ശാസ്താംകോട്ട: ശാസ്താംകോട്ട ഗ്രാമപഞ്ചായത്തിലെ താത്ക്കാലിക ജീവനക്കാരനായ ഡിവൈഎഫ്ഐ നേതാവ് ലക്ഷങ്ങളുടെ തട്ടിപ്പു നടത്തിയതിന് അറസ്റ്റില്. പഞ്ചായത്ത് സെക്രട്ടറിയുടെ പരാതിയിലാണ് അറസ്റ്റ്. പ്രോജക്ട് അസിസ്റ്റന്റും ഡിവൈഎഫ്ഐ കുന്നത്തൂര് പഞ്ചായത്ത് മേഖലാ സെക്രട്ടറിയുമായ എബിന് കെ. ഷിബുവിനെയാണ് ശാസ്താംകോട്ട പോലീസ് അറസ്റ്റ്് ചെയ്തത്. ചോദ്യം ചെയ്യലില് എബിന് കുറ്റം സമ്മതിച്ചു.
27 ലക്ഷം രൂപയുടെ തട്ടിപ്പ് നടത്തിയതായാണ് പ്രാഥമികമായി ലഭിക്കുന്ന വിവരം. ഈ തുക എബിന്റെ മാതാവിന്റെ അക്കൗണ്ടിലേക്കാണ് മാറ്റിയത്. ഓഡിറ്റിംഗ് വിഭാഗം നടത്തിയ പരിശോധനയിലാണ് തട്ടിപ്പ് കണ്ടെത്തിയത്. 2017ല് പിന്വാതില് നിയമനത്തിലൂടെയാണ് എബിന് പഞ്ചായത്തില് കടന്നുകൂടിയത്. ഇ- ഗ്രാം പോര്ട്ടല് വഴിയാണ് തട്ടിപ്പ് നടത്തിയത്.
Tags : Local News Nattuvishesham Kollam