വഴിത്തല ശാന്തിഗിരി കോളജിനെ ലഹരി വിമുക്ത ക്യാമ്പസായി ചീഫ് വിപ്പ് അപു ജോൺ ജോസഫ് എംഎൽഎ പ്രഖ്യാപനം നടത്തിയപ്പോൾ.
വഴിത്തല: ശാന്തിഗിരി കോളജ് ലഹരി വിമുക്ത കാമ്പസായി പ്രഖ്യാപിച്ചു. എക്സൈസ് വകുപ്പ്, സാമൂഹ്യ സന്നദ്ധസേന എന്നിവയുടെ സംയുക്താഭിമുഖ്യത്തിൽ നടത്തിയ ചടങ്ങിൽ സർക്കാർ ചീഫ് വിപ്പ് അപു ജോൺ ജോസഫ് പ്രഖ്യാപനം നടത്തി. പുറപ്പുഴ പഞ്ചായത്ത് പ്രസിഡന്റ് ബിപിത രവി യോഗത്തിൽ അധ്യക്ഷത വഹിച്ചു.
ഇടുക്കിയുടെ ബ്രാൻഡ് അംബാസഡറായി സച്ചിൻ ബേബിയെ വിദ്യാഭ്യാസ കൗൺസിലർ ഫാ.രാജേഷ് തോലാനിക്കൽ യോഗത്തിൽ പ്രഖ്യാപിച്ചു. ഡെപ്യൂട്ടി എക്സൈസ് കമ്മിഷണർ പ്രിൻസ് ബാബു വിദ്യാർഥികൾക്ക് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.
വിമുക്തി ജില്ലാ മാനേജർ പി.എസ്. ഹരികുമാർ, ശാന്തിഗിരി ഇന്സ്റ്റിറ്റ്യൂഷന്സ് മാനേജർ ഫാ.ജോസ് കുര്യൻ, ശാന്തിഗിരി ബിസിനസ് -സ്കൂൾ ഡയറക്ടർ ഫാ. ഷിന്റോ കന്നുകെട്ടിയിൽ, ഐക്യുഎസി കോ-ഓർഡിനേറ്റർ ഡോ.സിഗ്മ സത്യൻ, പുറപ്പുഴ പഞ്ചായത്തംഗം ബിന്ദു ബെന്നി, വിമുക്തി കോ - ഓർഡിനേറ്റർ ഡിജോ ദാസ്, പ്രിൻസിപ്പൽ ഫാ.ജിൻസ് ജോർജ് എന്നിവർ പ്രസംഗിച്ചു.
Tags : NattuVishesham DistrictNews