2

ചി​റ്റൂ​ർ: ഏ​തു​സ​മ​യ​വും ഓ​ടാ​ൻ ത​യാ​റാ​യി ആ​ധു​നി​ക സൗ​ക​ര്യ​ങ്ങ​ളു​ള്ള ആം​ബു​ല​ൻ​സ് ചി​റ്റൂ​ർ താ​ലൂ​ക്ക് ആ​ശു​പ​ത്രി​യി​ലു​ണ്ട്. എ​ന്നാ​ൽ ഓ​ടി​ക്കാ​ൻ ഡ്രൈ​വ​റി​ല്ലാ​ത്ത​തി​നാ​ൽ വൈ​കു​ന്നേ​രം അ​ഞ്ചു​ക​ഴി​ഞ്ഞാ​ൽ സേ​വ​നം നി​ല​യ്ക്കും.
രാ​ത്രി​യി​ൽ മി​ക്ക കേ​സു​ക​ളും ജി​ല്ലാ ആ​ശു​പ​ത്രി​യി​ലേ​ക്കു റ​ഫ​ർ ചെ​യ്യാ​റു​ണ്ട്. ഇ​ത്ത​രം രോ​ഗി​ക​ളാ​ണ് ഏ​റെ​യും വ​ല​യു​ന്ന​ത്. നി​ല​വി​ൽ 108 ആം​ബു​ല​ൻ​സ് മാ​ത്ര​മാ​ണ് ഏ​ക ആ​ശ്ര​യം.
മ​ണി​ക്കൂ​റു​ക​ളോ​ളം കാ​ത്തു​നി​ന്ന് സ്വ​കാ​ര്യ ആം​ബു​ല​ൻ​സു​ക​ളെ ശ​ര​ണം​പ്രാ​പി​ക്കേ​ണ്ട ഗ​തി​കേ​ടും നി​ല​വി​ലു​ണ്ട്. മു​ന്പു​ണ്ടാ​യി​രു​ന്ന ആം​ബു​ല​ൻ​സ് ക​ട്ട​പ്പു​റ​ത്താ​യ​പ്പോ​ൾ മു​ൻ​മ​ന്ത്രി കെ. ​കൃ​ഷ്ണ​ൻ​കു​ട്ടി​യു​ടെ എം​എ​ൽ​എ ഫ​ണ്ടു​പ​യോ​ഗി​ച്ചാ​ണ് പു​തി​യ ആം​ബു​ല​ൻ​സെ​ത്തി​ച്ച​ത്.
ആം​ബു​ല​ൻ​സി​ന്‍റെ സേ​വ​നം 24 മ​ണി​ക്കൂ​റും ല​ഭി​ക്ക​ണ​മെ​ങ്കി​ൽ കു​റ​ഞ്ഞ​ത് മൂ​ന്നു ഡ്രൈ​വ​ർ​മാ​രെ​ങ്കി​ലും ആ​വ​ശ്യ​മു​ണ്ട്. നി​ല​വി​ൽ ഒ​രാ​ൾ​മാ​ത്ര​മാ​ണ് സ​ർ​വീ​സി​ലു​ള്ള​ത്. ഡ്രൈ​വ​ർ​മാ​രു​ടെ കു​റ​വ് നി​ക​ത്ത​ണ​മെ​ന്നു കാ​ണി​ച്ച് ജി​ല്ലാ മെ​ഡി​ക്ക​ൽ ഓ​ഫീ​സ​ർ​ക്ക് ക​ത്തു​ന​ൽ​കി​യി​ട്ടു​ണ്ടെ​ന്ന് താ​ലൂ​ക്ക് ആ​ശു​പ​ത്രി സൂ​പ്ര​ണ്ട് ഡോ. ​രാ​ഹു​ൽ വ​ർ​മ അ​റി​യി​ച്ചു. ല​ക്ഷ​ങ്ങ​ൾ​മു​ട​ക്കി ആം​ബു​ല​ൻ​സ് വാ​ങ്ങി​യി​ട്ടും ഡ്രൈ​വ​ർ ഇ​ല്ലാ​ത്ത​തി​നാ​ൽ രാ​ത്രി​യി​ൽ ജീ​വ​ൻ ര​ക്ഷാ​പ്ര​വ​ർ​ത്ത​നം അ​വ​താ​ള​ത്തി​ലാ​കു​ന്ന അ​വ​സ്ഥ​യ്ക്ക് അ​ടി​യ​ന്ത​ര പ​രി​ഹാ​രം വേ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : Nattuvishesham District news