2

ചി​റ്റൂ​ർ: ഞാ​യ​റാ​ഴ്ച​ക​ളി​ലും മ​റ്റു സ​ർ​ക്കാ​ർ അ​വ​ധി ദി​വ​സ​ങ്ങ​ളി​ലും കോ​ഴി​യ​ങ്കം ത​കൃ​തി​യെ​ങ്കി​ലും പൂ​ർ​ണ​മാ​യും ത​ട​യി​ടാ​നാ​കാ​തെ അ​ധി​കൃ​ത​ർ.
കോ​ഴി​യ​ങ്കം നി​യ​മ​പ​ര​മാ​യി നി​രോ​ധി​ച്ചി​ട്ടു​ണ്ടെ​ങ്കി​ലും നാ​മ​മാ​ത്ര​മാ​യ ശി​ക്ഷ​യെ​ന്ന​തി​നാ​ൽ നി​ർ​ബാ​ധം തു​ട​രു​ക​യാ​ണ്. മീ​നാ​ക്ഷി​പു​രം മു​ത​ൽ വേ​ല​ന്താ​വ​ളം വ​രെ​യു​ള്ള ത​മി​ഴ്നാ​ട് അ​തി​ർ​ത്തി പ​ങ്കി​ടു​ന്ന സ്ഥ​ല​ങ്ങ​ളി​ൽ പോ​ലീ​സ് വാ​ഹ​ന​മെ​ത്താ​ത്ത സ്ഥ​ല​ങ്ങ​ൾ കേ​ന്ദ്രീ​ക​രി​ച്ചാ​ണ് കോ​ഴി​യ​ങ്കം ന​ട​ത്ത​പ്പെ​ടു​ന്ന​ത്. ക​ഴി​ഞ്ഞ ദി​വ​സം പെ​രു​മാ​ട്ടി​യി​ലെ കോ​ഴി​യ​ങ്കം ന​ട​ക്കു​ന്നി​ട​ത്ത് പോ​ലീ​സ് റെ​യ്ഡ് ന​ട​ത്തി​യെ​ങ്കി​ലും പ​ല​രും ഓ​ടി​മ​റ​യു​ക​യാ​യി​രു​ന്നു. കോ​ഴി​യ​ങ്ക​ത്തി​ൽ പ​ങ്കെ​ടു​ക്കാ​ൻ ത​മി​ഴ്‌​നാ​ട്ടി​ൽ നി​ന്നു​മാ​ണ് കൂ​ടു​ത​ൽ ചൂ​തു​ക​ളി​ക്കാ​ർ എ​ത്തു​ന്ന​ത്.
ഇ​വ​രെ സ​ഹാ​യി​ക്കാ​ൻ ത​ദ്ദേ​ശീയ​രാ​യ യു​വാ​ക്ക​ളും രം​ഗ​ത്തു​ണ്ട് . ഇ​വ​ർ​ക്ക് ചൂ​തു​ക​ളി ന​ട​ത്തി​പ്പു​കാ​ർ ന​ല്ല പ്ര​തി​ഫ​ല​വും ന​ൽ​കു​ന്നു​ണ്ട്. താ​ലൂ​ക്കി​ന്‍റെ കി​ഴ​ക്ക​ൻ​മേ​ഖ​ല​ക​ളി​ൽ ചൂതു​ക​ളി​ക്കാ​യി ര​ഹ​സ്യ​മാ​യി കൊ​ത്തു​കോ​ഴി​ക​ളെ വ​ള​ർ​ത്തി പ​രി​ശീ​ല​നം ന​ൽ​കി വി​ൽ​പ​ന ന​ട​ത്തു​ന്ന​വ​രു​മു​ണ്ട്. കൊ​ത്തു​കോ​ഴി​ക​ൾ​ക്ക് 3000 മു​ത​ൽ 4000 വ​രെ മോ​ഹ​വി​ല​യാ​ണ് ല​ഭി​ക്കു​ക.
തൈ​പ്പൊ​ങ്ക​ൽ, ഓ​ണം, വി​ഷു, ദീ​പാ​വ​ലി വി​ശേ​ഷ ദി​വ​സ​ങ്ങ​ളി​ലാ​ണ് കൂ​ടു​ത​ലാ​യി കോ​ഴി​പ്പോ​ര് ന​ട​ത്താ​റു​ള്ള​ത്. ക​ഴി​ഞ്ഞ വ​ർ​ഷം നി​ര​വ​ധി ത​വ​ണ പോ​രു​കോ​ഴി​ക​ൾ, പ​ന്ത​യ​പ്പ​ണം ഉ​ൾ​പ്പെ​ടെ പ്ര​തി​ക​ളെ പി​ടി​കൂ​ടി‍​യി​ട്ടു​ണ്ടെ​ങ്കി​ലും അ​തി​ർ​ത്തി​പ്ര​ദേ​ശ​ങ്ങ​ളി​ൽ പോ​ലീ​സി​നെ വെ​ട്ടി​ച്ച് കോ​ഴി​യ​ങ്കം തു​ട​രു​ക​യാ​ണ്.

Tags : Nattuvishesham District news