന്നി​ല്ല

കോ​യി​പ്രം പ​ഞ്ചാ​യ​ത്തി​ലെ 11-ാം വാ​ര്‍​ഡി​ല്‍​പ്പെ​ട്ട പ​ടി​ഞ്ഞാ​റ​ൻഭാ​ഗം ചെ​റു​വ​ള്ളി​പ്പ​ടി എ​ന്നീ ഭാ​ഗ​ങ്ങ​ളി​ല്‍ വെ​ള്ള​ക്കെ​ട്ട് രൂ​ക്ഷ​മാ​ണ്. ഏ​റെ മ​ഴ​ക്കെ​ടു​തി ഉ​ണ്ടാ​യ​തും ഈ ​പ്ര​ദേ​ശ​ത്താ​ണ്. നെ​ല്ലി​ക്ക​ൽ, വ​ര​യ​ന്നൂ​ര്‍ പ്ര​ദേ​ശ​ങ്ങ​ള്‍ ഉ​ള്‍​പ്പെ​ടെ 85 ശ​ത​മാ​ന​വും വെ​ള്ളം​ക​യ​റി​ക്കി​ട​ക്കു​ക​യാ​ണ്. ഇ​ന്ന​ലെ വൈ​കു​ന്നേ​ര​ത്തോ​ടെ വ​ര​യ​ന്നൂ​ര്‍ ക​ല്ലു​ങ്ക​ല്‍ റോ​ഡി​ല്‍ വെ​ള​ളം ക​യ​റി​യ​തി​നാ​ല്‍ ഇ​രു​ച​ക്ര​വാ​ഹ​ന​ങ്ങ​ള്‍ പോ​ലും പോ​കാ​ന്‍ ക​ഴി​യാ​ത്ത സ്ഥി​തി​യാ​ണ് സം​ജാ​ത​മാ​യി​രി​ക്കു​ന്ന​ത്. പു​ല്ലാ​ട് -പൂ​വ​ത്തൂ​ര്‍ റോ​ഡി​ലും വെ​ള്ള​ക്കെ​ട്ട് രൂ​പ​പ്പെ​ട്ടു. ടി​കെ റോ​ഡി​ലെ മാ​രാ​മ​ണ്‍ ഭാ​ഗ​ത്തും ഇ​ന്ന​ലെ വൈ​കു​ന്നേ​ര​ത്തോ​ടു​കൂ​ടി കൂ​ടു​ത​ല്‍ വെ​ള്ളം ഉ​ള്ള​തി​നാ​ല്‍ ബ​സ് സ​ർ​വീ​സ് അ​ട​ക്കം നി​ര്‍​ത്തി​വ​ച്ചി​രി​ക്കു​ക​യാ​ണ്.

കോ​യി​പ്രം ഭാ​ഗ​ത്തെ വീ​ടു​ക​ളി​ല്‍ വെ​ള്ളം ക​യ​റി​യ​തി​നാ​ല്‍ ക്ഷീ​രക​ർ​ഷ​ക​ർ ത​ങ്ങ​ളു​ടെ പ​ശു​ക്ക​ളെ റോ​ഡി​ലാ​ണ് കെ​ട്ടി​യി​രി​ക്കു​ന്ന​ത്. മ​ഴ പ​ശു​ക്ക​ള്‍​ക്ക് ഭീ​ഷ​ണി​യാ​യി​രി​ക്കു​ക​യാ​ണ്. കോ​യി​പ്രം പ​ഞ്ചാ​യ​ത്തു​ക​ളി​ലെ വീ​ടു​ക​ളി​ല്‍ ഒ​റ്റ​പ്പെ​ട്ടു ക​ഴി​യു​ന്ന​വ​രെ സു​ര​ക്ഷി​ത​മാ​യി ക്യാ​മ്പു​ക​ളി​ലെ​ത്തി​ക്കു​ന്ന​തി​ന് അ​ബി​ന്‍ വ​ര്‍​ക്കി എം​എ​ല്‍​എ ഇ​ട​പെ​ട്ട് റെ​സ്‌​ക്യൂ ബോ​ട്ടു​ക​ള്‍ ക്ര​മീ​ക​രി​ച്ചി​ട്ടു​ണ്ടെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ്്് വ​ര്‍​ഗീ​സ് ഈ​പ്പ​ന്‍ പ​റ​ഞ്ഞു. പു​റ​മ​റ്റം പ​ഞ്ചാ​യ​ത്തി​ലെ കോ​മ​ളം, വെ​ണ്ണി​ക്കു​ളം ഭാ​ഗ​ങ്ങ​ളി​ലെ റോ​ഡു​ക​ളി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് വീ​ണ്ടും വെ​ള്ളം ക​യ​റി. ഇ​തു​വ​ഴി​യു​ള്ള യാ​ത്ര​യും ത​ട​സ​പ്പെ​ട്ടു.

നി​ത്യോ​പ​യോ​ഗ സാ​ധ​ന​ങ്ങ​ൾ​ക്കു ക്ഷാ​മം

പ്ര​ധാ​ന ടൗ​ണു​ക​ളി​ലെ​യും ഉ​ള്‍​നാ​ട​ന്‍ പ്ര​ദേ​ശ​ങ്ങ​ളി​ലെ​യും വ്യാ​പാ​ര സ്ഥാ​പ​ന​ങ്ങ​ൾ തു​റ​ക്കു​ന്നു​ണ്ടെ​ങ്കി​ലും നി​ത്യോ​പ​യോ​ഗ സാ​ധ​ന​ങ്ങ​ൾ പോ​ലും ല​ഭ്യ​മ​ല്ല. പാ​ല്‍, തൈ​ര് തു​ട​ങ്ങി​യ​വ പ​ല​യി​ട​ത്തും ല​ഭി​ക്കു​ന്നി​ല്ല. വെ​ള്ളം നി​റ​ഞ്ഞ റോ​ഡു​ക​ളി​ലൂ​ടെ​യു​ള്ള യാ​ത്ര ത​ട​സ​പ്പെ​ട്ട​താ​ണ് പ്ര​ധാ​ന കാ​ര​ണം. പാ​ലു​മാ​യി വാ​ഹ​ന​ങ്ങ​ൾക്ക് എ​ല്ലാ​യി​ട​ത്തും എ​ത്താ​നാ​കു​ന്നി​ല്ല. പെ​ട്രോ​ൾ പ​ന്പു​ക​ളി​ൽ ഇ​ന്ധ​ന​ക്ഷാ​മ​മു​ണ്ട്.

ക്യാ​ന്പു​ക​ളി​ലെ പ​രാ​തി​ക​ൾ പ​രി​ഹ​രി​ച്ചു

ഭ​ക്ഷ​ണം, വെ​ള്ളം, വൈ​ദ്യു​തി, മ​രു​ന്ന് തു​ട​ങ്ങി​യ വി​ഷ​യ​ങ്ങ​ളി​ൽ ദു​രി​താ​ശ്വാ​സ ക്യാ​ന്പു​ക​ളി​ൽ നി​ന്നു​യ​ർ​ന്ന പ​രാ​തി​ക​ൾ​ക്ക് പ​രി​ഹാ​രം ക​ണ്ട​താ​യി അ​ധി​കൃ​ത​ർ. ഇ​ത്ത​രം പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ സ്ഥ​ലം സ​ന്ദ​ർ​ശി​ച്ച മ​ന്ത്രി​മാ​ര​ട​ക്കം ഉ​ദ്യോ​ഗ​സ്ഥ​ർ​ക്ക് ക​ർ​ശ​ന നി​ർ​ദേ​ശം ന​ൽ​കി. സ​ന്ന​ദ്ധ സം​ഘ​ട​ന​ക​ളു​ടെ കൂ​ടി സ​ഹ​ക​ര​ണ​ത്തി​ലാ​ണ് പ​ല ക്യാന്പു​ക​ളു​ടെ​യും പ്ര​വ​ർ​ത്ത​നം.

അ​യി​രൂ​ര്‍ പ​ഞ്ചാ​യ​ത്തി​ലെ ക്യാ​മ്പു​ക​ളി​ല്‍ ഭ​ക്ഷ​ണം എ​ത്തി​ക്കു​ന്നി​ല്ലെന്ന വി​മ​ര്‍​ശ​നം അ​ടി​സ്ഥാ​നര​ഹി​ത​മാ​ണെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് സു​രേ​ഷ് കു​ഴി​വേ​ലി പ​റ​ഞ്ഞു. പ​ഞ്ചാ​യ​ത്തി​ലാ​കെ ഒ​രു ദു​രി​താ​ശ്വാ​സ ക്യാ​മ്പ് മാ​ത്ര​മാ​ണു​ള്ള​ത്. പ​ഞ്ചാ​യ​ത്തും റ​വ​ന്യൂ അ​ധി​കൃ​ത​രും കൂ​ടി ഭ​ക്ഷ​ണം ഉ​ള്‍്‌​പ്പെ​ടെ എ​ല്ലാ സാ​ധ​ന​ങ്ങ​ളും ന​ല്‍​കു​ന്നു​ണ്ടെ​ന്നും പ്ര​സി​ഡ​ന്‍റു് പ​റ​ഞ്ഞു.

ജി​ല്ലാ ആ​ശു​പ​ത്രി​യി​ൽ വെ​ള്ള​മി​ല്ല

കോ​ഴ​ഞ്ചേ​രി​യി​ലെ പ​മ്പാ​ന​ദീതീ​ര​ത്തു​ള്ള പ​മ്പ് ഹൗ​സി​ല്‍ ചെ​ളി​യും വെ​ള്ള​വും ക​യ​റി​യ​തും വൈ​ദ്യു​തി ബ​ന്ധം ഇ​ല്ലാ​ത്ത​തും കാരണം ജി​ല്ല ആ​ശു​പ​ത്രി​യി​ല്‍ വെ​ള്ളം ല​ഭി​ക്കു​ന്നി​ല്ലെ​ന്ന് പ​രാ​തി. എ​ന്നാ​ല്‍ 65,000 ലി​റ്റ​ര്‍ മ​ഴവെ​ള്ള സം​ഭ​ര​ണി​യും കു​ടി​വെ​ള്ള​ത്തി​ന്‍റെ എ​ടി​എം സം​വി​ധാ​നവും ക്ര​മീ​ക​രി​ച്ചി​ട്ടു​ണ്ടെ​ന്ന് ആ​ശു​പ​ത്രി സൂ​പ്ര​ണ്ട് ഡോ. ​നി​തീ​ഷ് ഐ​സ​ക് ശാ​മു​വേ​ല്‍ പ​റ​ഞ്ഞു. വെ​ള്ളം കു​റ​വാ​ണെ​ന്ന പേ​രി​ൽ ആ​രെ​യും ഡി​സ്ചാ​ർ​ജ് ചെ​യ്തി​ട്ടി​ല്ല. പ്ര​ള​യ​ബാ​ധി​ത മേ​ഖ​ല​ക​ളി​ൽ നി​ന്നും കി​ട​പ്പു രോ​ഗി​ക​ള​ട​ക്ക​മു​ള്ള​വ​രെ ആ​ശു​പ​ത്രി​യി​ലേ​ക്ക് മാ​റ്റു​ന്നു​ണ്ട്.

പു​റ​മ​റ്റം പ​ഞ്ചാ​യ​ത്തി​ലെ കോ​മ​ളം, വെ​ണ്ണി​ക്കു​ളം ഭാ​ഗ​ങ്ങ​ളി​ലെ റോ​ഡു​ക​ളി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് വീ​ണ്ടും വെ​ള്ളം ക​യ​റി. ഇ​തു​വ​ഴി​യു​ള്ള യാ​ത്ര​യും സാ​ധ്യ​മ​ല്ലാ​ത്ത സ്ഥി​തി​യാ​ണ് ഉ​ണ്ടാ​രി​ക്കു​ന്ന​ത്. വെ​ള്ള​പ്പൊ​ക്കം കാ​ര​ണം കോ​യി​പ്രം പ​ഞ്ചാ​യ​ത്തു​ക​ളി​ലെ വീ​ടു​ക​ളി​ല്‍ ഒ​റ്റ​പ്പെ​ട്ടു ക​ഴി​യു​ന്ന​വ​രെ സു​ര​ക്ഷി​ത​മാ​യി ക്യാ​മ്പു​ക​ളി​ലെ​ത്തി​ക്കു​ന്ന​തി​ന് അ​ബി​ന്‍ വ​ര്‍​ക്കി എം​എ​ല്‍​എ ഇ​ട​പെ​ട്ട് റെ​സ്‌​ക്യൂ ബോ​ട്ടു​ക​ള്‍ ക്ര​മീ​ക​രി​ച്ചി​ട്ടു​ണ്ടെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ്് വ​ര്‍​ഗീ​സ് ഈ​പ്പ​ന്‍ പ​റ​ഞ്ഞു.

Tags : nattu vishesham Anxiety persists Aranmula