9

ചേ​ർ​ത്ത​ല: ശ​ക്ത​മാ​യ മ​ഴ​യെത്തുട​ര്‍​ന്ന് ചേ​ര്‍​ത്ത​ല​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ പ​ല​തും വെ​ള്ള​ത്തി​ൽ മു​ങ്ങി. ചേ​ർ​ത്ത​ല എ​ഇ​ഒ ഓ​ഫീ​സ്, ഡി​ഇ​ഒ ഒ​ഫീ​സ്, ബി​ആ​ർ​സി ഓ​ട്ടി​സം സെ​ന്‍റർ, ചേ​ർ​ത്ത​ല ശ്രീ​നാ​രാ​യ​ണ ഗ​വ​. ബോ​യ്സ് ഹ​യ​ർ​ സെ​ക്ക​ൻ​ഡ​റി സ്കൂ​ൾ തു​ട​ങ്ങി വി​ദ്യാ​ഭ്യാ​സ സ്ഥാ​പ​ന​ങ്ങ​ളാ​ണ് വെ​ള്ള​ത്തി​ൽ മു​ങ്ങി​യ​ത്. ക​ഴി​ഞ്ഞ ര​ണ്ടു​ദി​വ​സ​മാ​യി തു​ട​രു​ന്ന ശ​ക്ത​മാ​യ മ​ഴ​യെ തു​ട​ർ​ന്നാ​ണ് ഓ​ഫീ​സു​ക​ൾ പ​ല​തും വെ​ള്ള​ത്തി​ലാ​യ​ത്.

മാ​ലി​ന്യം നി​റ​ഞ്ഞ വെ​ള്ള​ത്തി​ലൂ​ടെ ന​ട​ന്നു​വേ​ണം വി​ദ്യാ​ർ​ഥി​ക​ളും ഇ​വി​ടെ പ്ര​വ​ർ​ത്തി​ക്കു​ന്ന ഓ​ഫീ​സു​ക​ളി​ലേ​ക്ക് ജീ​വ​ന​ക്കാ​ർ ഉ​ൾ​പ്പെ​ടെ എ​ത്തേ​ണ്ട​ത്. ഇ​തു​കൂ​ടാ​തെ നി​ര​വ​ധി ജ​ന​ങ്ങ​ളാ​ണ് വി​വി​ധ ആ​വ​ശ്യ​ങ്ങ​ൾ​ക്കാ​യി ഇ​വി​ടേ​ക്ക് എ​ത്തു​ന്ന​ത്. ക​ക്കൂ​സ് മാ​ലി​ന്യം ഉ​ൾ​പ്പെ​ടെ ക​ല​ർ​ന്ന വെ​ള്ള​ത്തി​ലൂ​ടെ​യാ​ണ് ജ​ന​ങ്ങ​ൾ നീ​ന്തിപ്പോ​കു​ന്ന​ത്. അ​ശാ​സ്ത്രീ​യ​മാ​യ കാ​നനി​ർ​മാ​ണ​ത്തെത്തുട​ർ​ന്നാ​ണ് പ്ര​ദേ​ശം വെ​ള്ള​ത്തി​ൽ മു​ങ്ങി​യ​തെ​ന്ന് ആ​ക്ഷേ​പം ഉ​യ​ര്‍​ന്നി​ട്ടു​ണ്ട്.

ഒ​രു മ​ഴ​യ്ക്കുത​ന്നെ ഇ​വി​ടെ ആ​കെ വെ​ള്ള​ക്കെ​ട്ട് പ​തി​വാ​ണ്. ഓ​ട്ടി​സം സെന്‍ററി​ൽ കു​ട്ടി​ക​ൾ​ക്ക് ഇ​രി​ക്കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്. അ​തു​കൊ​ണ്ട് വി​ദ്യാ​ർ​ഥി​ക​ൾ തെ​റാ​പ്പി​ക്ക് എ​ത്തു​ന്നി​ല്ല. ഇ​വി​ടെ​യു​ള്ള ര​ക്ഷ​ക​ർ​ത്താ​ക്ക​ൾ നി​ര​വ​ധി​ത​വ​ണ അ​ധി​കൃ​ത​രു​ടെ ശ്ര​ദ്ധ​യി​ൽ ഈ ​വി​ഷ​യം ഉ​ന്ന​യി​ച്ചി​രു​ന്നു. എ​ന്നി​ട്ടും ന​ട​പ​ടി ഒ​ന്നും ഉ​ണ്ടാ​യി​ട്ടി​ല്ല. ഭി​ന്ന​ശേ​ക്ഷി​ക്കാ​രാ​യ വി​ദ്യാ​ർ​ഥി​ക​ൾ​ക്ക് സെ​ന്‍ററി​ൽ വെ​ള്ളം ക​യ​റി​യ​തി​നാ​ൽ തെ​റാ​പ്പി മു​ട​ങ്ങു​ക​യാ​ണ്.

ഡിഇഒ ​ഓ​ഫീ​സു​ക​ളി​ലേ​ക്കു പോ​കു​ന്ന​വ​ർ ത​ടി​പ്പാ​ലം ഉ​പ​യോ​ഗി​ച്ചാ​ണ് ഒ​രു കെ​ട്ടി​ട​ത്തി​ൽനി​ന്ന് അ​ടു​ത്ത കെ​ട്ടി​ട​ത്തി​ലേ​ക്കു പോ​കു​ന്ന​ത്. ഇ​വി​ടെ മ​തി​ൽ​ക്കെ​ട്ടി​നു​ള്ളി​ലേ​ക്ക് മാ​ലി​ന്യം നി​ക്ഷേ​പി​ക്കു​ന്ന​ത് പ​തി​വാ​ണ്. വെ​ള്ള​വും മാ​ലി​ന്യ​വും കൂ​ടി​ക്ക​ല​ർ​ന്നാ​ണ് പ്ര​ദേ​ശ​ത്ത് ഒ​ഴു​കു​ന്ന​ത്. സ്കൂ​ൾ ഗ്രൗ​ണ്ടി​ലെ വെ​ള്ളം ഒ​ഴു​കി​പ്പോ​വാ​ൻ അ​ടി​യ​ന്ത​ര ന​ട​പ​ടി വേ​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.

Tags : Nattuvishesham Local News Educational institutions flooded