മണലൂർ പഞ്ചായത്ത് വികസന സെമിനാറിൽ വികസന രേഖ മുരളി പെരുനെല്ലി എംഎൽഎ പ്രകാശനം ചെയ്യുന്നു.
മണലൂർ പഞ്ചായത്തിൽ
കാഞ്ഞാണി: ഉൽപ്പാദന, ആരോഗ്യ, സേവന മേഖലകൾക്ക് മുൻഗണന നൽകുന്ന വിവിധ പദ്ധതികൾക്ക് മണലൂർ പഞ്ചായത്ത് വികസന സെമിനാർ രൂപം നൽകി. മുരളി പെരുനെല്ലി എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് സിജി മോഹൻദാസ് അധ്യക്ഷയായി.വൈസ് പ്രസിഡന്റ് പി.കെ. ചന്ദ്രൻ, സ്റ്റാൻഡിംഗ് കമ്മിറ്റി ചെയർമാൻമാരായ ഷീബ സന്തോഷ്, വി.എൻ. സുർജിത്ത്, അംഗങ്ങളായ പി.കെ. കൃഷ്ണൻ, കാവ്യ പ്രശോഭ്, കെ.കെ. പ്രകാശൻ, വി.വി. സജീന്ദ്രൻ, വിലാസിനി വേണുഗോപാൽ, കെ.വി. വിനോദൻ, കെ.വി. ഡേവിസ് എന്നിവർ സംസാരിച്ചു. ചടങ്ങിൽ പഞ്ചായത്ത് വാർഷിക വികസന രേഖ എംഎൽഎ പ്രകാശനം ചെയ്തു.
തളിക്കുളം പഞ്ചായത്തിൽ
തളിക്കുളം: ഭിന്നശേഷിക്കാരുടെ പുനരധിവാസത്തിനായി തളിക്കുളം ബ്ലോക്ക് പഞ്ചായത്തിന് ഒന്നരക്കോടി ചെലവഴിച്ച് റീഹാബിലിറ്റേഷൻ സെന്റർ തുടങ്ങുവാൻ വികസന സെമിനാറിൽ തീരുമാനം. പാർപ്പിടം, ആരോഗ്യം, കുടിവെള്ളം, ശുചിത്വം, കൃഷി എന്നിങ്ങനെ വിവിധ പദ്ധതികൾക്കി ഏഴ് കോടി 25 ലക്ഷം രൂപയുടെ വിവിധ പദ്ധതികൾക്കും സെമിനാറിൽ അംഗീകാരമായി.
ജില്ലാ പഞ്ചായത്തംഗം അമൽ ടി. പ്രേമൻ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് രഞ്ജിലഗിരി അധ്യക്ഷത വഹിച്ചു. പഞ്ചായത്ത് പ്രസിഡന്റുമാരായ സേവിയർ പുലിക്കോട്ടിൽ, ഐ.എൻ. സുധീഷ്, ഷീബ അജയ് കൃഷ്ണൻ, പി.വിനു, പി.കെ. മോഹനൻ, ജില്ലാ പഞ്ചായത്ത് അംഗം പി.ഐ. സജിത, ബ്ലോക്ക് പഞ്ചായത്ത് വൈസ് പ്രസിഡന്റ് സി.എം. നൗഷാദ്, ഷാമില സലിം, എം.എസ്. ഭാസ്കരൻ, ഷോല മഹേഷ്, സെക്രട്ടറി വി.എസ്. റെജികുമാർ എന്നിവർ പ്രസംഗിച്ചു.
അരിമ്പൂർ പഞ്ചായത്തിൽ
അരിമ്പൂർ: കൃഷി, റോഡ്, ആരോഗ്യം, തെരുവുനായ് ശല്യം നിയന്ത്രിക്കൽ എന്നിവയ്ക്ക് മുൻഗണന നൽകുന്ന വിവിധ പദ്ധതികൾ നടപ്പാക്കുന്നതിന് അരിമ്പൂർ പഞ്ചായത്ത് വികസന സെമിനാർ തീരുമാനം. സെമിനാർ അന്തിക്കാട് ബ്ലോക്ക് പഞ്ചായത്ത് പ്രസിഡന്റ് ജ്യോതി ലക്ഷ്മി വസന്തൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് സി.എൽ. ജോൺസൺ അധ്യക്ഷത വഹിച്ചു.കെ.ആർ. ബാബുരാജ്, കെ.എൻ. സലിജ, എൻ.സി.സതീഷ്, പി.എ ജോസ്, ഓമന അശോകൻ, സെക്രട്ടറി സച്ചിൻ എന്നിവർ സംസാരിച്ചു.
കൊണ്ടാഴി പഞ്ചായത്തിൽ
കൊണ്ടാഴി: കാർഷിക - ആരോഗ്യ മേഖലകൾക്ക് ഊന്നൽ നൽകി സുസ്ഥിരവികസനം ലക്ഷ്യമിടുന്ന കൊണ്ടാഴി പഞ്ചായത്തിന്റെ വിവിധ പദ്ധതികളുടെ കരട് രേഖ അംഗീകരിച്ചു. വികസന സെമിനാർ പഴയന്നൂർ ബ്ലോക്ക് പഞ്ചായത്ത് പ്രസിഡന്റ് പി. പ്രശാന്തി ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.കെ. സത്യഭാമ അധ്യക്ഷയായി. ആസൂത്രണസമിതി ഉപാധ്യക്ഷൻ ടി. ഗോകുലൻ കരട് പദ്ധതിരേഖ പ്രകാശനം ചെയ്തു. സ്ഥിരം സമിതി അധ്യക്ഷൻ സി.എം. മുഹമ്മദ്കുട്ടി, ജനപ്രതിനിധികളായ പി.ആർ. വിശ്വനാഥൻ, എം.സി. നന്ദന, പി. ബീന, ജിൻസി, പഞ്ചായത്ത് സെക്രട്ടറി ടി. അഭിറാം, സി.എ. സുനിൽകുമാർ, ജെയ്സൺ മത്തായി, യു.പി. പ്രഭാത് തുടങ്ങിയവർ പ്രസംഗിച്ചു.