18

പു​ല്‍​പ്പ​ള്ളി: കോ​ടി​ക്ക​ണ​ക്കി​നു രൂ​പ​യു​ടെ മൂ​ല്യ​വ​ര്‍​ധി​ത ഉ​ത്പ​ന്ന​ങ്ങ​ള്‍ ഉ​ണ്ടാ​ക്കാ​ന്‍ ക​ഴി​യു​ന്ന ച​ക്ക മാ​ങ്ങ, അ​വൊ​ക്കാ​ഡോ അ​ട​ക്ക​മു​ള്ള പ​ഴ​വ​ര്‍​ഗ​ങ്ങ​ളാ​ണ് ഓ​രോ വ​ര്‍​ഷ​വും സം​സ്‌​ക​ര​ണ സം​വി​ധാ​നം ഇ​ല്ലാ​ത്ത​തി​നാ​ല്‍ കു​ടി​യേ​റ്റ മേ​ഖ​ല​യാ​യ പു​ല്‍​പ്പ​ള്ളി, മു​ള്ള​ന്‍​കൊ​ല്ലി പ​ഞ്ചാ​യ​ത്തു​ക​ളി​ല്‍ ന​ശി​ച്ചു പോ​കു​ന്ന​ത്. ച​ക്ക​യു​ടെ പു​റം​തോ​ട് മു​ത​ല്‍ ഓ​രോ ഭാ​ഗ​വും ഗു​ണ​മേ​ന്മ​യു​ള്ള​തും മൂ​ല്യ​വ​ര്‍​ധി​ത വ​സ്തു​ക്ക​ളാ​ക്കി മാ​റ്റാ​ന്‍ ക​ഴി​യു​ന്ന​തു​മാ​ണ്.

ച​ക്ക​യോ മാ​ങ്ങ​യോ അ​ട​ക്കം ഏ​തെ​ങ്കി​ലും പ​ഴ​വ​ര്‍​ഗ​ങ്ങ​ള്‍ ഇ​ല്ലാ​ത്ത പു​ര​യി​ട​ങ്ങ​ള്‍ വി​ര​ള​മാ​ണ്. വീ​ട്ടാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന​തി​നു​ശേ​ഷ​മു​ള്ള​ത് ന​ശി​ച്ചു​പോ​കു​ന്ന അ​വ​സ്ഥ​യാ​ണ്.

വെ​ജിറ്റ​ബി​ള്‍ ആ​ന്‍​ഡ് ഫ്രൂ​ട്ട്‌​സ് പ്രൊ​മോ​ഷ​ന്‍ കൗ​ണ്‍​സി​ല്‍ വി​ദേ​ശ​പ​ഴ​വ​ര്‍​ഗ​ങ്ങ​ള്‍ അ​ട​ക്കം കൃ​ഷി ചെ​യ്യാ​ന്‍ പ്രോ​ത്സാ​ഹി​പ്പി​ക്കു​ന്നു​ണ്ടെ​ങ്കി​ലും ക​ര്‍​ഷ​ക​രി​ല്‍ നി​ന്നും പ​ഴ​ങ്ങ​ള്‍ സം​ഭ​രി​ക്കാ​ന്‍ യാ​തൊ​രു ന​ട​പ​ടി​യു​മി​ല്ല. റം​ബൂ​ട്ടാ​ന്‍, അ​വൊ​ക്കാ​ഡോ, മാ​ങ്കോ​സ്റ്റീ​ന്‍, ഡ്രാ​ഗ​ന്‍ ഫ്രൂ​ട്ട് അ​ട​ക്ക​മു​ള്ള പ​ഴ​വ​ര്‍​ഗ ചെ​ടി​ക​ള്‍ വ്യാ​പ​ക​മാ​യി കൃ​ഷി ചെ​യ്ത ക​ര്‍​ഷ​ക​ര്‍ വി​പ​ണി ല​ഭ്യ​ത ഇ​ല്ലാ​തെ വി​ഷ​മി​ക്കു​ക​യാ​ണ്.

മു​ള്ള​ന്‍​കൊ​ല്ലി പ​ഞ്ചാ​യ​ത്തി​ല്‍ ആ​ധു​നി​ക രീ​തി​യി​ലു​ള്ള പ​ഴം പ​ച്ച​ക്ക​റി സം​സ്‌​ക​ര​ണ ഫാ​ക്ട​റി ആ​രം​ഭി​ക്കു​ക​യാ​ണെ​ങ്കി​ല്‍ നി​ര​വ​ധി പേ​ര്‍​ക്ക് തൊ​ഴി​ലും ക​ര്‍​ഷ​ക​ര്‍​ക്ക് പ്ര​യോ​ജ​ന​വു​മാ​കും. അ​തോ​ടൊ​പ്പം ച​ക്ക അ​ട​ക്ക​മു​ള്ള പ​ഴ​വ​ര്‍​ഗ​ങ്ങ​ള്‍ തേ​ടി വ​രു​ന്ന വ​ന്യ​മൃ​ഗ​ശ​ല്യം ഒ​ഴി​വാ​ക്കാ​നും ക​ഴി​യു​മെ​ന്ന് ക​ര്‍​ഷ​ക​നാ​യ രാ​ജ​ന്‍ പാ​റ​യ്ക്ക​ല്‍ പ​റ​ഞ്ഞു.

Tags : Local News Nattuvishesham Wayanad