കുമരകം: ചമ്പക്കുളം മൂലംജലമേളയ്ക്ക് ഇത്തവണ കുമരകത്തു നിന്നും രണ്ട് ചുണ്ടനുകൾ. ഏഴു പ്രശസ്ത ചുണ്ടനുകൾ മാറ്റുരയ്ക്കുന്ന മത്സരങ്ങളിൽ രണ്ട് ചുണ്ടനുകളിൽ അണിനിരക്കുന്നത് കുമരകത്തു നിന്നുള്ള ക്ലബ്ബുകളാണ്.
കുമരകത്തിന്റെ സ്വന്തം ചുണ്ടനായ നടുവിലേപ്പറമ്പനും കുമരകം ടൗൺ ബോട്ട് ക്ലബ്ബ് മത്സരിക്കുന്ന ശ്രീവിനായകൻ ചുണ്ടനും. നടുവിലേപ്പറമ്പൻ ചുണ്ടൻ തുഴയുന്നത് ഇമ്മാനുവൽ ആൻഡ് എൻസിഡിസി ബോട്ട് ക്ലബ്ബാണ്.
മൂന്നു ഹീറ്റ്സുകളിലായി നടക്കുന്ന മത്സരത്തിൽ മൂന്നാമത്തെ ഹീറ്റ്സിൽ പരസ്പരം ഏറ്റുമുട്ടേണ്ട സാഹചര്യമാണെന്നതാണ് ഇത്തവണത്തെ പ്രത്യേകത. മൂന്നാം ഹീറ്റ്സിൽ രണ്ടാം ട്രാക്കിൽ നടുവിലേപ്പറമ്പനും മൂന്നാം ട്രാക്കിൽ ശ്രീവിനായകനും മത്സരിക്കുമ്പോൾ ഒന്നാം ട്രാക്കിൽ വള്ളം ഇല്ല .
കുമരകംകാർ തമ്മിലുള്ള ഈ മത്സര ഫലം വരാനിരിക്കുന്ന നെഹ്റു ട്രോഫി മത്സരത്തിന്റെ പരിശീലനങ്ങളെ ഏറെ സ്വാധിനിക്കും.
Tags : Local News Nattuvishesham Kottayam