18

നാ​ദാ​പു​രം: സ​മ​യ​ക്ര​മ​ത്തെ ചൊ​ല്ലി സ്വ​കാ​ര്യ ബ​സ് തൊ​ഴി​ലാ​ളി​ക​ൾ ത​മ്മി​ൽ ബ​സ് സ്റ്റാ​ന്‍​ഡി​ല്‍ വാ​ക്ക് ത​ർ​ക്ക​വും പോ​ർ​വി​ളി​യും. ര​ണ്ട് സ്വ​കാ​ര്യ ബ​സു​ക​ൾ പോ​ലീ​സ് ക​സ്റ്റ​ഡി​യി​ലെ​ടു​ത്തു.

ത​ല​ശേ​രി റൂ​ട്ടി​ൽ ഓ​ടു​ന്ന ജ​ഗ​ന്നാ​ഥ, റീ​ഗ​ൽ ബ​സു​ക​ളി​ലെ തൊ​ഴി​ലാ​ളി​ക​ളാ​ണ് നാ​ദാ​പു​രം ബ​സ് സ്റ്റാ​ൻ​ഡി​ൽ യാ​ത്ര​ക്കാ​രെ ഭീ​തി​യി​ലാ​ഴ്ത്തി പോ​ർ​വി​ളി​യി​ലേ​ർ​പ്പെ​ട്ട​ത്. ചൊ​വ്വാ​ഴ്ച വൈ​കു​ന്നേ​രം നാ​ലോ​ടെ​യാ​ണ് സം​ഭ​വം. ത​ല​ശേ​രി​യി​ല്‍ നി​ന്നും തൊ​ട്ടി​ൽ​പാ​ലം ഭാ​ഗ​ത്തേ​ക്ക് പോ​കു​ന്ന​തി​നി​ടെ​യാ​ണ് തൊ​ഴി​ലാ​ളി​ക​ളു​ടെ പോ​ര് തു​ട​ങ്ങി​യ​ത്.

ഇ​രു ബ​സി​ലും യാ​ത്ര​ക്കാ​രും ഉ​ണ്ടാ​യി​രു​ന്നു. സ​മ​യ​ക്ര​മം പാ​ലി​ക്കു​ന്നി​ല്ലെ​ന്ന പ​രാ​തി​യി​ൽ ട്രാ​ഫി​ക് പോ​ലീ​സ് ഇ​ട​പെ​ട്ട് ഇ​രു ബ​സു​ക​ളി​ലെ​യും മാ​നേ​ജ​ർ​മാ​രെ​യും അ​സോ​സി​യേ​ഷ​ൻ പ്ര​തി​നി​ധി​ക​ളെ​യും സ്‌​റ്റേ​ഷ​നി​ൽ വി​ളി​പ്പി​ച്ച് ച​ർ​ച്ച ചെ​യ്ത് പ്ര​ശ്‌​നം പ​രി​ഹ​രി​ച്ചി​രു​ന്നു.

ഇ​തി​ന് പി​ന്നാ​ലെ​യാ​ണ് വീ​ണ്ടും തൊ​ഴി​ലാ​ളി​ക​ൾ ത​മ്മി​ൽ കൊ​മ്പ് കോ​ർ​ത്ത​ത്. സം​ഭ​വ​ത്തി​ൽ കേ​സ് ര​ജി​സ്റ്റ​ർ ചെ​യ്ത് തു​ട​ർ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് പോ​ലീ​സ് അ​റി​യി​ച്ചു.

Tags : Local News Nattuvishesham Kozhikode