പാലക്കാട്: കാണിക്കമാത കോൺവൻറ് ഇംഗ്ലീഷ് മീഡിയം ഗേൾസ് ഹയർ സെക്കൻഡറി സ്കൂളിൽ ലഹരിവിരുദ്ധ ദിനാചരണത്തോടനുബന്ധച്ച് സ്കൂൾ പ്രൊട്ടക്്ഷൻ ഗ്രൂപ്പിന്റെ ആഭിമുഖ്യത്തിൽ മയക്കുമരുന്ന് ദുരുപയോഗവും കുട്ടികളിലെ മൊബൈൽ അഡിക്്ഷനും എന്ന വിഷയത്തിൽ രക്ഷകർത്താക്കൾക്കായി ബോധവത്കരണ ക്ലാസ് സംഘടിപ്പിച്ചു.
പാലക്കാട് അസിസ്റ്റന്റ് സബ് ഇൻസ്പെക്ടറും ജനമൈത്രി അസിസ്റ്റന്റ് ജില്ലാ നോഡൽ ഓഫീസറുമായ വി. ആറുമുഖൻ ക്ലാസെടുത്തു. ഡിവിഷണൽ റീഹാബിലിറ്റേഷൻ കൗൺസിലർ ഗ്രീഷ്മ മൊബൈൽഫോണിന്റെ ദുരുപയോഗത്തെക്കുറിച്ച് ക്ലാസെടുത്തു. സ്കൂൾ പ്രിൻസിപ്പൽ സിസ്റ്റർ ഡോ. നിർമൽ പ്രസംഗിച്ചു.
അധ്യാപിക ടി. കാർത്തിക സ്വാഗതവും എംപിടിഎ പ്രസിഡന്റ് സുചിത്ര നന്ദിയും പറഞ്ഞു. സ്കൂൾ എസ്പി ജി കോ-ഓർഡിനേറ്റർമാരായ പി.സി. സജ, ടി. കാർത്തിക എന്നിവർ ചടങ്ങിൽ സന്നിഹിതരായിരുന്നു.