മോട്ടോർ വാഹന വകുപ്പ് ഉദ്യോഗസ്ഥർ ബസിൽ പരിശോധന നടത്തുന്നു.
തൃപ്പൂണിത്തുറ: സ്വകാര്യ ബസുകളിൽ മോട്ടോർ വാഹന വകുപ്പ് നടത്തിയ പരിശോധനയിൽ 46 ബസുകൾക്കെതിരെ നടപടിയെടുത്തു, 80,000 രൂപ പിഴയീടാക്കി. പരിശോധനയിൽ ഡ്രൈവിംഗ് ലൈസൻസില്ലാതെ വാഹനം ഓടിക്കൽ, നികുതിയടയ്ക്കാതെയും സാധുവായ പെർമിറ്റില്ലാതെയും സർവീസ് നടത്തൽ തുടങ്ങിയ നിയമ ലംഘനങ്ങളും ബസിന്റെ വാതിൽ തുറന്ന നിലയിൽ സർവീസ് നടത്തുക, മ്യൂസിക് സിസ്റ്റം ഉപയോഗിക്കുക, കണ്ടക്ടർ ലൈസൻസില്ലാതെയും പൊലിസ് ക്ലിയറൻസില്ലാതെയും ജീവനക്കാരെ നിയോഗിക്കുക തുടങ്ങിയ ക്രമക്കേടുകളും കണ്ടെത്തി.
\അമിതവേഗം, മത്സരയോട്ടം തുടങ്ങിയ പരാതികൾ വർധിച്ചതിനെ തുടർന്ന് എറണാകുളം ആർടിഒ എൻഫോഴ്സ്മെന്റിന്റെ നേതൃത്വത്തിൽ തൃപ്പൂണിത്തുറ, പൂത്തോട്ട മേഖലകൾ കേന്ദ്രീകരിച്ച് നാല് സ്ക്വാഡുകളായിട്ടാണ് പരിശോധന നടത്തിയത്. സ്വകാര്യ ബസുകളുടെ സർവീസ് സംബന്ധിച്ചുള്ള പരാതികൾ ഗൗരവമായി പരിശോധിക്കുമെന്നും തുടർച്ചയായ പരിശോധനകളും നടപടികളുമുണ്ടാകുമെന്നും എൻഫോഴ്സ്മെന്റ് ആർടിഒ ബിജു ഐസക് അറിയിച്ചു.
Tags : NattuVishesham DistrictNews