26

വി​ഴി​ഞ്ഞം: വ​ർ​ഷ​ങ്ങ​ൾ നീ​ണ്ട നി​യ​മ​പോ​രാ​ട്ട​ങ്ങ​ൾ​ക്കൊ​ടു​വി​ൽ ​വി​ഴി​ഞ്ഞം സ്വ​ദേ​ശി പ​നി​യ​ടി​മ​ക്ക് അ​നു​കൂ​ല​മാ​യ വി​ധിവന്നു. തീ​ര​സം​ര​ക്ഷ​ണ സേ​ന​യു​ടെ ചെറു നി​രീ​ക്ഷ​ണ​ക്ക​പ്പ​ൽ ജ​പ്തി ചെ​യ്ത് ന​ഷ്ട​പ​രി​ഹാ​രം ഈ​ടാ​ക്കാൻ ഉത്തരവ്.

കോ​ട​തി​യി​ൽ​നി​ന്ന് ആ​മീ​ൻ വി​ഴി​ഞ്ഞ​ത്തെ​ത്തി​യെ​ങ്കി​ലും ക​പ്പ​ൽ ക​ട​ൽ​നി​രീ​ക്ഷ​ണ​ത്തി​നു പോ​യ​തി​നാ​ൽ ഇ​പ് തി​ക്ക് മു​ന്നോ​ടി​യാ​യു​ള്ള നോ​ട്ടീ​സ് ഒ​ട്ടി​ക്കാ​തെ മ​ട​ങ്ങി. നാ​ളെ നോ​ട്ടീ​സ് പ​തി​ക്ക​ലു​ണ്ടാ​കു​മെ​ന്ന് അ​ധി​കൃ​ത​ർ പ​റ​യു​ന്നു. 2007 ന​വം​ബ​ർ ഏ​ഴി​നാ​ണ് പ​രാ​തി​ക്ക് കാ​ര​ണ​മാ​യ സം​ഭ​വ​മു​ണ്ടാ​യ​ത്. മീ​ൻ പി​ടി​ത്തം ക​ഴി​ഞ്ഞ് തു​റ​മു​ഖ​ത്ത് ന​ങ്കൂ​ര​മി​ട്ടി​രു​ന്ന പ​നി​യ​ടി​മ​യു​ടെ ത​ങ്ങ​ൽ ബോ​ട്ടാ​യ അ​ന്നൈ ദൈ​വ​ദാ​ന​ത്തെ തീ​ര​സം​ര​ക്ഷ​ണ സേ​ന​യു​ടെ സി 34 ​എ​ന്ന ചെ​റു​ക​പ്പ​ൽ പ​ട്രോ​ളിം​ഗി​നു പോ​കാ​ൻ പു​റ​കോ​ട്ട് എ​ടു​ക്കു​ന്ന​തി​നി​ടെ ഇ​ടി​ച്ച് ത​ക​ർ​ക്കു​ക​യാ​യി​രു​ന്നു.

ക​ട​ലി​ൽ താ​ഴ്ന്ന മ​ത്സ്യ​ബ​ന്ധ​ന ബോ​ട്ട് ഏ​റെ പ്ര​തി​ഷേ​ധ​ങ്ങ​ൾ​ക്കൊ​ടു​വി​ൽ ക​ര​ക്ക് ക​യ​റ്റി​യ അ​ധി​കൃ​ത​ർ അ​റ്റ​കു​റ്റ​പ്പ​ണി ന​ട​ത്തി പ​നി​യ​ടി​മ​യ്ക്കു തി​രി​കെ ന​ൽ​കി​യെ​ങ്കി​ലും ഒ​രാ​ഴ്ച​ക്കു​ള്ളി​ൽ വീ​ണ്ടും ക​ട​ലി​ൽ മു​ങ്ങി​ത്താ​ണു. അ​തോ​ടെ പ​നി​യ​ടി​മ​യും കൂ​ടെ​യു​ണ്ടാ​യി​രു​ന്ന പ​തി​ന​ഞ്ച് തൊ​ഴി​ലാ​ളി​ക​ളും തൊ​ഴി​ൽ ര​ഹി​ത​രാ​വു​ക​യും ചെ​യ് തു. തി​രി​ച്ചെ​ടു​ക്കാ​ൻ പ​റ്റാ​ത്ത​വി​ധം ക​ട​ലാ​ഴ​ങ്ങ​ളി​ൽ താ​ഴ്ന്ന ല​ക്ഷ​ങ്ങ​ൾ വി​ല വ​രു​ന്ന മ​ത്സ്യ​ബ​ന്ധ​ന ബോ​ട്ടി​നു ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് പ​നി​യ​ടി​മ വ​ർ​ഷ​ങ്ങ​ളോ​ളം ഓ​ഫീ​സു​ക​ൾ ക​യ​റി​യി​റ​ങ്ങി​യെ​ങ്കി​ലും ഫ​ല​മു​ണ്ടാ​യി​ല്ല.

ഒ​ടു​വി​ൽ അ​ഞ്ചു വ​ർ​ഷ​ത്തി​നു​ശേ​ഷം ഹൈ​ക്കോ​ട​തി​യി​ൽ കേ​സ് ഫ​യ​ൽ ചെ​യ്തു. ഹൈ​ക്കോ​ട​തി​യി​ൽ​നി​ന്ന് കേ​സ് നെ​യ്യാ​റ്റി​ൻ​ക​ര സ​ബ് കോ​ട​തി​യി​ലേ​ക്ക് മാ​റ്റി. നി​യ​മ പോ​രാ​ട്ട​ത്തി​നി​ട​യി​ൽ ക​ഴി​ഞ്ഞ വ​ർ​ഷം മ​തി​യാ​യ ന​ഷ്ട​പ​രി​ഹാ​രം ന​ൽ​കാ​ൻ കോ​ട​തി സേ​നാ അ​ധി​കൃ​ത​ർ​ക്ക് നി​ർ​ദേ​ശം ന​ൽ​കു​ക​യാ​യി​രു​ന്നു.

വി​ധി ന​ട​പ്പാ​ക്കാ​ൻ വൈ​കി​യ​തോ​ടെ​യാ​ണു വി​ഴി​ഞ്ഞം തീ​ര​സം​ര​ക്ഷ​ണ സേ​ന​യു​ടെ അ​ന​ഖ് എ​ന്ന ക​പ്പ​ലി​നെ​തി​രേ ന​ട​പ​ടി​യെ​ടു​ക്കാ​ൻ കോ​ട​തി ഉ​ത്ത​ര​വി​ട്ട​തെ​ന്നു പ​നി​യ​ടി​മ പ​റ​യു​ന്നു. വി​ധി ന​ട​പ്പാ​ക്കു​ന്ന​തി​ന് മു​ന്നോ​ടി​യാ​യു​ടെ നോ​ട്ടി​സ് പ​തി​ക്കാ​ൻ ഇ​ന്ന​ലെ വൈ​കു​ന്നേ​രം കോ​ട​തി അ​ധി​കൃ​ത​ർ എ​ത്തി​യെ​ങ്കി​ലും ന​ട​ന്നി​ല്ല. നാ​ല്പ​ത് ല​ക്ഷം രൂ​പ​യാ​ണ് ന​ഷ്ട​പ​രി​ഹാ​ര​മാ​യി വി​ധി​ച്ച​തെ​ന്ന് പ​നി​യ​ടി​മ പ​റ​യു​ന്നു.

Tags : NattuVishasham DistrictNews