25

മു​ഹ​മ്മ: പാ​തി​രാ​മ​ണ​ൽ ദ്വീ​പി​ന്‍റെ വി​ക​സ​ന സ്വ​പ്ന​ങ്ങ​ൾ​ക്ക് മ​ങ്ങ​ലേ​ൽ​പ്പി​ക്കു​ന്ന പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​താ​യി ആ​ക്ഷേ​പം. സം​സ്ഥാ​ന സ​ർ​ക്കാ​ർ ബ​ജ​റ്റി​ൽ പ്ര​ഖ്യാ​പി​ച്ച ഇ​ക്കോ ടൂ​റി​സം പ​ദ്ധ​തി​യു​ടെ​യും റോ​പ്പ് വേ​യു​ടെ​യും പ്രാ​രം​ഭ ജോ​ലി​ക​ൾ ആ​രം​ഭി​ച്ചെ​ങ്കി​ലും വി​നോ​ദ സ​ഞ്ചാ​രി​ക​ൾ​ക്ക് സൗ​ക​ര്യ​മെ​രു​ക്കു​ന്ന​തി​ൽ ചി​റ്റ​മ്മന​യ​മാ​ണ് അ​ധി​കാ​രി​ക​ൾ​ക്ക്. സ​ഞ്ചാ​രി​ക​ളു​ടെ ആ​ക​ർ​ഷ​ണ കേ​ന്ദ്ര​മാ​യ കു​ട്ടി​ക​ളു​ടെ പാ​ർ​ക്കി​ലേ​ക്ക് ചാ​ഞ്ഞു കി​ട​ക്കു​ന്ന മ​ര​ച്ചി​ല്ല​ക​ൾ വെ​ട്ടി​മാ​റ്റു​ന്ന​തി​നോ പാ​ർ​ക്കി​ന്‍റെ ഉ​ൾ​ഭാ​ഗം ശു​ചി​യാ​ക്കു​ന്ന​തി​നോ ന​ട​പ​ടി​യി​ല്ല.
മു​ൻ മ​ന്ത്രി കെ.​ബി. ഗ​ണേ​ഷ് കു​മാ​ർ മു​ൻ​കൈ എ​ടു​ത്ത് ദ്വീ​പി​ലേ​ക്ക് ആ​രം​ഭി​ച്ച ബോ​ട്ട് സ​ർ​വീ​സു​ക​ൾ സ​ഞ്ചാ​രി​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​ന​ സൃ​ഷ്ടി​ച്ചെ​ങ്കി​ലും അ​ടി​സ്ഥാ​ന സൗ​ക​ര്യ​ങ്ങ​ളു​ടെ വി​ക​സ​ന​ത്തി​ന് ന​ട​പ​ടി​യൊ​ന്നു​മി​ല്ല. സ​ഞ്ചാ​രി​ക​ളു​ടെ മ​നം ക​വ​രാ​ൻ ദി​വ​സേ​ന ക​ലാ​പ​രി​പാ​ടി​ക​ൾ ഉ​ണ്ടാ​കു​മെ​ന്ന പ്ര​ഖ്യാ​പ​നം ജ​ല​രേ​ഖ​യാ​യി.

ഇ​തി​നാ​യി നി​ർ​മിച്ച അം​ഫി തി​യ​റ്റ​ർ കാ​റ്റി​ലും മ​ഴ​യി​ലും നി​ലം​പൊ​ത്തു​ന്ന അ​വ​സ്ഥ​യി​ലാ​ണ്. തി​യ​റ്റ​ർ സം​ര​ക്ഷി​ക്കാ​നോ പ​രി​പാ​ടി​ക​ൾ അ​വ​ത​രി​പ്പി​ക്കാ​നോ ബ​ന്ധ​പ്പെ​ട്ട​വ​ർ മി​ന​ക്കെ​ടു​ന്നി​ല്ല. ദ്വീ​പി​ലെ​ത്തു​ന്ന ജ​ല​യാ​ന​ങ്ങ​ൾ​ക്ക് സു​ഗ​മ​മാ​യി അ​ടു​ക്കു​ന്ന​തി​ന് സൗ​ക​ര്യ​മി​ല്ലെ​ന്നു​ള്ള പ​രാ​തി​ക്ക് വ​ർ​ഷ​ങ്ങ​ളു​ടെ പ​ഴ​ക്ക​മാ​യെ​ങ്കി​ലും അ​ധി​കാ​രി​ക​ൾ ഉ​റ​ക്കം ന​ടി​ക്കു​ക​യാ​ണ്.

ഏ​തെ​ങ്കി​ലും ബോ​ട്ട് ദ്വീ​പി​ലെ ജെ​ട്ടി​യി​ൽ അ​ടു​ത്താ​ൽ പി​ന്നീ​ട് വ​രു​ന്ന ബോ​ട്ടു​ക​ൾ ഊ​ഴം കാ​ത്ത് കി​ട​ക്കേ​ണ്ടിവ​രും. ഉ​ല്ലാ​സ​ത്തി​നെ​ത്തു​ന്ന സ​ഞ്ചാ​രി​ക​ളു​ടെ മ​നം മ​ടു​പ്പി​ക്കു​ന്ന സാ​ഹ​ച​ര്യ​മാ​ണി​ത്. മ​ഴ​യു​ള്ള കാ​ലാ​വ​സ്ഥ​ക​ളി​ൽ ക​യ​റി നി​ൽ​ക്കാ​ൻ സൗ​ക​ര്യ​മി​ല്ലെ​ന്ന പ​രാ​തി​ക​ളു​മു​ണ്ട്. ന​ട​പ്പാ​ത​യോ​ട് ചേ​ർ​ന്നോ, പ്ര​വേ​ശ​ന ക​വാ​ട​ത്തി​ലോ ഇ​തി​നാ​യി സൗ​ക​ര്യ​മൊ​രു​ക്കാ​വു​ന്ന​താ​ണ്.

ദ്വീ​പി​ന്‍റെ സു​ര​ക്ഷ മു​ൻ നി​ർ​ത്തി കാ​മ​റ​ക​ൾ സ്ഥാ​പി​ക്ക​ണ​മെ​ന്ന ആ​വ​ശ്യ​വും അ​വ​ഗ​ണ​ന​യി​ലാ​ണ്. നാ​ടി​ന്‍റെ വ​ള​ർ​ച്ച​യ്ക്ക് നി​ദാ​ന​മാ​യ പ​ദ്ധ​തി​യാ​ണെ​ങ്കി​ലും യാ​തൊ​ന്നും ചെ​യ്യി​ല്ലെ​ന്ന നി​ല​പാ​ടാ​ണ് ബ​ന്ധ​പ്പെ​ട്ട​വ​ർ കൈ​ക്കൊ​ള്ളു​ന്ന​ത്.

Tags : Nattuvishesham DistrictNews DeepikaNews Pathiramanal