3

ചെ​ങ്ങ​ന്നൂ​ർ: കി​ഴ​ക്ക​ൻ വെ​ള്ള​ത്തി​ന്‍റെ വ​ര​വ് ശ​ക്ത​മാ​യ​തോ​ടെ പ​മ്പ​യാ​ർ ക​ര​ക​വി​ഞ്ഞൊ​ഴു​കു​ക​യാ​ണ്. ആ​ർകെ​വി-​നാ​ക്ക​ട റോ​ഡും നാ​ക്ക​ട-​ഇ​ല്ലി​മ​ല റോ​ഡും പൂ​ർ​ണ​മാ​യി വെ​ള്ള​ത്തി​ന​ടി​യി​ലാ​യ​തോ​ടെ നാ​ക്ക​ട നി​വാ​സി​ക​ൾ ഒ​റ്റ​പ്പെ​ട്ട സ്ഥി​തി​യി​ലാ​യി. പ്ര​ദേ​ശ​ത്തെ ഏ​റ്റ​വും താ​ഴ്ന്ന മേ​ഖ​ല​യാ​യ മു​ട്ടാ​ണി കോ​ള​നി​യി​ലാ​ണ് സ്ഥി​തി​ഗ​തി​ക​ൾ അ​തി​രൂ​ക്ഷ​മാണ്. പ​മ്പ ക​ര​ക​വി​ഞ്ഞ​തോ​ടെ കോ​ള​നി​യി​ലെ ഇ​രു​പ​തി​ലേ​റെ വീ​ടു​ക​ളി​ൽ വെ​ള്ളം ക​യ​റി. അ​ടി​യ​ന്ത​ര ന​ദീ​പു​ന​രു​ദ്ധാ​ര​ണ പ​ദ്ധ​തി​ക​ൾ ക​ട​ലാ​സി​ലൊ​തു​ങ്ങി​യ​താ​ണ് പാ​ണ്ട​നാ​ട് വെ​സ്റ്റ് നാ​ക്ക​ട പ്ര​ദേ​ശ​ത്തെ വീ​ണ്ടും പ്ര​ള​യ​ഭീ​തി​യി​ലാ​ക്കി​യ​ത്. 2018ലെ ​മ​ഹാ​പ്ര​ള​യ​ത്തെ ഓ​ർ​മി​പ്പി​ക്കുംവി​ധ​മാ​ണ് ഇ​വി​ടെ വെ​ള്ള​പ്പൊ​ക്കം രൂ​ക്ഷ​മാ​യി​രി​ക്കു​ന്ന​ത്.

ആ​ഴം ന​ഷ്ട​പ്പെ​ട്ട് പ​മ്പ​യും ഇ​ല്ലി​മ​ല​യാ​റും

കി​ഴ​ക്കും വ​ട​ക്കും പ​ടി​ഞ്ഞാ​റും പ​മ്പ​യാ​റാ​ലും തെ​ക്ക് കൈ​വ​ഴി​യാ​യ ഇ​ല്ലി​മ​ല​യാ​റാ​ലും ചു​റ്റ​പ്പെ​ട്ടു കി​ട​ക്കു​ന്ന ദ്വീ​പ് സ​മാ​ന​മാ​യ പ്ര​ദേ​ശ​മാ​ണ് നാ​ക്ക​ട. പ​തി​റ്റാ​ണ്ടു​ക​ൾ​ക്കു മു​ൻ​പ് ആ​ല​പ്പു​ഴ-​എ​റ​ണാ​കു​ളം ബോ​ട്ട് സ​ർ​വീ​സ് വ​രെ ന​ട​ന്നി​രു​ന്ന പ​മ്പാ​ന​ദി ഇ​ന്ന് അ​ടി​ത്ത​ട്ടി​ൽ ചെ​ളി​യും മ​ണ്ണും അ​ടി​ഞ്ഞു​കൂ​ടി തീ​ർ​ത്തും ശോ​ഷി​ച്ച അ​വ​സ്ഥ​യി​ലാ​ണ്. ന​ദി​യു​ടെ സ്വാ​ഭാ​വി​ക ജ​ല​സം​ഭ​ര​ണശേ​ഷി ന​ഷ്ട​പ്പെ​ട്ട​താ​ണ് മ​ഴ പെയ്താൽ ഉടൻ വെ​ള്ളം വീ​ടു​ക​ളി​ലേ​ക്കും വ​ഴി​ക​ളി​ലേ​ക്കും ഇ​ര​ച്ചു​ക​യ​റാ​ൻ കാ​ര​ണം.

പ​മ്പ​യെ​യും അ​ച്ച​ൻ​കോ​വി​ലാ​റി​നെ​യും ബ​ന്ധി​പ്പി​ക്കു​ന്ന ഇ​ല്ലി​മ​ല​യാ​റി​ന്‍റെ അ​വ​സ്ഥ​യും ഭി​ന്ന​മ​ല്ല. ആ​റിന്‍റെ ഇ​രു​വ​ശ​ങ്ങ​ളി​ലെ​യും കാ​ടു​ക​ളും മു​ള​ക​ളും ആ​റ്റി​ലേ​ക്ക് വീ​ണു​കി​ട​ക്കു​ന്ന​തും പോ​ള​യും എ​ക്ക​ലും അ​ടി​ഞ്ഞു​കൂ​ടി​യ​തും നീ​രൊ​ഴു​ക്ക് പൂ​ർ​ണ​മാ​യി ത​ട​സ​പ്പെ​ടു​ത്തി​യി​രി​ക്കു​ക​യാ​ണ്.

3.52 കോ​ടി​യു​ടെ പ​ദ്ധ​തി ഫ​യ​ലി​ൽ ഉ​റ​ങ്ങു​ന്നു

കു​ട്ട​മ്പേ​രൂ​ർ ആ​റു​മാ​യി ചേ​രു​ന്ന ഇ​ല്ലി​മ​ല മു​ത​ൽ നാ​ക്ക​ട വ​രെ​യു​ള്ള 1800 മീ​റ്റ​ർ ഭാ​ഗ​ത്തെ ചെ​ളി​യും മ​ണ്ണും നീ​ക്കി നീ​രൊ​ഴു​ക്ക് പു​നഃ​സ്ഥാ​പി​ക്കാ​ൻ റീസ്റ്റോ​റേ​ഷ​ൻ ഓ​ഫ് ഇ​ക്കോ​സി​സ്റ്റം പ​ദ്ധ​തി​യി​ൽ ഉ​ൾ​പ്പെ​ടു​ത്തി 3.52 കോ​ടി രൂ​പ​യു​ടെ എ​സ്റ്റി​മേ​റ്റ് തയാ​റാ​ക്കി​യി​രു​ന്നു. എ​ന്നാ​ൽ 2022 മു​ത​ൽ ഈ ​ഫ​യ​ൽ സ​ർ​ക്കാ​രി​ന്‍റെ അ​നു​മ​തി കാ​ത്ത് ചു​വ​പ്പു​നാ​ട​യി​ൽ കു​ടു​ങ്ങി​ക്കി​ട​ക്കു​ക​യാ​ണെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.

ചാ​രും​മൂ​ട് മേ​ഖ​ല​യി​ൽ വ്യാ​പ​ക നാ​ശം

ചാ​രും​മൂ​ട്: ശ​ക്ത​മാ​യ കാ​റ്റി​ലും മ​ഴ​യി​ലും ചാ​രും​മൂ​ട് മേ​ഖ​ല​യി​ൽ വ്യാ​പ​ക നാ​ശം. ചു​ന​ക്ക​ര, താ​മ​ര​ക്കു​ളം, നൂ​റ​നാ​ട്, പ​ട​നി​ലം, പാ​ല​മേ​ൽ, ചാ​രും​മൂ​ട് ജം​ഗ്ഷ​ൻ തു​ട​ങ്ങി​യ പ്ര​ദേ​ശ​ങ്ങ​ളി​ൽ വൈ​ദ്യു​ത ലൈ​നു​ക​ളി​ലേ​ക്ക് മ​ര​ങ്ങ​ൾ ഒ​ടി​ഞ്ഞു​വീ​ണ് വൈ​ദ്യു​തി വി​ത​ര​ണം പൂ​ർ​ണ​മാ​യും ത​ട​സ​പ്പെ​ട്ടു.
ചാ​രും​മൂ​ട് ജം​ഗ്ഷ​ൻ പ​രി​സ​ര​ത്തും നൂ​റ​നാ​ട്, പ​ട​നി​ലം ഭാ​ഗ​ങ്ങ​ളി​ലും പ്ര​ധാ​ന റോ​ഡു​ക​ളി​ലേ​ക്ക് വൈ​ദ്യു​തി ലൈ​നു​ക​ൾ പൊ​ട്ടി​വീ​ണ​ത് ഗ​താ​ഗ​ത ത​ട​സ​ത്തി​നും വ​ലി​യ ആ​ശ​ങ്ക​യ്ക്കും ഇ​ട​യാ​ക്കി.
താ​മ​ര​ക്കു​ളം, ചു​ന​ക്ക​ര, പാ​ല​മേ​ൽ പ​ഞ്ചാ​യ​ത്തു​ക​ളു​ടെ വി​വി​ധ ഗ്രാ​മീ​ണ മേ​ഖ​ല​ക​ളി​ൽ വൈ​ദ്യു​തി പോ​സ്റ്റു​ക​ൾ ച​രി​ഞ്ഞും ചി​ല​യി​ട​ങ്ങ​ളി​ൽ ഒ​ടി​ഞ്ഞും വീ​ണു. വൈ​ദ്യു​തിവിതരണം മ​ണി​ക്കൂ​റോ​ളം നി​ല​ച്ച​തി​നാ​ൽ ജ​ന​ങ്ങ​ൾ ദു​രി​ത​ത്തി​ലാ​യി.
പൊ​ട്ടി​ക്കി​ട​ക്കു​ന്ന​തോ താ​ഴ്ന്നു​കി​ട​ക്കു​ന്ന​തോ ആ​യ വൈ​ദ്യു​തി ലൈ​നു​ക​ളു​ടെ സ​മീ​പ​ത്തേ​ക്ക് ആ​രും പോ​ക​രു​തെ​ന്നും ഏ​തെ​ങ്കി​ലും ത​ര​ത്തി​ലു​ള്ള അ​പ​ക​ട​സാ​ധ്യ​ത ശ്ര​ദ്ധ​യി​ൽ​പ്പെ​ട്ടാ​ൽ ഉ​ട​ൻ ത​ന്നെ സെ​ക‌്ഷ​ൻ ഓ​ഫീ​സി​ൽ വി​വ​രം അ​റി​യി​ക്ക​ണ​മെ​ന്നും കെ​എ​സ്ഇ​ബി അ​ധി​കൃ​ത​ർ ക​ർ​ശ​ന മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ത​ക​രു​ന്ന തീ​ര​ങ്ങ​ളും നാ​മാ​വ​ശേ​ഷ​മാ​യ പു​ലി​മു​ട്ടു​ക​ളും

ശ​ക്ത​മാ​യ കു​ത്തൊ​ഴു​ക്കി​ൽ ന​ദീ​തീ​ര​ങ്ങ​ൾ പ​ര​ക്കെ ഇ​ടി​യു​ന്ന​ത് തീ​ര​വാ​സി​ക​ളു​ടെ ജീ​വ​നും സ്വ​ത്തി​നും ക​ടു​ത്ത ഭീ​ഷ​ണി​യാ​കു​ന്നു​ണ്ട്
ദ​ശാ​ബ്ദ​ങ്ങ​ൾ​ക്ക് മു​ൻ​പ് തീ​ര​സം​ര​ക്ഷ​ണ​ത്തി​നാ​യി നി​ർ​മി​ച്ച നാ​ല് പു​ലി​മു​ട്ടു​ക​ൾ കാ​ടു​പി​ടി​ച്ച് നാ​മാ​വ​ശേ​ഷ​മാ​യ നി​ല​യി​ലാ​ണ്. ന​ദി​യു​ടെ വ​ശ​ങ്ങ​ൾ തി​ട്ട​ കെ​ട്ടി സം​ര​ക്ഷി​ക്കു​ക​യും പ​ഴ​യ പു​ലി​മു​ട്ടു​ക​ൾ പു​ന​രു​ദ്ധ​രിക്കുക​യും ചെ​യ്യേ​ണ്ട​ത് അ​ടി​യ​ന്ത​ര ആ​വ​ശ്യ​മാ​ണ്.

ര​ക്ഷ​യാ​കാ​ൻ പ​രു​മ​ല പാ​ലം വേ​ണം

ഒ​റ്റ​പ്പെ​ട്ടു​പോ​കു​ന്ന നാ​ക്ക​ട​ക്കാ​ർ​ക്ക് പ്ര​ള​യ​കാ​ല​ത്ത് സു​ര​ക്ഷി​ത​മാ​യി എ​ത്തി​ച്ചേ​രാ​ൻ സാ​ധി​ക്കു​ന്ന​ത് തൊ​ട്ട​ടു​ത്ത ഉ​യ​ർ​ന്ന പ്ര​ദേ​ശ​മാ​യ പ​രു​മ​ല​യി​ലാ​ണ്. അ​തി​നാ​ൽ നാ​ക്ക​ട​യി​ൽനി​ന്നു പ​ത്ത​നം​തി​ട്ട ജി​ല്ല​യി​ലെ പ​രു​മ​ല​യി​ലേ​ക്ക് പാ​ലം നി​ർ​മി​ക്ക​ണ​മെ​ന്ന അ​ഞ്ചു വ​ർ​ഷ​ത്തോ​ള​മാ​യു​ള്ള നാ​ട്ടു​കാ​രു​ടെ ആ​വ​ശ്യ​ത്തി​ന് ജ​ന​പ്ര​തി​നി​ധി​ക​ളും സ​ർ​ക്കാ​രും അ​ടി​യ​ന്ത​ര​മാ​യി പ​രി​ഹാ​രം കാ​ണ​ണ​മെ​ന്നാ​ണ് പ്ര​കൃ​തി​ദു​ര​ന്ത​ ഭീ​തി​യി​ലാ​യ നാ​ക്ക​ട​ക്കാ​രു​ടെ ആ​വ​ശ്യം.

Tags : Nattuvishesham Districtnews Around