4

നേ​ര്യ​മം​ഗ​ലം: നേ​ര്യ​മം​ഗ​ലം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ മു​റ്റ​ത്ത് നി​ൽ​ക്കു​ന്ന 30 വ​ർ​ഷ​ത്തി​ലേ​റെ പ​ഴ​ക്ക​മു​ള്ള മ​ര​ങ്ങ​ൾ സ്കൂ​ൾ വി​ദ്യാ​ർ​ഥി​ക​ൾ​ക്കും വാ​ഹ​ന യാ​ത്ര​ിക​ർ​ക്കും ഭീ​ഷ​ണി​യാ​കു​ന്നു. വി​ദ്യാ​ഭ്യാ​സ വ​കു​പ്പി​ൽ നി​ന്നും ജി​ല്ലാ പ​ഞ്ചാ​യ​ത്തി​ന് വി​ട്ടുന​ൽ​കി​യ സ്ഥാ​പ​ന​ങ്ങ​ളി​ൽ ഒ​ന്നാ​ണ് 200ല​ധി​കം വി​ദ്യാ​ർ​ഥി​ക​ൾ പ​ഠി​ക്കു​ന്ന നേ​ര്യ​മം​ഗ​ലം ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ.

സ്കൂ​ൾ മു​റ്റ​ത്ത് നി​ൽ​ക്കു​ന്ന നാ​ല് കൂ​റ്റ​ൻ മ​ര​ങ്ങ​ൾ കാ​റ്റ് വീ​ശു​മ്പോ​ൾ നി​ലം​പൊ​ത്തു​മോ എ​ന്ന് ഭ​യ​പ്പെ​ട്ടാ​ണ് വി​ദ്യാ​ർ​ഥി​ക​ൾ ക്ലാ​സു​ക​ളി​ൽ ഇ​രി​ക്കു​ന്ന​ത്. മ​ര​ങ്ങ​ൾ നേ​ര്യ​മം​ഗ​ലം-കു​മ​ളി സം​സ്ഥാ​ന പാ​ത​യോ​ടും ചേ​ർ​ന്നാ​ണ് നി​ൽ​ക്കു​ന്ന​ത്. ചെ​റു​തും വ​ലു​തു​മാ​യ നി​ര​വ​ധി വാ​ഹ​ന​ങ്ങ​ൾ ഈ ​വ​ഴി ക​ട​ന്നു പോ​കു​ന്നു​ണ്ട്.

ജി​ല്ലാ പ​ഞ്ചാ​യ​ത്ത് അ​ധി​കാ​രി​ക​ൾ​ക്ക് നി​ര​വ​ധി ത​വ​ണ സ്കൂ​ൾ അ​ധി​കൃ​ത​ർ രേ​ഖാ​മൂ​ലം പ​രാ​തി ന​ൽ​കി​യെ​ങ്കി​ലും മ​ര​ങ്ങ​ൾ സോ​ഷ്യ​ൽ ഫോ​റ​സ്ട്രി​യി​ൽ വി​വ​ര​മ​റി​യി​ച്ച് അ​വ​ർ നി​ശ്ച​യി​ക്കു​ന്ന തു​കയ്​ക്ക് ലേ​ലം ചെ​യ്ത് വെ​ട്ടി​മാ​റ്റു​വാ​ൻ അ​ധി​കാ​ര​പ്പെ​ടു​ത്തു​ക​യാ​യി​രു​ന്നു. ര​ണ്ടു​പ്രാ​വ​ശ്യം സ​ർ​ക്കാ​ർ നി​യ​മ​ങ്ങ​ൾ പാ​ലി​ച്ച് ലേ​ലം ചെ​യ്തു​വെ​ങ്കി​ലും സോ​ഷ്യ​ൽ ഫോ​റ​സ്ട്രി ആ​വ​ശ്യ​പ്പെ​ടു​ന്ന തു​ക​യ്ക്ക് ലേ​ലം വി​ളി​ക്കാ​ൻ ആ​ളു​ക​ൾ എ​ത്താ​ത്ത​തി​നാ​ൽ മ​രം​മു​റി ന​ട​ന്നി​ട്ടി​ല്ല.

മ​ര​ങ്ങ​ൾ വെ​ട്ടി​മാ​റ്റി സ​ർ​ക്കാ​ർ ത​ടി ഡി​പ്പോ​യി​ലേ​ക്ക് മ​റ്റി സൂ​ക്ഷി​ച്ച് സൗ​ക​ര്യ​പ്ര​ദ​മാ​യി വി​ല്പ​ന ന​ട​ത്തു​ക​യാ​ണ് ഉ​ചി​തം. കാ​ല​വ​ർ​ഷം ശ​ക്തി​പ്രാ​പി​ക്കു​ന്ന​തി​ന് മു​മ്പ് മ​ര​ങ്ങ​ൾ വെ​ട്ടി മാ​റ്റു​ന്ന​തി​നു​ള്ള ക്ര​മീ​ക​ര​ണം ചെ​യ്യ​ണ​മെ​ന്നാ​ണ് പ്ര​ധാ​ന ആ​വ​ശ്യം.

Tags : Local News Nattuvishesham Ernakulam