8

ശ്രീ​ക​ണ്ഠ​പു​രം: മ​ല​യോ​ര ഗ്രാ​മ​ങ്ങ​ളി​ലെ ക​ർ​ഷ​ക​ർ വാ​ന​ര​ശ​ല്യ​ത്തി​ൽ പൊ​റു​തി​മു​ട്ടു​ന്നു. കൂ​ട്ട​മാ​യി എ​ത്തു​ന്ന കു​ര​ങ്ങു​ക​ൾ കൃ​ഷി​ക​ൾ ന​ശി​പ്പി​ക്കു​ന്ന​തി​ന് പു​റ​മെ വീ​ടി​ന്‍റെ ഓ​ടു​പോ​ലും ഇ​ള​ക്കി​മാ​റ്റു​ക​യാ​ണ്. ഇ​ള​നീ​ര് പ​റി​ച്ചു​തി​ന്നു ന​ശി​പ്പി​ക്കു​ന്ന​തി​നാ​ൽ ക​റി​ക്ക് അ​ര​യ്ക്കാ​നു​ള്ള തേ​ങ്ങ പോ​ലും കി​ട്ടാ​ത്ത അ​വ​സ്ഥ​യാ​ണി​പ്പോ​ൾ. മ​ല​പ്പ​ട്ടം സെ​ൻ​ട്ര​ൽ, കാ​പ്പാ​ട്ടു​കു​ന്ന്, പ​തി​നാ​റാം​പ​റ​മ്പ്, കൊ​ള​ന്ത, കൊ​വു​ന്ത​ല, പ​ട​പ്പ​ക്ക​രി, പ​ന്നി​യോ​ട്ടു​വ​യ​ൽ, തേ​ക്കി​ൻ​കൂ​ട്ടം, മു​ന​മ്പ് പ്ര​ദേ​ശ​ങ്ങ​ളി​ലാ​ണ് ശ​ല്യം രൂ​ക്ഷ​മാ​യ​ത്.

നൂ​റോ​ളം കു​ര​ങ്ങു​ക​ൾ മാ​സ​ങ്ങ​ളാ​യി പ്ര​ദേ​ശ​ത്തു നാ​ശം വി​ത​ച്ചി​ട്ടും പ​ഞ്ചാ​യ​ത്തോ വ​നം​വ​കു​പ്പോ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.​പ്ര​ദേ​ശ​ത്തെ തെ​ങ്ങി​ൻ തോ​പ്പു​ക​ളെ​ല്ലാം കു​ര​ങ്ങു​ക​ൾ താ​വ​ള​മാ​ക്കി. മ​ച്ചി​ങ്ങ​ക​ളും ക​രി​ക്കു​ക​ളും വ്യാ​പ​ക​മാ​യി ന​ശി​പ്പി​ക്കു​ന്നു. പ​റി​ച്ചെ​റി​ഞ്ഞ ക​രി​ക്കു​ക​ൾ തോ​ട്ട​ങ്ങ​ളി​ലെ​ല്ലാം നി​റ​ഞ്ഞു കി​ട​ക്കു​ക​യാ​ണ്.

ച​ക്ക​യു​ടെ​യും മാ​ങ്ങ​യു​ടെ​യും സീ​സ​ൺ ക​ഴി​ഞ്ഞ​തോ​ടെ പ​ച്ച​ക്ക​റി​ക​ളും വാ​ഴ​ക്കു​ല​ക​ളും മൂ​പ്പെ​ത്തു​ന്ന​തി​ന് മു​ന്പ് കു​ര​ങ്ങു​ക​ൾ കൂ​ട്ട​മാ​യെ​ത്തി തി​ന്നു​ന​ശി​പ്പി​ക്കു​ക​യാ​ണ്.

കാ​ട്ടു​പ​ന്നി​ക​ളു​ടെ​യും മ​യി​ലു​ക​ളു​ടെ​യും ശ​ല്യം​കൊ​ണ്ട് ന​ട്ടം​തി​രി​യു​മ്പോ​ഴാ​ണ് കു​ര​ങ്ങു​ശ​ല്യ​വും ക​ർ​ഷ​ക​ർ​ക്ക് ക​ന​ത്ത പ്ര​ഹ​ര​മാ​കു​ന്ന​ത്. ഇ​തി​ന​കം ല​ക്ഷ​ക്ക​ണ​ക്കി​ന് രൂ​പ​യു​ടെ കാ​ർ​ഷി​ക വി​ള​ക​ളാ​ണ് കു​ര​ങ്ങു​ശ​ല്യം കാ​ര​ണം ന​ശി​ച്ച​ത്. ഇ​ന്ന​ലെ മ​ല​പ്പ​ട്ടം പ​തി​നാ​റാം പ​റ​മ്പി​ലെ ഒ​രു വീ​ട്ടി​ൽ ഉ​ണ്ടാ​ക്കി​വ​ച്ച ഭ​ക്ഷ​ണം കു​ര​ങ്ങ​ന്മാ​ർ ക​ല​മ​ട​ക്കം കൊ​ണ്ടു​പോ​യി. മ​ല​പ്പ​ട്ടം, മ​യ്യി​ൽ, കു​റ്റ്യാ​ട്ടൂ​ർ മേ​ഖ​ല​ക​ളി​ലാ​യി ഇ​രു​പ​തോ​ളം കു​ര​ങ്ങ​ൻ​മാ​ർ കൂ​ട്ട​മാ​യാ​ണ് സ​ഞ്ചാ​രം.

Tags : NattuVishasham DistrictNews