Deepika
ADVERTISEMENT
പ്രതീകാത്മക ചിത്രം
കുറവിലങ്ങാട്: സീറോമലബാര് സഭയിലെ പ്രഥമ മേജര് ആര്ക്കി എപ്പിസ്കോപ്പല് മര്ത്ത്മറിയം അര്ക്കദിയാക്കോന് തീര്ഥാടന ഇടവകയായ കുറവിലങ്ങാട് പള്ളിയില് എട്ടുനോമ്പ് തിരുനാളിന് ഒരുക്കങ്ങള് പൂര്ത്തീകരിച്ചു. തിരുനാളിന്റെ ആത്മീയ ഒരുക്കങ്ങളുടെ ഭാഗമായുള്ള ബൈബിള് കണ്വന്ഷന് തുടക്കമായി.
നോമ്പിന്റെ ആദ്യദിനവും കുറവിലങ്ങാട് നസ്രാണി മഹാസംഗമവാര്ഷിക ദിനവുമായ സെപ്റ്റംബര് ഒന്നിന് രാവിലെ 7.30ന് ആര്ച്ച്പ്രീസ്റ്റ് ഫാ.ഡോ. തോമസ് മേനാച്ചേരി തിരുനാള് കൊടിയേറ്റും. 4.30ന് പാലാ രൂപത മുഖ്യവികാരി ജനറാള് ഫാ. ഡോ. ജോസഫ് തടത്തില് വിശുദ്ധ കുര്ബാനയര്പ്പിച്ച് സന്ദേശം നല്കും.
നോമ്പിന്റെ വിവിധ ദിവസങ്ങളില് സഭയിലെ വിവിധ മേജര് ആര്ക്കിഎപ്പിസ്കോപ്പല് തീര്ഥാടന കേന്ദ്രങ്ങളിലെ ആര്ച്ച്പ്രീസ്റ്റുമാര് വിശുദ്ധ കുര്ബാനയര്പ്പിക്കും. സെപ്റ്റംബര് രണ്ടിന് കാഞ്ഞിരപ്പള്ളി കത്തീഡ്രല് ആര്ച്ച്പ്രീസ്റ്റ് ഫാ. ഡോ. കുര്യന് താമരശേരിയും മൂന്നിന് ഇടുക്കി രൂപതയിലെ നെടുങ്കണ്ടം പള്ളി ആര്ച്ച്പ്രീസ്റ്റ് ഫാ. തോമസ് വട്ടമലയും അഞ്ചിന് ചങ്ങനാശേരി അതിരൂപതയിലെ കുടമാളൂര് പള്ളി ആര്ച്ച്പ്രീസ്റ്റ് ഫാ. ഡോ. ജോര്ജ് മംഗലത്തിലും വിശുദ്ധ കുര്ബാനയര്പ്പിക്കും. എട്ടിന് 10ന് ബിഷപ് മാര് ജോസഫ് കല്ലറങ്ങാട്ട് തിരുനാള് കുര്ബാനയര്പ്പിച്ച് സന്ദേശം നല്കും.
മുത്തിയമ്മ തീര്ഥാടനങ്ങള്
നോമ്പിന്റെ വിവിധ ദിവസങ്ങളിലായി വിവിധ ഇടവകകളുടെയും സംഘടനകളുടെയും നേതൃത്വത്തില് മുത്തിയമ്മ തീര്ഥാടനങ്ങളും നടക്കും. പ്രവിത്താനം സെന്റ് അഗസ്റ്റിന്സ്, മുട്ടുചിറ പരിശുദ്ധ റൂഹാദ്ക്കുദിശ ഫൊറോന, കൊഴുവനാല് സെന്റ് ജോണ് നെപുംന്യാന്സ് ഫൊറോന, രാമപുരം സെന്റ് അഗസ്റ്റിന്സ് ഫൊറോന, കാളികാവ് സെന്റ് സെബാസ്റ്റ്യന്സ്, രത്നഗിരി സെന്റ് തോമസ് , വാക്കാട് സെന്റ് സെബാസ്റ്റ്യന്സ് ഇടവകകളും ലീജിയന് ഓഫ് മേരി കേരള സെനാത്തൂസ്, എസ്എംവൈഎം പാലാ രൂപതയുടെ നേതൃത്വത്തില് ചങ്ങനാശേരി അതിരൂപത, പാലാ, കാഞ്ഞിരപ്പള്ളി രൂപതകളിലെ യുവജനങ്ങള്, ഇടവകയിലെ വിശ്വാസപരിശീലന കേന്ദ്രങ്ങള്, പാലാ രൂപത പിതൃവേദി, പാലാ രൂപത ഡിസിഎംഎസ് സംഘടനകളുടെയും നേതൃത്വത്തില് വിവിധ ദിവസങ്ങളില് മുത്തിയമ്മ തീര്ഥാടനങ്ങള് നടക്കും. തീര്ഥാടകര്ക്ക് നേര്ച്ചക്കഞ്ഞിയും ഒരുക്കും.
എട്ടിന് മേരീനാമധാരീ സംഗമവും നോന്പുവീടല് സദ്യയും
നോമ്പിന്റെ വിവിധ ദിവസങ്ങളില് കുടുംബകൂട്ടായ്മ, വയോജനം, വാഹനവെഞ്ചരിപ്പ്, കുമ്പസാരം, സംഘടന, അധ്യാപക, സമര്പ്പിത, കൃതജ്ഞതാ ദിനാചരണങ്ങള് നടക്കും. സമാപന ദിനമായ എട്ടിന് 12.05ന് മേരിനാമധാരീ സംഗമം നടക്കും. 12.30ന് നോമ്പുവീടല് സദ്യയും നടക്കും. കര്ഷക ദിനാചരണമായ മാസാദ്യവെള്ളിയാഴ്ചയായ സെപ്റ്റംബര് നാലിന് കാര്ഷിക വിഭവങ്ങളുടെ സമര്പ്പണം നടത്തും. കാര്ഷിക വിഭവങ്ങള് രാത്രി ഒമ്പതിന് പരസ്യലേലം നടത്തും. ലേലത്തിലൂടെ സമാഹരിക്കുന്ന തുക ഇടവകയുടെ ജീവകാരുണ്യപ്രവര്ത്തനങ്ങള്ക്കായി പ്രയോജനപ്പെടുത്തും.
180 മണിക്കൂര് അഖണ്ഡപ്രാര്ഥന
കരുണയുടെ വര്ഷത്തില് 341 ദിനരാത്രങ്ങള് ഇടമുറിയാതെ ഇടവക ദേവാലയം തുറന്നിട്ട് പ്രാര്ഥിച്ചതിന്റെ ഓര്മകള് പുതുക്കി എട്ടുനോമ്പിന്റെ മുഴുവന് ദിവസങ്ങളിലുമായി 180 മണിക്കൂര് പള്ളി അടയ്ക്കാതെ അഖണ്ഡപ്രാര്ഥനയും ഒരുക്കിയിട്ടുണ്ട്. കുടുബകൂട്ടായ്മ യൂണിറ്റുകളുടെ നേതൃത്വത്തിലാണ് പ്രാര്ഥന.
Tags : NattuVishesham DistrictNews
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram