23

ച​മ്പ​ക്കു​ളം: കു​ട്ട​നാ​ട​ൻ ജ​ന​ത ഏറെ പ്ര​തീ​ക്ഷ​യോ​ടെ കാ​ത്തി​രു​ന്ന പു​തി​യ സ​ർ​ക്കാ​രി​ന്‍റെ ആ​ദ്യ ബ​ജ​റ്റി​ൽ കു​ട്ട​നാ​ടി​നുവേ​ണ്ടി ഒ​ന്നു​മി​ല്ല. കു​ട്ട​നാ​ട് എ​ന്ന ഒ​രു വാ​ക്കുപോ​ലും ഉ​പ​യോ​ഗി​ച്ചി​ട്ടി​ല്ല എ​ന്ന പ്ര​ത്യേ​ക​ത​യും എ​ടു​ത്തു പ​റ​യേ​ണ്ടി​യി​രി​ക്കു​ന്നു. കേ​ര​ള​ത്തി​ലെ കാ​ർ​ഷി​കമേ​ഖ​ല​യു​ടെ കാ​ര്യം പ​റ​യു​ന്ന അ​വ​സ​ര​ത്തി​ൽ നെ​ല്ലുവി​ല സ​മ​യ​ബ​ന്ധി​ത​മാ​യി ന​ല്കും എ​ന്നൊ​രു പ്ര​ഖ്യാ​പ​നം മാ​ത്ര​മാ​ണ് നെ​ൽക​ർ​ഷ​ക​രെ സം​ബ​ന്ധി​ച്ച് ബ​ജ​റ്റി​ൽ പ്ര​തി​പാ​ദി​ക്കു​ന്നു​ള്ളൂ.
  

ക​ഴി​ഞ്ഞ ഫെ​ബ്രു​വ​രി 26ന് ​അ​ന്ന് പ്ര​തി​പ​ക്ഷനേ​താ​വാ​യി​രു​ന്ന മു​ഖ്യ​മ​ന്ത്രി വി.​ഡി. സ​തീ​ശ​ൻ പു​തു​യു​ഗ​യാ​ത്ര​യു​ടെ അ​വ​സ​ര​ത്തി​ൽ രാ​മ​ങ്ക​രി​യി​ൽ ന​ല്കി​യ സ്വീ​ക​ര​ണ​ത്തി​ൽ കു​ട്ട​നാ​ട് ഡ​വ​ല​പ്മെ​ന്‍റ് അ​ഥോറി​റ്റി കു​ട്ട​നാ​ട​ൻ ജ​ന​ത​യ്ക്ക് വാ​ഗ്ദാനം ​ചെ​യ്തി​രു​ന്നു. അ​തുപോ​ലും ബ​ജ​റ്റി​ൽ ഉ​ൾ​പ്പെ​ടു​ത്താ​തെ പോ​യ​ത് കു​ട്ട​നാ​ട​ൻ ജ​ന​ത​യി​ൽ രാ​ഷ്ട്രീ​യ​ഭേ​ദ​മെന്യേ അ​മ​ർ​ഷ​ത്തി​ന് ഇ​ട​യാ​ക്കി​യി​ട്ടു​ണ്ട്.

ക​ഴി​ഞ്ഞ കു​റേ വ​ർ​ഷ​ങ്ങ​ളാ​യി കു​ട്ട​നാ​ട​ൻ ജ​ന​ത അ​നു​ഭ​വി​ക്കു​ന്ന വെ​ള്ള​പ്പൊ​ക്ക, വെ​ള്ള​ക്കെ​ട്ട് ദു​രി​ത​ത്തി​ന് പ​രി​ഹാ​ര​മെ​ന്ന നി​ല​യി​ൽ ഒ​രു ചെ​റു പ​ദ്ധ​തി പോ​ലും ബ​ജ​റ്റി​ൽ പ​റ​യു​ന്നി​ല്ല. ആ​ഴം കു​റ​ഞ്ഞ കു​ട്ട​നാ​ട്ടി​ലെ ന​ദി​ക​ളി​ലേ​യും കാ​യ​ലു​ക​ളി​ലേ​യും മ​ണ്ണും എ​ക്ക​ലും നീ​ക്കം ചെ​യ്യു​ന്ന​തി​നു​ള്ള ന​ട​പ​ടി​ക​ളും ബ​ജ​റ്റി​ൽ പ്ര​തീ​ക്ഷി​ച്ചി​രു​ന്നെ​ങ്കി​ലും അ​ക്കാ​ര്യ​ത്തി​ലും മൗ​നം മാ​ത്രം.
  

ദേ​ശീ​യ അം​ഗി​കാ​രം നേ​ടി​യ കു​ട്ട​നാ​ട​ൻ താ​റാ​വി​ന്‍റെ വി​പ​ണ​ന​ത്തി​ന് പ്രോ​ത്‌​സാ​ഹ​നം പ്ര​തീ​ക്ഷി​ച്ച താ​റാ​വ് ക​ർ​ഷ​ക​രു​ടെ പ്ര​തീ​ക്ഷ​യും അ​സ്ഥാ​ന​ത്താ​യി. അ​ർ​ത്തു​ങ്ക​ൽ ബ​സി​ലി​ക്ക, അ​മ്പ​ല​പ്പു​ഴ ക്ഷേ​ത്രം, കാ​ക്കാ​ഴം പ​ള്ളി, മ​ണ്ണാ​റ​ശാ​ല, കൃ​ഷ്‌​ണ​പു​രം കൊ​ട്ടാ​രം, മാ​താ അ​മൃ​താ​ന​ന്ദ​മ​യി മ​ഠം, ഓ​ച്ചി​റ ക്ഷേ​ത്രം തു​ട​ങ്ങി​യ തീ​ർ​ഥാ​ട​ന കേ​ന്ദ്ര​ങ്ങ​ളെ ബ​ന്ധ​പ്പെ​ടു​ത്തി തീ​ർ​ഥാ​ട​ന ടൂ​റി​സം സ​ർ​ക്യൂ​ട്ട് പ​ദ്ധ​തി ന​ട​പ്പി​ലാ​ക്കി​യ​തി​ൽ 1600 വ​ർ​ഷം പ​ഴ​ക്ക​മു​ള്ള ച​മ്പ​ക്കു​ളം ക​ല്ലൂ​ർ​ക്കാ​ട് ബ​സി​ലി​ക്ക​യെ ഉ​ൾ​പ്പെ​ടു​ത്താ​ത്ത​തി​ൽ വ​ലി​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്.

Tags : Budget Nattuvishesham District News